LIVRE SEPTIÈME

sons; et est la plus belle rue que je crois qui soi

en tout le monde, et la mieux maisonnée, et va le long de ladite ville. Les maisons sont fort grandes et hautes, et de bonne pierre, et les anciennes toutes peintes ; les autres, faites depuis cent ans, ont le devant de marbre blanc qui leur vient d'istrie à cent milles de là; et encore ont mainte grande pièce de porphire et de serpentine sur le devant. Au dedans ont pour le moins, pour la pluspart, deux chambres qui ont les plinchés dorés, riches manteaux de cheminées de marbre taillé, les chaslils des lits dorés, ©t les oste-vents peints et dorès, et fort bien meublés dedans. C'est la plus triomphante cité que j'aye jamais vue, e’ qui fait plus d’honneurs à ambassadeurs et estrangers, et qui plus sagement se gouverne, et où le service de Dieu est le plus solemnellement fait. Et encore qu'il y peut bien y avoir d'autres fautes, si crois-je que Dieu les a er ayde, pour la révérence qu'ils portent au service de l'Eglise. En cette compagnie de cinquante gentils-hommes, me conduisirent jusques à Sainct-Georges qui est une abbaye de moines noirs réformés, où je fus logé. Le lendemain me vindrent quérir, el menèrent à ls Seigneurie, où je présentay mes lettres au duc qui préside en tous leurs conseils, honoré comme un roy. Et s’adressent à luy toutes lettres; mais ilne peut guèëres à luy seul. Toutesfois cestuy-cy a de l’auctorité beaucoup, et plus que n’eust jamais prince qu'ils eussent ; aussi il y a desjà douze ans qu’il est duc; et l’ay trouvé homme de b'en, sage et bien expériimenté aux choses d'Italie, et douce et aimable personne. Pour ce jour je ne dis autre chose; ex me fist-on voir trois ou quatre chambres, les planchés richement dorés, et les lits et les oste-vents; et est beau et riche le palais de ce qu'il contient, tout de marbre bien taillé, et tout le devant et le bord des pierres dorés en la largeur d’un pouce par adventure; et y a audit palais quatre belles salles richement dorée et fort grand logis; mais la cour est petite. De la chambre du duc il peut ouyr la messe au grand autel de la chapelle de Sainct-Marc, qui est la plus belle et riche chapelle du monde pour n'avoir que nom de chapelle, toute faite de mosaïques en tous endroicts. Encore se vantent. ils d'en avoir trouvé l’art, et en font besongner

au mestier, et l’ay vu. En cette chapelle est leur trésor, dont l’on parle, qui sont choses ordounées pour parer l’église. Il y a douze ou quatorze gros ballays ! ; je n’en ay vu aucuns si gros Il y en a deux dont l’un passe sept cens, et l’autre huit cens carras; mais ils ne sont point nets. Il y en a douze autres de pierres de cuirasse d’or, le devant et les bords bien garnis de pierreries très-fort bonnes, et douze couronnes d’or dont anciennement se paroient douze femmes qu’ils appeloient roynes, à certaines festes de l’an, et alloient par ces isles et églises. Elles furent desrobées, et la pluspart des femmes de la cité, par larrons qui venoient d'Istrie ou de Friole(siest près d'eux), lesquels s’estoient cachés er:ière ces isles ; mais les maris allèrent après , ctles recouvrèrent, et mirent ces choses à Sainct-Marc, et fondèrent une chapelle au lieu où la Seigneurie va tous les ans, au jour qu’ils eurent celte victoire. Et est bien grande richesse pour parer lPéglise, avec maintes autres choses d’or qui ysont, et pour la suite, d’amatiste , d’aguate, et un bien petit ? d’esmeraude; mais ce n’est point grand trésor pour estimer, comme l'on fait or ou argent comptant. Et ils n’en tiennent point en trésor. Et m'a dit le duc, devant la Seigneurie, que c'est peine capitale parmi eux de dire qu’il faille faire trésor; et crois qu’ils ont raison pour doute des divisions d'entr'eux. Après me firent monstrer leur autre trésor, qui est un arsenal où ils esquipent leurs gallées, et font toutes choses qui sont nécessaires pour l’armée de mer, qui est la plus belle chose qui soit en tout le demourant du monde aujourd’huy, et la mieux ordonnée pour ce cas.

En effect, j’y séjournay huit mois, deffrayé de toutes choses, et tous autres ambassadeurs qui estoient-là. Et vous dis bien que je les ay connus si sages, et tant enclins d’accroistre leur seigneurie , que s’il n’y est pourvu tost, tous leurs voisins en maudiront l'heure; car ils ont plus entendu la façon d'eux deffendre et garder, en la saison que le roy y a eslé, et depuis, que jamais ; car encore sont en guerre avec luy ; et si se sont bien osés eslargir, comme d'avoir pris en Pouille sept ou huit cités en

$ Rubis.

$ Nombre.

