FIN DES MÉMOIRES DE GUILLAUME DE VILLENEUVE
DE
MESSIRE OLIVIER DE LA MARCHE
INTRODUCTION
PRÉFACE
Révérence, honneur, oblation et gloire soit rendue, attribuée et présentée à la saincte Trinité : et doctrine, bon exemple et œuvre profitable, à vous, mon souverain seigneur, mon prince et mon maistre , Philippe, par la gràce de Dieu archeduc d’Austriche, premier de ce surnom, duc de Bourgongne, de Lo- ‘rich, de Brabant , de Lembourg , de Luxembourg et de Gucldres : comte de Flandres, d'Artois, de Bourgongne ; palatin de {lainaut, de Holande, de Zélande, de Namur et de Zutphen; marquis du Sainct Empire; seigneur de Frise, de Salins et de Malines ; fils de très illustre et t-ès sacré prince Maximilian d’Austriche, par la clémence divine roy des Rommains, et de ma souveraine princesse, feue de très noble mémoire, madame Marie, duchesse de Bourgongne , dame et seule héritière de la très haute , puissante , doutée et renommée maison de Bourgongne, et des seigneuries suyvantes la duché de Bourgongne èsintitulations cy-dessus escriptes, et d'autres seigneuries plusieurs, dont les noms, attribuës ès mandemens et choses servantes à tiltres, ne fais nulle mention, pour cause de brièvelé : comme des comtés de Mascon, de Charolois et d’Auxerrois, de la seigneurie de Béthune , de Chasteauchinon, de Noyers, et d’autres nobles parties, et telles que pour abréger je puis icelle princesse nommer, et mettre par escript, en son vivant la plus grande héritière qui soit venue à ma congnoissancs.
Après cesle humble adoration de Dieu, et affectueuse recongnoissance de vous, monseigneur et noble prince, je Olivier, seigneur de La Marche, natif de Bourgongne, grand et premier maistre d'hostel de vostre maison, plein de jours, chargé et fourni de diverses enfermetées , et persécuté de débile vicillesse , et néantmoins par la grâce céleste plein de plusieurs et diverses souvenances, voyant et confy;noissant mon cas, et qu'à cause de mon vieil age ne vous puis faire service personncllement selon mon désir, tant en armes et ambassades, qu’en autres travaux ( car à l’heurc que je commence à dicter ce présent escrit, je suis en la soixante-sixième année de ma vie, pour louer mon créateur du passé , luy recommander le surplus, et le submettre à son bon plaisir et grâce); estant comme honteux, par ces défautes à moy avenues, d’estre personne inutile en si noble service que le vostre,et considérant aussi que vous estes à l'heure présente sous dix ans en si jeune age, que longuement nos jours ne peuvent voyager ensemble, pour l’aquit de ma loyauté, par l'amour que j'ay à vous, el afin que le service que je vous doys soit et demeure plus longuement en vostre vertueux souvenir, me suis résolu, appelant Dieu à mon ayde et support, de reveoir et recongnoistre quelques escripts autresfois par moy recueillis des livres anciens, pour mieux vous introduire à la lecture de certains mémoires de choses que j'ay veues moy-même avenir de mon temps, espérant que vous y pourrez lire et veoir plusieurs poincts qui seront à la hauteur de vostre seigneurie exemplaire,
miroir et doctrine, utiles et proftables pour le temps à venir.
Car par cette introduction j’ay intention de vous monstrer de quelles maisons vous esles descendu, et par mesme moyen comment vous avez succédé en plusieurs seigneuries d’icelles, en vous racomptant sommairement, et comme par abrégé, les cas les plus mémorables qui soient avenus en icelles maisons, et principalement en celle de Bourgongne.
Puis , au premier livre de mes Mémoires, j'espère vous faire veoir amplement, et de poinct en poinct, ce que j’ay veu en cette vostre maison de Bourgongne , depuis l'an 1435 jusques au soixante-septième : auquel an mouru le bon duc Philippe, vostre bisayeul maternel, luy succédant Charles, vostre ayeul, sur la succession duquel commencera le second livre de mes Mémoires, continuant jusques à vostre temps.
