CHAPITRE VIII

Comment le roy fit dresser une armée de mer pour cuider secourir les chasteaux de Naples, et comment ils n’en purent estre secourus.

Après que le roy eut séjourné quelque peu de jours audit Ast, il s’en alla à Thurin; et au départir que ledit seigneur fit d’Ast, il despescha un maistre-d’hostel , nommé Peron de Basche pour faire une armée de mer, pour aller secourir les chasteaux de Naples, qui encore tenoient ; ce qu'il fit. Et mit sus ladite armée monseigneur d’Arban, chef et licutenant d’icelle armée; et alla jusques vers la cité de Procel, où il fut à une vue des ennemys ; là où une forlune de temps le garda d'approcher. Et fit cetle armée peu de fruict, pource que ledit Arban retourna à Ligorne , là où la pluspart de ses gens s’enfuirent en terre; et laissèrent les navires vuides, el l’armée des ennemys s’en vint au port de Bengon, près Plombin, là ou elle fut bien deux mois sans partir. Et les gens de nostre armée fussent allés légèrement secourir lesdits chasteaux, parce que le port de Bengon est de nalure que l’on n’en peut saillir que d’un vent, lequel règne peu souvent en hyver. Ledit d’Arban estoit vaillant homme , et expérimenté en armée de mer.

En ce mesme temps, le roy estant arrivé à Thurin, se menoient plusieurs traictés entre le roy et le duc de Milan ; et s’en empeschoit la duchesse de Savoye, qui estoit fille de Montferrat , veufve et mère d’un petit duc, qui estoit lors; mais par autres, s’en traictoient encore. Je m’en meslois aussi. Et désiroient bien ceux de la ligue ( c’est à sçavoir les chefs qui estoient au champ devant Noyarre) que je m'en meslasse ; et m’envoyèrent un sauf-conduict. Mais comme les envies sont entre gens de cour , le cardinal, que tant ay nommé, rompit que je ne m'en meslasse point; et vouloit que la pratique de madame de Savoye sortist son effect , que conduisoit son hoste le trésorier de Savoye 2, homme sage et bon serviteur pour sa maistresse. Long-lemps traisna cette matière. Et pour cette cause fut envoyé le baillif de Dijon aux Suisses , ambassadeur, pour en lever jusques à cinq milles.

Peu ayant j’ay parlé comme l’armée de mer.

1 Peut-être l’île de Procida.

$ Antoine de Bessey. baron de Tricastel.