MÉMOIRES DE P. DE COMMINES

gage ; mais je ne sçay quand ils les renerunt. Et quand le roy vint en Italie, ils ne pouvoient croire que l’on prit ainsi les places, ni en si peu de temps (car ce n’estoit point leur façon); ctont fait, et font maintes places fortes depuis, el autres en Italie. Ils ne sont point pour s’accroistre en haste, comme firent les Romains ; car lcurs personnes ne sont point de telle vertu; et si ne va nul d’entre eux à la guerre de terre ferme, comme faisoient les Romains, si ce ne sont leurs proviseurs et payeurs, qui accompagnent leur capilaine et le conseillent , et pourvoyent l’est. Mais toute la guerre de mer est conduite par leurs gentils-hommes, en chefs et capitaines de gallées et naves, ct par autres leurs subjects. Mais un autre bien ont-ils, en licu d’aller en personne aux armées par terre, c’est qu'il ne s'y fait nul homme de tel cœur, ni de telle vertu, pour avoir seigneurie, comme ils avoient à Rome ; et par ce n’ont-ils nulles questions civiles en la cité, qui est la plus grande prudence que je leur voie, Et y ont merveilleusement bien pourvu , et en maintes manières ; car 1ls n’ont point de tribun de peuple, comme avoient les Romains (lesquels tribuns furent cause en partie de leur destruction); car le peuple n’y a crédit ni n’y est appelé en riens; et tous offices sont aux genüls-hommes , sauf les secrétaires. Ceux-là ne sont point gentils-hommes. Aussi la pluspart de leur peuple est estranger. Et si ont bien connoissance , par Titus-Livius, des fautes que firent les Romains; car ils en ont l’histoire, et si en sont les os en leur palais de Padoue. Et par ces raisons, el par maintes autres que j’av connues en eux, je dis encores une autre fois, qu’ils sont en voye d'’estre bien grands seigneurs pour l’advenir.

Or faut dire que fut ma charge; qui fut à cause des bonnes responses qu'ils a voient faites à deux serviteurs du roy, qui avoient esté vers eux, et qu’à leur fiance, il tirast hardiment avant en cette entreprise ; et ce fut avant qu'il partit de la ville d’Ast. Aussi je leur remonstrailes longues et anciennes alliances qui avoient esté entre les roys de France et eux ; et davantage leur offris Brandis, et la ville d’Otrante , par condition qu’en leur baillant mieux en Grèce, ils fussent tenus les rendre. Ils me tindrent les meilleures paroles du monde

du roy, et de toutes ses affaires; car ils ne croyoient point qu’ilallast guères loin: et quant à l'offre que je leur fis, ils me firent dire qu'ils estoient ses amys et ses serviteurs, et qu’ils ne vouloient point qu’il achetast leur amour (aussi le roy ne tenoit point encore les places), et que s’ils vouloient ils se mettroient bien en guerre, ce qu'ils ne vouloient point faire, combien qu’il y eut vers eux ambassade de Naples, les en suppliant tous jours, et leur offrant ce qu’ils voudroient; et confessoit le roy Alphonse (qui lors régnoit) avoir failly vers eux ; et leur remonstroit le péril que ce leur seroit, si le roy venoit au dessus de son entreprise. Le Turc de l’autre costé leur envoya incontinent ambassadeur, que je vis plusieurs fois, qui à la requeste du pape les menaçoit, s'ils ne se déclaroient contre le roy. A chacun faisoient bonne response; mais 1ls n’avoient à ce commencement nulle crainte de nous, et ne s’en faisoient que rire ; et aussi le duc de Milan leur faisoit dire, par son ambassadeur, qu'ils ne se souciassent point, et qu’il sçavoit bien la façon de renvoyer le roy, sans ce qu'il tint riens en Italie ; et autant en ayoit mandé à Pierre de Médicis, qui le m'a dit. Mais quand ils virent, et le duc de Milan aussi, que le roy avoit les places des Florentins entre ses mains, et par espécial Pise, ils commencèrent à avoir peur ; et parloient de la façon de le garder de passer plus avant; mais leurs conseils estoient longs ; et cependant le roy tiroit avant ; et gens alloient et venoient des uns aux autres. Le roy d’'Espagne commençoit aussi à avoir peur, pour ses isles de Cécile et de Sardaigne. Le roy des Romains commença aussi à estre envieux; et luy faisoit-on peur de la couronne impériale, disant que le roy la vouloit prendre, et en avoit requis le pape (qui n’estoit point vray). Et pour ces doutes, ces deux roys envoyèrent grosses ambassades à Venise, moy estant là, comme dit est. Devant y envoya le roy des Romains, car 1l estoit voisin. L’évesque de Trente en estoit le principal, et deux chevaliers, et un docteur ; auxquels fut fait grand honneur et révérence ; et leurs logis bien accoustrés comme à moy; et dix ducats par jour, pour leurs despens ; et leurs chevaux deffrayés, qui estoient demourés à Trévise.