CHAPITRE XXX VI

Comme messire Bertrand vint devant Valoingnes.

Tant chevaucha Bertrand qu’il vint devant Valoingnes, où fort chastel avoit et bien séant. Dedens la ville se logerent Françoys etle chastel assiegerent. Par plusieurs foys fit Bertrand le chastel assaillir ; et grandement se deffendirent Anglois etNavarroys. Adonc fit Bertrand dresser engins qui grosses pierres geltoyent contre la muraille. Et au dedens du chastel, sur les tours et logemens, avoyent Anglois et Navarroys fait mectre fiens * qui les coups des pierres des engins recevoyt. Et au chastlel avoit une grosse tour qui moult fut haulle et forte. Sur la tour mistrent Anglois une cloche, et une gaite qui tous les traits des engins des Françoys véoit. Et quand la gaite véoit meltro les engins en arroy pour pierres getter, il sonnoit la cloche; el lors ils se mettoient tous à sauvcté jusques à ce que la pierre fust cheue. Et quand la pierre frappoit contre la muraille, adoncques sailloient Anglois qui le mur au droit du cop essuyoient d'une touailles.

Adoncques ordonna Bertrand que le chastel fust miné; mais pour ce que sur roche estoit, ne le peurent Françoys miner. Et, pour ce, jura Bertrand le siege devant Valoingnes, et le chastel fil fort assaillir. Quand Anglois et Navarroys sceurent que Bertrand avoit le siege juré, ils prindrent jour de traittier. Là promistrent le chastel livrer et de ce prindrent journée. Au jour que accordé avoient le chaslel rendre, vindrent Françoys en arroy pour dedens le chastel entrer; et du chastel yssirent Anglois el Navarroys. Lors commencerent Françoys la huce sur les Arglois ct Navarroys, en les moc-

1 Cent quarante.

3 Foins.

3 Linge, d’où est venu le mot anglais fowel, servielte.

quant ; et quand les Anglois apperceurent la huée et moquerie que faisoient Françoys, ils se repentirent d’avoir fait traittié. El se retrahyrent les aucuns dedens le chastel et Je pont leverent. De ce fut Bertrand moult dolent, et l’assault fit commencer. Grandement se deffendirent ceulx qui au chastel se furent retrais ; mais en la fin ne peurent l’estour;' endurer, car ils n'estoient nombrés que huit hommes d'armes. Et à celluy assault fut le chastel prins et ceulx qui dedens estoient. Là sejourna Bertrand huit jours, et ce pendant envoya devant Carenlan messire Olivier de Mauny qui chevalier fut de grand renom, auquel la ville fut rendue. |