CHAPITRE L

Comme les accords furent envyoiés à la duchesse.

Les accords furent envoyés à la duchesse, qui grant dueil en demena. Et en brief lemps

vindrent en France l’arcevesque et le marcschal, qui au roi raconterent les traictiés que fait avoyent, dont fort luy desplut. Et d’illec en avant eut en eulx moins de fiance. Toutesvoyes, pour ce que par ses lettres avoit promis tenir le roy ce qu’ils accordoient, il voult les accors tenir. Et de Bretaigne partit le conte qui en grant arroy vint à Paris par devers le roy, et de la duchié luy prescnta l’ommage et du conté de Montfort, à quoi le roy si le receut; et, à la priere deses amis, luy pardonna loutes offenses. Et d’illec en avant fut nommé duc de Bretaigne, et jura et promist estre bon et loyal François; mais guieres ne demoura qu'il se parjura ; et pou lint la duchié à celle fois ; car pour ses mesfaits en fut mis hors el chassé par ses barons, si comme l’ystoire raconte ça en avant.