LIVRE HUITIÈME

relirèrent en lcur ost, estans assurés que le lendemain, ou environ, le roy seroit passé la montagne, et logé en ce village, appelé Fornoue. El cependant arriva tout le reste de leurs gens ; el si ne pouvions passer que devant eux; tant estoit le heu contraint.

Au descendre de la montagne, on vit le plain païs de Lombardie, qui est des beaux et bons du monde, et des plus abondans. Et combien qu’il se die plain, si est-il mal-aisé. à chevaucher; car ilest tout fossoyé , comme est Flandres, ou encore plus ; mais il est bien meilleur et plus fertile, tant en bons fromens, qu'en bons vins et fruits ; et ne séjournent jamais leurs terres. Et nous faisoit grand bien à le voir, pour la grande faim et peine qu'on avoit enduré en chemin, depuis le partement de Luques. Mais l'artillerie donna un merveilleux travail à descendre , tant y estoit le chemin droict et mal-aisé. Il y avoit au champ des ennemys grand nombre de tentes et pawvillons ; et sembloit bien estre grand; aussi estoit-1l. Et tindrent Vénitiens ce qu’ils avoient mandé au roy par moy, où ils disoient qu'eux et le duc de Milan mettroient quarante mille hommes en un champ : car s’ils n’y estoient, il ne s’en faloit guères; et estoient bien trentecinq mille , prenans paye; mais de cinq, les quatre estoient de Sainct-Marc. Et y avoit bien deux mille six cens hommes-d’armes bardés, ayans chacun un arbalestrier à cheval, ou autre homme en habilleinent avec eux, faisant le nombre de quatre chevaux pour hommesd'armes. Ils avoient , tant en Estradiots qu’en autres chevaux légers, cinq mille; le reste en gens de pié; et logés en lieu fort bien preparé, et bien garny d’artillerie.

Le roy descendit environ midy de la montagne; et se logea audit village de Fornoue:; et fut le cinquiesme jour de juillet, l'an mil quatre cens quatre vingt etquinze, par un dimanche. Audit logis y avoit grande quantité de farines et de vins, et de vivres pour chevaux. Le peuple nous faisoit partout bonne chère (aussi nul homme de bien ne leur faisoit mal) et apportoit des vivres, comme pain, petit et bien noir; et le vendoient cher; et au vin meltoicnt les trois parts d’eau. Ils apportoient aussi quelque peu de fruits, et firent plaisir à l’armée. J'en fis achepter, et fis l’essai de-

vant moy; car on avoit grand soupçon qu'ils eussent laissé là les vivres, pour empoisonner l'ost; et n’y toucha l’on point de prime-facé. Et se tuèrent deux Suisses, à force de boire, ou prindrent froid, et moururent en une cave, qui mit les gens en plus grand soupçon; mais avant qu'il fust minuict,les chevaux commencèrent les premiers, et puis les gens, et se lintl’on bien aise. Et en ce cas faut parler à l’honneur des Italiens; car nous n’ayons point trouvé qu'ils ayent usé de nulles poisons ; et s'ils l'eussent voulu faire , à grande peine s’en futl'on seu garder en ce voyage. Nous arrivasmes comime avez ouy, un dimanche midy; et maint homme de bien ne mangea qu’un morceau de pain aulieu où le roy descendit et but; et croy que guères autres vivres n’y ayoit pour celle heure, vu qu'on n’osoit encore manger de ceux de ce licu.

Incontinent après disner vindrent courir aucuns Estradiots jusques dedans lost ; et firent une grande allarme ; et nos gens ne les connoissoient point encore. Et toute l’armée saillit aux champs , en merveilleusement bon ordre, et en trois batailles , avant-garde , bataille, et arriére-garde. Et n’y avoit point en ject de boule d’une bataille à autre; et bien aisément se fussent secourus l’une l’autre. Ce ne fat riens, et on se retira aulogis. Nous avions des tentes et des pavillons en petit nombre ; et s’étendoit nostre logis en approchant du leur, parquoy ne falloit que vingt Estradiots pour nous faire une allarme. Et aussi ne bougcoïentils du bout de nostre logis ; car il y avoit un bois par lequel ils venoient à couvert. Et eslions en une vallée entre deux petits costeaux, et eu ladite vallée couroit une rivière que l'on passoit bien à pié, sinon quand elle croissoit en ce païs-là, qui est aisément et lost; el aussi elle ne dure guère, et l’appelle-t-on Taron !. Toute ladite vallée estoit gravier etpierres grosses, et mal-aisée pour chevaux. Et estoit ladite vallée d'environ un quart de lieue de large ; et en un des costeaux , qui estoit celuy de la main droite, estoient logés nos ennemvys. Et estions contraincts de passer vis-à-vis d'eux (L rivière entre deux); et pouvoit avoir demie

? Guicciardini l'appelle le Taro, fleuve ou plutôt torrent.

