LIVRE HUITIÈME

De l'ordre ct provision que le roy mit au royaume de Naples, voulant retourner en France.

Pour mieux continuer mes Mémoires el vous informer, me faut retourner à parler du roy, qui depuis qu'il entra à Naples jusques à + tantqu'ilen partit, ne pensa qu’à passer temps, et d'autres à prendre et à profiter. Son âge Fexcusoit, mais nul ne sçauroit excuser les autres de leur faute ; car le roy les croyoit de toutes choses. Et si luy eussent sçu dire qu’il cut bien pourvu trois ou quatre chasteaux audit païs, comme celuy de Gajetle ou seulement celu; de Naples, dont il avoit donné les vivres, comme j'ay dit, il tiendroit encore le ‘royaume ; car en gardant celuy de Naples, jamais la ville ne se fut révoltée. Il tira tous les gens-d’armes à l’entour de luy, depuis la conclusion de la ligue; et ordonna cinq cens hommes-d’armes françois, et deux mille cinq cens suisses , et quelque peu de gens-dc-pié françois, pour la garde du royaume ; et avec le reste 11 deslibéra de s’en retourner en France, par le chemin qu’il estoit venu, et la ligue se préparoit à l’en garder. Le roy d’Espagne avoit envoyé , et envoyoit quelques caravyelles en Cécile; mais peu de gens dessus. Toutesfois, avant que le roy partit, ils avoient jà garny Rège en Calabre quiest près de Cécile. Et plusieurs fois j’avois escrit au roy qu'ils devoient là descendre ; car l’ambassadeur de Naples le m'avoit dit, cuidant que jà y fussent; et si le roy y eut envoyé d'heure, il eut pris le chas- . teau, car le peuple de la ville tenoit pour luy. Aussi vindrent gens de Cécile à la Mantia et à la T'urpia, par faute d'envoyer; et ceux d’Otrante, en Pouille, qui avoient levé les banières du roy, vue la ligue, el qu’ils estoient situés près de Brandis et Galipoli, et qu'ils ne pouvycient finer de gens, levèrent les banières d'Aragon; et dom Fédéric, qui estoit à Branais, la fournit. Et par tout le royaume,

commencèrent à muer leur pensée, et se prit à changer la fortune, qui deux mois devant avoit esté au contraire, tant pour voir cetle ligue que pour le parlement du roy, et la pauvre provision qu’on laissoit, plus en chef qu’en nombre de soldats. Pour chef y demoura monseigneur de Montpensier, de la maison de Bourbon , bon chevalier et hardy, mais peu sage; 1l ne se levoit qu’il ne fut midi. En Ca- Jabre laissa monseigneur d’Aubigny 1, de la nation d’Escosse, bon chevalier et sage, bon et honorable, qui fut grand connestable du royaume; et luy donna le roy (comme j’ay dit) la comté d’Acri et le marquisat de Squillazzo. Il laissa au commencement le séneschal de Beaucaire, appelé Estienne de Vers, cappitaine de Cajette, fait duc de Nole et d’autres seigneuries, grand-chambelan; et passoient tous les deniers du royaume par sa main, et avoit iceluy plus de faix qu'il ne pouvoit et n'eut sçu porter, mais bien affectionné estoit à la garde dudit royaume. Il laissa monseigneur don Julian, Lorrain, le faisant duc, en la ville de Saint-Angelo, où il a fait merveilles de se bien gouverner. À Manfredonia laissa messire Gabriel de Montfaucon, homme que le roy estimoit fort; el-à tous donna grosses terres. Celuy-là s’y conduisit très-mal, et la baïlla au bout de quatre jours, par faute de vivres, el il l’avoit trouvée bien garnie, et estoit en licu abondant de bleds. Plusieurs vendirent tout ce qu'ils trouvèrent au chasteau ; et dit-l'on que cettuy, pour garde, laissa là Guillaume de Ville-Neufve, que ses valets vendirent à dom Fédéric, quilong-temps le tint en gallée. À Tarente laissa George de Suilly, qui s’y gouverna très-bien, et y mourut de peste, et a tenu cette cité là pour le roy jusques à ce que la famine l'ait fait tourner. En l’Aquila, demoura le baillif de Vitry, qui bien s’y conduisit ; et messire Gracien des Guerres, qui fort

! D'Aubigny était Ecossais de la maison de Stuart.

bien s’est conduit en l’Abruzze. Tout demoura mal fourny d’argent ; et les assignoit-l’on sur le royaume, et tous les deniers failloient. Le roy laissa bien appointés les princes de Salerne et de Bisignan (qui l'ont bien servy tant qu'ils ont pu), et aussi les Colonnois de tout ce qu’ils sçurent demander; et leur laissa plus de trente places pour eux et les leurs. S'ils les eussent voulu tenir pour luy, comme ils devoient et qu'ils avoient juré, ils cussent fait grand service, et à cux honneur et profit; car je croy qu'ils ne furent, cent ans y a, en si grands honneurs ; mais avant son partement, ils commencèrent à pratiquer, et aussi ils estoient les serviteurs à cause de Milan; car naturellement ils csioient du parti Gibelin; mais cela ne leur devoit point faire fausser leur foi, eslant si grandement traictés. Encore fit le roy plus pour eux, car il amena, soubs garde d'amy, prisonniers le seigneur Virgile Ursin, el le comte de Petilliane, aussi des Ursins, leurs ennemys. Ce qu'il fit contre raison, car combien qu’ils eussent esté pris, si sçavoit bien le roy, et aussi l’entendoit, qu’il y avoit saufconduict ; et le monstroit bien, car il ne les vouloit mener sinon jusques en Ast, et puis les renvoyer; et le faisoit à la requeste des Colonnois , et avant qu'il y fut, lesdits Colonnois furent tournés contre luy, et les premiers, sans alléguer nulle cause.