LIVRE HUITIEME

Charles de Savoye le luy avoit donné. Et estoit noir, et n'avoit qu'un œil, et estoit moyen cheval, de bonne grandeur pour celuy qui estoit monté dessus. Et sembloit que ce jeune homme fut tout autre que sa nature ne portoit, ni sa laille, ni sa complexion; car il estoit fort craintif à parler, et est encore aujourd'hui. Aussi avoit-il esté nourry en grande crainte, et avec pelites personnes; ct ce cheval le monstroit grand ; el avoit le visage bon et bonne couleur , et la parole audacieuse et sage. Et sembloit bien (et m'en souvient) que frère Iièéronyme ! m'avoit dit vray, quand il me dit que Dieu le conduisoit par la main et qu'il auroit bien affaire au chemin, mais que l'honneur luy en demoureroit. Et me dit le roy, si ces gens vouloient parlementer, que je parlasse. Et parce que le cardinal estoit présent, le nomma, et le mareschal de Gié, qui estoit mal paisible ; et estoit à cause d’un différend qui avoit esté entre le comte de Narbonne et de Guise, qui quelquefois avoit mené des bandes, et chacun disoit qu’à luy appartenoit de mener l'avant-garde. Je luy dis : «Sire, »je le feray volontiers, mais je ne vis jamais »deux si grosses compaignies, si près l’une de »l’autre, qui se départissent sans combatre.» Toute l’armée saillit en cette grève, et en bataille, et près l’un de l’autre, comme le jour de devant; mais à voir la puissance me sembloit trop pelite auprès de celle que j’avois vu à Charles de Bourgongne, et au roy son père.

Et sur ladite grève nous tirasmes à part ledit cardinal et moy, et nommasmes une lettre aux deux proviseurs dessusdits, qu’escrivit monseigneur Robertel, un secrétaire que le roy y avoit, de qui il se fioit, disant le cardinal: qu'à son office el estat appartenoit de procurer paix, et à moy aussi, comme celui quy de nouveau venois de Venise, ambassadeur, et que je pouvois encore estre médiateur, leur signifiant le roy ne vouloir que passer son chemin, el qu’il ne vouloit faire dommage à nul; et parce, s'ils vouloient venir à parlementer, comme il avoit esté entrepris le jour de devant, que nous estions contens, et nous employerions en tout bien. Jà estoient escarmouches de tous costés; et comme nous tirions pas à pas nostre chemin à passer devant eux,la rivière entre deux 4 Girolamo Savonarola.

(comme j'ay dit) y pouvoit avoir un quart de lieue de nous à eux, qui tous estoient en ordre en leur ost, car c’est leur coustume qu'ils font tousjours leur champ si grand que tous y peuvent estre en bataille et en ordre.

Ils envoyèrent une partie de leurs Estradiots et arbalestriers à cheval, et aucuns hommes-d’armes, qui vindrent du long du chemin, assez couverts, entrer au village, dont nous parlions, et là passer cette petite rivière pour venir assaillir nostre charroy, qui estoit assez grand. Et crois qu’il passoit six mille sommiers, que mulets, que chevaux et asnes.

Et avoient ordonné leur bataille si très bien que mieux on ne sçauroit dire, et plusieurs jours devant, et en façon qu'ils se fioient à leur grand nombre. Ils assailloient le roy et son armée tout à l’environ, et en manière qu’un seul homme n’en eut sçu eschapper, si nous eussions esté rompus, vu le païs où nous estions; car ceux que j’ay nommés vindrent sur nostre bagage, et à costé gauche vint le mar- quis de Mantoue, et son oncle le scigneur Rodolphe, le comte Barnardin de Val-Monton, el toute la fleur de leur ost, en nombre de six cens hommes-d’armes, comme ils me contèrent depuis. El se vindrent jeter en la grève, droict à nostre queue, tous les hommes-d’armes, bardés, bien empanachés, belles bourdonnasses, très-bien accompagnés d’arbalestriers à cheval et d’Estradiots, et de gens-depié. Vis-à-vis du mareschal de Gié et de nostre ayant-garde, se vint mettre le comte de Cajazze, avec environ quatre cens hommesd’armes, accompagnés comme dessus, et grand nombre de gens-de-pié. Avec luy estoit une autre compaignie de quelques deux cens hommes-d’armes, que conduisoit le fils de messire Jean de Bentivoille de Boulongne, homme jeune, qui n’avoit jamais rien vu (et avoient aussi bon besoin de chefs que nous); et cesluilà devoit donner sur l'avant-garde après ledit comte de Cajazze. Et semblablement y avoit pareille compaignie après le marquis de Manloue (et pour semblable occasion) que menoit un appelé messire Antoine d’Urbin, bastard du feu duc d’Urbin; et en leur ost demourèrent deux grosses compaignies. Cecy j’ay sçu par eux-mesmes, car, dès le lendemain, ils m'en parlèrent, et le vis à l’œiùl. Et ne voulu-

MÉMOIRES DE P. DE COMMINES

rent point les Vénitiens estrader tout à un coup, ni dégarnir leur ost; toutesfois il leur eust mieux valu mettre tout aux champs, puis qu’ils commençoient.

