COMMENÇANT EN 1494 ET FINISSANT EN
CONTENANT LA CONQUÊTE DU ROYAUME DE NAPLES PAR CIIARLES VIN ET LA MANIÈRE DONT LES FRANÇAIS EN FURENT CHASSÉS.
Je, Guillaume de Villeneufve, chevalier , conseiller, et maistre d’ostel du roy de France, de Secille et de Jérusalem , Charles vit1 de ce nom, mon trés-hault et redouté seigneur el souyerain, à qui soit donnée gloire et bonne victoire de tous ses ennemys !
Moy estant prisonnier au roy Ferrand, prins en la conqueste du réaume de Naples, detenu tant en ses gallées par force, que en la grosse tour du portal du Chasteau-Neuf de Naples, par l’espace de ung an et trois jours, pour éviter oisivelé, ay voulu rédiger et mettre par escript et en mémoire la venue du très-victoricux, bien aymé et par tout le monde redoubté roy en ce réaume de Secille et cité de Naples, des gestes et actes qui par luy ont esté faits estant audit réaume, et ce qui s’est ensui= vy après son département, selon ce que j’en ay peu veoir el savoir en mon pelit entendement.
Et premièrement, le très-vertueux, et trèsvictorieux , et très-aymé, et bien servy, et par tout le monde redoubté, passa les monts, en 1494, à l’âge de vingt-deux ans. Après passa la duché et seigneurie de Milan, la terre et seigneurie des Lucquois , aussy la seigneurie des Pisans, qui totalement se donnèrent à luy de leur libéral arbitre et propre voulenté. El pareillement passa par la terre et seigneurie de Flourence, là où il feist la plus belle entrée en armes, tant de gens de cheval que de gens de pié, qui jamais fut faite aux Italies, comme l’on disoit; et logea par toutes les maistresses villes
des seigneuries dessusdites , réservée la ville de Milan ; et par tout eust grand recueil et bonne obéyssance. De là entra dans la terre et seigneurie de Sienne , en laquelle cité pareillement logea ; et y eut toute bonne obéyssance et grant recueil, comme dessus ay dit. Et tant alla le roy par ses journées, ‘qu'il arriva en la terre romaine, et logea dedans ladite cité l’espace de trois sepmaines ou environ , et toute son armée.
Nonobstant que le duc de Calabre estoit ar rivé dedans ladite cité de Rome un bien peu de temps avant, accompaigné de grant nombre d'hommes - d'armes, et de plusieurs autres gens de guerre, tant à cheval qu’à pié, pour luy vouloir garder le pas ; mais quant il sceut la venue du très-grant et puissant roy, il deslogea lui et toute son armée de la ville de Rome, et se retira à toute diligence au réaume de Naples.
Et debvez bien sçavoir qu’il n’est pas chose à oublier que, quant le très-vertueux roy de France, de Secille et de Jérusalem arriva et logea dedans ladite cité de Rome, qu'il n'avoit pas avec luy la grand armée ne semblable compaignie de gens que ayoit Hanibal de Cartaige au temps passé, quant il alla devant la cité de Rome pour la destruire; car ledit Hanibal avoit si grand nombre de gens, que nulluy en lu' pouvoit résister à l’encontre. Combien qu’il en perdist beaucoup avant qu'il fust arrivé eo plaine de Lombardie, néantmoins il
se trouva avecques lui le nombre de cent milles hommes de pié et vingt milles hommes de cheval quant il arriva devant ladite cité de Rome, comme plus à plain dit l’histoire.
Pareillement debvez bien entendre que le très-vertueux roy n’avoil pas telle compaignie, ne la multitude des gens-d’armes , comme estoient les François, Allamans et les Cymbriens, quant au temps passé ils voulurent venir pour destruire ladite cité de Rome; mais en ce temps leur saillist au devant et courut sus ung consul de Rome nommé Sempronius, lequel, ayecques la puissance de Rome, se alla vers ses ennemys, lesquels , pour le grant froid , neige el gellée qu'il faisoit, ne se peurent défendre. Si leur courut sus ledit Sempronius si asprement et par telle manière, qu'il les desfeist. Et y eust de gens mors, tant des François et Allamans que Cymbriens , jusques au nombre de cent quarante milles, et de prisounicrs bien soixante dix milles, comme dit l’histoire plus au long. Et à cause de ceste victoire fut fait à Rome le temple que l’on appelle Cymbres pour les Cymbriens qui furent destruis, comme plus à plain avez peu el pouvez sçavoir par les histoires romaines bien aulong.
J'ay bien voulu dire et alleguer ces histoires romaines cy-dessus escriptes, pour vous donner à entendre, et aussi vous veuls bien prier, et à ung chacun de vous supplier, que si une autre fois vous amenez le très-chreslien roy de France aux Italies, soit cestui-cy ou autre, que pour l'onneur de Dieu vous l’amenez mieulx accompaigné qu'il n'estoit, à celle fin que vous ne mellez en si grant péril et dangier la couronne de France, comme a esté la personne du très-verlueux roy Charles, lequel en est eschappé par sa bonne conduite et vertu de sa personne , el par la grant grace que Nostre- Seigneur luy a faite, comme plus au long oirez cy après.
Et bien ung chacunde vous scet la grand conqueste qu'il feist de son réaume de Naples en peu de lemps et à peu de gens; et que là fut couronné roy pacifique; el la plus grand victoire qu'il eust à son retour sur la grand puissance des ligues, c’est à sçavoir le pape, le roy d'Espaigne , la seigneurie de Venise, et le duc de Milan : et nonobstant leur gran! puissance deinoura le vertueux roy viclorieux, et se re-
ira en son réaume de France avecques la bonne ayde et conduite de Nostre-Seigneur, et toul incontinent envoya secours au réaume de Naples par mer et par terre. Tout en une année furent faites les trois choses dessus dites, quine fus! pas petite euvre; mais je m'en tairay, el retourneray à mon premier propos.
Or veulx-je retourner à mon premier ouvraige el petit passe-temps, en altendant la grace et miséricorde de Nostre-Seigneur , el la délivrance de celte misérable prison. Après que le roy Charles eust logié et séjourné trois sepmaines ou environ en la ville ou cité de Rome, comme vous ay dit cy-devant, nonobstant plusicurs dissentions et grans murmures qui estoient dedans ladite cité, après tout ce fait, 1l deslogea de ladite ville de Rome en grant amour el grant amitié d’avecques nostre saint père le pape Alexandre, et s’en alla son voyage pour faire la conqueste de son réaume de Naples et de Secille.
En allant le roy son chemin , passa par une ville nommée Mont Saint-Jehan, qui estoit au marquis de Pescaire. Pour certaines violences et autres grans déplaisirs qu'ils avoient fait au roy, et aussy qu'ils se déclarèrent ses ennemys, partist le roy de la ville de Bahue ung après-disner, et feist dresser l’arüllerie devant ledit Mont Saint-Jehan; et à bien peu de balerie promplement et vertueusementcommanda ledit prince que l’assault fust donné. Laquelle chose ne fallut pas commander deux fois, car soudainement fut fait de tant de bons et hardis cappitaines et gens de guerre qui là esloient, et qui aultre chose ne demandoient que d'acquérir onneur et faire service à leur roy el souverain seigneur. Et fut l’assault donné ainsi comme ille commanda, si très-asprement que les cnnemys furent vaincus, et le tout mis à feu et à sang, pour donner exemple aux aultres : et de là alla toujours son droit chemin, faisant sa conquesle.
Ledit roy Charles très-vertueux et très-victorieux, lui arrivé en son réaume de Naples, tout incontinent le roy Alfonse, le duc de Calabre son fils , et le prince de Haultemore son frère, eulx bien avertis et acertenés de la venue ct grand puissance du roy, ne l'osèrent altendre ; mais à toute diligence se relirérent en leu gallées, et habandonntrent le résume
et la villeet cité de Naples, et s’en allèrent par mer enisle de Ysche, el de là à Messine , qui est en l’île de Secille, qui pour le présent tient el est en l’obéyssance du roy d’'Espaigne.
Estant le roy Charles viit de ce nomen la ville et cité de Naples pacifiquement, (et là fut courronné roy en grand soleinnilé, comme à luy appartenoit, accompaigné de plusieurs princes, archiducs, ducs, contes et barons, ct plusieurs cardinaulx et autres prélats), voulut donner et donna ordre aux choses nécessaires dudit réaume , ainsi que tout bon prince saige et vertueulx est tenu de faire.
Et premièrement, comme bon, juste et charilable prince , rendist et restitua les terres, villes et seigneuries, rentes et revenues qui appartenoient aux princes, ducs, contes et barons, et autres gentils hommes dudit réaume, èsquelles seigneuries réintégra les dessus dits; lesquelles ayoient esté prinses et usurpées violemment, induement et à force par les roys qui par avant avotent estè, comme l'on disoil.
Encore plus, d’abondant el de grace, comme libéral et pitéable prince, voulut descharger et soulagier , deschargea et soulagva tout son peuple dudit réaume de la somme de deux cens milles ducas à perpétuité, et à jamais des charges et autres subsides de quoy ils estoient chargés audit réaume, qui pas ne fut pelite chose. .
Il ne faut pas que je oublie à vous dire les grands biens et oblalions que le vertueux roy a fait et concédé aux églises, et en général par toutes les religions dudit réaume, qui grace luy ont demandé et justice. Nulluy ne s’en est allé esconduit de ce que au très-verlueux roy a esté possible de faire.
Après que le roy eut demouré el séjourné en sondict réaume de Naples par l’espace de long-temps, fut adverti bien au vray, et informé bien à la vérité, que le pape, le roy d’Espaigne (le roy Ferrant) le duc de Milan et la seigneuric de Venise avoyent fait ligue tous ensemble à l'encontre de luy, et levé une trèsgrosse armée, tant de gens de cheval que de gens de pié, jusques au nombre de soixante milles hommes, comme l’on disoit : dont ce fut forte chose à croire au roy, attendu les grans pro-
messes et grans sermens qu'il avoit eu de nostre saint père le pape, du roy d’Espaigne et du duc de Milan, desquelles promesses et grans secrmens je m'en tairay, car à moy n'appartient, ne mon sens n’est assez suffisant pour parler, ne pour discuter d’une si haute matière n: si corrompue comme ceste-cy. Mais néantmoins qui m'en demanderoit mon opinion, je y serviroye pour ung tesmoing au temps advenir, comme celluy qui en a veuet our la pluspart des choses dessus diles ; car je y estove en personne : mais il est force que je m'en lise, de peur de errer, et en laisse parler et mettre par escript plus au long à ceux qui ont plus de sens en leur testes et plus d'encre en leur cornet que je n’ay, car c’est trop mieulx leur meslier que le mien.
Mais pour relourner à mon propos, nonobstant que le roy très-chrestien, très-vertueux et victorieux fut bien adverti de la grant armée et multitude de gens qui estoyent amassés au devant de luy pour le vouloir deffaire, si ne laissa pas pour cela de partir de son réaume de Naples et de s’en relourner tout son droit chemin au réaume de France. Et de rechef logea dedans la ville et cité de Rome, luy et toute son armée : et au desloger de ladite cité, tant alla par ses journées, qu'il rencontra ses ennemys, el très-grande puissance de gensd'armes tant à cheval comme à pié, comme cy-devant vous ay dit. Et n’avoit le roy avecques luy point plus de douze cens hommesd’armes, et de neuf à dix milles hommes-depié, comme l'on disoit. C’estoit bien peu envers les autres. Mais non pour cela ne délaissa pas le très-verlueux et très-victorieux roy à donner dedans ses ennemys là où il les trouva, si très-hardiement et si très-vaillamment de sa personne, comme ung chacun de vous scel, qu’il est bien chose digne de mémoire; car c'estoit celuy qui tousjours eust la face droite à ses ennemys, l’espée au poing, la bouche plaine de bonnes et vertueuses paroles à ses gens. Et si eust de mesme le cueur plus gros que le corps, avecques la fierté de ung lyon tant que la bataille dura ; et après la victoire fut doulx et begnin comme un ange, recognoissant la grant grace que Dieu lui avoit faite.
il faut bien dire que pour néant ne porte le
nom de Charles, car ce fut pour le jour ung second Charlemaine ; car à toutes heures alloit et venoit parmy ses gens, et principalement là où besoin en estoit, et sans regarder lc dangier de sa personne; car si avant se mist dedans la bataille et parmy les coups, qu'il y fut blessé, comme l’on dist, et en trèsgrand dangier : mais il fust promptement secouru de bons et hardis cappitaines et aultres gens de guerre qui estoyent autour de luy, et aussi de plusieurs gentilshommes qu’il avoit nourri, qui point ne l’abandonnèrent, mais bien et vaillamment, comme bons et loyaulx subjets et serviteurs, le servirent pour le jour ; dont je leur en sçay bon gré, car trop eust été grande la perte de ung si bon et si vertueux roy et naturel maistre comme luy.
En effet, la bataille fut moult aspre et grande tant d’un costé que d'autre, et y fut tué grand nombre de gens des ligues et de grans personnaiges; et bien petit des François furent morts, comme l’on dit. Et n’y fut prins homme de renommée, du party de France, que monseigneur le grant bastard de Bourbon, qui moult vaillamment et vertueusement se porta pour le jour, comme bon et hardy chevallier qu'il estoit. Et la bataille finie, le roy trèsvertueux et très-victorieux passa la rivière, luy et ses gens, à bien petit de perle, comme vous ay dit cy derrière, l’espée au poing, et tousjours retournant sa face droit à ses ennemys, comme vertueux prince, ainsi que plus à plain le verrez et oirez par les croniques, elpar ce qui en a eslé mis par escript par plusieurs saiges et discrètes gens accoustumés de ce faire, car c’est trop mieulx leur mestier que le mien.
Par quoy leur prie de tout mon cueur que à ceste fois ne veuillent avoir la bouche close, ne faulte de éloquence; car il y a matière belle et grande pour bien y employer papier ct encre. Que pleust à Dieu mon créateur qu'il m’eust donné la science de bien le sçavoir faire comme le cas le requiert : car encore prendroye voulentiers la palience une autre année en celte misérable prison pour faire une si très-haulte euvre et digne de mémoire, comme ceste cy est, de ung si trèsvertueux, très-victorieux, et si très-bien aimé et si très-loyalement servy, et par tout le
MEMOIRES DE cG.
