LIVRE HUITIEME

nouveau avoit esté marié avec la filie de son grand-père le roy Ferrand , qu’il avoit eue de la sœur du roy de Caslille, de présent régnant, (et si estoit sœur du roy Alphonse, son propre père , eslant jeune fille de treize ou quatorze ans) ; il prit une fièvre continue, dont en peu de jours mourut: et vint la possession du royaume au roy Fédéric (qui de présent le tient), oncle dudit Ferrand. Ce me semble horreur de parler d’un tel mariage, dont en ont fait jà plusieurs en cette maison , de fresche mémoire, comme depuis trente ans en çà.

Ladite mort fut tost après ledit appointement, qui fut fait en la ville d’Atelle, l'an mil quatre cens quatre-vingt et seize. Ledit roy dom l'errand , quand il vivoit, et ledit dom Fédéric depuis qu'il fut roy, s'excusoient sur ce que monsieur de Montpensier ne faisoil point rendre lesdites places qu'il avoit promises en faisant ledit traicté ; car Gajctte et autres n’esloicnl point en sa main. Et combien qu'il fut licutenant du roy, si n'esloient point tenus ceux qui tenoient les places pour le roy de les rendre par son commandement, combien que le roy n’y eut guères perdu ; car elles coustèrent beaucoup depuis à garder et avitailler, et si se perdirent ; et ne pense mentir (car j’es- Lois présent à voir depescher trois ou quatre fois ceux qui allèrent pour avilailler et secourir les chasteaux de Naples, et un coup, et après jusques à trois pour avitailler Gajette), que ces quatre voyages coustèrent plus de trois cens mille francs ; et si furent voyages perdus.