CHAPITRE LXXIIT

Comment le roy Ilenry fut coronné roy d'Espaigne.

En ce temps estoit la femme Henry en ung chastel sur l'issue d'Arragon, au Chastel- Blanc, près de l'entrée d'Espaigne, pour tousjours ouyr nouvelles de son seigneur. À ung soir dit Bertrand à Henry, en la presence du conte de La Marche, du sire de Beaujeu, du mareschal d'Audenehan et de toule la chevalerie : « Sire, dedens Burgues esles, la mercy » nostre seigneur et la chevalerie qui cy est! » Tousjours vous avoye promis que roy d’'Es- » paigne coronner vous feroye. Et bien avez » le lieu à present, s’il vous plaist ; car dedens » Burgues où estes, ont esté et sont tousjours » les roys d'Espaigne couronnés; et, d’aultre » part, de jour en jour se rendent à vous villes » et chasteaux, tellement que, Dieu mercy ! la » plus grant parlie cst aujourd’ui à vostre com- » mandement et obéissance. Et au plaisir Nos- » tre-Seigneur, aurez briefvement le surplus à » vostre commandement. Pour ce, el pour ma » promesse acquilter, vous veuil requerir que » coronner vous fassiez, vous et madame vostre » femme qui bien y doit ayoir partie. »

Devant tous parla le conte de La Marche, qui le plus noble homme fut, et de soy estoit chevalier appert et plain de grant hardement ; et dit à Henry : « Sire, loyaulment vous con- » seïlle Bertrand ; si loueroye’ que la dame » mandissiez. »

À ce s’accorda Henry, qui sa femme manda ; et vint à grant arroy. El de Burgues yssirent pour aler à l'encontre d'elle le eonte de La Marche , messire Bertrand, le sire de Beaujeu, le mareschal d’Audenehan , Le Begue de Vflaines, Huet de Cavrelay, Eustace de La Houssoye, Silvestre Budes, Thibault du Pont, Aufroy de Cambrian, el plusieurs autres, qui bien estoyent nombrés à mille chevaliers de renom. Et à deuxlieuesrencontrerent la royne, qui, lan-

t Conseillerais,

lost comme elle les vit, fut moult esjouie. Et à l’approchier s’inclina moult vers eulx, et moult les honnoura et mercya humblement. Et devant tous dit à Bertrand : « Amis ct sires, bien » puis dire que de vous est la coronne d’Es- » paigne tenue. »

A l'entrée de Burgues, descendit la royne pour aler à pié, jusques en l’eglise Nostre- Dame qui est la maistresse eglise. Là descendirent le conte de La Marche et le mareschal d’Audenehan, qui par les mains menerent la royne à l’eglise, et d'illec en son palais, où grant feste fut tenue. Lendemain fut toute la ville tendue ; et le dimenche ensuivant, en l'an mil cccixv', furent sacrés et coronés Henry roy d’'Espaigne et sa femme, qui dame estoit de grant vaillance. Là eut feste grande et merveilleuse, et nobles joustes y furent faictes.

Après le sacre, donna Henry à Bertrand la duchié de Molines * et son royaulme luy abandonna, ct au Begue de Villaines donna la comté de Ribedions.

Le roy despuis son coronnement ala devant Toulette ; et ayant son partement lint ung estroit conseil où furent le conte de La Marche, Bertrand, Le Begue de Villaines , messire Olivier de Mauny, le mareschal d’Audenehan, le sire de Beaujeu et aulcuns aultres de France, sans ce qu'oncques Anglois y fussent appelés : car on ne se fioit point trop en eulx, pour la desloyaulté qui tousjours est en Anglois trouvée. Là requit le roy Henry conseil de ses guerres achever et affiner et le demourant du royaulme conquerre.