DE VILLENEUVÉ,. [1494]
monde redoubté roy, Charles VIII de ce nom, de France, de Secilie et de Jerusalem, mon très-redoubté et souverain seigneur et bon maislre.
S’ensuit la prinse de la ville de Naples faite par le roy Ferrand, à cause de la rebellation et grant déloyaulé de la commune de ladite ville. Et aussi s'ensuit plusieurs autres ac. tes, tant prinses de villes, que renditions de chasteaux, et plusieurs rencontres et autres roptures qui ont esté faites audit réaume en cellui temps, comme plus à plain verrez en ce pelit livret,
L'an de grace 1495, et le septiesme du mois de juillet, se rebella la ville et cité de Naples à l’encontre du roy de France, de Secille et de Jerusalem, leur souverain seigneur, Charles VIII de ce nom; et levèrent la bannière du roy Ferrant sus; et cedict jour ledi! roy Ferrant entra dedans ladite ville de Naples, environ dix heures au matin, par la porte de la Magdelaine, là où ledit roy Ferrant descendit de ses gallées ; et tous les François qu’ils rencontrèrent dedans ladite ville furent mis à mort.
Le prince de Sallerne, luy estanten sa maison, ouyt ce bruit, et le grant cry qui estoit dedans la ville. du peuple qui estoit aussi esmeu. Soudainement se retira au Chasteau- Neuf, et plusieurs aultres seigneurs et contes du pays. Le séneschal de Beaucaire estoit au chasteau de Capoannes, pareillement oyant l’alarme et horrible bruyt qui esloit dedans ladite ville; et à toute diligence mit peine de gaigner le Chasteau-Neuf, moyennant l'aide de ses bons amys, et par ce moyen, se sauva.
Le seigneur d’Alègre, le seigneur de la Marche, le cappitaine messire Gratien de Guerres, le seigneur de Jehaniy, le seigneur de la Chapelle, le seigneur de Rocquebertun, et plusieurs autres gens de bien, feirent grant effort tant à cheval que à pié à rebouter les ennemys; mais le nombre et fureur du peuyle fut si très-grant qu’ils ne peurent résisler à l'encontre; et leur fut force de eulx retirer dedans le Chasteau-Neuf, quant ils virent qu'ils ne povoient autre chose faire.
Et là trouvèrent ondit chasteau Guillebert, monseigneur de Bourbon, seigneur de Montpensier, conte daulphin d'Auvergne, archiduc de Cesse, viceroy et lieutenant pour le roy de France, de Secille et de Jerusalem, au réaume
de Naples; et dedans ledit Chasteau-Neuf furent assiégés par ledit roy Ferrant et plusieurs autres gens de bien en leur compaignie. Mais ils n’en tindrent pas grant conte tant qu’ils eurent dequoy manger, car tous les jours sailloient à puissance dudist chasteau à l’escarmouche, et aussi de l’église Sainte-Croix et du chasteau de Pis-Faucon, car il y avoit grant nombre de gens par tout. Et là faisoient tous les jours de moult belles saillies, et principalementisur le mole du port; et y fut tué grant nombre des ennemys, et des François le seigneur de Beauveau, le sieur des Champs, gentilhomme de la maison du roy, et le maistre d'ostel Huvart : qui fut très-grand domaige, car 1ls estoyent vaillans et hardis de leurs personnes, et aussi y fut tué Pelit-Jehan, le tambourin du roy, homme d'armes, qui homme de bien estoit
Un bien peu de temps après se retourna une partie des villes et chasteaux de la Poucille, et se rendirent au prince de Haultemore, qui sans cesser alloit et venoit au long de la marine avec trois gallées qu’il avoit ordinairement.
Deux jours après que ladicte ville de Naples fut rebellée et rendue au roy Ferrant, la ville et cité de Trane se retourna soudainement; et levérent la baniére du roy Ferrant sus, criant tous ensemble Ferrant! Ferrant! Cedict jour voulurent prendre messire Guillaume de Villeneufve, chevalier, conseiller, maistre d'ostel du roy de France, et de Secille et de Jerusaleu, qui pour lors estoit gouverneur de ladicte ville de Trane, et cappitaine dudii chasleau : mais ledict de Villeneufve estoit bien accompaigné, et aussi messire Barnabo de La Mare esloit avecques luy, accompaigné de vingt-cinq Estradios ; et tous deux ensemble se retirèrent sans rien perdre au chasteau. Ces choses voyant ledict messire Barnabo, commença à dire audict de Villeneufve : « Il faut » que je vous laisse, el que je m’en voise à » Berlette ; car je me doubte que ladicte ville » de Berlette ne soit rebellée comme les autres.» Laquelle chose estoit vraye: et sur ce point s’en alla ledist messire Barnabo avecques les Estradios.
Ledict de Villeneufve demoura dedans le chasteau de Trane , et tout incontinent feist lever les pons dudist chasteau , et charger l’ar-
MÉMOIRES DE G. DE VILLENEUVE
mie
tillerie, car il y en avoit de bonne. El ce soir, de nuyt, luy fut mis le siège; et commencèrent à faire leurs ar proches et trenchées, el tindrent le siège l'espace d'ung mois. Durant ledict siège ledict de Villeneufve feist trois saillies, l’une sur les gens de la ville de Berlette , qui amenoient des vivres à la ville de Trane , et y print gens et vivres , el les mena au chasteau , qui grant secours lui fut; l’autre saillie fut sur les gens de la ville, là où 1l y eust deux prins des ennemys ; et l’autre sur un estradiot qui venoit de Berlcite porter des nouvelles à la ville , lequel pareillement fut prins. Et durant ledit siège fut ladite place fort batue d'artillerie , et environnée d’une grant tranchée qui prenoit d'un des costés jusques à l’autre : tellement que ladite place fut environnée de fossés en telle facon qu’on n’y povoit plus sortir dehors que par la mer , laquelle estoit aussi bien gardée que la terre.
Üng peu de temps après que la rébellion fut faite, l’armée des Venissiens vint devant le chasteau de Trane, incontinent qu’ils eurent prins et mis à sac la ville de Manople; et la sommèrent , et requirent ledict messire Guillaume de Villeneufve, cappitaine du chasteau, el gouverneur de ladile ville de Trane , qu’il voulsist rendre le chasteau à la seigneurie de Venise , et que on lui donneroit dix milles ducas , et le mener luy et ses gens, et ses bagues sauyes , jusques au port de Marseille , ou autrement qu’ils lui fcroyent pis qu'ils n’avoient fait à la ville de Manople , laquelle ils avoient prins d’assault, pillée , et mise à sac. Et estoit dedans la ville pour le roy de France le cappitaine Prudence.
Ausquels Venissiens ledit de Villeneufve respondist : qu’il avoit le chasteau en garde du roy de France, de Sccille et de Jerusalem , son souverain seigneur , et qu'ils n’y avoyent que veoir et que demander ; et qu’ils s’en allassent , car il aymeroit mieux mourir que de le rendre jamais sans le commandement de son roy et souverain seigneur , et aussi qu'il ne leur appartenoit en riens. Et à tant s’en allèrent lesdicts Venissiens fort malcontens, et se relirèrent au port de Manople, qui tenoit pour eulx ; car les villes et chasteaux qu'ils povoient prendre , ils les gardoient pour la seigneurie de Venise , et mettaient sous la ba-
nière de saint Marc , comme villes gagnées de bonne conqueste.
Monseigneur le prince de Haultemore , dom Federic d'Aragon, ung peu de temps après vint avec ses gallées devant ledit chasteau dudit Trane , et y envoya un sien maistre d’ostel à seurcté , nommé messire Vincent , requerant audict de Villeneufve, de par monseisneur le prince, qu’il lui voulsist rendre ledit chasteau, ct qu’il le traiteroit si bien qu’il auroit cause d’estre content de lui, et qu'il l’envoyroit lui et ses gens , et ses bagues sauvyes , jusques à Marseille. Lequel Villencufve lui respondit : qu'il l’avoit en garde du roy son souverain sergneur , comme dessus a dit ; et qu’il aymerait mieux y mourir que de faire si grande faulte et si grand lascheté au roy. Et à lant s’en alla ledit prince fort maucontent devant le chasteau de Manfredonne, là où estoit messire Gabriel de Montfaulcon et sa compaignie ; et tant fit ledit prince avecques lui, qu'il lui rendist le chasteau , car il avoit faulle de vivres , comme l’on disoit. Et d’appointement fait entre eulx par la composilion, ledict prince lui promist l’envoyer lui et ses gens, et ses bagues sauves, au réaume de France , laquelle chose il feist.
Incontinent que ledit prince eust ledit chasteau entre ses mains , s'en alla devant le chasteau de Berlelle, qui pareïllement cest sus la mer , lequel tenoit ung gentilhomme de monseigneur de Montpensier, nommé Bouzeguin, auquel le prince parlementa. El pareillement s’accorda ledit Bouzeguin , et rendist le chasteau par composition ; el lui promist ledit prince l'envoyer en France avecques messire Gabriel de Montfaulcon, et ses bagues sauves: laquelle chose il feist, car ledict Bouzeguin avoit faulte de gens et de vivres.
Une partie des gens dudit Bouzcguin se mirent à la soulde et gaiges dudict prince ; et entre les autres ung chanonier flameng lequel fut envoyé, de par le prince, suborner ung autre chanonier flameng que avoit messire Guillaume de Villeneufye pareillement audit chasteau de Trane , auquel il dit de nuyt semblables , paroles : « Si vous voulez vous ren- » dre à monscigneur le prince , il vous sauve- »* ra la vie , el vous prendra à son service, el * vous donnera cent ducas, et à tous les au-
» (res compaignons que vous amenerez avec- » ques vous vingt-cinq ducas , et trelous se- » ront mis à ses gaiges » : lequel, comme traistre et lasche qu'il fut , s’y accorda , et lui promist sa foy de ainsy le faire. Et par un peu d’espace de lemps , petit à petit, il souborna trente-deux des compaignons dudit chasteau, lesquels il emmena avecques lui hors du chasteau le jour que on donna l’assault ; et se descendirent le long d’une corde par dessus les murs de la basse-court; et ne demoura que huit compaignons avec ledit de Villencufve.
Ce fut le quatriesme jour du mois d’aoust que ces traîtres vendirent le chasteau de Tranc; et aussi vendirent leur cappitaine messire Guilloume de Villeneufve, dont les noms des traitres s’ensuivent cy-après.
Tout incontinent que le prince fut acertené de la trahison qui se faisoit dedans ledict chasteau de Trane, après qu'il eust prins ledit chasteau de Manfredonne et de Berlette, renvoya de rechicf son maistre d’ostel devers ledit de Villeneufve , pour le sommer et requerir encore une autre fois, de par le prince, qu'il eust à rendre ledit chasteau ; auquel ledit de Villeneufve luy respondist , comme dessus , qu'il aymeroit miculx mourir l’espée au poing, que de faire ceste lascheté au roy son souverain scigneur et maistre. Et à tant s’en retourna ledit messire Vincent faire son rapport audit prince , dont il en fut terriblement malcontent. Lors dit ledict prince qu’il donneroit deux cens ducas au premier homme qui entreroit dedans ledit chasteau , et trois cens à celluy qui mettroit la teste dudict de Villeneufve sus le portal au bout de la lance de la banière du roy de France , qui là estoit : et habandonna le chasteau à estre mis à sac; ct sur ce point feist crier l’assault ; et celle heure s’en allèrent trente-deux traitres compaignons qui dedans le chasteau estoient, dont les noms s’ensuivent. Et premièrement Pierre de Corse, flameng ; Jehan Freron, naüf de Beaucaire ; Jehan Bonnier d'Uzez ; Julien son fils , chanonnier ; Claude Coulon , de Languedoc ; Guillaume de Vitry ; Guyot de Gra , savoizien; Guillaume Munier, savoizien, Lecure, natif de La Volle en Languedoc; Le Laquays; Jehan son frère, du Daulphiné ; Loys de Tharascon, de Provence; Guyaume Menon d'Yé-
res en Provence; Berthelemieu, provensal; Le Flameng ; Jehan de Nicole, piémontois ; Jehan Vusseval, de Beaucaire ; Le Tore , gascon ; Janot, gascon ; Menas, gascon ; Le Tabourin, gascon ; Le Roberques , de Saint-Mathurin de l'Archaut ; Lamoureur, d'Avignon ; Petit Jchan Bienvenu , d'Auvergne ; Colle, italien ; maistre Honnorat, charpantier ; maistre Berthelemieu, mareschal; Fleurent, picard ; Laventurier, du Daulphiné ; Jehan Le Peintre , d'Auvergne ; Marin Potier , mareschal ; George Monnier; Vincent Fournier ; et ce sont les noms des traistres qui ont vendu le chasteau et place de Trane, et ont prins soulde du prince de Haultemore.
Sur ce point feist donner lassault , et y vint . gens tant par mer que par terre; et les huil pouvres compaignons qui dedans ledit chasteau estoient demourés avec ledict Villeneufve so deffendirent bien et vaillamment, comme bons et loyaulx qu’ils furent pour le roy; car 1ls résistèrent et tindrent fort, au premier assault qui fut donné à la basse-court, tant que à eulx fut possible ; mais au long aller fut force qu'ils habandonnassent, car la basse-court est de grande garde; et y furent assaillis de tous coustés, tant du quartier de la mer que de la terre. Et à ceste cause fut contraint desc retirer dedans le chasteau lui et ses gens; et à toute diligence mirent peine de gaigner le hault des grosses tours et le dessus de la postcrne , car la grant porie estoit très fort murée : et tout incontincnt à force d’eschelles les ennemys entrèrent dedans ladite basse-court , et moult y furent bien recueillis de coups de tret et de pierres ; car quand ils furent dedans , ils ne sçavoient où leur cacher ne où se mettre à couvert; pource que ledit de Villeneufve avoit fait abatre loules les chambres et maisonnemens de ladite basse-court. Mais nonobstant, les ennemys estoient si fort couverts de payoys et de rondelles, . qu'ils ne laissèrent point du venir près au pié de la muraille, et là il y écheut largement de blessés et mors; car autrement ils ne le pouvoient, veu le grand nombre qu’ils estoient.