Mais si j’ay entrepris de vous monstrer et d'éclairer au vray combien vous estes gentil-
homme, et la généalogie et très haute descente dont vous estes venu, ce n'est pas pour vous donner gloire, orgueil ou outre-cuidance, par vostre royale et noble naissance : ains c’est afin que vous louiez et honoriez ce bon Dieu qui de noble sang et haute seigneurie vous a fait venir, et a élevé vostre nativité sur les autres : au lieu que si son plaisir l’eust permis , sa puissance est telle que vous fussiez venu et demeurè homme de petite valeur, un laboureur, un mécanique, ou issu d’autre basse personne : tellement que grandes graces luy devez. C’est aussi afin que si vous ne tenez el suyvez le chemin et sente des vertus fructueuses de vos bons antécesseurs, vous en ayez honte devant vos yeux, vous reprenant et chastiant vous-même de vos deffauts; car le sage dit qu'il vaudroit et seroit plus licite à l'homme, et feroit mieux son profit , d’ame et d'honneur , d’estre fils d’un porcher gardant les porcs et régnant en vertu, que d’estre issu de royale origine, vivant en souillure de vice.
D'avantage , si je vous déclare par quelle raison et par quel droit vaus sont venues les successions de ces belles et grandes seigneuries dessus-escriptes , estant délaissées en patrimoine d’héritage, par de très haute et labo-
MÉMOIRES D'OLIVIER DE LA MARCHE
rieuse renommée feu le duc Charles, vostre grand-père (que Dieu absolve, et duquel je parle expressément, pource que de tout mourut yray possesseur ), à feue de tres vertueuse souvenance madame Marie de Bourgongne (que Dieu absolve), vostre mère, etsa seule héritière ; que , considérant qu'au temps d'elle, par guerres, griefs , traités contraires, et autres violences à elle faictes et survenues, plusieurs des seigneuries dessus-dictes ont esté et sont tirées et distraictes de vostre main et pouvoir (comme plus à plain pourrez savoir, à la croissance de vos jours, et mesmement par la poursuite de mes Mémoires, si Dieu me donne temps et grâce de les accomplir), vous serviez et priez Dieu si dévotement, qu’il vous donne la grace de recouvrer,conquerre et venger les torts à vous faicts, à l'honneur, profit et gloire de cette vostre très noble maison, ainsi qu'en augmentant le nombre de mes ans, et en diminuant de corps et de vie, le cueur me croist et ravigoure en bon espoir que la remettrez sus : nonobstant qu'elle ayt esté tant grevée par vos ennemis, privés et eslrangers, qu’il semble qu’elle soyt presque destruicte et ruinée.
Au demeurant, si je vous monstre aussi, Dieu aidant, toutes les choses dignes de mémoire, prospères et adverses, de mon temps avenues en cetle noble maison (où j’ay pris nourriture et demeure, sans changer autre parti, cinquante ans, ou environ, de mon age), cela puisse servir de trois choses à la hauteur de vostre entendement. La première, de vous régler ès nobles et vertueuses œuvres et faicts de vos antécesseurs : la seconde, afin de louer et gracier le haut Dieu céleste des gloires et bonnes fortunes avenues à vos antécesseurs, et desquelles vous vous sentez encor en honneur et profit : et la tierce, afin que si vous trouvez que Dieu ayt permis à la fortune que toutes emprises ne soyent pas venues à souhait et selon le désir des hauts entrepreneurs, que ces coups de fouet et divines batures fièrent et heurtent à la porte de vostre pensée, pour ouvrir le guichet de sage mémoire : à ce que vous redoutiez et craigniez les perséculions du ciel, et qu'outre-cuidance d’amis, d’avoir ou de seigneurie ne vous facent un contempteur de Dieu, un dénieur de fortune,
INTRODUCTION
et un cuideur de valoir, pour mener à fin les choses impossibles, sans avoir égard à la perdition de noblesse et à la destruction du peuple, et sans estre soigneux de requérir Dieu en souverain aide : sans lequel nulle emprise ne peut venir à bonne fin.