MÉMOIRES DF P. DE COMMINES

[2495] lieue jusques â leur ost. Et y avoit bien un autre chemin, à monter le costeau à gauche (car nous estiuns logés de leur costé), mais il eust semblé qu’on se fust reculé. Environ deux jours devant, on m'’avoit parlé que j’allasse parler à eux ( car la crainte commençoit à venir aux plus sages), et qu'avec moy je menasse quelqu'un , pour bien nombrer et connoistre de leur affaire. Cela n’entreprenois-je point volontiers (et aussi que sans sauf-conduict je n’y pouyois aller); mais je respondis avoir pris bonne intelligence avec les proviseurs à mon parlement de Venise, et au soir que j’arrivay à Padoue ; et que je croyois qu'ils parleroient bien à moy, à my-chemin des deux osts; et aussi, si je m'offrois d'aller vers eux, je leur donnerois trop de cœur, et qu'on l’avoit dit trop tard. Ce dimanche dont je parle, j'’escrivis aux proviseurs (l’un s'appeloit messire Luques Pisan, l’autre messire Melchior Trevisan), et leur priois que à sûreté l’on vint parler”"à moy, et ainsi m’avoit-il esté offert au partir de Padoue, comme a esté dit devant. Ils me firent response qu'ils l’eussent fait volonüiers, si ce n’eusl esté la guerre encommencée contre le duc de Milan; mais que nonobstant, l’un des deux, selon qu’ils adviseroient, se trouveroit en quelque lieu en my-chemin. Et eus cette response le dimanche au soir. Nul ne l'estima de ceux qui avoient le crédit. Je craignois à trop entreprendre , et qu’on le tint à couardise, si j'en pressois trop; et laissay ainsy la chose pour le soir; combien que j'eusse volontiers aydé à tirer le roy et sa compaignie de là, si j’eusse pu, sans péril.

Environ minuict me ditle cardinal de Sainct- Malo (qui venoit de parler au roy; et mon pavillon estoit près du sien) que le roy partiroit au malin, et iroit passer au long d’eux, et feroit donner quelque coup de canon en leur ost, pour faire algarade, et puis passer outre sans y arrester. El crois bien que ce avoit esté l'advis du cardinal propre, comme d'homme qui sçavoit peu parler de tel cas, et qui ne s'y connoissoit. Et aussi il appartenoit bien que le roy eut assemblé de plus sages hommes et cappitaines pour se conseiller d’une telle affaire ; mais je vis faire assemblée plusieurs fois en ce voyage ; dont onfit le contraire des conclusions qui y furent prises. Je dis au car-

dinal , que si on s’apprachoit si près que de tirer en leur ost , il n’estoit possible qu'il ne sailht des gens à l’escarmouche ; et que jamais ne se pourroient retirer d'un costé ni d'autre , sans venir à la bataille ; et aussi que ce seroit au contraire de ce que j'’avois commencé, Et me desplut bien qu'il falloit prendre cetrain ; mais mes affaires avoient esté telles, au commencement du règne ce ce roy , que je n'osois fort m'entremettre, afin de ne me faire point ennemy de ceux à qui il donnoit auctorité, qui estoit si grande, quand ül s’y met- Loit , que beaucoup trop.

Celle nuict eusmes encore deux grandes allarmes, le tout pour n'avoir mis ordre contre les Estradiots, comme on devoit, et comme lon a accoustumé de faire contre chevaux lécrs ; car vingt hommes-d'armes des nostres, avec leurs archiers, en arresteroient tousjours deux cens; mais la chose cstoil encore fort nouvelle, Etsi fit aussi cette nuict merveilleuse pluie , et esclairs et tonnerres si grands qu'on ne sçauroit dire plus; et sembloit que le ciel ct la terre fondissent, ou que cela signifiast quelque grand inconvénient advenir. Aussi nous estions au pied de ces grandes montagnes, el en païs chaud, et en esté ; et combien que ce fut chose naturelle, si estoit-ce chose espouvantable que d’estre en ce péril, et voir lant de gens au-devant, et n’y avoit nul remède de passer que par combattre, et voir si petite coMmpaignie; car, que bons que mauvais hommes pour combattre, n’y avoit point plus de neuf mille hommes, dont je compte deux mille pour la sequelle et serviteurs des gens de bien de l'ost. Je ne compte point pages ni valetls de sommiers, ni telles gens.