CHAPITRE Il

Comment le roy se partit de Naples, et repassa par Rome, d'où le pape s'enfuit à Orvicile : des paroles que le roy tint à monsieur d’Argenton à son relour de Venise; des délibérations de rendre aux Florentins leurs places, et des prédications dignes de mémoire, de frère Hiéronÿyme de Florence.

Après que le roy eut ordonné de son affaire, comme il entendoit, se mit en chemin, avec ce qu’il avoit de gens, que j'estime neuf cens hommes-d’armes au moins, en ce compris sa maison, deux mille cinq cent Suisses, et crois bien sept mille hommes payés en tout. Et y pouvoit bien avoir mille cinq cens hommes de deffense, suivans le train de la cour, comme serviteurs. Le comte de Petillance (qui les avoit mieux comptés que moy) disoit qu’en tout y en avoit neuf mille; et le me dit depuis nostre battaille, dont sera parlé. Le

roy prit son chemin vers la ville de Rome, dont le pape paravant vouloit partir et venir à Padoue, soubs le pouvoir des Vénitiens; et y fut son logis fait. Depuis Je cœur leur mua; et luy envoyèrent quelques gens, et le duc de Milan luy en envoya aussi. Et combien qu’ils y fussent à temps, si n’osa attendre le pape, nonobstant que le roy ne luy eut fait que tout honneur et service; et luy avoit envoyé ambassadeur pour le prier d’attendre. Mais il se relira à Orvictte, et de là à Perouse, et laissa les cardinaux à Rome, qui recueillirent le roy, lequel n’y arresta point; et ne fut fait desplaisir à nul ; et m’escrivit d’aller à luy vers Sene, où je le trouvay ; et m'y fit, par sa bonté, bon recueil ; et me demanda, en riant, si les Vénitiens envoyoient au-devant de luy; car toute sa compaignie estoient jeunes gens, et ne croyoient point qu’il fut autres gens qui portassent armes. Je luy dis que la Seigneurie m'avoit dit au départir, devant un de ses secrélaires, appellé Lourdin, que cux et le duc de Milan mettroient quarante mille hommes en un camp, non point pour l’assaillir, mais pour se deffendre; et me firent dire, le jour que je partis d'eux à Padoue, par”un de leurs provéditeurs qui venoit contre nous, que leurs gens ne passeroient point une rivière, qui est en leur terre près de Parme (et me semble qu’elle a nom Olyc), sinon qu’il assaillit le duc de Milan. El prismes enseignes ensemble, ledit provéditeur et moy, de pouvoir envoyer l’un vers l’autre, s’il en estoit besoin, pour traicter quelque bon appointement. Et ne voulus riens rompre; Car je ne sçavois ce qui pourroit survenir à mon maistre. Et estoit présent à ces paroles un appelè messire Louis Marcel, qui gouvernoit, pour cette année-là, le Mont-vieil (qui est comme un trésorier); ct l’avoient envoyé pour me conduire. Aussi y estotent les gens du marquis de Mantoue, qui luy portoient argent, mais ils n’ouirent point ces paroles. De ceux-là ou d’autres je portay au roy par escript le nombre de leurs gens-de-cheval, de pié, et d'Estradiots, et qui en avyoient les charges. Peu de gens d’entour du roy croyoient ce que je disois. |

Estant ledit seigneur à Sicnne, je le pressay de partir, dés ce qu'il y eut csté deux jours et les chevaux reposés: car ses ennemys n'es-

toient point encore ensemble ; et ne craignois |

sinon qu’il vint des Alemans, car le roy des Romains en assembloit largement , et vouloit fort tirer argent comptant pour les soldoyer. Quelque chose que je disse, le roy mit deux matières en conseil, qui furent briefves. L’une, sçavoirsi on devoit rendre aux Florentins leurs places et prendre trente mille ducats qu’ils devoient encore de leur don, et seplante mille qu'ils offroient presler, et servir le roy à son passage avec (rois cens hommes-d'armes (soubs la charge de messire Francisque Secco, vaillant chevalier, et de qui le roy se fioit), et de deux nulle hommes-de-pié. Je fus d'opinion que le roy le devoit faire, et d'autres aussi, et seulement retenir Ligorne, jusques à ce qu'il fust en Ast. Il eut bien payé ses gens, et encore luy fut demouré de l'argent pour forlraire des gens de ses ennemys, ct puis les aller chercher. Toutesfois cela n'eut point de lieu; ct l'empeschoit monscigneur de Ligny (qui estoit homme jeunc et cousin germain du roy); et ne sçayoit point bien pour quelle raison, sinon pour pilié des Pisans. L'autre conseil fut celuy que monscigneur de Ligny faisoit mettre en ayant par un appelé Gaucher de Tinteville, el par une partie de ceux de Sienne, qui vouloient monscigneur de Ligny pour seigneur; car la ville est de tout temps en partialité, et se gouverne plus follement que ville d'Italie. I m'en fut demandé le premier. Je dis qu'il me sembloit que le roy devoit tirer à son chemin, et ne s'amuser à ces folles offres qui ne sçauroient durer une semaine, aussi que c'estoit ville d’Empire, et que ce seroit mettre l'Empire contre nous. Chacun fut de cet advis ; toutesfois on fit autrement; Et le prirent ceux de Sienne pour leur cappitaine,; et luy promirent certaine son.:me d'argent l'an, dont il n'eust riens. Et cecy amusa le roy six ou sept purs, ct lui monstrèrent les dames. El y laissa le roy bien trois cens hommes, et s’affoiblit de tant, Et de là tira à Pise, passant par Pogzibonzi, chasteau Florentin, et ceux qu'on laissa à Sienue, furent chassés avant un mois de là.

J’ay oublié à dire que moy estant arrivé à Florence, allant au devant du roy, allay visiter un frère prescheur, appelé frère Iiéronymo, demourant en un couvent réformé, homme de saincie vie: comme on disoit, qui quinze