Hélas, mon prince, mon seigneur et mon maistre, je plains et regrette, pour mettre ces trois poincts jusqu’à vostre congnoissance, que
je suis lay, non clerc, de petit entendement et
rude language, et que je ne puis avoir le stile et subtil parler de messire George Chastelain, trépassé, chevalier de ma congnoissance, natif flamand (toutesfois mettant par escript en language françois, et quitant a fait de belleset fructueuses choses de mon temps, que ses œuvres, ses faicts, et la subtilité de son parler, luy donneront plus de gloire et de recommandation à cent ans à venir, que du jourd’huy); ou que je n’ay, par don de grâce, la clergie, la mémoire ou l’entendement de ce vertueux escuyer Vas de Lusane, portugalois, à présent échanson de madame Marguerite d'Angleterre, duchesse douairière de Bourgongne (lequel a fait tant d'œuvres, translations, et autres biens dignes de mémoire, qu’il fait aujourd’huy à estimer entre les sachans, les expérimentés et les recommandés de nostre temps); ou que ne m'a Dieu donné l'influence de rhétorique, si prompte et tant experte, comme à maistre Jehan Molinet, homme vénérable, et chanoine : et lequel je say estre laborieux et soigneux de mettre par escrit toutes hautes et vertueuses aventures venues à sa congnoissance. Mais, pource que je ne puis atteindre à la pratique du savoir de ces trois (desquels j’ay expressément parlé, pource que je les ay hantés et cognus), à tout le moins je feray et addréceray mes mémoires, cy-après escripts, à ceux d'iceux qui me survivront : afin que, s'il ya chose qui puisse amplier et aider leurs hautes et solennelles œuvres, ils s’en aident et ser-
vent, comme celuy qui fait un chapeau de
marguerites, roses et autres fleurs plaisantes et précieuses, à la fois se sert d’autres fleurettes de moindre estime, pour paraccomplir et parfaire son chapelet, et donner couleur et lustre au demeurant.
Si prie à Dieu que mon œuvre leur soit agréable, et à vous, mon souverain seigneur,
profitable. et de bon exemple, vous recommandant l’auteur vif et mort, qui vous serviroit voulontiers loyaument de cueur et de pensée. Et pour ce qu’il peut avenir, à cause de ma vieillesse, ou par le commandement de ce haut Dieu tout-puissant (à qui toutes personnes de chascun estat sont sugettes, soit en mort, en vie, en santé ou maladie), que je n’auray loisir de parfaire mon emprise et mon bon vouloir, je supplie, à ceux qui auront charge de vostre noble personne et de vos affaires, qu'ils veuillent, en défaut de moy, recueillir mon œuvre, pour le vous présenter 2n temps et en lieu ; et tant faire, en charité de noblesse, que mes mémoires soyent visités avant la présentation d’iceux devant vous, pour leur donner, selon leur mérite, correction, reboutement ou addrèce.
Fouruissant donques et accomplissant ma promesse, selon l’escript de cy-dessus, je commenceray, pour le premier, à vous déclairer et donner à entendre les nobles lignes, le noble sang et la royale généalogie dont vous estes yssu, de plusieurs parts : et commencerons à ceste très haute et renommée maison d’Austriche, qui est vostre surnom, vostre cry, et premier titre ; car en vous est changé el muë le nom de cette maison, dont les princes so nommoyent de Bourgongne ; et vous demoure le surnom d’Austriche, par originelle succession de vostre noble père. Or, puisque c’est vostre premier cry, c’est bien raison que je parle premier de celle très noble généalogie et descente : laquelle se peut par droit présenter, en hauteur de seigneurie, sus toutes les maisons de la Germanie. Et si je me vouloye arrester à escrire et mettre en œuvre l’ancienneté de ceste dicte maison, et les grandes choses advenues par vos ancesseurs de celuy costé, certes j’auroye trop à faire, et seroye homme prolix en mon labeur qui pourroit causer ennuyance à vous et aux lisans. Mais toutesfois ne me puis-je passer de dire aucunes choses dignes de ramenteyance, et puis reviendray ès prochaines lignes de vostre descente, le plus brief el au vray qu'il me sera possible.
