LIVRE SEPTIEME

Incontinent après vint un très-honneste chevalier d’Espagne 1 , bien accompagné, et bien vestu, qui aussi fut fort honoré et deffrayé. Le duc de Milan, outre l'ambassadeur qu'il y avoit, y envoya l’évesque de Come, et messire Francisco Bernardin Viscomte?. Etcommencèrent secrettement, et de nuict, à convenir ensemble, et premièrement par leurs secrétaires ; et n’osoient encore en public se déclarer contre le roy, par espécial le duc de Milan et les Vénitiens, qui encore ne sçavoient si la ligue, dont estoit question, se concluroit. Et me vindrent voir ceux de Milan, et m’apportèrent lettres de leur maistre; et me dirent que leur venue estoit parce que les Vénitiens avoient envoyé deux ambassadeurs à la ville de Milan, et ils avoient de coustume de n’y en laisser qu’un (aussi le firent-ils à la fin); mais cecy estoit mensonge et tromperie, et toute déception ; car tout cela estoit assemblé pour faire ligue contre le bon roy; mais tant de vielles ne se peuvent accorder en peu de temps. Après me demandèrent si je ne sçavois point qu’estoit venu faire cet ambassadeur d’Espagne, et celuy du roy des Romains, afin qu’ils en pussent adyvertir kur. maistre. Or j'estois jà adverty, et de plusieurs lieux, tant de serviteurs d'ambassadeurs qu'’autrement, que celuy d’Espagne estoit passé par Milan, desguisé, et que les Alemans se conduisoient tous par ledit duc; et aussi sçavois qu’à toute heure l’ambassadeur de Naples bailloit des paquets de lettres qui venoient de Naples (car tout cecy estoit ayant que le roy partit de Florence). Et despensois quelque chose pour en estre adverty, et en avois bons moyens. Et si sçavois jà le commenccment de leurs articles, qui estoient jetés, mais non point accordés; car Vénitiens sont fort longs à telles conclusions. Et pour ces raisons, et voyant la ligue si approchée, ne voulus plus faire de l’ignorant; et respondis audit ambassadeur de Milan, que puis qu'ils : ne tenoient termes si estranges, que je leur voulois monstrer que le roy ne vouloit point perdre l'amitié du duc de Milan, s’il y pou-

1 I] s'appelait Lorenzo Suarez de Figueroa y Mendoza; il mourut à Venise, etil y fut enterré. .

3 Visconti.

voit remédier, et moy comme serviteur, m'en voulois acquitter, et l’excuser des mauvais rapports qu’on en pourroit avoir faits audit duc leur maistre, que je croyois estre mal informé, et qu'il devoit bien penser, avant que perdre la reconnoissance de lel service comme il avoit fait au roÿ, que nos roys de France ne furent jamais ingrats; el que pour quelque parole qui pruvoicnt avoir esté dites. ne se devoit point départr l'amour d’eux, vu qu’elle estoit tant séante à chacune desdites partics. Et les priois qu'ils me voulsissent dire leurs doléances, pour en advertir le roy, avant qu'ils fissent autre chose. Ils me jurèrent tous, et firent grands sermens, qu'ils n’en avoient nul vouloir ; toutesfois ils mentoient, et estoient venus pour traicter ladite liguc.

Le lendemain j'allay à la Seigneurie leur parler de cette ligue, et dire ce qui me sembloit servir au cas. Et entre autres choses, je leur dis qu’en l'alliance qu'ils avoient avec le roy, et qu'ils avoient eue avec le feu roy Louis son père, ils ne pouvoient soutenir les ennemys l’un de l’autre, et qu’ils ne pouvoient faire cette ligue, dont l’on parloit, que ce ne fust aller contre leur promesse. Ils me firent retirer ; et puis quand je revins, me dit le duc que je ne devois point croire tout ce que l’on disoit par ladite ville ; car chacun y estoit en liberté, et pouvoit chacun dire ce qu’il vouloit; toutesfois qu’ils n’avoient jamais pensé faire ligue contre le roy, ni jamais ouy parler; mais au contraire, ils disotent faire ligue entre le roy et ces autres deux roys et toute l'Italie, et qu’elle fust contre ledit Turc, et que chacun porteroit sa part de la despense ; et s’il y avoit aucun en Halie qui ne voulust payer ce qui seroit advisé, que le roy et eux l’y contraindroient par force. Et vouloient faire un très-bon appointement ; c’est que le roy prit une somme d'argent comptant, et qu'eux l'avanceroient, et tiendroient les places de Pouille en gage, comme font à cette heure; et le royaume seroit reconnu de luy, du consentement du pape, et par cerlaine somme de deniers l'an, et que le roy y tiendroit trois places. Et plust à Dicu que le roy y eust voulu entendre lors. Je dis n’oser entrer en cet appointement, ur priant ne se haster point de conclure cette ligue, et que de tout advertirois le roy, leur

