CHAPITRE IV

Comment le roy envoya devers les Vénitiens pour les praliquer, devant qu’entreprendre son voyage de Naples : et des préparatifs qui se firent pour iceluy.

Pour revenir à nostre matière principale, vous avez entendu comme le comte de Cajazze, ct autres ambassadeurs, sont partis d'avec le roy de Paris, et comment plusieurs pratiques se menoient par Italie, et comment nostre rOY, tout jeune qu’il estoit, l’avoit fort à cœur, mais à nul ne s’en descouvroit encore, fors à ces deux. Aux Vénitiens fut requis de par le roy qu’ils luy voulussent donner ayde et conseil en ladite entreprise ; lesquels firent response qu'il fust le très-bien venu, mais que ayde ils ne luy pourroient faire pour la suspicion du Turc (combien qu’ils fussent en paix avec luy); et que de conseiller à un si sage roy, et qui avoit si bon conseil, ce seroit trop grande présomption à eux , mais que plustost luy ayderoient que de luy faireennuy. Or, notez qu'ils cuidoient bien sagement parler, et aussi faisoient-ils; car

ÿ Visconti.