LIVRE HUITIEME
(je n’y voudrois olléguer le siège de Hié--
en aÿoit quelques deux milles qui avoient servy au voyage de Naples. Tousles autres demourèrent auprès de Vercecil , environ à dix milles. Et ne fut point conseillé le roy de laisser joindre ces deux bandes , où estoient bien vingt-deux milles; et crois que jamais ne se trouvèrent tant de gens de leur païs ensemble, Et selon l'opinion des gens qui les cognoissoient , il demoura peu de gens combatans en leurs païs ; et vindrent la pluspart , maugré qu'on en eust. Et falut deffendre l'entrée du païs de Piémont , pour n’en laisser plus passer, ou bien les femmes et les enfans y fussent venus. On pourroit demander si cette venue procédoit de grand amour , vu que le feu roy Louis leur avoit fait beaucoup de biens et les avoit aydés à eux mettre en la gloire du monde et en réputation. Vray est qu'aucuns vieux avoient amour au roy Louis onziesme ; et y vint beaucoup de cappitaines qui avoient soixante et douze ans passés , qui avoient esté cappitaines contre le duc Charles de Bourgongne ; mais la principale cause esloit avarice et leurs grandes pauvyrelés , car à la vérité tout ce qu’ils avoient de gens combatans y vindrent. Tant de beaux hommes y avoit, que je ne vis jamais si belle compaignie ; et me sembloit impossible de les avoir sçu desconfire, qui ne les eut pris par faim, par froid, ou par autre nécessité.
Or faut venir au principal poinct de ce traicté. Le duc d'Orléans qui jà avoit esté huit ou dix jours à son aise, et qui estoit bien accompagné de toutes sortes de gens , et à qui il sembloit bien qu’aucuns avoient parlé de ce que tant de gens comme il avoit dedans Noyarre avec luy , s’estoient laissés mener à cetle nécessité , parloit fort de bataille et un ou deux avec luy , monseigneur de Ligny et l’archevesque de Rouen, qui se mesloit de ses besongnes, et deux ou lrois menus personnages, forgèrent aucuns Suisses, qui venoient s'offrir à combatre, et n’allèguoient aucune raison ; car le duc d'Orléans n’avoit plus en la place que trente hommes au chasteau ; et ainsi n’y avoit plus d'occasion de combatre : car le roy ne prétendoit aucune querelle, et ne vouloit combatre que pour sauver la personne du duc et de ses serviteurs. Les ennemys estoient bien forts ; et estoit impossible de les prendre dedans leur ost , tant estoit bien fermé de fos-
sés pleins d’eau , et l’assiète propre ; et n'avoient à se deffendre que de nous , car de ceux de la ville n'avoient-ils plus de crainte. Ils estoient bien deux mille huit cens hommes-d’armes bardés, et cinq milles chevauxlégers, onze mille cinq cens Alemans menés par bons chefs ( comme ce messire Georges de Pietre-plane , messire Fédéric Capelare , et messire Hance), el autre grand nombre de gens-de-pié ; et sembloit bien parler par volonté de dire qu’ont les dut prendre léans, ni qu'ils dussent fuir. Un autre plus grand doubte yavoit, c’estoit que si tous les Suisses se trouvoient ensemble , ils ne prissent le roy et tous les hommes riches de sa compaignie, qui estoit bien foible au prix d'eux , et qu’ils ne les menassent en leur païs ; et quelque apparence s’en vit , comme verrez par la conclusion de la paix.