Ung peu après qu'ils furent refreschis , el qu'ils eurent recouvré leur gens de tret et leurs eschelles, donnèrent un aultre assault au chasteau , et dressèrent leurs escheltes de tous coustés; mais nonobstant cela, tant
ee
que les pouvyres compaignons qui dedans estoient peurent les bras lever , se deffendirent moult vaillamment , jusqu’à temps qu’il y eust deux tués, et le chastelain blessé d’ure harquebuse au travers du coulde, qui fut très grant domaige, car 1l estoil homme de bien ; el ledit de Villeneufve cusl trois trects d'arballeste dedans sa sallade , et un autre dedans le pertuis de son plastron. Et dura ledit assault par l'espace de trois heures , si très aspre de tous coustès , qu'il n’y avoit homme qui plus se peust deffendre , ne les bras lever. Entre les autres vint un Esclavon, qui montloit au long d'une eschelle, pour entrer dedans ung grand perluis de la salle où ledict de Villeneufve avoit fait mettre un gros canon , qui battoit les reperes et taudeis des ennemvys.
Estant ledit de Villeneufve sur la fausse porle, apperçut ledit Esclavon qui vouloil entrer dedans ledit pertuis soudainement et à loute diligence, l’espée au poing, dedans ladite sulle, et rencontra ledit Esclavon qui jà cstuit entré; et ledit de Villeneufve l'approcha et appressa de si près, que ledit Lsclavon se rendist à luy, et luy pria qu’il ne le voulsist pas luer. Et ledit de Villeneufve luy demanda s’il estoit homme pour luy sauver la vie; lequel Esclavon luy respondit que ouy, et luy bailla la foy en le baisant en la bouche ; et en cet appointement faisant, ledit de Villencufve laissa entrer trois autres Esclavons par ledit pertuis, et print semblablement la foy de l'un après l’autre qu’ils luyÿ sauveront la vie : laquelle chose ils luy promirent aussi le faire, car il n’y avoit remède de se pouvoir plus tenir, pource qu'ils estotent de toutes parts entrés ; et fut ledit chasteau prins de assaull, pillé et mis à sac. Et fut grant grace Nostre-Scigneur que tous ceux qui estoient dedans ne furent tués et mis en pièces, car ainsi l'avoit commandé le prince. Et sus ce point ledit de Villeneufve pria aux Esciavons qu'ils le menassent à la chapelle, de peur qu'il ne fut tué à la foule, car autrement il estoit mort. EL là vint grant quantité de gens, et entre Îles autres ung gentilhomme nommé Jacobo Pinadelle, lequel vint l’espée au poing prendre ledict Villencufve, et l’emmena tout en pourpoint luy et ses gens, et le laissa en la maison de madame Jule, et en alla tout incontinent au
prince, et luy dit qu’il avoit mené ledit de Vil-
lencufve en la maison de madame Jule, et qu’il luy plaisoit que l’on en feist. Lequel
prince fut fort émerveillé dequoi il estoit en.
vie, et commanda que l’on le menasl en la gallée par force, nommée la gallée Marquese, là où tout incontinent vindrent à luy cin:juante Estradiots grecs de l’armée des Venissiens; et accompaignerent Jedit prince, qui s’en alla par terre en une ville nommée Daneslon; et feisl cappitaine général de toutes les gallées ung Venissien,
Cedit jour se levèrent toutes les gallées, el feismes voilles, et allasmes surgir au port de Brindes devant ladite ville; et arrivasmes le vendredi 8 d’aousl, à cinq heures de nuyt à l'entrée dudit port, en une isle là où il y a ung chasteau très-fort de murailles et de tours, et fors bollevars bien percés et bien fournis d'artillerie grosse et menue ; et y a ordinairement soixante mortes payes pour la garde dudit chasteau; et se nomme le chasteau de Sainct-André dedans l'Isole; et s'appelle Sainct- André, pource que autrefois il y avoit une abbaye qui estoit nommée Sainct-André; mais le roy Alfonse en feist faire un chasteau pour la garde dudit port.
En cestuy chasteau estoit en prison le seigneur de l’Esparre, yssu de la maison d’Alebret, frère germain du seigneur d'Orval, lequel estoit viceroy en la Poueille pour le roy de France, de Secille et de Jérusalem; et fut prins en une saillie qu’il feist sur les ennemvs, qui estoient venus courrir de Ja ville de Brindes devant une ville nommée Messaigne, là où estoit ledit seigneur de l’Espare : et promptement qu'il ouyt l'alarme, sailhst hors de ladite ville l’espée au poing, et rebouta les enncmys bien asprement jusques à leurs embusches, et là fut rencontré et son cheval mis par terre, et Iuy blessé de cinq ou six playes, el fut emmené prisonnier dedans ladicte ville de Brindes, pour faulte qu’il ne fut suivy à la charge qu'il feist ; car bien et vaillamment se défendit; et un de ses gentils hommes fut tué auprès de luy qui alloit à son secours, nommé Peysac.
Ainsy que les gallées s’en retournoient du port dudict Brindes, ledict sieur de l’Espare s’'enquist et demanda se Guillaume de Villeneufve esioit dedans lesdictes gallées; et on lui dit que
ouy. Et il requist au cappitaine dudit chasteau qui l’avoit en garde qu'il lui plust de lui faire ceste grace de le mener jusqu’à la gallée Marquese, là où estoit ledict de Villeneufve. Laquelle chose le cappitaine lui accorda voulenliers ; et le mena au devant de la pouppe de la gallée, sans entrer dedans; et là veist ledict de Villeneufve sans robbe, bien pouvre et tres piteux de sa personne ; et en fut ledict scigneur de l’Espare tres desplaisant de le voir ainsy maltrailté ; et ledict seigneur de l’Espare luy presenta la moitié de son vaillant, qui esloit en somme de dix ducas, que on Juy avoit presté ; et à tant Ilccappitaine ne les voulut plus laisser parler ensemble, et se retira dedans ledict chasteau, ct Ja gallée feist voille el s’en alla; et vous promets que piteuse fut leur despartie.
Le seignenr de Champeroulx, duc de Leches, et le roy d'Ivetot, estoient dedans l'autre chasteau de Brindes, qui est un autre très fort chasteau à merveilles ; mais ils n’estoient pas detenus comme prisonniers, car ils saillirent par composition hors de la ville de Leches, eulx et leurs bagues sauves et leurs gens, reservés chevaux et arnois, pour ce que ladite ville estoit foible et mau garnie de vivres. EL ledict prince le leur accorda voulentiers, car il ne demandoit que gaigner pays ; et leur promist de les faire mener à Marscilles ou en Aiguesmorles, à sauvelé de leur personne.
Audict port de Brindes trouvasmes quatre naves et trois gallions qui esloient aux Bis- Cayns, qui ordinairement avoient demouré là pour la garde dudit port, et bien besoing leur en fut.
Au departir dudit Brindes, venismes surgir et gecter ancres en mer au port d’Otrante, qui estoit à soixante milles de Brindes; ct est ladite villede Otrante belleet forte, et y a ungtrès fort chasteau; et y estoit madame la princesse de Haultemore. Et de là partistl’armée, el feist voille le dix-septicsme jour du moys d’aoust, : et passa devant le chap Sainte Marie, sans y arrester. Ledit chap nommé Sainte Marie est un des bouts du réaume du quartier de la Turquie et dudit chap Sainte Marie entrasmes au gouffre de Tarente, et passasmes par devyan’ Lusante, etle lendemain arrivasmes au port de Galippe. Et y a cinquante milles de Otrante jusqu’audict Gallippe; et est ladite ville de Ga-
lhppe tres forte, et toute environnante de mer, et ya tres fort chasteau, et scroit malaisé à prendre sans pratique ou sans famine.
Le dix-neuvième jourdu moys en suivant, se leva l’armée dudit port de Galippe, et alla devant Tarente; et en chemin eurent nouvelle de monsieur le prince de Iaultemore, qui s’en venoit embarquer aux gallées avec deux cens chevaulx legiers, laquelle chose feist ; et renvoya les chevaux à larive de terre, que menoit don Chesre d’Aragon.
Ce jour, à la my-nuyt, fut ordonné par ledict prince que la gallée Marquese s'en iroit devant Tarente avec deux brigandins, pour arriver devant le jour en une isle qui cest vis à vis dudict Tarente ; et s'appelle liste de Nostre Dame, pour ce qu'il y a une chapelle fondée de Nostre Dame, ct autre chose non; car c’est une isle deserte. Ladite gallée y arriva devant le jour, et les deux brigandins ; lesquels deux brigandins alèrent courir devant le part de Tarente, et la gallée demoura en embusche derrière l’isle, Et incontinent saillist deux autres brigandins , une fuste , et un petit bateau de Tarente, et donnèrent la chasse aux deux brigandins arragonois, lesquels se retirèrent à toute diligence devers la gallée , et le faisoient tout exprès pour ürer les autres aux champs. Et quand le guet de la gallée vit qu’il estoit temps que ladite gallée se descouvrit, luy feist signe, el à toule diligence ladicte gallée se despartisl pour aller au secours: et bien besoing luy fut, car autrement les brisandins estoient prins.
Tout incontinent que lesdits brigandins arragonois vcirent leur gallée de secours, soudainement lournerent, et donnerent la chasse aux Tarentins, tant que tref et rames pouvoient rer; et à peu qu'ils ne les prindrent ; ct furent chassés si asprement, qu'ils feirent donner de proue en terre au petit basteau; et fut la chasse si très soudaine, que l'artillerie du chasteau les despartist les uns d'avec les autres.
Le gouverneur de la ville, qui là esloit pour
le roy de France, de Secille et de Jerusalem , nommé messire George de Sully, saillist à toute diligence à cheval au long de la marine pour recueillir ses gens, cuidant qu’ils donnassent de proue en terre: et le tout retira en la ville à sauvelé, sans rien perdre. Et ceulx de ladite ville en furent très joyeux, car il yavoit dans
ladite fuste et brigandins largement de gens de bien, qui leurestoient très grand perte; et tout cecy voyoil messire Guillaume de Villeneufve qui estoit prisonnier dedans ladite gallée Marquese. De là s’en relourna ladite gallée à l’isle Nostre Dame, el là attendismes monscigneur le prince de Haultemort, qui arriva entre quatre et cinq heures, accompagné de sept gallées venissiennes, ct la sienne, et celle de frère Lienard, chevalier de Rhodes, et quatre barches biscaynes, qu'il amena avec luy du port de Brindes ;
-et vindrent surgir et gecter leurs ancres en
mer devant ladicte ville de Tarente.
Et tout incontinent le gouverneur messire Georye de Sully saillist de rechief bien accompaigné tant de gens de cheval que de gens de pié, et feist mener une grosse pièce de arlillerie avec luy, qui tira trois ou quatre coups à l'encontre desdites gallées ; et bien peu s’en faillist qu’il ne donnast dedans celle du prince : et tout incontinent ladite armée de mer se leva et alla surgir dedans l’isle de Nostre Dame, là où demurasmes six sepmaines, en attendant l’autre armée des Venissiens, et faisant le guet tous les jours, et grant gast aux vignes, jardins et oliviers des Tarenins, pour les cuider gaigner; mais tousjours furent bons et léaulx pour le roy de France, de Secille et de Jerusalem, avecques l’aide de leur gouverneur, qui moult homme de bien se monstroit continuellement.
Ung peu de temps après, le prince envoya ung sien gentilhomme, nommé Raphaël de l'aulcon, et un roy d’armes du roy de France, de Secilleet de Jerusalem,nommé Champaigne, que le prince tenoit en sa gallée; et les envoya devant le chasteau de Tarente dedans un bringandin parlementer audit gouverneur, pour le cuider pratiquer : mais le gouverneur est trop bon serviteur et loyal pour le roy son souverain seigneur et maistre. Ledit gouverneur respondit audit Raphaël: qu’il s’en retournast, et qu'il ne vouloit point parlementer avecques luy, et qu'il cstoit assez suffisant pour garder la ville et le chasteau, lequel luy avoit baïllé en garde le roy son souverain seigneur. Et puis dit au roy d'armes, nommé Champaigne : « Si » vous voulez demourer céans avec moy pour » l’onneur du roy, je vous recucilleray de bon + cueur ; » laquelle chose il eust fait volontiers.
mais il n'estoit pas en sa liberté ; et à tant s'en retournèrent devers le prince faire leur rapport.
Le seiziesme jour du mois de septembre, jour de la Sainte-Croix, arriva l'armée des Venissiens devant le prince, devant Tarente, laquelle amena le général des Venissiens, qui estoient en nombre dix-neuf gallées, et neuf qui estoient de par devant; et furent vingthuit qui tous les jours faisoient grant gast aux Tarentins pour les cuider gaigner et retirer à culx; mais pour cela il ne remua droit, car tousjours ils furent bons et loyaulx pour le roy de France, de Secille et de Jerusalem, leur souverain seigneur. |
Ung bien peu de temps après ledit prince alla descendre en une plaige au-dessous de Tarente avec mille ou douze cens Venissiens, et là le vindrent recucillir grant force gens à cheval du champ de don Chesre d'Aragon, qui estoit à Franqueville; et là menèrent ledict prince avec les Venissiens qu’il avoit prins aux gallées, pour ce que don Chesre d'Aragon n'avoit pas grans gens avecques lui en son champ. Et trois jours après allérent mettre le siége à une ville nommée les Grotailles, qui est à huit milles de Tarente; et donnérent l’assault à ladite ville; et très bien se défendirent ceulx de dedans, et reboutèrent ledit assault, et blessèrent grant nombre des ennemys; et lendemain redonnèrent un autre assaut, et fut ladite ville prinse par composition ; et cela faict, s’en retourna ledit prince aux gallées ayecques les Venissiens, mais non pas tous; car il y en eust largement de mors et blessés.
