CHAPITRE VII

Comment Pierre de Médicis mit quatre des principales forteresses des Florentins entre les mains du roy, et comment le roy mit Pise, qui en estoit l'une, en sa liberté.

Or, je laissai le roy à Plaisance, selon mon propos, où 1l fit faire service solemnel à son cousin germain le duc de Milan; et si crois qu'il ne sçavoit guères autre chose que faire, vu que ledit duc de Milan, nouveau, estoit parti de luy. Et m'ont dit ceux qui le devoicnt bien sçavoir que la compagnie fut en grand vouloir de retourner pour doute; et se sentoient mal pourvus; car d’aucuns, qui avoient premier loué le voyage , le blasmoient : comme le grand-escuyer , seigneur d’Urfé (combien qu’il n’y fut point, mais estoit malade à Gennes); car il escrivit une lettre, donnant grand soupçon, disant avoir esté adverty. Mais comme j'ay dit en d’autres endroits, Dieu monstroit conduire l’entreprise ; et eut le roy soudaines nouvelles que le duc de Milan retourneroit, et aussi quelque sentiment de Florence, pour les inimitiés, que je vous ay dites, qui estoient contre Pierre de Médicis, qui vivoit comme s’il eut esté seigneur ; dont estoient ses plus prochains parens, et beaucoup d'autres gens de bien , comme tous ces Cappons , ceux de Sonderini, ceux de Nerly et presque loule la cité, envieux. Pour laquelle cause ledit seigneur partit, et tira aux lerres des Florentins pour les faire déclarer pour luy, ou pour prendre de leurs villes qui esloicnt foibles, pour s’y pouvoir loger pour l’hyver, qui esloit jà encommencé. Et se tournèrent plusieurs petites places. et aussi la cité de Luques, ennemie des Florentins ; et firent tout plaisir et service au roy; et avoit toujours esté le conseil du duc de Milan à ces deux fins, afin qu’on ne passast point plus avant de la saison, et aussi qu’il espéroit avoir Pise (qui est bonne et grande cité), Serzanne, et Pietresancte.

Les deux avoient esté aux Génevois, n’y avoit guères de temps; el conquis sur eux par les Florentins, du temps de Laurens de Médicis.