CHAPITRE XVII
Discours sur les fortunes et malheurs qui advinrent à la malson de Castille au temps du seigneur d’Argenton.
Dix ou douze jours aprés l’arrivée dudit du Bouchage de et ses compagnons, vinrent lettres audit du Bouchage , d’un des hérauts du roy, qu'il avoit laissé là pour conduire ladite ambassade qui devoit venir. Et disoient ces lettres qu’il ne s’esbabit point, si lesdits ambassadeurs estoient retardés par aucuns jours; car c'estoit pour le trespas du prince de Castille (car ainsi les apellent) dont les roys et roynes faisoient si merveilleux dueil qu’on ne sçauroit croire, et par espécial la royne de qui on espéroit aussitost la mort que la vie. Et à la vérité je n’ouys parler jamais de plus grand dueil que celui qui en a esté faict par tous leurs royaumes ; car toutes gens de mestier ont cessé quarante jours (comme leurs ambassadeurs me dirent depuis), tout homme estant vestu de noir, de ces gros bureaux et les nobles, et les gens de bien chargeoïent leurs mulets couverts jusques aux genoux dudit drap, et ne leur paroissoient que les yeux, et bannières
| noires estoient partout sur les portes des villes. | Quand madame Marguerite, fille du roy des
jeune, et qui ne pensoit point à 1a mort, mais espéroit longue vie; car il joignit ensemble toutes les belles choses dont on luy faisoit feste, en quelque païs qu’elles eussent esté vuës, fut France , Italie, ou Flandres; et si avoit son cœur tousjours de faire ou accomplir le retour en Italie ; et confessoit bien y avoir fait des fautes largement, et les contoit: et luy sembloit que si une autre fois il y pouvoit retourner et recouvrer ce qu’il avoit perdu, qu’il pourvoycroit mieux à la garde du païs qu’il n’avoit fait; et parce qu’il avoit intelligence de tous costés , pensoitbien d’y pourvoir, pour recouvrer et remettre en son obéissance le royaume de Naples, et d’y envoyer quinze cens hommes-d'armes italiens, que devoit mener le marquis de Mantouë, les Ursins , et les Vitellis , et le préfect de Rome, frère du cardinal de Saint-Pierre-ad-Vincula ; et monsieur d’Aubigny, qui si bien l’avoit servi en Calabre, s’en alloit à Florence ; et ils faisoient la moitié de
cette despence pour six mois. On devoit aussi
premièrement prendre Pise, ou, au moins, les petites places d’alentour, et puis tous ensemble entrer au royaume , dont à toutes heures venoient messagers. Le pape Alexandre, qui règne de présent, estoit en grande pralique de tous poincts à se ranger des siens, comme mal-content des Vénitiens; et avoit messager secret, que je conduisis en la chambre du roy nostre sire, peu avant sadite mort. Les Vénitiens estoient prests à pratiquer contre Milan. La pratique d’Espaigne estoit telle que l’avez vue. Le roy des Romains ne désiroit chose en ce monde tant que son amitié, et qu'eux deux ensemble fissent leurs besongnes en Italie; lequel roy des Romains, appelé Maximilian, estoit grand ennemy des Vénitiens ; aussi ils tiennent grande chose de la maison d’Austriche , dont il est, et aussi de l'Empire.
Davantage avoit mis le roy, de nouveau, son imagination de vouloir vivre selon les commandemens de Dieu, et mettre la justice en bon ordre, et l’église , et aussi de ranger ses finances, de sorte qu’il ne levast sur son peuple que douze cens mille francs, et par forme de taille, outre son domaine, qui estoit la somme que les trois estats lui avoient accordée en la ville de Tours, lorsqu'il fut roy ; et vou-
MÉMOIRES DE P. DE COMMINES
loit ladite somme par octroy, pour la deffense du royaume, et quant à luy, il vouloit vivre de son domaine, comme anciennement faisoient les roys; ce qu’il pouvoit bien faire , car le domaine est bien grand , s’il estoit bien conduit, compris les gabelles et cerlaines aydes, et passe un million de francs. S'il l’eut fait, c’eust eslé un grand soulagement pour le peuple , qui paye aujourd’huy plus de deux millions et demi de francs, de taille. IL mettoit grande peine à réformer les abus de l’ordre de Sainct-Benoist , et d’autres religions. Il appro- Choit de luy bonnes gens de religions , et les oyoit parler. Il avoit bien vouloir, s’il eut pu, qu’un évesque n’eut tenu que son évesché, s’il n’eust esté cardinal, et cestuy-là deux, etqu'ils se fussent allés tenir sur leurs bénéfices ; mais il eut eu bien affaire à ranger les gens-d’église. 11 fit de grandes aumosnes aux mandians, peu de jours ayant sa mort, comme me conta son confesseur, l’évesque d’Angers , qui estoit notable prélat. Il avoit mis sus une audience publique, où ilescoutoit tout le monde, et par espécial les pauvres ; et si faisoit de bonnes expéditions ; et l'y vis huit jours avant son trespas, deux bonnes heures, et oncques puis ne le vis. I ne se faisoit pas grandes expédilions à cette audience ; mais, au moins, estoit-ce tenir les gens en crainte, et par espécial ses officiers, dont aucuns avoit suspendus pour pillerie.
Estant le roy en celte grande gloire quant au monde, et en bon vouloir quant à Dieu, le septiesme jour d'avril, l'an mille quatre cens quatre vingt et dix huit, veille de Pasques flories, il partit de la chambre de la royne Anne de Bretagne , sa femme, et la mena avec lui, pour voir jouer à la paume ceux qui jouoient aux fossés du chasteau , où il ne l’ayoit jamais menée que cette fois ; et entrèrent ensemble en une galerie qu’on appeloit la galerie Haquelebac, parce que cettuy Haquelebac l’avoit euë autrefois en garde; et estoit le plus déshonneste lieu de léans ; car tout le monde y pissoit; et estoit rompuë à l'entrée ; et s’y heurta le roy, du front, contre l’huys, combien qu'il fut bien petit ; et puis regarda long-temps les joueurs , et devisoit à tout le monde. Je n’y estois point présent, mais sondit confesseur l’évesque d'Angers, et ses prochains chambelans le m'ont conté; car j'en estois parti huit
