CHAPITRE XV
Comment quelques pratiques menées en faveur du roy, par aucuns seigneurs d'Italie, lant pour Naples que pour dé chasser le duc de Milan, furent rompues par faute d'y envoyer, et comment une autre entreprise contre Gennes nc put aussi venir à bon effect.
Depuis le retour du roy, dudit voyage de Naples, comme dit est, il se tint à Lyon longtemps, à faire tournois et joustes, désirant tousjours ne perdre point ses places dont j'ay parlé; el ne luy chaloit qu’il luy coustat : mais aucune peine ne vouloit prendre pour entendre à son affaire. Pratiques luy venoient assez d'Italie , et de grandes et sûres pour lc royaume de France, qui est fort de gens, et à largement Lleds en Provence et Languedoc et autres pays pour y envoyer et argent; mais à un
autre prince que le roy de France seroit tousjours se mettre à l'hospital, de vouloir entendre au service des Italiens et à leurs entreprises et secours ; car tousjours y mettra ce qu'il aura, et n’achèvera point ; car ceux-là ne servent point sans argent ; et aussi ils ne le pourroient , si ce n’estoit un duc de Milan, ou une des plus grandes seigneuries ; mais un pauvre cappilaine, encore qu’il ait bonne affection de servir un prince de la maison de France, qui prélendroil raison au royaume de Naples, ou un autre qui prétendroit droict à la duché de Milan , quelque loyauté qu’il tint, et encore qu'il soit votre partisan, si ne vous sçauroit-il servir guères longuement , après le payement failly ; car ses gens le laisseroient ,et le pauvre cappitaine auroit perdu son vaillant: car la pluspart n’ont riens que le crédit que leur donnent leurs gens-d'armes, lesquels sont payés de leur cappilaine, et luy se fait payer de celuy qu'il sert. Et plus grande seureté ne sçauraiton demander en Ilalie que la partialité. Mais pour sçavoir quelles ont esté ces pratiques, que j'ay dites, si grandes furent qu’elles commencèrent avant que Gajetle fust perdue , et durèrent encore depuis, deux ans après le retour du roy, quand le duc de Milan ne tenoit
choses qu’il eut promises; ce qu’il ne faisoit .
point du tout par tromperie ni malveillance, mais en partie de crainte ; car il craignoit, si le roy estoit si grand, qu’il ne le deffit. Après il estimoit aussi le roy estre de peu de tenue et seureté. Il fut entrepris finalement que le duc d'Orléans iroit en Ast, avec un nombre de gens ; et le vis prest à partir, et tout son train partit. Nous estions assurés du duc de Ferrare , ayec cinq cens hommes-d’armes et deux milles hommes-de-pié , combien qu’il fut beau-père du duc de Milan; car il le faisoil pour s’osler du péril où il se voyoitestre entre les Véniliens et le duc; pour ce que piéça, comme a esté autrefois vu dessus, lesdits Véniliens luy avoient osté le Polesan, et ne demandoient que sa destruction. Il eut préféré sa seurelé et de ses enfans , à l’amitié de son gendre ; et par adventure luy sembloit que ledit duc s’appointeroit avec le roy quand il se verroit en cette crainte. Le semblable eut fait par sa main le marquis de Mantoue, qui naguères estoit cappitaine des Vènitiens, et
MEMOIRES DE P. DE COMMINES
encore estoit. Mais en suspicion d’eux , et luy mal-content d’eux , séjournoit avec son beaupère le duc de Ferrare , avec trois cens hommes-d’armes ; et si avoit pour femme, et a encore, la sœur de la duchesse de Milan , et fille du duc de Ferrare. Messire Jean Bentivoille (qui gouverne Boulongne, et y estcomme seigneur) eut fourny cent cinquante hommesd'armes, et deux de ses fils , qui avoient gensd'armes , et de bonnes gens-de-pié ; et si est assis en lieu où il pouvoit bien servir contre le duc de Milan. Les Florentins , qui se voyoient destruits , si par quelque grand inconvénient ne se ressourdoient, de peur d’estre dessaisis de Pise et d’autres places dont il a esté parlé, fournissoient huit cens hommes-d’armes, et cinq milles de