CHAPITRE II
Comment le roy Charles VIII fit paix avec le roy des Romains et l’archiduc, leur renvoyant madame Marguerite de Flandres, devant que faire son voyage de Naples,
Pendant cedélay, que je dis, se traicta paix à Senlis entre le roy et l'archiduc d'Austriche, héritier de cette maison de Bourgongne. Et combien que jà y eut tresves, si survint-il cas de malveillance ; car le roy laissa la fille du roy des Romains, sœur dudit archiduc (laquelle estoit bien jeune) et prit pour femme la fille du duc François de Bretagne, pour avoir la duché de Bretagne paisible ; laquelle il possédoit presque toute, à l'heure dudit traicté, fors la ville de Rennes, et la fille qui estoit dedans ; laquelle estoit conduite soubs la main du prince d'Orenge, Son oncle, qui en avoit fait le mariage avec Île roy des Romains, et espousé par procureur en l’église publiquement; et fut le tout environ l’an mil quatre cens quatre vingt ct douze. Pour ledit archiduc, et en sa faveur, grand ambassade vint de par l’empereur Federic, voulant se faire médiateur dudit accord. Aussi y envoya le roy des Romains. Semblablement y envoya le comte Palatin , et les Suisses, pour moyenner et pacificr ; car il sembloil à tous que grande question en devoit sourdre, et que le roy des Romains estoit fort injurié , ct qu'on luy osloit celle qu'il tenoit pour sa femme , et luy rendoit-on sa fille, qui plusieurs
‘ Peron de Basche estait maistre d'hôtel du row, et André de la Vigne, dans son Verger d'honneur, fait mention d’un Perot la Vacca, qui pourrait estre celui-cy, selon la Mer des histoires, qui s'accorde avec lui pour tout ce voyage.
$ Innocent VIII, mort en 1492.
MEMOIRES DE P. DE COMMINES
années avoient esté royne de France. Fin de compte, la chose termina en paix; car chacun estoit las de guerre, et par espécial les subjets de l'archidue Philippe, qui avoient tant souffert (tant par la guerre du roy, que pour leurs divisions particulières) qu’ils n’en pouvoient plus; et se fit une paix de quatre ans seulement, pour avoir repos, et leur fille, qu'on faisoit difficulté de leur rendre, au moins aucun, qui estoient à l’entour du roy et de ladite fille. Et à ladite paix me trouvay présent, avec les députés qui y estoient; à sçavoir monseigneur le duc Picrre de Bourbon, le prince d'Orenge, monseigneur des Cerdes, et plusieurs autres grand personnages, Et fut promis rendre audit duc Philippe, ce que le roy tenoit dela comté d'Artois, comme il avoit esté promisen traictant ledit mariage (qui fut l'an mil quatre cens quatre vingt et deux) que s’il ne s’accomplissoit, que les terres que l’on donnoit à ladite fille en mariage, retourperoient quant et elle, ou au duc Philippe. Mais jà d'emblée avoient pris ceux dudit archiduc, Arras el Sainct-Omer ; ainsi ne restoit à rendre que Iledin, Aire et Bétune, dont dès lors leur fut baillé le revenu et seigneurie ; et y mirent officiers ; el le roy tenoit les chasteaux ; el y pouvoit mettre garnison, jusques au bout de quatre ans, qui finirent à Sainct-Jean, l'an mil quatre cens quatre vingt et dix-huit; et lors les devoit rendre le roy à mondit seigneur l’archiduc; et ainsi fut promis el juré.
Si lesdits mariages furent ainsi changés selon l'ordonnance de Péglise ou non, je m'en rapporte à ce qui en est ; mais plusieurs docteurs en théologie m'ont dit que non, et plusieurs m'outdit que ouy ; mais quelque chose qu'il en soit, toutes ces dames ont eu quelque malheur en leurs cenfans. La nostre a eu trois fils de rang, ct en quatre années. L'un à vescu près de trois ans, et puis mourut ; et les deux autres aussi sont morts. Madame Margucrite d’Austriche a esté mariée au prince de Castille, fils seul des roy et royne de Castille, et de plusieurs autres royauines. Lequ'1 prince mourut au premier an qu'il fut marié ; qui fut l'an 1497. Ladite dame demoura grosse, laqurile accoucha d’un fils mort, tout incontinent après la mort de son mary, qui a mis en grande douleur les roy ct royne de Castille, et tout leur
royaume. Le roy des Romains s’est marié , incontinent après ces mutations dont j’ay parlé, avec la fille du duc Galéas de Milan , sœur du dac Jean Galéas, dont a esté parlé: et s’est fait ce mariage par la main du seigneur Ludovic. Le mariage a fort desplu aux princes de l'empire, et à plusieurs amys du roy des
Roniains, pour n'esitre de maison si noble
comme il leur sembloit qu’il leur appartenoit ; car du costé des Viscomtes 1 dont s’appellent ceux qui règnent à Milan, y a peu de noblesse, et moins du costé des Sforzes, dont estoit fiis le due Francisque de Milan; car il estoit fils
d’un cordonnier d’une petite ville, appelée Co-
lignolle ; mais il fut homme très-somptueux ; et encore plus le fils ; lequel se fit duc de Milan, moyennant la faveur de sa femme, bastarde du duc Philippe Marie. Et la conquesia, et possèéda, non point comme tyran, mais comme yray et bon prince; et estoit bien à estimer sa vertu et bonté aux plus nobles princes qui ayent regné de son temps. Je dis toutes ces choses, pour monstrer ce qui s’en est ensuivy de la mutation de ces mariages: et ne sçay qu'il en pourra encore advenir.