Par la voulenté du roy Henry, parla premier Bertrand et dit : « Seigneurs, vray est que à » Toulete est Pietre, où cilé a moult grant, » forte, puissante et riche, et moult y a de » saiges hommes qui de Pietre vouldroient » bien estre delivrés ; et secours n’a Pictre » de nulle part. Si loueroye que tost et brief- » vement fust la cité assiegiée, en l’esperance » que au roy Henry soit rendue, et, se d'illec » ne se part, prins soit : car bien verront » briefvement les bourgois que le siege ne « pourroient longuement endurer, ne encon- » tre vostre chevalerie contr'ester 4 ». À ce s’ac-

£ Molina.

5 KRibadea,

* Lutter contre, résister.

corderent tous. Et le lendemain partit le roy et toute la chevalerie pour aler devant Toulete.

De ce sceut tantost nouvelles Pietre par ses espics. Adonc, en regrelant la royne sa femme, dit : « Mauvaisement me conseilla le juif tant » desloyal, par quoy la bonne royne de saincte » vie fis si villainement murtrir : car par mon » mesfait suis bien en voye par son grant li- » gnaige estre destruil. Et certes, nul n'est qui » plaindre m'en doye. »

En la presence du roy Pietre avoit à celle heure plusieurs juifs. Et Pietre, qui de grant douleur fut adonques espris, osla à ung sien sergent d'armes sa masse, et en frappa ung juif tellement , qu'il l’escervella et l’occist. Et hastivement s’en fouyrent les autres juifs. El despuis celle heure ne voult Pietre nuls juifs tenir environ luy ; ainçois en fit plusieurs mourir. -

Pour avoir conseil sur la venue de Henry et de Bertrand, manda Pietre ses princes et barons à Touletle. Là fut ung clerc qui des choses advenir sçavoit parler si ententivement que nul plus, ct dit à Pictre : «Sire, vray est que par » l'aigle aux deux testes qui de France vole en » Espaigne devez estre du tout desherilé. J'ay » ouy raconter què Bertrand, qui Henry con- » duit, porte telles armes : pour quoi je tiens » que ce soit celluy aigle aux deux testes. Mais » vray est, sire, que par le premier faon des » trois liepards ! sera vostre terre recouvyrée et » l'aigle emprisonnée ; et Henry vostre frere » qui sans terre sera, s’en yra fuiant par devers » le grant lyon de France, fils second du cham- » pion au chief d'or? qui au temps de sa vie fut » prisonnier du dit faon; et lors sera Henry » fuylif sans terre. Mais quand de vous scra » le premier faon party, si envers Dieu vostre » vien’amandez, l'aigle qui de prison sera gelté » hors, relournera et volera en vostre terre, » accompaignié de plusieurs oyseaux de sa par- » lie, par quoy terre el vie perdrez. »

Quand Pietre entendit que encores devoit sa terre recouvrer, 1l se reconforla, et dit que, se une fois recouvroit sa terre, jamais ne la perdroit. Là print conclusion Pietre que assiegier ne se laisseroit point, et lendemain parut de Toulele et à Cardonne * se retrahit.

De la venue de Henry ct de Bertrand au plat païs la nouvelle en fut tantost sceue, et par

* Le prince de Galles, fils d'Édouard III.

$ Le duc d’Anjou, 5 Cardona.

especial environ Tolete. El de six lieucs entour se retrabyrent lous à Tolete : dont l’ost des Françoys eut grant souffrelé de vivres.

Quand Berlrandsceutqueles vivres abaïssoient, il St les osts haster, pour la ville assicger. Adonc s'assemblerent les bourgois avec leur evesque, pour eulx conseiller. Et fut leur conclusion et conseil, que à Henry et Bertrand se rendroient. Et, par l'ordonnance de l’evesque et bourgois, se partit de Tolete ung bourgois, qui devant le rey vint, et humblement le salua, de par l’evesque et les bourgois de Tolete, et dit, de par eulx: « Sire, à vous se rent la cité de Tolete et le » païs d'entour, qui humblement vous requie- » rent que demain y vueillez entrer, ct de vos- »ire grace leur jurer leurs libertés maintenir » et garder. »

Ce leur octroya Henry. Par le conseil de Bertrand, entra Henry le lendemain à Tolete, luy el loute sa cheyalerie. Là fut receu noblement, et des nobles et bourgois receut les féaullés.