Ce jour mesme, alla le général des Venissiens descendre devant la ville de Tarente à grant puissance de gens cautcleusement, à celle fin que le gouverneur de ladite ville ne donnast secours à la ville des Grotailles durant l’assault.
Mais ledict gouverneur saillist sur les Venissiens, si bien accompaigné , tant de gens de cheval que de pié, qu'il rompist les Venissiens, et les mist en fuite par telle façon, que il y en eut bien cinquante ou soixante de mors et autres tant de prins; el à tant se relirèrent lesdits Venissiens en leursdictes gallées.
Le jour de monsieur saint Michel, le prince de Haultemore envoya sa gallée , accompaignée
de la gallée Marquese . dedans le port de Tarente, pour cuider prendre la citadelle de ladicte ville; car il avoit intelligence à ung gensd'armes de la compaignie du roy d'’lvetot, nommé Loys Bertochelle, lequel la luy devoit bailler,et mettre dedans à ung signe qu'il leur devoit faire, et lever la baniére blanche sur la tour de ladite citadelle. Mais la trahison fut descouverte, comme Dieu le voulut, deux heures devant que Îles gallées y arrivassent ; et tout incontinent le gouverneur feist prendre le traistre, dit Loys Berthochelle, lequel luy confessa et déclara la trahison, et les signes qu'il devoit faire au prince pour faire venir avec lesdictes gallées. Et promptement ledict gouverneur garnist très-bien ladicte citadelle de gens et de artillerie, el tout le long des murailles dudict port, et puis feist le signe de la baniére pour faire venir lesdictes gallées; laquelle chose 1l feist à toute diligence, à grans crys et grans coups de canon, cuidant que ladicte citadelle fut retournée pour eulx, car le chasteau batoit contre ladicte citadelle à cautelle; et arriva la gallée dudit prince dedans le port , et gecla ses ancres en mer pour cuider mettre l’esquif et ses gens en terre : et ces choses voyant le gouverneur, feist descharger et tirer arlilleric de tous coustés si très asprement, que Îles patrons des gallées furent terriblement esbahis, et tous ceulx qui estoient dedans, et y eut certain nombre de morset de blessés. Mais le patron de la gallée du prince, nommé Matthieu Corse, se monstra vertueux et hardi, et alla tout au long de la cousfe, l’'espée au poing, et feist laisser les ancres en la mer, et tourna la gallée à toute diligence, en telle façon que, pour coup de canon ne de trect que on sceut tirer, ne laissa qu'il ne retirast devers le prince à sauveté.
Ledict prince estoit descendu de sadicte gallée, et s’estoit mis dedans la gallée du général des Venissiens; et tout cecy voyant, fut fort esbahy et fort desplaisant, car il avoit grant peur de perdre sa gallée, pour ce qu’il y avoit la pluspart de sa robe et de ses bagues dedans, et aussi des plus gens de bien qu'il eust.
Le prince y fut allé en personne, se ce ne fut pour ce que ung des galios de la gallée Marquese avoit dit, plus d’un mois devant, que par trois fois lui estoit venu en vision de nuyt une
femme vestue de blanc, laquelle luy disoit qu'il allast dire au prince, ou feist dire, qu'il se donnast bien garde sur sa vie, qu’il ne mist sa personne en dangier par mer ne par lerre le jour de monsieur saint Michel, ou autrement qu'il lui en prendroit mal. El à ceste cause ledict prince n’y alla pas, dont bien luy en print.
Le premier jour d'octobre, ledict prince, et le général, et le provéditeur, et le cappitaine des Venissiens, allèrent avecques toute leur armée de mer descendre, et metre la proue de leurs gallées en l'isle qui est devant Tarente, pour faire le gast et brusler les maisons. Et estoient en nombre, des gallées venissiennes vingt-sept, et trois de celles du prince, et quatre grans barques tusquaines, et plusieurs autres brigandins. Et mirent cedict jour bien mille ou douze cens hommes en terre, tant Venissiens, Biscayns, que Italiens; et le cappitaine des Venissiens les conduisoit, car le prince et le gènéral demourèrent aux gallées.
Ledict prince demoura dedans sa gallée, el le général dedans la sienne, et avoit fait mettre toutes les gallécs de rang de bataille, quibattoient merveilleusement de leur artillerie au long des venues de la ville de Tarente. Mais nonobstant cela le gouverneur dudit Tarente et le cappitaine Buffez, lieutenant du roy d Ivelot, et monsieur d’Alègre, saillirent tant à cheval que à pié dedans les Venissiens si très asprement, qu'ils les rompirent et les chassèrent dedans la mer, comme bons et hardis hommes qu'ils estoient.
La première escadre estoil quatre cens hommes portant tous longues lances, comme piques paintes de rouge; ceulx-là furent les premicrs rompus; et se ne fut là grant quantité de artillerie qui tiroient de leurs gallées, ils eussent fait un grant meurtre. Et eust largement de mors et de prins des ennemys; et des François n’y eust qu’ung archier qui fut tué, et le cappitaine Bulfez eustung doit couppé, qui fut très grant domage, car il estoit homme de bien, et à tant se retirèrent les ennemys, et les François demourèrent au champ.
Ledit cappitaine Buffez, lieutenant du roy d’Ivetot, ne laissa pas de bien servir le roy, pour l'inconvénient qui luy advint; car ung peu de temps après il partist de la ville de Tarente ung soir bien tard, accompaigné de vingt-
MEMOIRES DE cG.
cinq chevaulx, alla à la ville de Messaigne toute nuict, pour quérir le seigneur de Champeroulx, duc de Leches, et le roy d’Ivetot son oncle, qui estoient à ladite ville de Messaigne détenus par le prince de Haultemore, et bien quatre vingts gentilshommes, tant hommes d'armes que archicrs, et tous ensemble les amena avecques luy à ladite ville de Tarente, dont ledit prince en fut merveilleusement ma content, car 1l les attendoil à Galippe; et eut bien cause d'en estre bien desplaisant ; car ils donnèrent ung grand secours à la ville de Tarente, et moult crurent le courage aux bons Tarentins. Messire Guillaume de Villeneufve veit partir ledit cappitaine Buffez de Tarente, qui estoit venu dedans ladite ville sur sa foy.
Ung peu de temps après partisrent de Tarente, le second jour d'octobre, le général et provéditeur avecques toute leur armée; et s’en allèrent la route de Naples, quant ils veirent que autre chose ne pouvoient faire à l’encontre de ladite ville de Tarente; et semèrent ung bruit, qu’ils aloient courir et piller le pays de Provence; mais ils demourèérent au port de Naples et de Castel-la-Mer, et là donnèrent grans faveurs et secours aux Napolitains, car ils estoicent les plus fors sur la mer pour gallécs.
Le tiers jour d'octobre, ledit prince alla ayecques les trois gallées vis-à-vis de la ville de Massafre, qui est à huit milles au dessus de ladicte ville de Tarente ; et tenoit ladicte ville de Massafre bon pour le roy de France, de $Secille et de Jérusalem. Et quant il fut à l’endroit de ladite ville de Massafre, feist mettre trois cens hommes en terre, tant Biscayns que Italiens, pour aller joindre à l’armée de terre que menoit don Chesre d’Aragon, pour aller prendre ladite ville de Massafre.
Mais le gouverneur de Tarente faisoit chevaucher lesdites gallées au long de la marine; et au couvert des oliviers envoya une escadre de soixante à quatre vingts hommes à cheval, que menoit le seigneur d’Espuisac, lieutenant du seigneur d’Alegre. Et quant ledit Espuisac veit les trois cens hommes en plaine champaigne , un peu eloignés de la marine, saillist hors de son embusche , là où il estoit derrière une chapelle , et donna dedans les Biscayns et autres gens de pié qui avecques eulx estoient, si très asprement , qu'il les rompit, et en mit à
mort la plus grant part et de prisonniers jusqu’au nombre de cinquante à soixante : et y fut prins le cappitaine des barthes biscaynes, qui s’appelloit Jean Martin, et le cappitaine Haultebelle, cappitaine des Italiens, et ung autre cappitaine biscayn des autres barches, nommé Jeanne Rousset, lequel y fut tué et mis à mort ; et furent tres fort plains ; et en fut le prince terriblement desplaisant , car les barches demourerent sans cappitaines, et à bien peu de gens. En cedict rencontre fut tué huit ou dix des gens et rensonniers de messire Guillaume de Villeneufve, que le prince avoit prins en sa garde.
UÜng peu de temps aprés ledit prince partist de devant la ville de Tarente, luy voyant ne povoir faire autre chose ne par force ne par practique en ladite ville; car trop estoient bons et loyaulx les Tarentins pour le roy de France, de Secille et de Jerusalem, leur souverain seigneur,; et aussi estoient bien gouvernés de leur gouverneur, qui moult bien y servit le roy, et tous les gentilshommes qui avecques luy estoient. |
Ledict princenelaissa devant ladicte ville que une gallée , nommée frere Lienart, chevalier de Rhodes, et c’estoit pour garder que victuailles n’entrassent dedans la ville de Tarente par mer; et cedict jour le prince s’en alla coucher au port de Gallippe, et là surgit avecques ses deux gallées (et y a soixante milles de Tarente jusques audit Gallippe), et là demoura trois jours.
Ladicte ville de Gallippe est très forte, comme vous ay dit devant, toute environnée de mer, et le chasteau moult fort de tours et de murailles bien persées de tous costés, et bien garni d’arüllerie et de gens ; et y a une tres grosse tour au milieu qui s'appelle la Tour Maistre, qui est terriblement forte. Et cependant que ledit prince demoura là, feist habiller ses gallées et monstrer carenne , et feist mettre messire Guillaume de Villeneufve dedans la
tour du portail dudit chasteau , là où il trouva:
messire Pierre Fregouse de Gennes, et ung autre gentilhomme nommé Gaspart de Gireme, qui estoit de la compaignie du roy d’Ivelot, lesquels avoient esté prins à une course qu'ils avoient faicte devant ladite ville.
Cependant arriva le seigneur de l’Esparre,
MEMOIRES DE G. DE VILLEVEUVE
que ledict prince avoit envoyé querir; et là le feist monter dedans la gallée Marquese, et aussi ledict de Villeneufve, et les autres prisonniers françois qui estoient dedans ledict chas- (eau.
Lendemain, ledict prince feist voille, et s’en alla cedict jour au port de Cotron, où il y a cent milles de Gallippe jusques au port; et est ladite ville de Cotron très belle, et le chasteau tres fort, mais qu’il fut parachevé.
Lendemain 20 du moys d'octobre, partist ledict prince du port de Cotron, et alla au chap de Colonnes, qui est à trois milles de Cotron ; et là demoura trois jours et trois nuys, à cause du vent contraire. Au departir de là entrasmes dedans le gouffre de Esquilage , qui dure soixante milles, et de là entrasmes dedans la plage de la Rochelle, et costéasmes la terre de la Calabre, qui lenoit la plus part pour le roy de France, de Secille et de Jerusalem, et passasmes pardevant une ville nommée La Chastelle; et de là passasmes devant une cité nommée Esquilage, et d’Esquilage passasmes devant une ville nommée La Rochelle, et de la Rochelle passasmes devant une ville nommée Ujaise, trés forte place à merveilles, là où estoit le seigneur d’Aubigny, connestable du réaume de Naples ; et de là allasmes passer le chap de Partenente, qui dure trente milles; et de là alla ledict prince passer la ville de Rège, qui est à trente milles du chap de Partenente. La ville de Rège est très belle ville et fort chasteau , et avoit prins ledit chasteau le roy Ferrant par assault; et le cappitaine qui estoit dedans estoit Escossois, très homme de bien ; et fut mis à mort et haché en pieces , et tous les compaignons qui estoient dedans pendus par la gorge.
Le mercredy matin, vingt-troisiesme jour du moys d'octobre , entrasmes dedans le far de Messine , qui dure dix milles , et arrivasmes à ladicte ville de Messinne ; et là descendit le prince à terre et alla veoir le roy Alfonse, qui dedans ladicte ville estoit; et avoit mal ledict roy en une main, tellement qu’il en perdist le bout de ung doy ; mais nonosbtant cela , de la grant joye qu’il eust du prince son frère, vint monter sur la gallée du prince, et s’esbastist bien deux milles en la mer avec le prince, et puis s’en retourna dedans ladicte ville.
La dite ville de Messinne est très belle et gran-
de, et ya ungtres beau port et grant, qui bat au long de la muraille de ladite ville. C'est une cité tres fort marchande, mais elle est foible et prenable , et batable de tout cousté ; et est ladicte ville au réaume de Secille, et la tient le roy d'Espaigne.
Ce jeudy ensuivant, 24 du moys d'octobre, print le prince congié du roy Alfonse, et s’en alla ledict jour auprès d’une eglise nommée les Selnantes ; et est dedans le port de ladite ville tout environnée de mer. Le soir, se retira le prince et tous ses gens en la gallée.
Le vendredy ensuivant, 25 dudit moys, partist ledict prince, et entra dedans la courante du far de Messine , qui dure dix milles : et de là passasmes devant une autre ville nommée Marsilles, qui est à six milles de Messinne, el de Messinne allasmes passer devant la cité de Turpie, qui est à trente milles de Nousille ; et de Turpie passasmes devant la Vilanne, et de là entrasmes au gouffre de Sainte Fumée, qui dure quarante milles ; et du gouffre passasmes pardevant une cité qui se nomme Montelionne; et de Montelionne, passasmes pardeyant une autre ville qui se nomme le Puisel. Cedit jour, passasmes l'isle de la montaigne de Brogane, laquelle montaigne est fort haute; et y a au milieu un grant pertuis, dont incessament jour et nuyt en sort grant feu et flambe , et s'appelle ledit pertuis Bouche d’Enfer. Et de l’austre costé y a une autre isle, nommée l’Ypre ; et y a une tres grant cité, qui tousjours a tenu le party du roy Ferrant; et de Ypre passasmes pardevant l’isle de Strangoul, où pareillement y a une autre grant montaigne, qui a au dessous ung autre grand pertuys qui jour et nuyt jelte feu et fumée et pierres, comme poussés, et pareillement s'appelle Bouche d’Enfer ; et de là allasmes passer pardevant une grant cité qui s'appelle l'Amantie ; et de l’Amantie à Fumée-Frede, qui est à deux milles de l’Amantie; et de là à Sainte Lucite, qui est à dix milles de Fumée-Frede ; et de Sainte Lucite passas- . mes pardevant ville de Paule en Calabre, et est tres bonne ville environnée de boys de ung quartier , et de la mer l’autre; et en est natif le saint homme de Tours, et y faisoit sa residence quand le roy Louys (que Dieu abseulle) l’envoya querir.
