L. LIVRE SEPTIÉME

»ne craignez point de cette entreprise. En » Jtalie y a trois puissances que nous tenons » grandes , dont vous avez l’une, qui est Milan: » l’autre ne bouge, qui sont les Vénitiens ; » ainsi n’avez affaire qu’à celle de Naples. Et » plusieurs de vos prédécesseurs nous ont bat- » us, que nous estions tous ensemble. Quand » yous me voudrez croire, je vous ayderai à » faire plus grand que ne fut jamais Charle- » magne ; et chasserons ce Turc hors de cet » empire de Constantinople aisément, quand » vous aurez ce royaume de Naples. » Il disoit vrai du Turc qui règne, mais que toutes cho- : ses eussent été bien disposées de nostre costé. Ainsi se mit le roy à ordonner de son affaire, selon le vouloir et conduite dudit seigneur Ludovic, dont aucuns des nostres eurent envie ; et fut quelque chambelan, et quelque autre, sans propos (car on ne sè pouvoit passer de luy); et estoit pour complaire à monseigneur d'Orléans, qui prestendoit la duché de Milan. Et sur tous en estoit envieux ce général; car jà s'eslimoit grand; et y avoit quelque envie entre le seneschal ! et luy; et dit ledit Ludovic quelques mots au roy, et à luy, pourle faire demourer, qui mouvoit ledit général à parler contre luy ; et disoit qu’il tromperoit la compagnie ; mais il estoit mieux séant qu'il s’en fust tu. Mais jamais n’entra et ne vint en crédit en chose d'estat, et ne s’y connoissoit : et si estoit homme léger en parole, mais bien affectionné à son maistre. Toutesfois il fut conclu d'envoyer plusieurs hommes en ambassade , et moy, entre les autres, à Venise. Je demouray à partir aucuns jours, parce que Île roy fut malade de la petite vérole, et en péril de mort, parce que la fièvre se mesla parmy ; mais elle ne dura que six ou sept jours. Et me mis à chemin ailleurs, et laissay le roy en Ast; et croyois fermement qu’il ne passast point outre. J’allay en six jours à Venise, avec mulets et train; car le chemin estoit le plus beau du monde, et craignois bien à partir, doutant que le roy retournast; mais nostre seigneur en avoit autrement disposé. Si tira droit à Pavie, et passa par Casal, vers cette marquise, qui estoit bonne pour nous, et bonne dame, grande ennemie du seigneur Ludovic, et lur

{ Le sénéchal de Beaucaire.

la haïssoit aussi. Après que le roy fut arrivé à Pavie, commença jà quelque peu de soupçon ; car on vouloit qu'il logeast en ville, et non point au chasteau; et 1l y vouloit loger el y logea, el fut renforcé le guet la nuict. Gens ne dirent, qui esloient près dudit seigneur, qu'il y avoit danger. Dont s’esbahit le seigneur Ludovic, el en parla au roy, demandant s'il se soupconnoit de luy. La façon y esloit telle des deux costés, que lamilié n’y pouvoit guères durer; mais de nostre costé parlions plus qu'eux , non point le roy, mais ceux qui esloient prochains parens de luv. En ce chasteau de Pavie esloit le duc de Milan, dont a esté parlé devant, appelé Jean Galéas, et sa femme, fille du roy Alphonse, bien pileuse, car son mary estoit là malade, et lenu en ce chasteau, comme en garde, et son fils, qui encore vit pour le présent, et une fille ou deux ; et avoit l'enfant lors quelques cinq ans !. Nul ne vit ledit duc, mais bien l’enfant. J’y passai trois jours avant le roy; mais il n’y eut remède de le voir ; et disoit-l’on qu'ilestoit bien fort malade. Toutesfois le roy parla à luy ; car il estoit son cousin germain. Et m'a conté ledit seigneur leurs paroles, qui ne furent que choses générales: car ilne vouloit en riens desplaire audit Ludovic ; toutesfois me dit-il qu'il l’eust volontiers advertv. A celle heure propre se jeta à genoux ladite duchesse devant ledit Ludovic, luy priant qu'il eust pitié de son père el frère. Il luy respondit qu’il ne se pouvoit faire ; mais elle avoit meilleur besoin de prier pour son mary, et pour elle, qui estoit encore belle dame et jeune.

