LIVRE HUITIEME
à son arrivée en Italie, et luy avoient donné six vingt mille ducas, dont il n’en restoit que trente mille à payer quand nous repassasmes, comme en quelque autre endroit en a esté parlé. Bref, toutes ces places furent vendues : les Genneyois ! acheptèrent Serzane et Serzanelle; et les leur vendit un bastard de Sainct- Paul. Pielre-Sancte vendit encore ledit Entragues aux Luquois, et Librefacto aux Vénitiens, le tout à la grande honte du roy et de ses subjets, et au dommage et consommation de la perte du royaume de Naples. Le premier serment (comme dit est ailleurs) que le roy fit de la restitution desdites places, fut à Florence sur le grand autel, en la grande église de Sainct-Jean ; le second fut en Ast, quand il fut retourné. Et prestèrent les Florentins trente mille ducas complans audit seigneur (qui en avoit bien grand besoin) par condition que, si Pise se rendoit, le roy ne payeroit riens de ladite somme, et seroient rendus les gages et bagues qu’on leur baiïlloit; et si devoient prester audit seigneur encore soixante mille ducas, et les faire payer comptans au royaume de Naples, à ceux qui encore estoient là pour le roy, et tenir audit royaume trois cens hommesd'armes continuellement, à leurs despens, au scryice dudit scigneur jusques à la fin de l’entreprise. Et pour cette mauvaistié dite, riens ne se fit de ces choses; et fallut rendre lesdits trente mille ducas que ces Florentns avoient prestés. Et advint tout ce dommage par faute d’obéyssance, et par rapports en l'oreille; car aucuns des plus près de luy donnèrent cœur audit Entragues d’ainsi le faire.
En ce mesme temps, deux mois plus au moins, au commencement de cette année mil quatre cens quatre vingt et seize, voyans monseigneur de Montpensier et le scigneur Virgile Ursin, messire Camille Vitelly, et autres cappitaines françois, que tout estoit ainsi perdu, se mirent aux champs et prirent quelques petites places ; et là leur vint au-devyant le roy Ferrand, fils du roy Alphonse (qui s’estoit voué de religion, comme avez vu devant); et avec ledit Ferrand estoit le marquis de Mantoue, frère de la femmedudit Montpensier,etcappitaine-général des Vénitiens, qui trouvèrent logé ledit Mont-
f Les Génots.
pensier en une ville appelée Atelle, lieu trèsavantageux pour eux, pour avoir vivres, en un haut. Et y fortifièrent leurs logis, comme ceux qui craignoient la bataille ; car ledit roy Ferrand et ses gens avyoient toujours esté battus en tous lieux, et ledit marquis, en venant à Fornoue, où nous avions combatu. Et l'avoient les Vénitiens preslé au roy Ferrand, auquel ils prestèrent aussi quelque somme d'argent, qui valoit peu pour les gages qu'ils en prirent, car ils en eurent six places en la Pouille de grande importance (comme Brandis, Trani, Galipoli, Carna, Otrante et Monopoli, qu'ils avoient prises sur nous); et comptèrentle service de leurs gens-d’armes, qu'ils avoient audit royaume; et tant qu'ils tiennent lesdites places pour deux cens mille ducas, ct puis veulent compter la despense de les garder. Et croy que leur intention n’est point de les rendre; car ils ne l'ont point de coustume, quand elles leur sont bien séantes, comme sont celles-cy, qui sont du costé de leur goufre de Venise. Et par ce moyen sont vrays seigneurs du goufre (qui est une chose qu’ils désirent). Et me semble que dudit Otrante (qui est le bout du goufre) y a neuf cens milles jusques à Venise. Le pape y a eu autres places entre deux; mais il faut que lout paye gabelle à Venise, si on veut naviguer par ledit goufre. Or est-ce grand chose à eux d'avoir acquis ces places, et plus que beaucoup de gens n’entendent; car ils en tirent grands bleds et huiles, qui leur sont deux choses bien séantes et nécessaires.
Audit heu dont je parle survint question entre les nostres, tant pour les vivres (qui se commencèrent à diminuer) que pour faute d'argent, car il estoit dû aux gens-d’armes un an et demy et plus, et avoient enduré grandes pauvrelés. Aux Alemans estoit aussi dû largement, mais non tant; car tout l’argent que monseigneur de Montpensier pouvoit finer audit royaume estoit pour eux. Toutesfois il leur estoit dû un an et plus; mais ils ayoicnt pillé plusieurs petites villes dont ils s’estoient enrichis. Si les quarante mille ducas qu’on leur avoit tant de fois promis envoyer y eussent esté, ou qu’on eust sçu qu'ils eussent esté à Florence, le débat qui y advint n’y fut point advenu, mais tout estoit sans espoir. Toutesfois plu- Sieurs des chefs m'ont dit que, si nos gens
MEMOIRES DE P. DE COMMINES
eussent eslé d'accord pour combatre, il leur sembloit qu'ils eussent gaigné bataille; et quand ils l’'eussent perdue, ils n’eussent point perdu la moitié des gens qu'ils perdirent, en faisant un si vilain accord qu'ils firent. Monseigneur de Montpensier et ledit Virgile Ursin, qui estoient les deux chefs, vouloient la bataille, et ceux-là sont morts en prison; et ne leur fut point observé ledit appointement. Ces deux que je dis chargèrent monscigneur de Percy, un jeune chevalier d'Auvergne, d’avoir esté cause que l’on ne combatist, et qu’il estoit un trèsmauvais chevalier, et peu obéyssant à son chef.