De Paule alla ledit prince devant une autre
ville nommée Fonescanlt, qui est à six milles de Paule: et de la allasines devant une autre bonne ville nommée Cescaude, qui est à sept milles de Fonescault. Cedict jour passasmes pardevant une autre bonne ville nommée Nochetraro, là où se font naves el gallées; et est ladite ville à douze milles de Cescaude. Et cedit jour passasmes pardevant Belveder, qui est à dix-huit milles de Nochctraro; et de Belveder passasmes pardeyant une autre ville nommée Florelle, qui est à dix milles de Belveder ; el toutes cesdites villes sont en Calabre, au long du cousté de la marine. Et de là passasmes pardevant une autre ville nommée l'Estaliere, et de lEstaliere allasmes passer pardevant la ville de Policastre; et y a, de l’Estaliere jusqu’à Policastre, quarante et cinq milles ; et de Folicastre passasmes devant Guamerode , et y a dix-huit milles. De Guamerode allasmes passer le pas de Palenode, et y a quinze milles de Guamerode.
Cedict jour passasmes devant une ville nommée Pichote, qui est à dix milles de Palenode; et de là allasmes passer à la couste de Exellente, là où il y a vingt milles de Pichote. Et de là passasmes uue autre ville qui s’appelle le Chastel de l’Abbat, qui est à dix milles de Exellente; et de là passasmes à une autre ville qui se nomme Agrobbe, qui est à dix milles du Chastel de l’Abbat. Et plusieurs autres petites villes passasmes au cousté de la marine de ladite Calabre, lequel seroit trop long à mettre par escript.
De là entrasmes dans le gouffre de Salerne, et toute la nuyt le passasmes à grant péril et merveilleux dangier , car le vent esloit merveilleusement grant, et la mer terrible; par telle façon qu'il n’y avoit marinier qui ne perdist son entendement , et furent fort esbahis du mauvais temps qui couroit. Mais nonobstant cela ledit prince faisoit tirer toujours en avant pour gaigner le port de Naples, pource que le roy de Ferrant l’ayoit mandé à toute diligence; car le marquis de Pescaire avoit esté tuë devant Sainte-Croix d’un coup de trect d’arbalestre qu’il eut en la gorge, et ledict marquis gouvernoit l’armée du roy Ferrant en son vivant : ainsi n’osoit descendre, ne prendre port, pour les ennemys.
Nous pussasmes ledit gouffre de Salerne
toute nuyt à grant dangier, qui dure quarànte milles. Et au saillir dudit gouffre allasmes au long de la coste de Malfe; et passasmes pardevant une ville qui s’appelle l’isle de Capre, et de là entrasmes au gouffre de Naples, et passasmes devant la ville de Masse; ct de Masse passasmes devant une autre ville qui s’appelle Sorrente, et de Sorrente allasmes au port de Castel-la-Mer. De la ville de Capre jusques à Naples, y a trente milles.
Le samedi ensuivant, vingt-quatriesme jour du moys d'octobre, arriva le prince au port de Castel-la-Mer, qui est à dix-huit milles de Naples; et là trouva l’armée des Venissiens , qui esloient en nombre de vingt gallées, et des autres navires biscayns et espaigneulx, deux nayes , deux gallions et deux escorpions, qui le resveillèrent à grand alegresse de coups de canons et de trompelle à l’usance de la mer. Et là surgit ledict prince, et y demoura toute la nuyt en attendant des nouvelles du roy Ferrant, qui estoit en champ au quartier de Noucheres , qui est à dix-huit milles de Naples ; et le sieur prince de Besilanne, et le sieur de Pressy, grant sénéchal du réaume, estoient au devant de luy.
De la ville de Messine vint le prince avec ses gallées en trente heurcs jusqu’au port de Naples, là où il y a trois cens milles de l’ung à l’autre. |
Lendemain, qui fut le dimanche 25 du moys d'octobre, se leva ledit prince avec ses gallées, et s’en alla à la rote de Naples ; et passa devant la tour du Grec; et rencontra le cappitaine Villemarin, qui venoit au devant de luy, sa gallée fort parée, el principalement debanières et estendars , et entre les autres portoit trois banières tout d'ung égal, d'une grandeur et d'une longueur. La première estoit la banière du Pape, la seconde du roy de Castille, la tierce du roy Ferranl.
Et feist la révérence ledict cappitaine au prince, et le prince luy fcist grand recueil, car il estoit lieutenant-général des gallées du roy d'Espaigne; et de là atlasmes surgir et jetter ancre en mer devant la ville de Naples, vis-à-vis de la Magdelaine ; et là descendist ledict prince, et fut fort recueilly de coups de canon ct de trompettes; et lui feist on grand allegrie, à la coustume du pays,
Cedict jour vint au devant dudict prince pour le recevoir en terre, don Alfonse d’Aragon, son frère baslard, évesque, et don Jehan d’Aragon son neveu, bastard du roy Alfonse , et des gens de la ville petite quantité ; car le roy errant avoit fait prendre des gentilshommes de ladicte ville, et les avoit envoyés au chasteau de l’Ische jusques au nombre de trente.
Dedans ledit port de Naples y avoit, que naves que gallécs, de vingt cinq à trente, sans l’armée des François, qui estoit sous le Castel de lOve de quinze à seize voiles, que les ennemys tenoient assiégés.
Cedict jour laissa ledict prince le sieur de l’Espare, et messire Guillaume de Villeneufve et Picrre Fregouse, fils de messire Perrin Fregouse de Gennes, et Gaspart de Girenne, homme d'armes soubs la charge du roy d’Ivetot, dedans la gallée Marquese, prisonniers, et là demourérent ung moys sans descendre en terre. Ung peu de temps après, le prince envoya ledict Pierre Fregouse au chasteau de l'Ische prisonnier, pour le tenir plus seurement. :
Le lundy ensuivant, 26 dudit moys d’octobre, parlist ledict roy Ferrant de la ville de Naples, et alla à son champ, qui estoit à Cerve: et laissa le prince à Naples pour faire faire les approches contre le Chasteauneuf, et autres chouses nécessaires au fait de la guerre. En icelluy temps estoit le Chasteauneuf en trèves ayecques le roy Ferrant, pour ce qu'il avoit faute de vivres, ct estoit encore dedans monsicur de Monpensier, le prince de Salerne et le sénéchal de Beaucaire, et plusieurs autres gens de biens.
Ung peu de temps après, et croys que ce fust le 27 du moys d'octobre, l’armée de mer des François se leva, et s'en alla sous Île Castel de l'Ove, là où elle estoit; et emmenèrent monsieur de Monpensicr , le prince de Salerne , le sénéchal de Beaucaire, et plusieurs autres gens de bien avecques eulx , et s'en allèrent descendre au port de Salerne et à la ville, et se ré-alhièrent avecques les autres François. Et tout cecy feirent nonobstant l’arrivée des ennemys qui devant eulx estoient, jusques au nombre de trente gallèes et vingt naves, que barches.
Dedans le Castel de l'Ove, estoit Claude de
Rabodenges, qui point n’estoit comprins en la trève, et sans cesser tiroil tous les jours de l'artillerie. Mais ung peu de temps après quoi le Chasteauneuf fut rendu, il print trève avec le prince pour deux moys, que, en cas qu'il n’eust secours dedans ledit terme des deux moys, qu’il rendroit ladite place, car il avoit faulle de vivres; et bailla en ostage Jehan de La Vernade , qui avec lui estoit : et à cette cause le prince luy faisoit bailler des vivres tous les jours. Les trèves du Chasteauneuf et de la ville furent rompus, pource que ceulx dudit chasteau retindrent le maistre justicier de la ville, qui leur porta des vivres ; car il n'estoit pas connu pour ce faire, et y alloit à cautelle, et aussi pource que monsieur de Monpensier s’en estoil allé avecque l’armée de mer, dont ceulx de la ville en murmuroyent très fort, et en furent moult malcontens.
Ung peu avant que monsieur de Monpensier partist du Chastceauneuf, le prince de Besilanne et le sieur de Pressy, grant sénéchal du réaume, vindrent, accompagnés de cinq ou six milles hommes tant à pié que à cheval, jusques à Nostre Dame de Pié-de-Grote, qui n’est qu’à une petite licu du Chasteauncuf, et menoient avecq eulx grant force vivres pour avitailler ledit Chasteauneuf : mais pource que monsieur de Monpensier avoit desjà baïllé kes ostages pour avoir des vivres, leur entreprise fust rompue, et s’en retournèrent. Et estoient lesdits ostages le sieur d’Alegre, frère dudit sieur de Pressy, le sieur de La Marche, le sieur de Jehanly, le sieur de La Chapelle, et le seigneur de Roquebertin.
A l’occasion des ostaiges dessus nommés, ledit prince de Besilanne et le sieur de Pressy s’en retournerent moult vertueusement sans rien perdre, fors que les victuailles, lesquels ne peurent pas ramener avec eulx, pource que Ie roy Ferrant estoit sailly de la ville de Naples au devant de eulx, accompaigné de quinze à seize milles hommes tant à cheval que à pié, et les François n’estoient pas cinq milles, comme vous ay cy devant dit.
Mais nonobstant le grant nombre qu'ils esloient, n’eust esté pour l’inconvenient qu’il en eust peut estre venu auxdits ostaiges, ils se fussent mis en leur debvoir de avictuailler ledict chasteau, qui eust esté une tres grant ré-
putation d’onneur e’ louange audit prince et au grant senechal, ct à toute leur compaignie.
Le vendredy 8 du moys de novembre , le roy Ferrant feist donner le premier assault à la citadelle du Chasteauneuf de Naples , lui present et le prince de Haultemore, là où il eust très fort et asprement combatu , tant de ceulx de dedans que de ceulx du dehors ; mais au long furent les ennemys reboutès bien et verlueusemnent par les François à coups de lances à feu ct de piques , par telle façon qu'il y eut largement des ennemys morts et blessés ; ct des François n'y eust que deux blessés.
Tout cecy voyant le roy Ferrant, comman da faire sonner la retraite , laquelle chose fut faite promptement , pour ce qu'ils véoient qu'ils n’avoicnt pas du meilleur ; car moult grand deffence faisoient les François à bien garder leur bresches; et ainsy en demourèrent maistres pour le jour.
Le roy Ferrant se retira en son logis au chasteau de Capoane , fort desplaisant des gens qui avoient esté morts et blessés audict assault; et ordonna que on feist venir grand quantité de massons et autres manouvriers , lesquels furent mis à miner ladite citadelle ; et la minèrent plus de deux lances de parfont. Et puis l’estançonnèrent sur pillolis , et boutèrent dedans force fagos et pouldre de canon ; et quant la mine fut preste, le mandérent dire au roy Ferrant.
Le vendredy 28 du moys de novembre, revint le roy Ferrant de son champ en la ville de Naples, pour faire mettre cedict jour le feu en la mine, et feist crier a l’assault ; et les gens de tous coustés assaillirent la citadelle ; et y eust merveilleusementcombalu tant d'ung cousté que d'autre. Mais quand les estançons de ladicte mine furent bruslés, ung grand quartier de la citadelle tomba. Les François furent tout à descouverts, et furent fort esbahis; et leur fut force d’abandonner le combat, ct de eulx retirer, car longue estoit leur retraite, et leur ayoit-on rompu le grand pont, et aussi le pont de Paradis. Nonobstant tout cela ils s'en relirèrent bien et honnestement par dedans les fossés, et à bien peu de perte.
Et par ainsi fut ladicte citadelle prinse par les ennemys, qui grand perte fut pour les François , car c’estoit le boulevart et la force
dudict chasteau ; et à tant s’en retourna ledit roy Ferrant en son champ.
Le lundy en suivant , se leva toute l’armée du roy Ferrant qu’il avoit par mer devant la ville de Naples , à cause de la grand tourmente qui se mist sur la mer : car ils ne s’osoient mettre devant le molle , de peur de l'artillerie du chasteau. Et alasmes tant de nuyt que de jour au port de Baye; et là surgismes naves, gallées , gallions , et gelismes ancre en mer : el fut la tempeste si grande qu'elle tomba dedans une nave , el tua deux hommes.
De Naples jusques au port de Baye il y a sept milles , et est ledit port bel et grand ; et autres fois y a eu une très grande cité, la plus grande du réaume ; et à cause de leur villain et grant péché de sodomye, ladite cité abisma, et fondit dedans la mer. El encore y apparent grandes tours, grans collisseaux et grands grottes; et dedans lesdictes grottes y a encore bains, qui incessament sont chaulx ; et au plus près y a ung rochicr là où sont les esluves conlinuellement chauldes, sans que homme n’y femme y fasse ne feu ne flambe. Lesdicts bains sont si très naturels, que autrefois les Rommains y souloient venir eulx baigner ct estuver, pour la santé de leurs personnes; car ils guerissent de plusieurs grandes maladies. Et y avoit autre fois en escript les maladies de quoy ils guérissoient ; mais les médecins de Salerne vindrent rompre les escritures , qui estoient pour notifier les maladies de quoy ils guérissoient; et ce feirent à cause que desdicts bains ils perdoient leurs pratliques de médecine.
Auprés dudict port y a une ville nomnie Pusol , là où il y a une monlaigne vis-à-vis, qui s’appelle la Souffrière , là où se fait le souffre.
