CHAPITRE LXXIV
Comment Cardonnce fut rendue au roy Henry et à Bertrand,
De la prinse de Tolete sceut Pietre briefvement nouvelles : dont en luy n’avoit que courroucier. Adonc partit de Cardonne et s’en ala à Sevile-la-Grant qui la meilleure ville est d’Espaigne ; et illec fut bien receu des bourgois.
Et bien sçayoit le roy Henry que à Cardonne esloit Pietre retrait; mais rapporté luy fut dedens Tolete que à Sévile s’en aloit ; et tantost vi à Bertrand conter ces nouvelles. Pour ce, conseiila Bertrand à Henry, que tantosl ses osts fussent menés de Tolete à Cardonne. Et pour ce, le roy Henry, Bertrand, le conte de La Marche, Le Begue de Villennes, Olivier de Mauny, Huet de Cavrelay, etla chevalerie qui là esloient Undrent leur chemin droit à Cardonne.
Entre Cardonne et Tolete si est une forest qui quinze lieues a de large et bien cent de long, ne en tout le chemin n'a ville ne herbergage, mais est habitée d'ours, liepars, lions, et de très mauvaises serpens moult diverses ; ct moull d’aultres besles sauvaiges y a. De ce s’esmerveillerent moult les gens de l’ost, et, le plus
qu'ils pouvoient, ensemble se tindrent. Et pour wpt jours y furent vivres portés. Dedens la fotal entrerent François et Anglois, et, le plus lt qu'ils pouvyoient se gaitoient des bestes
sauvaiges ; mais oncques lant ne se seurent gaiter que là ne perdissent plus de trois cens hommes, dont les ungs furent devorés, el les aultres morurent pour le venin des serpens.
Tant chevaucherent que de la forest yssirent et Cardonne approcherent. Au devant du roy Henry vindrent à l'issue de la forest : l'evesque de Cardonne, le clergié et les bourgois en procession, et la ville rendirent au roy Henry, en laquelle il entra, et en leurs libertés les promit tenir; et moult y fut honnouré lui et la chevalerie. A Cardonne vindrent devers le roy Henry plusieurs chevaliers et bourgois des cités et villes d'Espaigne, qui eux et leurs cités, villes et chasteaux mirent en son obéissance, dont il receut en la présence de Bertrand et plusieurs autres les hommaiges et féaultés.
