LIVRE HUITIÈME
LA
Et estoit bien vraye la prophélie du vénérable frère Hiéronyme, qui disoit que Lieu le conduisoit par la main. Son arrière-garde estoit à la main dextre, de luy un peu reculée ; et la plus prochaine compaignie de luy, de ce costé, estoit Robinet de Frainezelles , quimenoit les gens du duc d'Orléans , environ quatre-vingt lances, et le sire de la Trimouille, qui en avoit environ quarante lances. Et les cent archiers escossois y estoient aussi, qui se mirent en la presse comme hommes-d’armes. Je me trouvaÿ du costé gauche, où estoientles gentilshommes des Vingt-Escus, et les autres de la maison du roy, et les pensionnaires. Je laisse à nommer les cappitaines, pour briefveté, mais le comte de Foix estoit chef de cette arrière-garde.
Comme j'ay dit, un quart-d'heure après que je fus arrivé , le roy estant ainsi près d'eux, les ennemys jetèrent les lances en l’arrest, et se mirent un peu aux galops et en deux compaignies. Et donnèrent à nos deux compaignies la dextre, de la main d’eux, et aux ars chiers escossois ; et choquèrent presque aussi tost l’un contre l’autre, ét le roy comme eux. Le costé gauche, là où j’estois, leur donna sur le costé, qui fut avantage grand; et n’est possible au monde de plus hardiment donner que l'on donna des deux costés. Leurs Estradiots, qui estoient à leur queue, virent fuir mulets et coffres vers noslre ayant-garde ,et que leurs compaignons gaignoient tout. Ils allèrent celle part, sans suivre leurs hommes-d’armes , qui ne se trouvèrent point accompagnés; mais sans doute, si mille cinq cens chevaux-légers se fussent meslés parmy nous, avec leurs cimeterres au poing (qui sont terribles espées ) vu le petit nombre que nous estions, nous eslions desconfils sans remède. Dieu nous donna celte ayde. El tout aussi-tost comme les coups de lances furent passés ; les Italiens se mirent tous à la fuite, et leurs gens-de-pié se jetèrent au costé, ou la pluspart. A celte propre instance qu’ils donnèrent sur nous, donna le comte de Cajazze sur l'avant-garde ; mais ils ne joignirent point si près; car, quand vint l'heure de coucher les lances, ils eurent peur, et se rompirent d'eux-mesmes. Quinze ou vingt en prirent là les Alemans, par les bandes, qu'ils tuèrent Le reste fut mal chassé, car le mareschal de Gié mettoit à grande peine
sa compaignie ensemble ; car il voyoit encore tenir grande compaignie assez près de luy.
toutesfois quelques-uns en chassèrent ; et parlie de ces fuyans venoient le chemin où nous avions combatu, le long de la grève, Îles espées au poing, car les lances estoient jelées.
Or vous faul sçavoir, que ceux qui assaillirent le roy, se mirent incontinent à la fuite, el furent merveilleusement et vivement chassés, car tout alla après: les uns prirent le chemin du village, dont estions parlis les autres prenoient le plus court en leur ost; et tout chassa, expté le roy, qui demoura avec peu de gens, et se mit en grand péril, pour ne venir quand et nous. L'un des premiers hommes qui fut tué, ce fut le seigneur Rodolphe de Mantoue, oncle dudit marquis, qui devoit mander à ce . messire Antoine d’'Urbin quand il seroit lemps qu'il marchast ; et cuidoient que la chose dust durer comme sont leurs faicts d'armes d'Italie; et de cela s’est excusé ledit messire Antoine ; mais je croy qu'il ne vit nuls signes pour le faire venir. Nous avions grande sequelle de valets et de serviteurs, qui tous estoient à l’environ de ces hommes-d’armes italiens, et en tuérent la pluspart. Presque tous avoient des haches à couper bois ,en la main, dequoi ils faisoient nos logis, dont ils rompirent les visières des armets ; et leur en donnoient de grands coups sur les lestes ; car bien mal-aisés estoient à tuer, tant estoient fort armés. Et ne vis tuer nul où il n’y eust trois ou quatre hommes à l'environ; et aussi, les longues espées qu’avoient nos archiers et serviteurs firent un grand exploict. Le roi demoura un peu au lieu où l’on l’avoit assailly, disant ne vouloir point chasser, ni aussi tirer à l’avantgarde , qui sembloit estre reculée. Il avoit ordonné sept ou huit gentilshommes, jeunes, pour cestre prests près de luy. Il estoit bien eschappé au premier choc, vu qu'il estoit des premiers ; car ce bastard de Bourbon fut pris à moins de vingt pas de luy, et emmené en l’'ost des ennemis.