MÉMOIRES DE P. DE COMMINES

priant, comme j’avois fait aux autres, me dire leurs doléances, et qu'ils ne les tussent point, comme faisoient ceux de Milan. Ils se doulurent des places que le roy tenoit du pape, et encore plus de celles qu’il tenoit des Florentins, et par espécial de Pise, disans que le roy avoit mandé par escript en plusieurs lieux et à cuxmesinces, qu'il ne vouloit en Italie que le royaume de Naples, et aller contre le Turc, et qu'il monstroit à celte heure de vouloir prendre tout ce qu’il pourroit en Italie , et ne demander rien au Turc. Et disotent encore que monseigneur d'Orléans, qui estoit demouré en Ast, faisoit crainte au duc de Milan, et que ses serviteurs disoient de grandes menaces; toutesfois qu’ils ne feroient rien de nouveau que je n’eusse response du roy, ou que le temps de l'avoir ne fust passé ; et me monstreroient plus d'honneur qu’à ceux de Milan. De tout j'advertis le roy, eteus maigre response. Et dès lors s’assembloient chacun jour, vu qu'ils sçavoient que Fentreprise estoit descouverte. Et en ce temps estoit le roy encore à Florence ; et s’il eut trouvé résistance à Viterbe, comme ils cuidoient, ils eussent envoyé des gens à Rome, et encore si le roy Ferrand fust demouré dedans. Et n’eussent jamais pensé qu'il eut dû abandonner Rome, et quand ils la virent abandonnée, commencèrent à avoir peur.

Toutesfois les ambassades des deux roys les pressoient fort de conclure, ou vouloient départir; car jà yavoient esté quatre mois, chacun jour allans à la Seigneurie ; et cependant je faisois le mieux que je pouvois à l'encontre. Voyans les Vénitiens tout cela abandonné, et advertis que le roy cstoit dedans la ville de Naples, 1ls m'envoyérent querir et me dirent ces nouvelles, monstrans en estre joyeux ; toutesfois 11s disoient que ledit chasteau estoit bien fort garny. Et voyois bien qu'ils avoient bonne et sûre espérance qu'il tint. Et consenürent que l'ambassadeur de Naples levast gensd'armes à Venise, pour envoyer à Brandis. Ft estoient sur la conclusion de leur ligue, quand leurs ambassadeurs leur escrivirent que le chasteau estoit rendu ; et lors ils m’envoyèrent querir derechef à un matin; el les trouvay en grand nombre, comme de cinquante ou de soixante en la chambre du prince, qui estoit malade de la colique ; et là me conta ces now

velles, de visage joyeux ; mais nul en la compagnie ne se sçavoit. feindre si bien comme luy. Les uns estoient assis sur un marche pied des bancs, et avoient la teste appuyée entre leurs mains; les autres d’une autre sorte, tous desmonstrans avoir grande tristesse au cœur. El croy que quand les nouvelles vindrent à Rome de la bataille perdue à Cannes, contre Annibal, les sénateurs qui estoient demourés, n’estoient pas plus esbahis, ni plus cspouvantés qu'ils estoient ; car un seulne fit semblant de me regarder, ni ne meditun mot, que luy; et les regardois à grande merveille. Le duc me demanda si le roy leur tiendroit ce que tousjours leur avoit mandé, et que leur avois dit. Je les assuray fort qu'oui; et ouvris les voics pour demourer en bonne paix, et m'offris fort à la faire tenir, espérant les oster de soupçon; et puis me despartis.

Leur ligue n’estoit encore ni faite ni rompue; et vouloient partir les Alemans mal-con- ‘ tens. Le duc de Milan se faisoit encore prier de je ne sçay quel article; toutesfois il manda à ses gens qu'il passassent Lost, et en effect conclurent la ligue. Et durant que cecy se demenoit, j'avois’sans cesse adverty le roy du tout, le pressant de conclure ou de demourer au ro\aume, et se pourvoir de plus de gens-depié et d'argent, ou de bonne heure se mettre en chemin pour se retirer, et laisser les principales places bien gardées, avant qu'ils fussent tous assemblés. Aussi j’advertissois monseigneur d'Orléans, qui estoit en Ast, avec les gens de sa maison seulement (car sa compaignie estoit avec le roy), d'y mettre des gens, l’assurant qu'incontinent iroit luy courre sus; et escrivois à monseigneur de Bourbon, qui estoit demourélieutenant pour le roy en France, d'envoyer des gens en haste, en Ast, pour le garder, et que st cette placeestoit perdue, nul secours ne pouvoit venir au roy de France;et advertissois aussi la marquise de Montferrat, qui estoit bonne Françoise,etennemie du duc de Milan, ofin qu'elle aydast à monseigneur le duc d'Orléans, de gens, s’il en avoit affaire; car Ast perdu, les marquisats de Montferrat et Saluce estoient perdus.

La ligue fut conclue un soir bien tard. Le matin me demanda la Seigneurie, plus matin qu'ils n’avoient de coutume. Comme je fus