pié , et cela à leurs despens, et avoient provision de leurs payemens pour six mois. Les Ursins , et aussi le préfect de Rome, frère du cardinal de Sainct-Pierre-ad-Vincula, dont plusieurs fois a esté parlé (car ils estoient à la soulde du roy), eussent bien amené mille hommes-d’armes ; mais entendez que la suite de leurs hommes-d’armes n’est pas telle que celle des nostres, qui ont archiers; mais la soulde est assez pareille; car un homme-d’armes, bien payé , couste cent ducas l’an ; et il nous faut le double pour les archiers. Ces gens souldoyés faloit bien payer, mais aux Florenlins riens. Quant au duc de Ferrare et au marquis de Mantoue, et Bentivoille , ils parloient seulement de leurs despens; car ils prétendoient gain de terres , aux despens du duc de Milan. Et s’il se fut trouvé soudainement assailly de ce qu’eut mené le duc d'Orléans , et de tous ceux que j’ay nommés, ceux qui se fussent sçu mettre en ordre , pour les deffendre, comme les Vénitiens, n’eussent esté prests à moins de quatre-vingt mille escus, devant qu'il eust esté contraint de se tourner du costé du roy, qui eust tenu tous ces Italiens aux champs long-temps. Et de faict, le duc de Milan gaigné, le royaume de Naples se recouvroil de soy-mesme. ‘
La faute d’esprouver cette belle adventure vint de ce que ledit duc d'Orléans mua ce propos, combien qu’on entendoit qu'il dust partir du soir au matin, parce qu’il avoit devant envoyé toutes choses qui servoient 4 sa personne, et ne restoit que luy à partir et l'ar-
mée presle et payée; car en Ast avoit huit cens hommes-d’armes françois, et six milles hommes-de-pié, dont y en avoit quatre cens Suisses. Ledit duc d'Orléans ayänt ainsi mué propos, requit au roy par deux fois, qu'il luy plust mettre cette matière au conseil : ce qui fut faict par deux fois; et m’y trouvai présent à toutes les deux fois. Et fut conclu, sans une yoix au contraire (et si y avoit tousjours dix ou douze personnes pour le moins), qu’il y devoit aller, vu qu’on avoit assuré tous les amys en Italie, qui dessus sont nommés, lesquels jà avoient fait grosse dépense et se tenoient prests. Lors dit ledit duc d'Orléans (qui estoit de quelqu'un conseillé , ou fuyoit son partement , parce qu’il voyoit le roy assez mal disposé de sa santé, dont il devoit eslre propre héritier s’il venoit à mourir): qu’il ne partiroit point pour y aller, pour sa propre querelle ; mais que très-volontiers iroit comme lieutenant du roy, et par son commandement; et ainsi finit ce conseil. Le lendemain, et plusieurs autres jours après, pressèrent fort les ambassadeurs Florentins, et plusieurs autres, le roy, pour faire partir ledit duc d'Orléans ; mais le roy respondit qu’il ne l’envoyeroit jamais à la guerre par force. Parquoy ce voyage fut ainsi rompu. Et en desplaisoit au roy, qui
en avoit fait grande despence , et avoit grande
espérance de se venger du duc de Milan, vu les dictes intelligences, et nouvelles qu’il pouvoit avoir euës à l’heure, d’autres intelligences qu’avoit messire Jean Jaques de Trévoul, qui estoit lieutenant-général pour le roy et pour le duc d'Orléans, et natif de Milan, et fort aimé et apparenté en ladite duché de Milan, où avoit largement gens qui avoient bonne intelligence avec lui, tant de ses parens comme d’autres.
Faillie cette entreprise , en survint tost une autre, voire deux ou trois à un coup, de Gennes, là où ils sont enclins à toutes mutations. L'une se dressoit par messire Baptiste de Camp-Fourgouse !; qui estoit un grand chef entre ces partialités de Gennes ; mais il en estoit banni, et
! Baptiste Campo Frégoso, ici nommé de Campefourgouse, s’est fort déchainé contre ce cardinal de Génes son oncle, dans un livre qu'il a fait des actions mémorables où ii l’accuse de trahison pour l'avoir fait déposer de la dignité de doge de Gèues, dans je dessein d’y faire monter son fils naturel.