Or se trouva le roy en ce lieu que je dis, en si petite compaignie qu'il n’avoit, de toutes gens , qu’un valet-de-chambre , appelé Antoine des Ambus, petit homme et mal armé; et estoient les autres un peu espars (comme me conta le roy, dès le soir, devant eux-mes-
MÉMOIRES DE P. DE COMMINES
mes, qui doivent avoir grande honte de l'avoir ainsi laissé ). Toutesfois ils arrivèrent encore à heure, car une bande petite, de quelques hommes-d'armes des rompus, qui venoient au long de la grève qu'ils voyoient toulc nette de gens ,-vindrent assaillir le roy et ce valet-de-chambre. Ledit seigneur avoit le meilleur cheval pour luy du monde; et se remuoit, et se deffendoit ; et arriva sur l’heure quelque nombre de ses autres gens, qui n’estoient guères loin de luy; et lors se mirent les Italiens à fuir; et lors le roy crut conseil et tira à l'avant-garde, qui jamais n'’estoit bougée ; et au roy vint bien à poinct. Mais si elle eust marché cent pas, lout l'ost des ennemys se fut mis en fuite. Les uns disent qu’elle le devoit faire , les autres disent que non.
Nostre bande , qui chassa , alla jusques bien près du bout de leur ost, tirant jusques vers Fornoue. Et ne vis oncques recevoir coup à homme des nostres, qu'à Julien Bourgneuf, que je vis cheoir mort d’un coup que luy donna un Îtalien, en passant {aussi il estoit mal armé). Et là on s’arresta en disant: « Allons au roy. » Et à cette voix s’arresta tout, pour donner haleine aux chevaux , qui estoient bien las ; car ils avoient longuement couru, et par mauvais chemin, et par pays de cailloux. Auprès de nous passa une compaignie de fuyans de quelque trente homme-d’armes , à qui on ne demanda riens, el estions en doute. Si tost que leurs chevaux eurent un peu pris leur haleine,
nous nous mismes au chemin pour aller au
roy, ne sçachans où il esloit; et allasmes le grand trot. Et n’eusmes guères allé, que le vismes de loin ; et fismes descendre les valets et amasser des lances par le champ, dont il y avoit assez, par espécial de bourdonnasses fi, qui ne valoient guères et estoient creuses et légères, ne pesans point une javeline, mais bien peintes. Et fusmes mieux fournis de lances que le matin, et tirasmes droict au roy.
En chemin trouvasmes un nombre de gensde-pié des leurs, qui traversoient le champ; et estoient de ceux qui s’estoient cachés aux costeaux et qui avoient mené le marquis sur le roy. Plusieurs en furent tués, autres es-
! On les appellait ainsi parce qu'elles avaient la forme d'un bourdon,
chappèrent et traversèrent la rivière , et ne s’y amusa l’on point fort. Plusieurs fois avoit esté escrié par aucuns des nostres en combatant :
« Souvenez-vous de Guynegate ! » C’estoit pour une bataille perdue, du temps du roy Louis onzième, en la Picardie, contre le roy des Romains, pour soy cstre mis à piller le bagage; mais il n’y eut riens pris ni pillé. Leurs Estradiots prirent des sommiers ce qu’ils voulurent ; mais ils n’en emimenèrent que cinquante-cinq, tous les meilleurs et mieux couverts, comme ceux du roy et de tous ses chambelans ; et un valet-de-chambre du roy, appelé Gabriel, qui avoit ses reliques sur luy, qui long-temps avoient estès aux roys, conduisoil lesdites pièces , parce que ledit roy y estoit. Grand nombre d'autres coffres y furent perdus et jetés, et dérobés par les nostres mesmes ; mais les ennemys n’eurent que ce que je dis. En nostre ost eul grande sequelle de pillards et pillardes à piè, qui faisoient le dommage des morts. Tant d’un costé que d'autre, je croy en dire près de la vérilé,après estre bien informé des deux costès, c’est que nous perdismes Julien Bourgneuf, le cappilaine de la porte du roy, un gentilhomme-des-vingtescus, des archiers escossois neuf morts, d’autres hommes à cheval de cetle avant-garde, environ vingt el à l’entour des sommiers soixante ou quatre-vingts valets-de-sommiers. Et eux perdirent trois cens cinquante hommes-d'armes, morts en la place. El jamais nul ne fut pris prisonnier, ce que par adventure jamais n’advint en bataille. D’Estradiots mourut peu, car ils se mirent au pillage. En tout y mourut trois mille cinq cens hommes, comme plusieurs des plus grands de leur costé m’ont conté (autres m'ont dit plus); mais il y mourut des gens de bien; et en vis en un roolle, jusques à dix-huit, bons personnages, entre lesquels il y en avoit quatre ou cinq du nom de Gonzague, qui est le nom du marquis, qui y perdit soixante gentils-hommes de ses terres; et à tout cecy ne s’y trouva un homme à pié. C’est grande chose avoir esté tué tant de gens de coup de main; car je ne crois point que l’artillerie des deux costés tuast dix hommes. Et ne dura point le combat un quart-d’heure ; car dès qu'ils eurent rompu ou jeté les lances, tout fuit. La chasse dura environ trois quarts-
