LIVRE HUITIEME

nécessaire; car il se trouve assez gens pour

troubler une affaire, mais il s’en trouve peu qui ayent l'adventure et le vouloir ensemble, d'accorder si grand différend, ni qui voulsissent endurer {ant de paroles, qui se disent de ceux qui traictent telles affaires; car en tels grands osts il y a maintes différentes opinions. Lesdits providadeurs furent joyeux de ces nouvelles; et m'escrivirent que tost me feroient response ; el par leurs postes le firent sçavoir à Venise, et tost curent response. Et viut en Jost du roy un comte, qui esloit au duc de Ferrare ; lequel y avoit gens {car son fils aisné y esloit, à la soulde du due de Milan) et cestuy-là en esloit ; et avoit ledit duc de Ferrare un autre fils avec le roy. Ledit comte avoit nom le comte Albertin ! ; et vint voir messire Jean-Jacques de Trévoul, soubs couleur d'un fils qu'il avoit avec ledit messire Jean-Jacques; et s’adressa au prince d'Orenge, ainsi qu'il avoit esté conclud entre ce maistre-d’hostel, dont j'ay parlé, el moy, disant avoir commission du marquis de Mantoue et des providadeurs et autres cappitaines, eslans en leur ost, de demander sauf-conduit pour ledit marquis et autres, jusques à cinquante chevaux, à se trouver à parler avec tels personnages qu'il plairoit au roy ordonner. Et ceux-là connoissoient bien que c’estoit raison qu'ils vinssent devers le roy ou les siens les premiers; et aussi qu'ils luy vouloient bien faire cet honneur. Puis demanda congé de parler au roy, à part: ce qu'il fit. Et à part consuilla de n’en faire riens, disant que cet ost estoil en grande peür, et qu’en bref il deslogeroit. Et par ces paroles il monstroit vouloir rompre cet accord, et non point le faire ny ayder, combien que sa charge publique fust telle qu’avez oui. Et fut présent à ces paroles ledit messire Jean-Jacques de Trévoul, grand ennemy du duc de Milan ; et volontiers eust rompu ladite paix ; el surtout le maistre dudit comte messire Albertin, le duc de Ferrare, désiroit fort la guerre, pour la grande inimitié qu’il avoit aux Vénitiens , à cause de plusieurs terres qu'ils tenoient de luy, comme le Polesan ,el plusieurs autres : et estoit venu en lost du dessusdit duc de Milan, qui avoit sa fille

1 El:crstein.

pour femme. Dès ce que le roy eut ouï parler ledit comte, 1l me fit appeler ; et eut en conseil

s'il bailleroit ce sauf-conduict ou non. Ceux

qui vouloient rompre la paix (comme messire Jean-Jacques et autres, qui parloient en faveur du duc d'Orléans, ce leur sembloit) monstroient vouloir la bataille ( mais ils estoient gens d'église , el ne s’y fussent point trouvés), disans estre bien assurës que les ennemys deslogeroient , et qu'ils mouroient de faim. Autres disoient (et j’estois de ceux-là) que plutost aurions nous faim qu'eux , qui estoient en leur païs , et si avoient la puissance trop grande pour s'enfuir et se laisser destruire , el que ces paroles venoient de gens qui vouloient qu’on se hasardast et combatist pour leurs querelles. Toutesfois , pour abrèger, le sauf-conduict fut accordé et envoyé , et dit que le lendemain, à deux heures après-midy , ledit prince d'Orange , le mareschal de Gié , le seigneur de Piennes, et moy, et leur compaignie, nous trouverions entre Bourg et Camerian, près d'une tour où ils faisoient le guet , et que là parlerions ensemble ; et nous y trouvasmes bien accompagnés de gens-d’armes. Ledit marquis et un Vénitien, qui avoit la charge de leurs Estradiots, y vindrent; et usèrent d’honnestes paroles, disans que de leur part ils desiroient la paix. Et fut conclud que, pour parler plus à loisir , ils viendroient le lendemain quelques gens des leurs en l’ost, el que le roy après envoyeroil des siens au leur; ce qui se fit. Et vint le lendemain devers nous messire Francisco Bernardin Viscomte pour le duc de Milan , et un secrétaire du marquis de Mantoue; et nous trouyasmes avec eux ceux que j’ay nommés, et ledit cardinal de Sainct-Malo ; et entrasmes en pratique de la paix. Et demandoient Novarre, en laquelle cité estoit assiégé le duc d'Orléans. Aussi demandions-nous Gennes, disans que c’estoit fief du roy, et que ledit duc de Milan l’avoit confisqué. Eux s’excusoient , disans n'avoir riens entrepris contre le roy que pour se deffendre, et que ledit duc d'Orléans leur avoit prise ladite cité de Novarre, et commencé la guerre avec les gens du roy, et qu’ils croyoient que leurs maistres ne feroient riens de ce que demandions , mais que toule autre chose yuudroient faire pour complaire au roy. Ils furent

