LIVRE HUITIEME

roy. Et nous estans en ce propos, vint un de nos hérauls qui me dit que ces seigneurs dessusdits s’en alloient, et que j’ouvrisse ce que je voudrois, ce que je ne voulus point faire; car ils scavoient du vouloir du roy plus que moy, tant pour en estre plus prochains, que pour avoir parlé à luy en l'oreille à nostre partement ; mais de son affaire présente, j’en sçavois autant qu'eux pour lors. Le marquis de Mantoue me commença fort à parler de la bataille; el me demanda si le roy l'eust fait tuer s’il eust est pris, je luv dis: « Non, mais il vous eust » fait bonne chère; car le roy avoit cause » de l'aimer, vu qu'il luy faisoit acquérir grand » honneur en l’assaillant. » Lors il me recommanda les prisonniers, et par espécial son oncle, le seigneur Rodolphe. Et le cuydoit vif; mais je sçavois bien le contraire. Toutesfois je l'assuray que tous les prisonniers seroient bien traictés ; et lur recommanday le bastard de Bourbon qu'il tenoit. Les prisonniers par nous destenus estoient bien aysés à penser, car iln'y en avoit point, ce qui n’advint par adventure jamais en bataille, comme j’ay dit ; et y avoit perdu ledit marquis plusieurs de ses parens, et jusques à sept ou huit, et de toule sa compaignic bien six vingt hommes-d’armes.

Après ces devises, je pris congé d'eux, disant qu'avant la nuict je relournerois, et fismes trèves jusques à la nuict.

Après que je fus retourné là où estoit le roy et ledit secrétaire avec moy, ils me demandérent des nouvelles. Et se mit le roy en conseil, en une pauvre chambre, et ne conclud riens; ains chacun regardoit son compagnon.

Le roy parla à l’orcille au cardinal , et puis me dit que je retournasse voir ce qu’ils voudroient dire (or l’entreprise du parler venoit de moy ; par quoy estoit vray-semblable qu'ils vouloient que je commençasse à parler); et puis me dit le cardinal que je ne conelusse riens. Je n’avois garde de riens conclure , car on ne me disoit riens. Jene voulus riens répliquer , ni rompre mon allée; car j’espérois bien ne gaster rivns, et pour le moins voir quelque chose des contenances de nos ennemis, qui sans doute estoient plus espouyantés que nous, el par adventure cussent pu ouvrir quelques paroles qui cussent pu porter sûreté aux deux parties. Ainsi me mis au chemin; mais jà appro-

choit la nuict, quand j’arrivay sur le bord de la rivicre. Et là me vint une de leurs trompettes, qui me dit que ces quatre, dont j’ay parlé, me mandoient que je ne vinsse point pour ce jour, à cause que leur guet estoit assis des Estradiots, qui ne connoissent personne, el qu'il y pourroit avoir danger pour moy ; mais vouloit demourer ladite trompetle la nuict, pour me guider. Je la renvoyay, disant que le matin, environ huit heures, je serois sur le bord de ladite rivière, et que là elle m'’attendist , ou s’il y avoit quelque mutation, que je leur renvoirois un héraul; car je ne voulois point qu’il connust, celte nuict, riens de nostre cas ; etsi ne sçcavois quelle conclusion le roy prendroit; car je vis des conseils en l'oreille, qui me faisoient douter. Si relournay dire ces choses audit seigneur.

Chacun soupa de ce qu'il avoit, et se coucha sur la terre ; el tost après minuict, me trouvay en la chambre dudit seigneur. Ses chambelans estoient là, en estat de monter à cheval ; et me dirent que le roy deslibéroit de tirer en diligence jusques en Ast et aux terres de la marquise de Montferral ; et me parlèrent de demourer derrière pour tenir le parlement: dont je m'exCUsay, disant que je ne me voulois point faire tuer à mon escient, et que je ne serois point des derniers à cheval. T'antost le roy s’esveilla, et ouït la messe, ct puis monta à cheval. Une heure devant le jour, une trompette sonna: « Faictes bon gucl! » mais autre chose ne fut sonné à se desloger (et croy aussi qu'il n’en estoit aucun besoin). Toutesfois c’estoit donner effroy à l'armée, au Moins aux gens de connoissance; et puis nous lourntons le dos à nos ennemys, et prenions le chemin de sauveté, qui est chose bien espouvalable pour un ost; et y avoit bien mauvaise saillie au partir du logis, comme chemins creux ct bois; et si nous tordismes, car il n’y avoit point de guide pour nous guider; et ouys comme on demanda le guide à ceux qui conduisoient les enseignes et à celuy qui faisoit l'office de grand-escuyer ; mais chacun respondit - « Je n’en ay point. » Notez qu'il ne faloit point de guide, car Dicu seul avoit guidé la compaignie au venir, et en suivant ce que m'avoit dit frère Hiéronyme, il nous vouloit encore conduire au retour, car il n’estoit puint à

