LIVRE HUITIEME

encore une à marier. Si tost que fut arrivé ledit du Bouchage , et eut fait son rapport, cennut le roy qu’il avoit bien fait d'y avoir envoyé ledit du Bouchage , et qu’au moins il esloit assuré de ce dont il estoit en doute; et luy sembloit bien que ledit de Clerieux avoit cru trop de leger. Outre, luy dit ledit du Bouchage, qu'autre chose n’avoit pu faire que ladite trève, et qu’il estoit au choix du roy de l’arrester ou refuser. Le roy l’arresta ; et aussi elle estoit bonne, vu que c’estoit la séparation de cette ligue qui tant l’avoit destourbé en ses affaires, ct qu'aucune manière n’avyoit sçu trouver de la despartir , et si il y avoit par toutes voyes essayé. Encore luy dit ledit du Bouchage, qu’après luy venoient ambassadeurs devers le roy, et que lesdits roy et royne luy avoient dit, à son partement, qu’ils auroient pouvoir de conclure une bien bonne paix; et aussi dit ledit du Bouchage qu’il avoit laissé malade le prince de Castille, leur seul fils.