De là tira le roy à Plaisance, auquel lieu eut nouvelles ledit Ludovic que son neveu, le duc de Milan, se mouroil. Il prit congé du roy pour y aller; et luy pria le roy qu'il retournast , et 1l le promit. Avant qu'il fut à Pavie, ledit duc mourut ; et incontinent , comme en poste, alla à Milan. Je vis ces nouvelles par la lettre de l’ambassadeur venilien, qui estoit avec luy, qu’il escrivoit à Venise , et advertissoit qu'il se vouloit faire duc. Et à la vérité dire, il en desplaisoit au duc et seigoeurie de Venise; et me demandèrent si le

1 Ce pauyre enfant s'appelait François; il mourut moine dans une ubbaye de Bourgogne.

MÉMOIRES DE P. DE COMMINES

roy tiendroit point pour l'enfant. Et combies que la chose fut raisonnable, je leur mis en doute, vu l'affaire que le roy avoit dudit Ludovic.

Fin de compte, il se fit recevoir pour seigneur ; et fut la conclusion , comme plusieurs discient, pourquoy il nous avoit fait passer les monts, les chargeant de la mort de son neveu, dont les parens et amis, en Italie, se mettoient en chemin pour luy oster le gouvernement, et l’eussent fait aisément, si ce n’eust esté l’allée du roy, rar jà estoient en la Romanie, comme avez ouy,; mais le comte de Cajazze et monsecigneur d’Aubigny les faisoient reculer ; car ledit seigneur d’Aubigny , estoit en force de cent cinquante, ou de deux cens hommes-d’armes François, et d’un nombre de Suisses ; et se reculoit ledit dom Ferrand vers leurs amys; et estoit demic journée, ou environ, devant nos gens; ct tira devers Forly, dont estoit dame une bastarde de Milan, veufve du comte Hiéronyme, qui avoit csté neveu du pape Sixte. On disoit qu’elle tenoit leur parti ; mais nos gens luy prirent une petite place d'assaut, qui ne fust batlue que demi jour; parquoy elle se tourna, avec le bon vouloir qu'elle en avoit. Et de tous costés le peuple d'Italie commença à prendre cœur , désirant nouvyelletés; car ils voyoient chose qu'ils n'avoient point vue de leur temps; et ils n’entendoient point le faict de l'artillerie, eten France n’avoit jamais esté si bien entendu. Et se tira ledit dom Ferrand vers Cesanne approchant du royaume , une bonne cilé qui est au pape en la Marque d'Anconc; mais le peuple leur destroussoil leurs sommiers et bagues, quand ils les trouvoient à part; car par toute Italie ne désiroient qu’à se rebeller, si du costé du roy les affaires se fussent bien conduites, et en ordre, sans pillerie; mais tout se faisoit au contraire, dont j'ay eu grand deuil, pour l'honneur en bonne renommée que pouvoit acquerrir, en ce voyage , la nation françoise : car Je peuple nous advouoit comme saincts, estimans en nous toute foy et bonté; mais ce propos ne leur dura guères, tant pour nosire désordre et pillerie, qu’aussi lesennemys preschoient le peuple en tous quartiers, nous chargeans de prendre femmes à force, et l'argent, et autres biens, où nous les pouvions trouver.

De plus grands cas ne nous pouvoient-ils charger en Italie; car 1ls sont jaloux ct avaricieux plus qu’autres. Quant aux femmes, ils mentoient, mais du demourant il en estloit quelque chose.