MÉMOIRES DE P. DE COMMINES

croire qu'un tel roy chevauchast de nuict sans guide, là où il en pouvoit assez finer. Encore monstra Nostre Seigneur plus grand signe de nous vouloir préserver; car les ennemys ne s’apperçurent point de nostre partement, qu’i ne fut midy, attendans tousjours ce parlemeni que j’avois entrepris. Et puis la rivière crut si très-grande qu'il fut quatre heures après midy avant que nul homme s’osast avanturer d'y passer pour nous suivre; et lors y passa le comte de Cajazze avec deux cens chevaux-légers italiens, en grand péril pour la force de l'eau ; et en passant il s’y noya un homme ou deux, comme depuis il m'a conté. Or cheminasmes-nous par chemin bossu et bois. Et faloit aller à la file par chemin l’espace de six milles ou environ. Et après trouvasmes une belle grande plaine, où jà esloit nostre avantgarde, artillerieetbagage, qui estoit fort grand, et qui de loing sembloit une grosse bande. Et en eusmes effroy de prime face, à cause de l’enscignc blanche el carrée de messire Jean- Jacques de Trévoul, pareille de celle qu’avoit portée à la bataille le marquis de Mantoue. Et ladite avant-yarde eut doute de nostre arrièregarde qu'ils voyoient venir de loin, hors du chemin, pour venir par le plus court. Si se mit chacun en estat de combattre. Mais cet effroy dura peu; car chevaucheurs vindrent de tous costés, el se reconnurent incontlinent. Et de là nous allasmes repaistre au bourg Sainct-Denys, où l’on cria une alarme, faicte à propos, pour en tirer les Alemans, de peur qu’ils ne pillassent la ville. Puis allasmes coucher à Florensolc ; le second jour coucher près Plaisance, et passasmes la rivière de Trébia ; mais il demoura de l’autre part deux cens lances, nos Suisses el loute l'artillerie , exceptés six pièces que le roy menoit. Et cela fit le roy pour estre micux logé, et plus au large, espérant les faire bicn passer à l'aise, quand il voudroit, car ladite rivière, par ordinaire, est pelite, et par espécial en cette saison de lors. Toutesfois environ dix heures de nuict, ladite rivière crut si fort que nul homme n’y eust sçu passer à pié ni à cheval, ni l’une compagnie n’eust sçu secourir l’autre, qui fut chose de grande doute, pour avoir les ennemys près. Et chercha l’on toute la nuict pour trouver le remède d'un costé et d’autre; mais il n’y en avoit

point jusques à ce qu’il vint de lui-mesme, qui fut environ cinq heures du matin. Et lors on tendit des cordes d’un bout jusques à l’autre, pour ayder à passer les gens-de-pié qui estoient en l’eau jusques au-dessus de leslomach. Tost après passèrent les gens-de-cheval, et l'artillerie; mais ce fut une soudaine et périlleuse adventure, considéré le licu où nous estions, et les eunemys auprès de nous, c’est à sçavoir la garnison de Plaisance, et le comte de Cajazze, qui estoit entré; car aucuns de ladite ville pratiquoient d'y mettre le roy, mais ils vouloient que ce fust soubs le litre d’un pe- Ut fils demourté de Jean Galéas, dernier duc, qui naguëères esloit mort, comme ayez oui. Et quand le roy eut voulu entendre à cette p'atique, plusieurs villes et autres personnes y eussent entendu, par le moyen dudit messire Jean-Jacques de Trévoul,; mais ledit seigneur ne voulut point faire ce desplaisir au duc d'Orléans, son cousin, qui jà estoit dedans Novarre, comine avez vu. Mais à dire vé:ité, de l’autre costé, il ne désiroit point furt de voir sondil cousin si grand; ct luy suffisuit de passer, et laisser aller ce différend comme il pourroil. Le troisiesme jour après le partement du lieu où avoit esté la bataille, alla le roy disner au chastel Sainct-Jean, et coucha en un bois; le quatriesime disna à Voghera et coucha à Pont-Curon, le cinquiesme jour coucha près Torlone, et passa la rivière appelte Scrivia, que Fracasse deffendoit ; car les gens qui estoient à Tortone estoient soubs sa charge pour le duc de Milan; et adverty qu'il fust par ceux qui faisoient le logis du roy, que ledit seigneur ne vouloit que passer, se relira eu la ville, cet manda qu'il bailleroit des vivres tant que l'on voudroit. Et ainsi le fit, car toute l'armée passa rasibus de la porte dudit T'ortone. Et vint ledit Fracasse au devant du roy, armé, mais il n’avoit que deux personnes avec luy.

Et s’excusa fort au roy qu’il ne le logvoit en la ville, et fit mettre force vivres hors ladite ville, dont tout l'ost fut bien fourny, et au soir vint au coucher du roy. Or faut entendre qu'il estoit de cette maison de Sainct-Severin, et frère de ce comte de Cajazze el de messire Galtas; et avoit esté, peu de temps devant, à la soulde du royÿ,en la Romanie, comme il a esté dit ailleurs. De là vint le roy à Nice-de-la-Paille.