LIVRE HUITIEME

d'heure, Leurs batailles d’lialie n’ont point accoustumé d'’estres telles ; car ils combattent esquadre après esquadre , et dure quelquefois tout le jour, sans que l’un ni l’autre gaigne 1.

La fuite de leur costé fut grande. Et fuirent bien trois cens hommes-d'armes , et la pluspart de leurs Estradiots. Les uns fuirent à Rege (qui est bien loin de là), les autres à Parme , où y pouvoit bien avoir huit lieues; et à l'heure que la bataille fut ainsi meslée le matin , fuit d'avec nous le comte de Petilliane et le seigneur Virgile Ursin ; mais cettui-cy n’aUa qu’en une maison d’un gentil-homme, et estoit là sur la foi; mais vray est qu’on leur faisoit grand tort. Ledit comte alla droict aux ennemys. Il estoit homme bien connu des gensd’arines ; car tousjours avoit eu charge, tant de Florentins que du roy Ferrand; et se prit à crier: « Petilliane! Petilliane! » Et alla après ceux qui fuirent, plus de trois lieues, criant que tout estoit leur, et qu’ils vinssent au gain. Et en ramena la pluspart et les assura. Et si n’eust-il esté, tout s’en fut fuy ; car ce ne leur estoit petit reconfort d’un tel homme, party d'avec nous. Et mit en avant, le soir, de nous assaillir, mais ils n’y voulurent entendre. Depuis le m'a conté ; aussi le me conta Je marquis de Mantoue, disant que ce fut luy qui mit ce parti en avant. Mais à dire la vérité, si ce n'eust esté ledit comte, ils fussent tous fuis la nuict.

Comme tout fust assemblé auprès du roy, on voyoit encore hors de leur ost grand nombre d'hommes - d'armes en bataille: et s’en voyoit les testes seulement et les lances; et aussi des gens-de-pié, et y avoient tousjours esté. Mais il y avoit beaucoup plus de chemin qu’il ne sembloit. Et eust fallu passer la rivière qui estoit crue et croissoit d'heure en heure; car lout le jour avoit tonné, esclairé et plu merveilleusement, et par espécial en combattant et chassant. Le roy mit en conseil s’il devoit chasser contre ceux-là ou non. Avec luy avoit trois chevaliers italiens : l’un est messire Jean - Jacques de Trévoul ? (qui encore vit, et se gouverna bien ce jour); l’au-

* Voyez l’histoire dela ligne de Cambrai par l’abbé Dubos et Guicciardini, livre HI.

8 Trivalcio.

tre avoit nom messire Francisque Secco, trèsvaillant chevalier, soudoyé des Florentins, homme de soixante et douze ans; Fautre, messire Camille Vitelly. Lu et trois de ses frères estoient à la soulde du roy, et vindrent de Civita-de-Castella jusques vers Serzanc pour estre à celte bataille, sans estre mandés, où il y a un grand chemin; et quand il vit qu'il ne pouvoit atleindre le roy avec sa compaignie, ledit Camille vint seul. Ces deux furent d'opinion que l’on marchast contre ceux que l'on voioit encore. Les François, à qui on en demanda, ne furent point de cet advis; mais disoient qu’on avoit assez fait, qu'il cstoit tard et qu'il se falloit loger. Ledit messire Francisque Secco soustint fort son opinion, monstrant gens qui alloient el venoient au long d’un grand chemin qui alloit à Parme (qui estoit la plus prochaine ville de leur retraite); et alléguoit que c’estoient fuyans ou qui en revenoient. Et à ce que nous sçusmes depuis, il disoit vray; et à sa parole et contenance; estoit hardy et sage chevalier. El qui eust marché, tous fuyoient (tous les chefs le m'ont confessé , et quelqu'un devant le duc de Milan) qui eust esté la plus belle et grande victoire qui ait esté depuis dix ans, et la plus profitable ; car qui en eust bien sçu user el faire son profit, et sagement s’y conduire , et bien traicter le peuple, huit jours après , le duc de Milan n’eust cu, au mieux venir pour luy, que le chasteau de Milan, à l'envie que ses subjels avoient à se tourner; et tout ainsi en fust-il allé des Vénitiens. Et n’eust point esté besoin de se soucier de Naples ; car les Vénitiens n’eussent sçu où recouvrer gens, hors Venise, Bresse el Crémone (qui n’est qu’une pelile ville }, et tout le reste eussent perdu en Italie. Mais Dicu nous avoit fait ce que me dit frère Hiéronyme : l’honneur nous estoit demouré; car vu le peu de sens et ordre qui estoit parmi nous, tant de bien ne nous esloit point dû; car nous n’en eussions sçu user pour lors. Mais je crois que si à celte heure (qui est l’an mil quatre cens quatre vingt et dix-sept) un tel bien advenoit au roy, il en sçauroit mieux ordonner.

Estans en ce propos la nuict s'approcha , et cetle compaignie, qui esloit devant nous, se retira en leur champ; et nous de l’autre costé

MÉMOIRES DE P. DE COMMINES

nous allasmes loger à un quart de lieue de là où avoit esté la bataille. Et descendit le roy en une cense ou métairie pauvrement édifiée ; mais il se trouva nombre infini de bled en gerbe, dont tout l’ost se sentit. Aucunes autres maisonnettes y avoit auprès, qui peu servirent: car chacun logea comme il put, sans faire nul quartier. Je sçais bien que je couchay en une vigne, bien empressé, sur la terre, sans autre avantage et sans manteau; car le roy avoit emprunté Je mien le matin, et mes sommiers esloient assez loin, et esloit trop tard pour les chercher. Qui eust de quoy fit collation ; mais bien peu en avoient, si ce n’estoit quelque lopin de pain pris au sein d’un valet. Je vis le roy en sa chambre où il y avoit des gens blessès, comme le séneschal de L\on et autres qu'il faisoit habiller; et faisoit bonne chère ; el se tenoit chacun à bon marchand; et n’estions point tant en gloire comme peu avant la balaille, parce que nous voyons les ennemyÿs près de nous. Cette nuict firent nos Alemans le guet tous : etleursdonna le roi trois cens escus; et le firent bon; et sonnoient bien leurs tabourins.