LIVRE HUITIEME

qui est du marquisat de Mort-Ferrat, que nous désirions bien trouver, pour estre en païs d’amys et en sûreté, car ces chevaux-légers, que menoit le comte de Cajazze, esloient sans cesse à nostre queue, el les prenners jours nous firent grand ennuy; et avions peu de gens à cheval qui se voulussent mettre derrière, car plus approchions du lieu de sûreté, ct moins monstroicnl les nostres qu'ils eussent vouloir de combattre. Aussi dit-l’on que c'est la nature d’entre nous François; et l’ont escrit les Italiens en leurs histoires, disans qu’au venir des François ils sont plus qu’hommes, mais qu’à leur retraile sont moins que femmes, Et je le croy du premier poinct, car vérilablement ce sont les plus rudes gens à rencentrer qui soient en tout le monde (j'entends les gens-de-cheval); mais à la retraite d’une entreprise, toutes gens du monde ont moins de cœur qu’au partir de leurs maisons.

Ainsi, pour continuer ce présent propos, nostre queue estoit défendue de trois cens Alemans, qui avoient moult largement de coulevrines, et leur portoit-on beaucoup de haquebutes à cheval. Et ceux-là faisoient bien retirer les Eslradiots, qui n'estoient point grand nombre; et lc grand ost, qui nous avoit combatus, venoit La :U comme il pouvoit. Mais pour estre partis un jour après nous, et pour leurs chevaux bardés, ne nous scurent Joindre; et ne perdismes jamais un homme au chemin. Et ne fut ledit ost jamais à un mille près de nous. Et quand ils virent qu'ils ne nous pouvyoient joindre (et peut-estre aussi qu'ils n’en avoient pas grande envie) ils Urèrent devant Noyarre, où estoient les gens du duc de Milan, et des leurs, comme avez ouf cy-devant; mais s’ils nous eussent pu alleindre près de nostre retraite, peut-estre qu'is en eussent cu meilleur marché qu'ils n’eurent à la valée de Fornoue.

J'ay dit en plusieurs lieux comme j'avois ouy dire et monstrer que Dieu le Créateur nous avoit guidés en ce prèsent voyage ; mais encore me sert-il à le dire icy; car combien que depuis le jour de ladite bataille, jusques audit heu, les logis fussent mal despartis, néantmoins se logeoit chacun comme il pouvoit en patience, sans trouble ou débat. De vivres, nous en avions grande nécessité ; toulesfois quelque peu en apportoient ceux du vaïs, qui

aisément nous eussent empoisonnés, s'ils eussent voulu, tant en leurs vivres, qu’en leurs vins et eaux, qui en un moment esloienl tarics, et les puits. Aussi je ne vy que petitesfontaines ; mais ils n’y eussent point failly , s'ils y eussent voulu essayer. Mais 51 est de croire que nostre Sauveur et Redempteur Jésus-Christ leur ostoit leur vouloir. J’ay vu la soif si grande, qu'un monde de gens-de-pié buvoient aux fossés de ces petites villettes où nous passions. Nous faisions grandes traites et longues, et buvions eau orde, et non courante; et pour boire se fourroient dedans jusques à la ceinlure; car il nous suivoit grand peuple qui n’estoient point des gens de guerre, et un bien grand nombre de sommiers. Le roy partoit avant jour. Et ne sçu oncques qu'il y eut guide ; et touchoit jusques à midy, là où il repaissoit, el chacun prenoit place. Et faloit apporter les vivres des chevaux entre les bras; el que chacun fit repaistre son cheval. Et sçay bien que je l’ay fait deux fois. Et fus deux jours sans manger que pain, bien meschant ; el si j'estois de ceux qui avoient moins de nécessité. D'une chose faut louer cette armée, c'est que jamais je n’ouys homme soy plaindre, de nécessité qu’il cust, et si fut-ce le plus pénible voyage que je vis oncques jamais en ma vie, el si en ay vu, avec le duc Charles de Bourgongne, de bien aspres. Nous n’allions point plus fort que ces grosses pièces d’artillerie, où souvent y avoit à besongner à leurs affaires, et grande faute de chevaux: mais à toute heure qu'il en estoil besoin, s’en recouvroit en l'ost par les gens-de-bien qui volontiers les tailloïent. Et ne se perdit une seule pierre, ni une livre de poudre. Et croy que jamais homme ne vit passer artillerie de telle grosseur, ni de telle diligence, par le lieu. où passa celte-cy. El si j'ay parlé du désordre, qui estoit lant à nostre louis qu'aux autres choses, ce ne fut pas par faute qu'il y eut des gens bien expérimentés en l’ost; mais le sort vou- Jut que ceux-là avoient le moins de crédit. Le roy estoit jeune ct volontaire (comme ailleurs ay dit); et pour conclure l'article, semble que Nostre Seigneur Jésus-Christ ait voulu que toute la gloire du voyage ail esté attribuée à luy.

Le septieme jour, depuis le partement du lieu

MEMOIRES DE P. DE COMMINES

où avoit esté la bataille, partismes de Nice-de« la-Paille, et logeasme en camp tous ensemble, assez près d'Alexandrie ; ct fut fait gros guet, la nuict ; et du matin, devant le jour, partismes, et allasmes en Ast; c’est à sçavoir la personne du roy, et les gens de sa maison (les gensd'armes demourèrent près de là en champ). Et trouvasmes la ville d’Ast bien garnie de tous vivres, qui firent grand bien et secours à toute la compaignie, qui en avoit bien besoin, parce que ladite armée avoit enduré grande faim et soif, grand travail et chaleur, et très-grande faute de dormir, et les habillemens tous gastés et rompus. Sitost que le roy fut arrivé en As, et sur l'heure, avant que dormir, j’envoyai un gentil-homme nommé Philippe de la Coudre (qui autresfois m'avoit servy, et qui pour lors estoil au duc d'Orléans) à Novarre, là où il estoit assiégé de ses ennemys, comme avez pu entendre. Le siége n’estoit pas encore si contraint, qu’on ne pust aller et saillir dehors; parce qu’ils ne taschoient sinon que l’affamer, Je luy manday par ledit gentil-homme, que plusieurs traictés se menoient avec le duc de Milan, de par le roy nostre sire (dont j'en menois un, par la maïn du duc de Ferrare), et que pour celte cause me sembloit qu’il s’en devoit venir devers le roy, en assurant bien ceux qu’il laisseroit dedans, de brief y retourner, ou les venir secourir. Lesquels estoient le nombre de sept mille cinq cens hommes de soulde, de la plus belle compaignie qu'on sçauroit dire, touchant le nombre, tant François que Suisses. Après que le roy eut séjourné un jour audit Ast, il fut adverli, tant par le duc d'Orléans que par autres, comment les deux osts s’estoicnt assemblés devant Novarre. Et désiroit ledit duc d'Orléans estre secouru, parce que

| ses vivres appetissoient, là où il avoit esté

donné mauvais ordre au commencement; car il en avoit assez aux villes d’alentour, et par espécial bleds; et si la provision eust esté faite de bonne heure et bien pourmenée, jamais n'eussent rendu la ville ; mais en fussent saillis à leur honneur, et les ennemys à grande honte, s'ils eussent pu tenir encore un mois.