CHAPITRE XI

‘Comment la paix fut conclue entre le roy et le duc d'Orléans d'un costé, et les ennemys de l'autre ; et des conditions et articles qui furent contenus en ladile paix.

Estant toutes ces questions parmy nous, et que ledit duc d'Orléans en prit d bat avec le prince d’Orenge, jusques à le desmentir, nous retournasmes, ledit mareschal, le seigneur de Piennes, le président Gannay, le seigneur de Morvilliers, le Vidasme de Chartres et moy, en l'ost des ennemys; et conclusmes une paix, croyant bien par les signes que voyons, qu’elle ne tiendroit point; mais nous avions nécessité de la faire, pour maintes raisons qu’avez entendues, et pour la saison d’hyver qui nous y contraignoit, et aussi par faute d'argent, el pour nous départir honorablement, avec une honorable paix par escript, qui se pourroit envoyer par tout, comme elle fut. Et ainsi l’avoit conclu le roy, en un grand conseil, présent le duc d'Orléans. La substance esloit : que le duc de Milan serviroit le roy, de Gennes, contre tout le monde; et en ce faisant, il feroit équiper deux navires à ses despens, pour aller secourir le chasteau de Naples, qui encore tenoit ; et l’année après de trois; et de sa personne, serviroit le roy derechef, à l’entreprise du royaume , au cas que le roy y relournat; et donneroit passage aux gens du roy; et en cas que les Vénilens n'acceptassent la paix dedans deux mois, et qu’ils voulussent

MEMOIRES DE P. DE COMMINES

soustenir la maison d'Aragon, il devoit soustenir le roy contre eux, moyennant que tout ce que le roy prendroit de leurs terres, luy seroit baillé, et employeroit sa personne, et ses subjets; et quittoit au roy quatre vingt mille ducas, de cent vingt quatre mille, qu'il luy avoit prestés en ce voyage, que le roy avoit fait, el devoit bailler deux ostages de Gennes, pour sûreté ; et fut mis le Chastelet entre les mains du duc de Ferrare, comme neulre, pour deux années entières; et payoit ledit duc de Milan la moitié de la garde, qui estoit audit Chastelet, et le roy l’autre; et en cas que le duc de Milau fit riens de Gennes contre le roy, ledit duc de Ferrare pouvoit bailler ledit Chastelet au roy; et devoit bailler deux autres ostages de Milan qu’il bailla; et aussi eussent fait ceux de Gennes, si le roy n’eust esté si haslif de partir; mais dès ce qu’il le vit party, il s’excusa.

Dès ce que nous fumes retournés de faire jurer cette paix au duc de Milan, et que les Véniliens eurent pris terme de deux mois de l’accepter ou non (car plus avant ne se voulurent mettre), ledit seigneur jura aussi ladite paix ; et dès le lendemain, deslibéra de partir, comme celuy qui avoit grande envie de retourner en France, et aussi avoit toute sa compaignie; mais la nuict, les Suisses, qui estoient en nostre ost, se mirent en plusieurs conseils, chacun avec ceux de son canton; et sonnèrent leurs tabourins, et tindrent leur rang (qui est la forme de leur conseil); et ces choses que je dis, me conta Lornay, qui estoit un des chefs d’entre eux el tousjours aesté, et qui entend bien la langue; et estoit couché en l’ost, et en vint advertir le roy.

Les uns disoient qu’ils prissent le roy et toute sa compaignie ; c’est à sçavoir les riches. D’autres ne s’y consentoient point, mais bien qu'on luy demandast le payement de trois mois , disans qu’ainsi leur avoit eslé promis par le roy son père, que toutes les fois qu’ils sorliroient de leur païs avec leurs bannières, que tel payement devoient avoir. Autres vouloient qu’on ne prist que les principaux, sans toucher au roy; et se disposoient de l'exècuter ; et avoient jà largement des gens dedans la ville; mais avant qu'ils eussent conclu, le roy partit, et tira vers Train. une ville du mar.

quis de Montferrat. Toutesfois ils avoient tort ; car il ne leur avoit esté promis qu’un mois de payement; aussi ne servirent point. Pour fin de compte, on appointa avec eux; mais avant ils prirent ledit baïllif de Dijon et Lornay (mais ce furent ceux qui avoient esté avec nous à Naples), qui tousjours avoient esté leurs chefs, pour avoir un payement de quinze jours, pour eux en aller, mais les autres furent payés de trois mois* et monta bien le tout à cinq cens mille francs, desquels ils se fièrent en pleiges et en ostages. Et cela advint des François propres, qui le leur mirent en avant; car un de leurs cappitaines en vint advertir le prince d'Orenge, qui le dit au roy; et c’estoit par despit de cette paix.

Si tost que le roy fut arrivé à Train, il envoya vers le duc de Milan ledit marbschal, le président de Gannay et moy, afin qu'il voulut venir devers ledit seigneur pour parler à luy; et luy dismes plusieurs raisons pour le faire venir; et que cela seroit la vraye confirmation de la paix. Il nous dit plusieurs raisons au contraire; el s’excusa sur aucunes paroles que monseigneur de Ligny avoit dites (c’est à sçavoir qu’on le devoit prendre quand il fut devers le roy à Pavie) et sur d’autres paroles qu’avoit dites le cardinal de Sainct-Malo, qui avoit tout le crédit avec le roy. Il est bien vray que plusieurs folles paroles avoient esté dites; de qui ce fut je ne sçay ; mais pour lors, le roy avoit envie d’estre son amy. Il estoit en un lieu appelé Bolie ; et vouloit bien parler, une barrière entre deux et une rivière. Quand le roy eut sçu cette response, il tira à Quiers, où il n’arresta qu’une nuict ou deux ; et prit son chemin pour passer les monts. Et me renvoya à Venise, et d’autres à Gennes, pour armer ces deux naves que ledit duc devoit prester; mais de tout ne fut riens , et leur laissa faire grande despense et grand apprest, et puis les garda de partir; et au contraire, il en envoya deux contre nous, en lieu de tenir promesse.