Le dimanche ensuivant, premier jour de novembre , feste de Tous-saints, se levèrent toutes les gallées , et s’en allèrent devant Naples, chargées de grans fagos, pour faire les repaires devant leChasteauneuf de Naples; et en passant devant ladicte ville de Pusol, chargèrent grant force pierres et bombardes grosses et menues, el le tout portasmes à Naples , et les deschargeasmes de nuyÿt , à cause de Partillerie qui üroit du chasteau sans cesser. Le seigneur de YEsparre estoit dedans la gallée du prince,
là où estoit messire Guillaume de Villeneufve continuellement.
Le lundi ensuivant allasmes avecques la gallée dudict prince, et les deux gallées de messire Fregouse, à l'isle de Ische, el ramenasmes les nayes avec nous, et barches qui là estoient, pource que les ennemys doubtoicnt que l’armée des François ne les allast prendre ou brusler, el les remorcasmes avccques les gallées jusques au port de Castel-la-Mer, là où trouvasmes l’armée des Venissiens jusques au nombre de vingt gallées , et le sicur Villemarin, cappilaine général pour le roy d'Espaigne des gallées , accompaigné de trois gallées, et messire Francisque de Pau , accompaigné de deux gallées , nayes, barches , gallions, jusques au nombre de quarante , et deux escorpions ; mais il est bien vray que lesdictes naves estoicent mal garnies de gens et de vivres.
Le mardyen suivant ce , l’armée des Venissiens et le cappitaine Villemarin, accompaigné de vingt-cinq gallées , allèrent au port de Baye , pource que l’on disoit que l'armée de France qui esloit au port de Salerne s’estoit levée , ct avoit fait voille pour aller avitailler le Chastcauneuf et Chasteau de l’Ove, et aussi qu'ils se doubtoient qu’ils n’allassent au port de Gaiet{e , laquelle chose ils feirent.
Et le mercredi en suivant , feste de monsieur saint Martin , arrivèrent deux grosses naux genoisses devant le port de Baye, et là surgirent ct gctlèrent leurs ansres en mer sans entrer dedans ledit port , ne sans saluer l’armée , dont le général des Venissiens et le cappitaine Villemarin , et tous les autres patrons en furent fort esbahis , car ils ne savoient se c'estoit pour ceulx ou contre eulx, attendu qu'ils n’avoient point salué l’armée, ne getté leur bateau dehors de leurs naves, à la coustume de la mer ; el grant joye en eut le sieur de l'Esparre et ledit de Villeneufve , et les autres François qui cstoient prisonniers dedans lesdites gallées , cuidans que ce fut le secours de France , car assez suffisoit des deux naves pour recouvrer la ville de Naples pour l'eure; car les deux naves estoient belles el grandes , portant l'une trois milles bolles et l'autre deux milles et cinq cens bottes ; et s'appelle l'une la nave Gallienne, et l’autre nave l’Espinole.
Or vint lendemain à matin que se leva la gallée du prince, et allasmes voir lesdictes naves; et tout le long cria le cominite de ladicte gallée par deux fois « Qui vive, qui vive? » et ceux des naves répondirent : « Saint George! et Ferrant ! Ferrant! » et tous ensemble commencérent à crier de rechief : « Ferrant! » et tirèrent grands coups de canon ; et trompettes de sonner ; et arborèrent grant quantité de baniéres et estendars d’un cousté et d'autre, qui fut ung horrible deuil pour les Françoys.
Là descendit le patron de la gallée du prince, nommé Mathien Corse, et ung gentil homme nommé messire Francisqu Corve; et allèrent tous dedans ladite nave pour sçavoir des nouvelles : et de là escripvirent au prince qui estoit à Naples fort esbaht, et la ville bien esmeue , cuidant que ces deux naves venissent pour le secours de France; car le Chasteau de l’Ove en avoit fait grant feu de joye, cuidant qu'ainsy ful.
Tout incontinent que le géntral des Venissiens sceut les nouvelles , il vint devers les paves ayecques toutes ses gallées ; et renvoyèrent lesdites naves surgir auprès du Chasteau de l'Ove; dont les François, qui dedans le chasteau estoient, en furent bien esbahis, quant ils veirent qu'ils estoient du party contraire ; et aussi fut le Chasteauneuf,
Le lundi 6 du mois de novembre , vint monseisneur le princeenla gallée qui estoit à Margutllon derrière le chasteau de l'Ove , et là disna. Et après disner , à la requeste de monseigneur de l’Esparre, qui dedans la gallée estoit , feist appeler messire Guillaume de Villeneufve, et l'envoya quérir à la voie dedans la gallée par le patron Mathieu Corse, et par son maistre d'ostel messire Vincent, et le feist mener devant le prince; et là ledict de Villeneufve fit la révérence au prince, qui encore ne l’avoil voulu à voir.
Mais bien debyez sçavoir que ladite révérence fut assez pitteuse, car ledit de Villepeufve avoit grant barbe grise , el le visaige bien megre et fort defail, et bien povrement vestu ,et assez triste de sa personne , comme celluy qui avoit estè quatre moys en gallée prisonnier par force, el très mal nourry; cer la pluspart du temps ne mangcoit quebiscuit ,et la moitié de ses gens enchesnés et
MEMOIRES DE G. DE VILLENEUVE
enfibrés, sans que lediet prince le voulsist veoir ne parler à luy durant ce temps , ne souffrir qu'il descendist en terre, fors ung jour qu'il le fcist descendre à Tarente, à la requeste de George de Sully, gouverneur de ladicte ville, lequel promist sur sa foy rendre ledict de Villeneufve lendemain , laquelle chose il feit tout incontinent que la gallée vint Je requerir.
Mais bien debvez sçavoir que à la descendue que ledit de Villeufve feist à la ville de Tarente , fut moult bien recueilli du gouverneur ct de tous les gentils hommes qui avec luy estoient , pour l’onneur du roy de France, de Secille et de Jerusalem, et aussy pour la poyreté en quoy ils le veirent, tant de vestemens que de la personne; car il y avoit plus de dix-huit jours qu’il n’avoit mangé pain , ne beu que de l’eau de la pluye; car biscuit et eaux leur estoicnt faillis, et ne povoient prendre eau fresche à plus de dix milles de Tarente, pour la forte guerre que leur faisoit le gouverneur de ladite ville.
Pareilkement fut bien recueilli ledit de Villeneufve par les Tarentins, pour l’onneur du roy; car moult fidèles et bons Françoys esloient. Et bien le montrèrent quant le prince metloit gens en lerre, car ils estoient tousjours les premiers armés pour les combattre.
La cité de Tarente est une très belle ville et grande, et y a très fort chasteau, et encore seroit plus fort se il estoit parachevé du quartier de la ville; et est ladicte ville et chasteau toute environnée de mer; et ne se peut assieger ladicle ville sans trois grans puissances de gens pour y mettre trois sieges, l’ung du quartier de la ville des Cortailles, et l’autre en l'isle de l'autre quartier vis-à-vis de ladicte ville sus le chemin de la ville de Massafre, et l’autre par mer ; et l’ung des sieges ne peut serourir l’autre.
Et si fauldroit pour tout le moins que 4 chacun siège y eust sept ou huit milles combatans, car ils sailloient des habitans de ladicte ville cinq ou six milles hommes, à cinq coups pour une saillie. Ledict chasteau estoit très bien pourvu de blés, de vin , de mil, de chair, de poudres , el de toutes choses nécessaires pour la provision d’une telle place , et principalement des gens de bien qui estoient avec ledict gouverneur , qui moult bien les sçavoit traitter et conduire.
Quant vint lendemain que la gallée vint quérir ledict de Villeneufve, sachez pour tout vray que piteux fut le congié que ledict gouverpeur et gentils hommes, et les gens de bien de ladicte ville, prindrent dudict de Villeneufve, 4 l’entrèe qu’il feist dedans la gallée, de la pitiè qu’ils avoient ; car il n’y avoit homme , tant du chasteau que des gens de bien de la ville, qu'ils ne luy départissent de leur biens pour vivre dedans ladicte gallée. Et bien besoing en avoit, pource queen ladicte gallée n'avoit mangé plus de huit jours qu’avecques herbes et olives verdes ; et esloient bien mal fournis d'eaux, comme vous ay dit par cy-devant. Et à tant s’en alla en la gallée, et les Tarentins tous ensemble se prindrent à crier « France! France!» comme bons et loyaux Françoys qu'ils estoient.
Cedict jour que le prince envoya querir ledict de Villeneufve en la gallée, present le seigneur de l'Esparre et le cappitaine Villemarin, cappitaine général de toutes les gallées du roy d'Espaigne , ledict prince dit audict de Villeneufve : qu'il esloit fort esbahis de quoy il ne luy avoit voulu rendre et bailler le chasteau de Trane entre ses mains , attendu que par plusieurs fois l’en avoit fait requerir , et principalement par son maistre d’ostel messire Vincent , et aussy que luy mesme y estoit venu une autre fois en personne ; et qu’il lui voulsist mieux avoir fait comme les autres cappitaines , qui leur avoient rendu leurs places par composition, leurs personnes, et leurs gens , et leurs bagues sauves ; et qu'il les envoyroil lous en seureté jusques au port de Marseilles ou d’Aiguesrmnortes.
Ledict de Villeneufve répondit au prince qu'il ne luy voulsist déplaire , car il n’eust pas fait son debvoir de luy rendre une telle place, sans le commandement du roy son souverain seigneur de qui il l’avoit en garde; et qu’il eul mieux aimé y mourir , que de lui avoir fait cette grande faulte et lascheté.
Et alors lui respondit ledict prince qu'il avoit entendu que ledict de Villeneufve l’avoit voulu bailler entre les mains des Venissiens, et qu'il en esloil.bien esbahi. Ledict de Villeneufve lui respondit, sauvant son onneur , qué jamais ne l’avoit pensé ne voulu faire ; ct que s’il eust voulu bailler entre les mains des Venissiens ladicte place, qu’ils lui eussent
——— ea -
donné très volontiers dix milles ducas; de laquelle chose il n’avoit garde , car il le monstra bien à la parfin. |
Et lors ledict de Villeneufve dil au prince, présens les dessus nommés, le seigneur de l'Esparre et le cappitaine Villemarin, et plusieurs autres gens de bien, que s’il y avoit Venissiens, ou autre homme, de quelque langue qu'il fut, qui voulsist dire ne maintenir qu'il eust voulu bailler ne rendre ladite place à homme du monde, que faulsement et mauvaisement ils avoient menti, sauvant l’onneur du prince ; et que, avecques son bon congié et licence, il esloit prest et appareïllé de le combattre l’espée au poing dedans ladite poupe de la gallée, et de l'en faire desdire par sa gorge que faulsement el mauvaisement l’avoit dit. Et sus cela ledict de Villeneufve en jetta son gage de bataille au milieu de la poupe de la gallée, présent ledict prince, le seigneur de l’Esparre, le cappilaine Villemarin et le cappitaine Francisque de Pau, et plusieurs autres gens de bien qui prèsens cstoient.
Alors le seigneur Villemarin et le cappilaine Francisque de Pau dirent au prince : que : autresfois ils avoient veu et cogneu ledict Villencufve aux guerres de Castalongne, là où tousjours avoit esté renommé homme de bien ; el allendu qu'il faisoit l'offre de vouloir prouver de sa personne, que ledict prince se devoit tenir pour excusé et pour content. Laquelle chose il feist, oyant les choses dessusdictes, et que nullui ne disoit à l'encontre, nonobstant que les Venissiens fussent présens; et à tant le prince s’en retourna à la ville; et le seigneur de l'Esparre et ledict Villeneufve demourèrent en la gallée.
UÜng peu de temps après, fut mené le seigneur de l’Esparre et ledict messire Guillaume dedans la ville de Naples prisonniers par le cappitaine Montanègre, cappitaine de la guerre, et par le maistre de la monnoye, nommé messire Charles; et furent mis dedans la maison dudict Montanègre jusques à temps que le Chasteauneuf fut prins.
Ung peu après que le Chasteauneuf fut prins,fusmes menés audict Chasteauneuf; et fut environ à la fin de décembre; et là fusmes en prison en la grosse tour du portal, jusques à la délivrance de nos personnes.
Le deuxiesme jour du moys de décembre, fut envoyé quérir le seigneur de l’Esparre, de par le roy Ferrant, qui estoit à la ville de Cerve en son champ. Cela amassoit gens de lous coustés,; et disoit l'on la cause pourquoy il avoil envoyé quérir le seigneur de l'Esparre : c'estoit peur faire le change du fils du conte Chamberin et de lui, qui parcillement estoit prisonnier au champ, de monseigneur de Monpansier, qui estoit au quartier de Salerne assez près les ungs des autres.
Le huitiesme jour dudict moys de décembre ensuivant, se rendist le Chasteauneuf de la ville de Naples au roy Ferrant; et entra le prince de Haullemore dedans ledict chasteau pour ledict roy Ferrant; et feist Lever les armes et banières dudict roy sus les grosses tours; et movennant la rendition dudict chasteau, furent rendus les ostaiges que avoit baillés monseigneur de Monpensier : c’est à sçavoir le seigneur d’Alègre, le seigneur de La Marche, le seigneur de Jehanly, le seigneur de La Chapelle, et le scigneur de Roquebertin. De ladicte place tous ceulx qui estoient dedans se retirèrent à sauveté dedans les navires qui les debvoient porter en France, culx, leurs bagues et leurs harnoys, et toute l'artillerie qui estoit au roy de France, de Secille et de Jérusalem; et furent envoyés en France, et aussi les oustaiges, comme avoit esté dit par l’appointement, Mais, nonobstant ledict appointement, tls furent détenus sur la mer, ant au port de Naples que au port de Baye, l’espace de six sepmaines, qui moull leur ennuya.
Mais, comme l'on disoit, les ennemys les détenoient en caulelle, de peur qu'ils ne s’en prévissent et ralliassent avecques l’armée qui venoit de France; car ils estoient une très belle compaignie et grand, Lant avecques monseigneur d’Alègre que avecques messire Gabriel de Monfaulcon, qui pareillement s'en alloit par composilion. El croys qu'ils estoient de nombre de cinq cens hommes. Et estlant le roy Ferrant en Calabre, avant que la ville de Naples fut rendue, monseigneur d'Aubisny, conneslable dudict réaume, Ie prince Besillanne, le seigneur d’Alègre, grant sénéchal du réaume, chevauchèrent tant par leur journées, qu'ils rencontrèrent ledict roy auprès d’une ville nommée Seménare ; lequel roy estoit bien
accompagné tant d'hommes d'armes que de gens de pié, et d’un grand nombre de génitaires que le roy d’'Espaigne Iuy avoit envoyée.