Il y avoit deux sortes d’Alemans en cet ost ; il y pouvoit avoir quinze cens Suisses qui y avoient eslé dès ce que le roy y alla ; ceux-là le servirent loyaument jusques à la mort, et tant que plus on ne sçauroit dire. Il y'en avoit d’autres que nous appelons communément Lansquenets, qui vaut autant dire comme compagnons du païs, et ceux-là haïssent naturellement les Suisses et les Suisses eux. Ils sont de lous païs comme de dessus le Rhin et du païs de Souabe. Il y en avoit aussi du païs de Vaux en Senonie, et du païs de Gueldres. Tout cecy monloit sept ou huit cens hommes, qu’on y avoit envoyés nouvellement, avec payement de deux mois, qui esloit mangé, et quand ils arrivèrent là, ils ne trouvérent autre payement. Ceux-cy se voyans en ce péril et nécessité, ne nous portèrent point l'amour que font les Suisses ; 1ls pratiquèrent et se lournèrent du costé dudit dom Ferrand. Et pour cette cause, et pour la division des chefs, nos gens firent un vilain et infâme appointement avec ledit dom Ferrand, qui bien jura de le tenir, car ledit marquis de Mantoue voulut bien assurer la personne de son beau-frère, monsieur de Montpensier.
Par ledit accord ils se rendirent tous en la main de leurs ennemys, et leur baillérent toute l'artillerie du roy, et leur promirent faire rendre toutes les places que le roy avoit audit royaume, tant en Calabre où estoit monseigneur d’Aubigny, qu’en l’Abruzze où estoit messire Cracien des Guerres avec Gajette et Tarente; et par ce moyen ledit roy Ferrand les devoit envoyer en Provence par mer, leurs bagues sauves, lesquelles ne valoient guères; Ledit roy Ferrand les fit tous mener à Naples, et esloient cinq ou six miles personnes ou plus. Si
deshonneste appointement n’a esté fait de nostre temps, et n’en ay lu de semblable, fors celuy qui fut fait par deux consuls romains (comme dit Titus Livius) avec les Samnitiens, qu’on veut dire estre ceux de Benevent, en un lieu appelé lors les Furques Caudines, qui est certain païs de montagnes, lequel appointement les Romains ne voulurent tenir, et renvoyèrent prisonniers les deux consuls aux ennemys.
Quand nos gens eussent combalu et perdu la bataille , ils n’eussent point perdu tant de morts ; car les deux parts des nosires y moururent par famine ou pesle, dedans les navires. en l’isle de Pruce!, où 1ls furent envoyés depuis par ledit roy Ferrand; et mesmes y mourut monsieur de Montpensier (aucuns disent de poison, ct d'autres de fièvres, ce que je croy mieux). Et ne croy point que de toul ce nombre revint jamais quinze cens personnes; car des Suisses, qui estoient bien lreisze cens, n’en revint point plis de trois cens cinquante, lous malades, lesquels doivent estre loués de loyauté ; car jamais ne voulureni prendre le party du roy Ferrand, et eussent avant enduré la mort, comme plusieurs firent audit lieu de Pruce, tant de chaleur ct maladie, comme de faim ; car on les lint en ces navires par long-temps, en si grande extrémité de vivres qu'il n’est pas possible de croire. Je vis revenir ceux qui en revindrent, et par espécial les Suisses, qui rapportérent loutes leurs enseignes; et monstroient bicn à leurs visages qu'ils aveient beaucoup souflert. EL tous estoient malades. Et quand ils partirent des navires pour un peu prendre l'air,on leur haussoit les pieds. Ledit seigneur Virgille s’en pouvoit bien aller en ses terres, par ledit appointement, et son fils, et tous les Ilaliens qui ser voient le roy. Toutesfois ils le retindrent, et sondit fils légitime aussi; car il n'en avoit qu'un. Bien avoit un bastard , homme de bien, appelé le scigneur Carlo. Plusieurs Italiens de leur compaignie le destroussèrent en s’en alallant. Si cette male-adventure ne fut tombée que sur ceux qui avoient fail ledit appointement , on ne les devroit point plaindre,
Tost oprès que ledit roy l'errand eut reçu cet honneur, dont j’ay parlé dessus, et que de
' Procid£
