CHAPITRE XLVIII

Du traiclié premier de la duchié de Bretaigne.

Au congié du roy, partirent de Paris l’arcevesque et Bouciquault. Et tant allerent par leurs journées qu'ils arriverent en Brelaigne. Et premier se retrahirent par devers la duchesse de Bretaigne, femme de feu le duc Charles. Et à elle et à son conseil exposerent les afaires que le roy avoit à supporter, par les Anglois qui en France grant guerre faisoient et appareil d'en plus faire, en lui monstrant que du roy poyoit avoir peu de confort contre le conte et que assez avoit à faire en son fait et en son pays garder. Et finablement tant parlerent que sur les debals de la duchié cheurent leurs paroles. Et lors la duchesse leur donna pleine puissance de traictier avec le conte de Montfort, son oncle. Et en ce faisant, jurerent l’arcevesque de Rains et le mareschal, par devant la duchessé, sur les saincles Evangiles, que, en nul accord qu'ils fissent ne se deslaisseroicnt pour elle de la duchié de Bretaigne, ainçois demoureroit perpetuellement à elle et à secs cnfans. Sur la conscience de la loiauté de l’arcevesque et du mareschal , la duchesse bailla lettres du povoir qu’elle leur donnoit. Et bricfvement s'en alerent par devers le conte de Montfort, qui en Bretaigne estoit, en compaignie de grant nombre d'Anglois,