CHAPITRE XIV

Comment le roy Charles fut couronné roy de Naples; des fautes qu'il fit à l'entretenement d'un tel royaume, et comment une entreprise, qui se dresoit pour lui contre le Turc, fut descouverte par les Vénitiens,.

‘uand le roy Ferrand s’enfuit de Naples, il laissa au chasteau le marquis de Pescaire, et aucuns Alemans, et luy alla vers son père, pour avoir ayde en Cécile. Dom Fédéric tint la mer avec quelque peu de gallées, et vint deux fois parler au roy, à sûreté, luy requérant que quelque portion du royaume put demourer à son neveu, avec nom de roy, et à luy le sien et celuy de sa femme. Son cas n’estoit point grand chose, car il avoit eu petit partage. Le roy luy offrit des bicns en France, pour luy et pour sondit neveu, et crois qu'il leur eust donné une bonne et grande duché; mais ils ne la voulurent accepter, aussi ils n'eussent tenu aucun appointement qu’on leur eustsçu faire, demourans dedans le royaume, quand ils eussent pu voir leur avantage. Devant le chasteau de Naples fut mise l'artillerie, qui tira; et n’y avoit plus que des Alemans, et esloit party ledit marquis de Pescaire; et qui cut envoyé quatre canons jusques en l’isle, on l’eut prise, et de là retourna le mal. Aussi eut-on eu toutes les autres places qu’ils lenoiïent, qui n’estoient que quatre ou cinq; mais tout se mit à faire bonne chère, et joustes, et festes, et entrèrent en tant de gloire qu'il ne sembloit point aux nostres que les Italiens fussent hommes. Et fut le roy couronné; et estoit logé en Capouane, et quelquefois alloit au mont impérial. Aux subjets fit de grandes graces, et leur rabatit de leurs charges. Et croy bien que le peuple de soy ne se fut noint tourné, combien qu'il soit muable, qui cut contenté quelque peu de nobles ; mais il n’estoient recueillis de nul, et leur faisoit-on des rudesses aux portes; et les mieux traictés furent ceux de la maison de Carrafe, vrais Aragonnois, encore leur osla l'on quelque chose. A nul ne fut laissé office ni estat, mais pis traictés les Angevins que les Aragonnois; et à ceux du comte de Merillano fut donné un mandement, dont on chargea le président Gannay d’avoir pris argent, et le séneschal, fait nouveau duc de Nole, et grand chambelan du royaume. Par ce mandement chacun fut main-