CHAPITRE XLIX

Comment le conte de Montfort fut receu en l’obéissance.

Au conte de Montfort, en la presence de son conseï, monstrerent les ambassadeurs les affaires du roi et après les faits de la duchesse. Et, d'aultre part, contre les droits de la duchesse, mosnstra le conte de Montfort ses raisons. Et sur ces debats assemblerent plusieurs journées les ambassadeurs et le conte, qui moult les honnora et leur fit de très grans dons. Tant fut la question demenée que finablement les ambassadeurs receurent le conte en l’obéissance du roy; et accorderent sur les debas de la duchié en ceste manière : c'est assavoir que, au nom de la duchesse et par vertu du pouvoir par elle donné aux ambassadeurs, delaisserent au conte de Montfort la duchié de Bretaigne et du tout y renoncerent , non obstant le serment que fait avoyent, sauf toutes-voyes que, se le conte en ses jours n’avoit hoir masle de son corps procreé en loyal mariage, la duchié retourneroit à l’ains-n6 fils de la duchesse Jehanne ou au prochain hoir masle d'elle, sans ce que jamais ladite duchié descendit en branche feminine ; et porteroil le nom de duchesse toute sa vie ; et seroient et demoureroient parmi ce à la duchesse Jehanne les contés et les terres de Pointièvre et de Grelles avec la viconté de Limoges ; et, en oultre icelles terres, seroit tenu le conte de Montfort bailler et delivrer à la duchesse douze mille livres de rente en à duchié de Bretaigne par assiette de chevaliers preudommes et loyaulx, dedens troys moys après que la duchié luy seroit rendue; et à ses frais, cousts et missions feroit le conte delivrer des mains des Anglois Jehan et Guy de Bretaigne, enfans du feu duc Charles de Bloys et de ladite duchesse sa femme, lesquels, pour k rançon que devoit le feu duc Charles leur pere de la prinse de La Roche-Darien, estoyent en hostaige en Angleterre. Et d’iceulx accords baillerent l'arcevesque et le mareschal bonnex kttres, tant pour le roy comme pour la duchesse, au conte qui les accords promit tenir et aussi #s leltres en bailla.