Je laisse un peu ce propos pour dire que devint nostre lettre qu’avions envoyée, le cardinal et moy, par un trompette. Elle fut reçue par les provéditeurs; et comme ils l’eurent lue, commença à tirer le premier coup de nostre artillerie, qui encore n’avoit tiré, et incontinent tira la leur qui n’estoit si bonne. Lesdits provédileurs renvoyèrent incontinent nostre trompette, et le marquis une des siennes ; et mandèrent qu'ils esloient contens de parlementer, mais qu'on fit cesser l'artillerie, et aussi qu’ils feroient cesser la leur. J’estois pour Jors loin du roy, qui alloitet venoit. Et renvoya les deux trompettes dire qu’il feroit tout cesser ; et manda au maistre de l'artillerie ne tirer plus; et tout cessa des deux costés un peu; et puis soudainement eux tirérent un coup, et la nostre recommença plus que devant, en approchant trois pièces d'artillerie. Et quand nos deux trompettes leur arrivèrent, ils prirent la nostre et l’'envoyèrent en la tente du marquis, et deslibérèrent de combattre. Et dit le comte de Cajazze (ce me dirent les présens) qu'il n’estoit point temps de parler, et que jà estions demy vaincus; et l’un des proviseurs s’y accorda (qui le m’a conté) et l’autre non ; et le marquis s’y accorda; et son oncle, qui estoit bon et sage, y contredit de toute sa puissance (lequel nous aimoit, et à regret estoit contre nous) et à la fin tout s’accorda.

Or, faut entendre que le roy avoit mis tout son effort en son avyant-garde, où pouvoit avoir trois cens cinquante hommes-d’armes, et trois mille Suisses (qui estoit l'espérance de lost); et fit le roy mettre à pié avec eux trois cens archiers de sa garde (qui luy fut grande perte) et aucuns arbalestriers à cheval, des deux cens qu'il avoil de sa garde. D’autres gens-de-pié y avoit peu, mais ce qui y estoit y fut mis, Et y estoit à pié, avec les Alemans, Engilbert, monseigneur de Clèves, frère du duc de Clèves, Lornay ! et le baillif de Dijon”, chef des Alemans, et devant eux l'artillerie

1 Il était grand-écuyer de la reine.

3 Antoine de Bessey.

Icy faisoient bien besoin ceux qu’on avoit laissés aux terres des Florentins, et envoyés à Gennes contre l’opinion de tous. Cette avantgarde avoit jà marché aussi avant que leur ost; et cuidoit-on qu’ils dussent commencer; et nos deux autres batailles n’estoient pointsi près, ni si bien pour s’ayder, comme ils estoient le jour devant. Et parce que le marquis s’estoit jà jeté sur la grève, et passé la rivière de nostre costé, et justement estoit à nostre dos, quelque quart de lieue derrière l’arrière-garde, et qu'ils venoient le petit pas, bien serrés, lant qu’à merveilles il les faisoit beau voir , le roy fut contraint de tourner le dos à son avyantgarde, et le visage vers ses ennemyÿs, el s’ap- . procher de son arrière-garde. J’estois avec ledit cardinal, attendant response, et luy dis que je voyois bien qu’il n’estoit plus temps de s’y amuser. Et m’en allay là où estoit le roy; et partis d’auprès des Suisses; et perdis en allant un page, qui estoit mon cousin germain, et un valet-de-chambre, et un laquais, qui me suivoient d’un petit loin, et ne les vis point tuer.

Je n’eus point fait cent pas, que le bruit commença de là où je venois, au moins un peu derrière : c’estoient les Estradiots qui estoient parmy le bagage et au logis du roy, où y avoit trois ou quatre maisons. Et y tuèrent ou blessèrent quatre ou cinq hommes; le reste eschappa. Ils tuèrent bien cent valets-de-sommiers, et mirent le chariage en grand désordre. Comme j’arrivois là où estoit le roy, je le trouvay où il faisoit des chevaliers 1 ; et les ennemys estoient jà fort près de luy, et le fit-on cesser. Etouys le bastard de Bourbon Mathieu ( à. qui le roy donna du crédit) et un appelé Philippe du Moulin, simple gentilhomme,

mais homme de bien , qui appelèrent le roy,

disant : « Passez, sire, passez. » Et le firent venir devant sa bataille, et devant son enseigne. Et ne voyois nuls hommes plus près des ennemys que luy, excepté ce bastard de Bourbon; et n’y avoit point un quart-d’heure que j'estois arrivé. Et estoient les ennemys à cent pas du roy, qui estoit aussi mal gardé et conduit que fut jamais prince ni grand seigneur :

mais au fort, il est bien gardé que Dieu garde.

1 L'usage était de faire des chevaliers peu avant le commencement d’une bataille.