Mais nonobstant que lediet roy fut fort grandement accompaigné, comme dessus ay dit, les François ne délaissèrent point que vaillament et hardiment ne donnassent dedans, comme bons et hardis hommes de bien, conduits par les trois chevaliers que dessus vous ay nommé.
Et par telle façon fut le joindre des ungs avecques les autres que les François luèrent et prindrent largement des ennemys; et tout le demourant fut rompu; et se misrent en fuille.
Le roy Ferrant, comme bon chevalier et hardi de sa personne, se monstra vertueux par telle façon, cuidant rallier ses gens, que par plusieurs fois tourna le visaige vers les ennemys, et par tant de fois qu'il fut getté par terre, el perdit son cheval : et n’eust esté un sien soudart qui le remonla sur une jument qu’il chevauchoit, ledict roy Ferrant eut esté en grant dangier de sa personne; et dessus ladicte jument se retira et sauva le roy.
Ung peu de temps après le seigneur de Pressy, grant sénéchal du réaume, et le prince de Besillanne ouyrent des nouvelles que: le Pape envoyoit le fils du conte Chamberin et quatre autres contes au secours du roy Ferrant, accompaignés de trois cens hommes d’armes ou plus, et de bien six milles enfans de pié : en somme, ils estoicnt plus la moilié qua les François. Mais nonobstant le grand nombre, ledict seigneur de Pressy et le prince de Besillanne, comme bons et hardis chevaliers, sans regarder le dangier de leurs personnes, donnèrent dedans bien et hardiemeut ; el rompirent la première escadre que menoit le conte Chamberin, et par telle façon qu'il y eust largement de mors ct de prins, et le demourant mis en fuite et en ropture jusques à la ville de Yole ; laquelle ville voyant ladicte roture, se relourna pour les François. Entre les autres v fut prins le fils du conte Chamberin et plusicurs autres, et mené prisonniers en la ville de Salcrne par les François. En somme el en conclusion, le champ et la victoire demoura aux François, et la louange à Dieu. Ledict fils du conte Chamberin fut mis à treize milles ducas de rançon; et depuis fut eschangé pour
le seigneur de L’Esparre, qui estoit prisonnier entre les mains du roy Ferrant.
Le samedy ensuivant, sixiesme jour du moys de janvier, le seigneur de l’Esparre et ledict de Villeneufve estant prisonniers en la grosse tour du Chasteauneuf de Naples, leur fut dit les nouvelles du secours des François, qui estoient arrivés à Gayctte. Et à toute diligence le prince de Haultemore y alla, et Prosper Coulonne avecques luy, par terre, el y feirent aller la pluspart des naves et des gallées. Mais trop tart y arrivèrent les ungs et les autres, car jà cstoit entrée ladite armée de France dedans le port de Gaycette. Nonobstant lesdicts François ne sceurent tant faire qu'ils ne perdissent une de leur barches chargée de vivres. qui s’appelloit la Magdelaine , laquelle fut prinse des ennemys.
Le vingt-sixiesme jour du moys de janvier, fut délivré le seigneur de l’Esparre hors de la prison du Chasteauneuf de Naples; et fut fail par le change de luy et du fils du conte Chamberin, que les François tenoient prisonniers; et estoit ledict fils Chamberin mis à ranson à treize milles ducas.
Le 26 du moys de février, partist le roy ferrant de la ville de Naples, et s’en alla à une ville nommée la Tripaude, là où son champ seroit remuë, pour s’en aller à la Poueille après l’armée des François, qui y alloit pour lever les deniers de la Poueille des Erebys, qui monloit la somme de quatre vingt à cent mille ducas.
Le 27 du moys de février, fut rendu le Chas- (eau de l'Ove au roy Ferrant, que pour lors tenoit Claude de Rabodenges pour le roy de France, de Secille et de Jérusalem, pource que le terme estoit venu qu’il le devoit rendre par l’appointement fait entre le prince de Haullemore et luy. Et en ce faisant ledict prince luy faisoit bailler tous les jours des vivres, car il n’en avoit point, comme l'on disoit; et en baillant ledict chasteau, fut rendu Jehan de La Vernade, qui estoit baillé pour ostaige; et cedict jour se retirèrent dedans la barche qui les debvoit porter en France, eulx et leurs comnpaignons, leurs bagues sauves, ainsi qu’avoit esté dit par leur appointement. Et entra dedans Icdict chasteau, pour le roy Ferrant, le conte Mathelon, comme cappitaine et chaste-
lain, accompaigné de trois à quatre cens hom:mes ; et levèrent les banières du roy Ferrant sus à grant joie et à grant allégrie, à la cous- {ume du pays : car c’estoit une des choses que plus ils désiroient, de recouvrer ledict Chasteau de l’Ove après qu'ils eurent le Chasteauneuf.
Le roy Ferrant n’estoit point à la ville de Naples pour le jour, ne aussi le prince de Haultemore ; car ledict roy estoit à son champ, et le prince estoit au cartier de Gayette, là où il avoit assemblé des gens le plus qu’il avoit peu; et pareillement aussi feist Prosper Coulonne, à cause du secours qui estoit arrivé.
Lendemain, qui fut le dix-huitiesme jour de février, arriva le roy Ferrant à la ville de Naples; et rencontra auprès de ladicte ville la seigneure infante d'Aragon, fille de la royne Jehanne d'Aragon, relaissée du roy Ferrant, qui venoit de la chasse. Et s’en viendrent tous deux ensembles, quant le roy fut arrivé, au nombre de deux ou trois milles hommes qui s’en alloient droit au moule, délibérés de vouloir aller prendre la nef là où estoient les François qui estoient saillis du Chasteau de l'Ove, et mettre à mort et en pièce tous lesdicts François qui estoient dedans ladicte nef. La raison pourquoi cedict peuple vouloit faire cetle exécution, est pource que nouvelles estoient venues de Naples que le comte de Montoire, qui avec les François estoit, avoit fait pendre par la gorge quatre ou cinq Napolitains ; et à cette cause la commune vouloit faire celte vengence sur lesdicts François. Mais, comme Dieu voulut, l’armée du roy Ferrant, luy estant devant lesdict chasteau, voyant celte tumulle et assemblée de gens, à toute diligence alla devant eulx; et luy, informé de l’exécution qu'ils vouloient faire, icur remontra que c’estoit à son deshonneur et folle attendue que lesdicts François estoient saillis hors du chasteau sous son sauf conduit et seureté; et feist tant que ledict peuple se retira.
Lendemain, certain nombre des habilans de ladicte ville vindrent faire requeste audict roy Ferrant qu'il luy pleust faire trancher la leste et mettre en quatre quartiers à cinq hommes qu'il tenoil prisonniers au Chasteauneuf pour vengencc. Les trois esloient fils L&
gitimes du conte de Montoire , et le quart son fils bastart, et le cinquiesme son frère bastart, auxquels le roy Ferrant répondit qu'il y aviseroit ; et le lendemain leur accorda et octroya le fils et le frère bastars leur seroient baillés et délivrés pour en faire leurs voulontés; et cedict jour s’en alla le roy Ferrant en son champ.
La royne Jehanne d’Arragon, relaissée du roy Ferrant dernier mort, tante du roy Ferrant qui pour l’eure vivoit, elle esmue de pitié et de miséricorde, après que ledit roy Ferrant fut parti pardonna aux prisonniers dessus nommés que on vouloit faire mourir, et feist tant de ses belles paroles et remonstrations envers ledict peuple, qu'ils en furent contens pour l’onneur d'elle.
Le 25 du moys de febvyrier, parlist la nef de Claude Rabodenges du molle de Naples, lui et tous ses gens dedans, et Jehan de La Veranade, qui avoit esté baillé pour ostaige, et furent menés en Prouvence, ainsi que avoit esté dit par leur appointement.
En celluy temps avoit ordinairement le roy Ferrant vingt gallées vénissiennes à son secours el à ses gaiges. Et pource qu’ils y avoient esté longuement à leurs dépens, ce qui n'est petite chose; car lesdits Vénissiens ont de coustume d’avoir cinq cens ducas pour moys pour chacune gallée, qui seroit en somme dix milles ducas tous les mois pour les vingt gallées, et en oultre avoient quatre cens estradiots grecs par livres; et à celte cause que ledit roy Ferrant avoit plusieurs autres gallées et naves, tant d’Espaigne que de Biscaye et de Gennes, qui lui montoient une autre terrible somme et grand despense, lesdits Vénissiens, qui rien ne veulent perdre, car ils ne l'ont pas de coustume, voulurent estre assignés de leur payement, lant du temps passé que du temps à venir, ou autrement s'en fussent allés, et pourtant, comme l’on disoit, le roy Ferrant leur bailla et consigna entre leurs mains trois villes de la Poueille, toutes trois sur la marine, c’est à sçavoir la ville de Trane, la ville de Brindes, et la ville de Tarente et les chasteaux ; et furent baillées lesdites villes en gaiges aux Vénissiens jusques à fin de paye.
Le premier jour du moys de mars, arrivale Foy Ferrant au Chasteauneuf de Naples, qui
estoit vers Salerne, là où es‘oit l’armée des François ; et ce soir coucha avecques la scigneure infante d’Arragon, fille du roy Ferrant dernier mort, publiquement comme sa femme espousée; car la dispense esloit venue de Rome de nostre saint père le Pape, pource qu'elle estoit son ante-fille du roy Ferrant, lequel a espousé ladite infante d'Arragon. Et ne fut fait nulles nopces ne nulle feste, à cause de la grant guerre qui estoil au réaume de Naples.
Le prince de Haulte-More, dom Frédéric d’Arragon , y arriva lendemain, et vint de son armée, qui tenoit au quartier de Gayette : et au bout de deux jours s’en retournèrent chacun en son champ.
Le 7 du moys de mars, saillist hors de prison de la grosse tour du portail du Ghasteauneuf de Naples messire Jehan de Rabot, conseiller du roy de France, de Secile et de Jerusalem, et Gaspart de Giresme, homme d'armes soubs la charge du roy d’Ivetot, et furent menés devers le roy Ferrant à la ville de Bepevent. La façon comment ils furent délivrés par ranson ou par eschange, ou autrement, je ne vous sçauroye pas pour cette heure dire.
Ledit messire Jehan de Rabot et Gaspart de Giresme laissèrent messire Guillaume de Villeneufve prisonnier dedans la grosse tour, seul avecques son prestre et ung sien serviteur ; et avoit jà esté ledit de Villeneufve détenu huit moys prisonnier , c’est à sçavoir quatre moys en gallée, et quatre moys en terre : car bien debvez savoir que grand deuil et grand desplaisir lui fut de veoir en aller les dessus nom: més , et demourer tout seul, et aussi que le seigneur de L’Esparre avoit eslé delivré six sepmaines avant; lequel seigneur de L’Esparre et ledit de Villeneufve avoient été toujours prisonniers ensemble depuis qu’il fut mis en terre. Et lors ledit de Villeneufve cogneust bien qu’il estoit sans maistre. Altendu que autre chose n’y povoit faire, se tourna à Dieu et à Nostre Dame , lui suppliant qu'il leur pleust lui donner briefve délivrance et bonne palience.
Ung peu de temps après que ledit messire Jehan de Rabot fut délivré de prison, là où il estoit avec ledit de Villeneufve, l'on deslogea ledit de Villeneufve de la prison; et fut mené au plus haut de la tour dedans une volte obscure et ténébreuse; et pour le tenir en plus
grant détresse, et faire vivre en desplaisir, lui firent barrer et treillisser les fenestres de ladite prison de gros treillis de bois par dedans, nonobstant qu'elles fussent bien ferrées par dehors de gros treillis de fer; et en telle façon furent lesdites fenestres fermées, qu’on ne poyoit appercevoir la veue, ne voir homme ne femme, fors que une More esclave, qui lui apportoit tous les jours sa povre vie, et bien povrement. Et le tout falloit qu'il prinst en patience , en atlendant la miséricorde de Dieu.
Le vendredi prouchain après le jour de Pasques, arriva le marquis de Mantoa au Chasteauneuf de Naples, et là alla faire la révérence à la royne Jehanne d’Arragon, relaissée du roy Ferrant, et aussi à sa fille la scigneure Infante, que le roy Ferrant, fils du roy Alfonce, avoit nouvellement espousée, el jà s'appelloit royne. Lendemain s’en retourna ledit marquis à la ville de Capoa, là où il avoit laissé ses gens d'armes qu'il amenoit pour le sccours du roy Ferrant qui estoient en nombre de quatre cens armés, et cinq milles enfans de pié et cinq cens chevaulx légiers, comme - l'on disoit.
De ladicte ville de Capoa s’en départit ledit marquis avecques toute son armée, pour s’en aller devyers le roy Ferrant, qui estoit au quartier de la Poueille, à une ville qui s'appelle Beneyent, laquelle ville appartient au Pape; et là à l’entour faisoit assembler toute son armée. C'est à sçavoir don Chesre d’Arragon, qui estoit au quartier de Tarente ayecques une bande de gens, et don Salyo, qui estoit au quartier de la Calabre avecques une autre bande de genitaires, lesquels tous ensemble se debvoient trouver autour de la ville de Fogès pour lever les deniers de la douanne des brebys, qui montent cent milles ducas par an, car le plus fort le devoit emporter, Monsieur do Monpensier , le prince de Salerne, le prince de Besillanne, le seigneur de Pressy, grant sénéchal du réaume, monseigneur don Julien, duc du Mont Sainct-Angjle, et plusieurs autres cappitaines, s’estoient assemblés autour de la yille de Sainct-Sever , là où estoit le seigneur Virgille pour le roy de France, de Secile et de Jerusalem. Tous ensemble se faisoient fors pour lever les deniers de ladite douanne : je ne sçay encore comment il en ira.