là deux jours, et puis retournèrent en leur ost, où nous allasmes, ledit mareschal de Gié, monseigneur de Piennes et moy, tousjours sur la demande de cette cité. Et bien eussions-nous esté contens que Novarre se fust mise en la main des gens du roy des Romains (qui estoient en leur ost, et dont estoient chefs messire Georges de Piètre Plane !, et messire Fédéric Capellare, et un nommé messire Hance) car nous ne le pouvions secourir que par la bataille, que nous ne desirions point ; et le disions parce que la duché de Milan est tenue en fief de l’empereur, et pour honnestement s’en descharger. Plusieurs allées et venucs se firent de nous en leur ost, et des leurs au nostre, sans conclusion; mais je demourois tousjours au gisie en leur ost; car tel estoit le vouloir du roy, qu'il ne vouloit riens rompre. Finalement y relournasmes. Et davantage y vint le président de Gannay, pour porter la parole en latin, et un appelé monsieur de Morvilliers, baillif d'Amiens ( car jusques à lors j’avois parlé en mauvais italien); et aydoient à coucher nos articles. Et estoit notre façon de procéder, que si tost que nous estions arrivés au logis dudit duc, il venoit au devant de nous, et la duchesse, jusques au bout d’une galerie ; et nous metlions devant luy, à l’entrée en sa chambre, où nous lrouvions deux grands rangs de chaires l’un devant l’autre, et bien près l’un de l'autre. Ils se séoyent de lun des costés, et nous de l’autre. Premier estoit assis de son costé, un pour le roy des Romains, l’ambassadeur d’Espaigne , le marquis de Mantoue, les deux providadeurs vénitiens , un ambassadeur vénitien, ct puis le duc de Milan, sa femme , et le dernier l’ambassadeur de Ferrare, Et de leur costé ne parloit nul que ledit duc , et du nostre , un. Mais nostre condition n’est point de parler si posément comme ils font, car nous parlions quelquesfois deux ou trois ensemble , et ledit duc disoit : « Ho! un à un. » Venant à coucher les articles, tout ce qui s’accordoit estoit escrit incontinent par un secrétaire des nostres , et aussi par un de leur costé ; et au départir le lisoient les deux secrétaires , l’un en ilalien , et l’autre en françois, et quand on se rassembloit aussi, à fin de

4 Eberstein en allemand, ftalianisé en Pietra-Piana.

MEMOIRES DE P. DE COMMINES

voir si on n'y avoit point riens mué , et aussi pour nous abréger ; et est bonne forme pour expédier grande affaire. Ce traicté dura environ quinze jours et plus ; mais dès le premier jour que commençasmes à traicter, fut accordé que monseigneur d'Orléans pourroit partir de là ; et fismes une trève ce jour, qui continua, jour après autre, jusques à la paix; et pour sûreté dudit duc, se mit en ostage le marquis de Mantoue , entre les mains du comte de Foix, qui très-volontiers le fit, et plus pour faire plaisir que pour crainte. Et première- : ment nous firent jurer que nous procéderions à bon escient au traicté de paix , et que nous ne le faisions point pour délivrer ledit duc d'Orléans seulement.