CHAPITRE LI

Comment le duc d’Anjou voult Bretaigne guerroier.

Quand le duc d’Anjou, ains-né frere du roy de France, sceut le traictié, en luy n’cut que courroucier : car la fille du duc Charles et de la duchesse avoit espousée. En Bretaigne youloit mener guerre le duc d'Anjou, pour les drois de la pucelle et de la duchesse chalengier:; mais ce lui deffendit le roy son frère, qui sa loyaulté vouloit tenir. Ainsi demoura la chose à celle foys. Et moult doubta le duc de Bretaigne le duc d'Anjou, pour ce qu'il savoit bien et cognoissoit que ès princes de France n’avoit nul qui tant grever le peust, ne qui fust de telle chevalerie plein ne de tel hardement; et mesmement que à lüy estoit la chevalerie de France plus obéissante que à nul aultre, et plus estoit redoubté en Franceeten toutes autres terres que n'estoit le roy son frère. Mais despuis ce en avant ne se ousèrent trouver en sa pre-

sence l’arcevesque nelemareschal Bouciquault.