Le onziesme jour du mois d’apvyril, fut ramené messire Jehan de Rabot de ladite ville de Benevent en la grosse tour du chasteau de Naples, là où estoit messire Guillaume de Villeneufve ; et avec lui fut ramené Gaspart de Giresme et Jehan de Brion, gouverneurs de la ville de Capoa pour monseigneur de Ligny, ct messire Benard, chevalier, homme d’armes soubs la charge de monseigneur de Pressy, grant seneschal du réaume, pource qu'ils ne furent pas d'accort de l’eschange qu'ils vouloient faire avec ung escuier d’escurie du roy Ferrant, que on appeloit Lamouche, lequel estoit prisonnier entre les mains du conte de Salerne. Néanmoins le lendemain furent renvoyés querir les dessus nommés par le prince de Iaultemore, et furent ramenés à la ville de Benevent ; et crois que l’eschange sortit son effect. La façon, je ne la vous sçauroye dire.
Le dimanche 24 du moys d’apvril , arriva le prince de Haulte-More en la ville de Naples; ct venoil avecques le roy Ferrant, qui estoit en la Pouecille avec son armée; et disoit l’on que le prince venoit pour renforcer l’armée de mer pour aller à Gayette, tant pour essayer s'ils pourroient prendre ladite ville de Gayette, que pour la doute qu'ils avoient du secours de France, que on disoit qui venoit par mer ; laquelle chose ils craignoient très fort, et non sans cause.
Le 15 du moys de juing, fut amené prisonnier au chasleau de Naples le frère du prince de Besillanne, qui avoit esté nourry au réaume de France en la maison de tres hault et puissant prince monseigneur le duc de Bourbon et d'Auvergne ; el fust mis en la prison nommée la Princesse, el quatre ou cinq autres barons qui avoient esté prins avec lui en Calabre; dont grant feu et grans allegris en furent faits à la ville de Naples, car de peu de chose se rejouissent, à la coustume du pays.
En celluy temps pareillement amenèrent les ennemys devant le chasteau de Naples trente ou quarante compaignons de guerre, lesquels ils avoient prins d’assaull en üne petile ville méchante, avecques trois gentilshommes qui les conduisoient ; et crois qu’ils estoicnt de la bande du cappitaine Loys Dars. Et celuy propre jour tous les povres compaigaons furent mis en galiée par force, numnice
la gallée Francin Pastour ; et les trois gentilshommes furent mis en prison en la fosse du Mil, très mauvaise el piteuse. Le nom de ces trois gentils-hommes, je ne les yous sauroye nommer pour celle heure.
A l’entree du moys de juings’ n alla le cappitaine Villemarin devers le roy d'Espaigne, et emmena les trois gallées avecques lui, pour certaine chose que 1 dit roy avoit à besoigner à lui.
Le 15 du moys de juillet, vindrent les nouvelles à Naples que une fuste de Turcs avoit prins les deux gallées de Francisque de Pau au quartier de la Calabre , qui estoit chose fort à croire : non pourtant si fut-il vray, el fut ledit cappitaine Francisque de Pau mis à mort et haché en pièces ; et fut très grant domaige , car il estoit gentil chevalier.
Le 26 du moys de juillet, feste de madame sainte Anne , furent apportésles chapitres à la ville de Naples , et attachés aux carrefours de ladite ville, du traitté et appointement fait entre le roy Ferrant et monsieur de Monpensier, archiduc de Cesse, conte dauphin d’Auvergne , viceroy, et lieutenant général pour le rog de France , de Secile et de Jerusalem, au réaume de Naples ; lequel estoit assiégé à la ville de l’Atelle par edit roy Ferrant, nonobstant qu'il fust accompaigné de plusieurs bons hommes d’armes et autres compaignies d'hommes de guerre , jusques au nombre de six à sept mille comballans , comme l'on disoit, tant François que Italiens : et y estoit le seigneur Virgille en la -compaignie.
S’ensuivent les chapitres et appointemens, c’est à sçavoir :
Que monseigneur de Monpensier bailleroit pour oustage le seigneur de Pressy, grant seneschal du réaume , et le bailly de Vitry ; pour la partie des François et pour la partie des Italiens , le seigneur Paule Vitelle et le seigneur Paule Ursin ; et pour la partie des Alemans, le cappitaine des Souyches, Brochart ; que en Cas que le secours ne viendroit pour les Françoys si tres fort, qu'il feist remuer le roy Ferrant hors du champ dedans le 13 du moys d’aoust, que ledit seigneur de Moupensier rendroit la ville, et s’en iroit lui et toute sa compaignie au port de Castel-ls-Mer; comme
aussi le roy Ferrant le debvoit faire baïller navires à suffisance pour l'emmener lui et tous ses gens, chevaulx, bagues et harnois en bonne seureté au réaume de France, réservée l'artillerie, et les barons et autres gentilshommes du réaume qui s’en vouloient aller, ou demourer à la discrétion du roy Ferrant.
Et en ce faisant, ledit roy esloit tenu de faire bailler vivres audit monseigneur de Monpensier et à tout son ost durant le temps qu'il estoit dit par l’appointement ; c’est à sçavoir pain , vin, chair, huille , et toutes autres choses nécessaires pour la vie des hommes et des chevaulx , car ils n’en avoient point ; et à cela furent contraints de faire cest appointement, en attendant le secours. Bien est vray que monseigneur d’Aubigny , connestable dudit réaume, ne monseigneur le prince de Saler. ne , ne le prince de Bcsillanne , ne plusieurs autres barons qui hors de ladite ville estoient, n’esloient point compris en cestappointement, car ils n’estoient pour iors sur la puissance de monseigneur de Monpensier.
Mais bien debvyoit ledit seigneur de Monpensier mander commissaires , et faire exprès commandement à toutes les villes , et par tout où il avoit puissance , qu'ils eussent à faire ouverture , el à eulx rendre au roy Ferrant , ainsi qu'il estoit contenu aux chapitres de l’appointement. Encore plus fort dit que en passant devant le chasteau d’Ostie, auprès de Rome, qu’il eust à faire commandement au cappilaine qui dedans estoit , nommé Menault de Guerres , qu'il enst à rendre ladite place entre les mains de nostre saint père le Pape, de laquelle chose je croy que s’il le feist, qu'il eust mauvaise obéissance.
Comment messire Guillaume de Villeneufve fut délivré de sa prison et reyint en France.
Le premier dimanched'’aoust, ? dudit moys, fut messire Guillaume de Villeneufve, chevalier , mis hors de prison de la grosse tour du portail du Chasteauneuf de Naples, là où ilavoit ung an trois jours, comprins quatre mois qu'il avoit esté aux gallées par force.
En cette sepmaine se rendit la ville de Saint Severin au roy Ferrant par composition et le chasteau prins d’assault ; et tous les gens qui
estoient dedans furent mis à mort et hachés en pièces.
En cette propre sepmaine print le roy Ferrant la ville de Salerne en sa mercy, pour que ledit roy y mist le siège , et y feist grand balterie. Le chasteau de ladite ville tint bon pour le roy de France , pource qu'il estoit très fort et bien avitaillé.
En celui temps partit monseigneur de Monpensier et le scigneur Virgille de la ville de l'Atelle , là où ils avoient esté assiégés par l'espace de long Lemps ; et par faulte de vivres s’'appointèrent avecques le roy Ferrant; el par cest appointement faisant, ledit roy Ferrant les debvoit envoyer au réaume de France, eulx et leur compaignie , qui esloit en nom- Vre de trois milles ou environ, et de cheval leux milles, et les feist embarquer à Castella-Mer. Et depuis ledit embarquement fait, il feist mettre le seigneur Virgille en terre contre sa voulonté, et à force , et le detint prisonnier , nonobstant la seurelë qu’il lui avoit donnée , et par telle façon qu’il mourut enses prisons ; el aussi feist mourir monseigneur de Monpensier, par le mauvais traitement et longueur de temps qu'il le detint sur la mer, et plusieurs autres gens de bien.
La feste de madame sainte Anne, 26 du moys de juillet, vindrent les nouvelles à Naples que la nave nommée la Marmande , et trois gallées , estoient arrivées dedans le port de Gayette, portant gens et vivres pour le sccours de ladite ville , et nonobstant quele conte Raguerre fut devant le port de Gayetle avec l’armée du roy Ferrant jusques au nombre de quinze nayes et barches, et de dix à douze gallées , dont le peuple de la ville de Naples en fut terriblement desplaisant.
Le jeudy dix-huitiesme du mois d’aoust, Yentra un gallion de France dedans le port de Gayette pour le secours des François, en despit de toute l’armée, qui devant estloit ; dont en fut grant bruit et grant murmure en la ville de Naples. Le jour devant, y esloit allé cinq gentils-hommes du roy Ferrant avecques ung autre de monseigneur de Monpensier, pour scavoir s'ils se vouldroient point rendre ; dont ils furent très mal obeys , et encore pirement recueillis ; car les François qui estoient de-
dans Gayette estoient grant quantité de gens, |
et bien avitaillés de nouveau, et pleins de bonne voulonté de bien servir le roy ; el y estoit pour chef le cappitaine Aubert Roussel, ct le cappitaine Champie , cappitaine du chasteav.
Le vingt-huitiesme jour du moys de seplembre, jour de monsieur saint Michel, partist ung gallion du port de Pusol, qui estoit à dom Frédéric d’Arragon, pour porter les gens-d’armes de monsieur de Ligny qui estoit à Venise, pour eulx en aller au réaume de France, qui cestoient sous la charge du gouverneur Ragusse.
Cedit jour, s’embarqua dedans ledit gallion messire Guillaume de Villencufve, chevalier, conseiller , maistre d’oustel du roy noslre sire; et cedit jour aïlèrent à un chasteau nommé Prochite, là où il y a sept milles de Baye; de Prochile passasmes l’isle de Ponce, où il y a quarante milles; de Ponce entrasmes en la plage Roucaine, où il y a du mont Celsclle jusques au mont Argentel cent cinquante milles; et est le mont Argentel en la terre des Senoys; ct du mont passasmes entre l'isle de Gourgolle et Caporse , qui est aux Genevois.
Ladite montaigne est inhabitée, à cause de la grande quantité de ras qui ordinairement sont en ladite montaigne. De Gourgolle tirasmes la voie de Prouvence; et passasmes devant la monlaigne de Sarrezane et de Petresante ; et de là passasmes à Vintemille; ct de là allasmes prendre le port à Monègue , là où ledit gallion cuida périr, et tous ceulx qui estoient dedans, du grand fortunal du temps qui courut: mais Nostre Seigneur et Nostre Dame de la Garde de Marscilles, à laquelle fut voué ung pellerin, sauya el garda loute la compaignie.
Ledit port de Monègue cest beau, et est une tres forte ville et chasteau, et de grant regarl: mais, pour l’onneur du roy, le seigneur dudit Monègue nous recueillit, et nous donna vivres et toules autres choses nécessaires, ayant esgart à la pitié qui estoit en nous. Et de là parlist ledit de Villeneufve à pié, et s’en alla à Villefranche, et de là à Nysse, et de là à Marseille, là où il trouva monseigneur le marquis de Rothelin, gouverneur dudict pays de Prouvence, lequel pour l’onneur du roy, et pour la grand pilié de povreté en quoy il veist ledit de Villeneufve , lui présenta beaucoup de bien : mais ilne voulut rien prendre fors sa vie,
pour l’amour de Dieu, ainsi qu’il eust voué de faire estant en sa prison , jusques à tant qu’il eust trouvé le roy son souverain seigneur et maistre. Et de là s’en alla ledit de Villeneufve à la Sainte-Baulme en achevant ses veux et pellerinages ; et de la Sainte-Baulme passa par Beauquerre en sa maison , ct n’y arresta point; el incontinent s’en alla sans sejourner à Lyon sur le Rosne, où il trouva le roy son souverain seigneur toujours à pié, demandant sa vie pour l’amour de Dieu, et en l’estat qu'il saillist hors de sa prison, tout ainsi comme son veu portoit.
Et tant alla par ses journées, qu’il arriva en la cité et ville de Lyon; et illecques trouva le roy son souverain seigneur, qui promptement fut acertené de sa venue, lequel le feist mener en son logis en la salle à parer, là où il soupoit, accompaigné de grande quantité de seigneurs et autres gentils-hommes. Mais quand il veist ledit de Villeneufve ainsi défait de sa personne, et piteusement vestu, avec un carcan de fer au col cinq livres pesant, comme bon prince esmu de pitié, plain de douleur, el comme bon et yray père de famille doit faire à son bon serviteur, recueillit ledit de Villeneufve très benignement, monstrant estre très joyeux de sa délivrance; et qu’il soit ainsi le monstra par effet, car dès lendemain luy envoya ledit seigneur tous ses habillemens qu'il
MÉMOIRES DE G. DE VILLENEUVE
avoit vestu, jusques à sa chemise. Et en oultre luy feist ledit seigneur plusieurs autres grans biens et dons inestimables 4 luy et aux siens, pour monsirer exemple aux autres ses bons serviteurs; et dès lendemain le feist son maistre d’ostel de sa bouche, pour donner à connoistre audit de Villeneufve la grand amour et bonne confiance qu’il avoit en luy, et qui ne fut pas petite chose d’estre si près de la per sonne du roy très chreslien, et sans per, et st très vertueux, ct victorieux de tous ses ennemys, craint et redoubté de tous ses subjets, bien servy et léaument aimé, Charles VIII de ce nom, mon très redoubté el souverain seigneur, à qui Dieu par sa grace veuille donner bonne vie el longue, et à la louange et exaltation de son très hault nom, et finalement salut â son ame au réaume de paradis, auprès du grand roy des roys.
Cy finist le viatique de l’aller et conquestes du réaume de Naples par le roy très chrestien, roy de France, de Secile èt de Jerusalem, Charles VIII de ce nom, et plusieurs autres choses qui s’en sont ensuivyies après son département, comme avez peu veoir par ledit livre, fait et composé par Guilleaume de Villeneufve, chevalier, conseillier et maistre d’ostel ordinaire dudit seigneur, l’an de grace 1497, 8 du mois de novembre.