De l’ancien et nouvel estat de la maison d’Austriche; et des anciennes et nouvelles armoiries d'icelle.
Je trouve, par les anciennes croniques, que la seigneurie d’Austriche, à présent archiduché, fut jadis royaume ; et qu'après la très cruelle el longue guerre qui fut entre les Troyens el les Grecs, commencée pour la prise d'Hélène, femme du roy Menelaus, faicte par Paris de Troye, dont la cité de Troye fut destruicte, el tant de hauts princes morts et exilés, que c’est encores pitié de le recorder et lire, un prince exilé, parent et filleul du roy Priam de Troye, par la permission de Dieu descendit avec son peuple en aucunes parties de la terre, à prèsent nommée Austriche, et s’épendirent par le païs, et tant firent, qu’ils conquestèrent la terre; el se fit iceluy prince (qui s’appeloit Priam) roy d’Austriche, et y régna chevaleureusement, et en grande puissance. Ce Priam eut plusieurs enfans et grande lignée, et dont l’un des fils (qui n’estoit point l’aisné) fut appelé Marcomire, moult bon, vaillant, sage et renommé prince, et chevalier de grande conduitte et addréce. En ce temps pareillement, Francio, fils du preux Hector, exilé et déchacé de Troye, par bonne fortune tant travailla, qu'il arriva au noble et fertile païs que l’on appelle France, où 1l augmenta cette belle cité de Lutèce, qu’il fil nommer Paris, du nom de son oncle Paris de Troye, el fit moult de biens au païs : ct sont les historiographes en débat si ce nom France veint premier dudit Francio leur prince, ou s’il veint du temps des Rommains, pour ce que cette nation, à eux sugette el tributaire, chacea hors de quelques palus une grande cohorte et compaignic de Lyrans et larrons que l’on nommoit les Vandes, ct que lesdicts Rommains ne pouvoyent subjuguer, pour le fort lieu deleur demoure et pour leur grande puissance. Et disent aucuns auteurs que, pour la grande vaillance que firent les habitans d’entre Seine, Loire et Oyse, de rebouter lesdits Vandes hors de leurs palus, les Rommains, en recongnoissance de leur victoire, les affranchirent de toute servitude; et pour ce furent nommés Francs, et depuis on les a nommés François, et la terre France : combien qu'Orose, en parlant de ce
MEMOIRES D'OLIVIER DE LA MARCHE
nom de France, et dont il vient, alègue Cornelius Tacitus, et dit que Franquo, qui édifia Franquefort en Alemaigne, conquesta la partie des Gaules que l’on nomme France, et nomma les habitans Francs, après son nom de Franquo. Mais je m'arreste plus à Francio, et est plus vray-semblable, pource que le nom de la cité de Lutèce fut mué à Paris : et l’on sait bien que le nom de Paris vient de Troye, pour les causes dessus-escrites : et par telle manière celle seigneurie fut appelée France, ayant esté premièrement élevée par Francio.
Apres la mort duquel, et de sa descente par lignée, la terre demoura sans seigneur : et estoit, en celuy temps, petitement duicte et apprise en l’art de guerre, et en la discipline de chevalerie :et, pour tenir pié à leurs voisins, fut force aux François de quérir et chercher capitaine ou gouverneur, pour les conduire en leur deffense. Si advint que renommée, qui court et vole légérement par le monde, leur donna à congnoistre que Marcomire, fils du roy d’Austriche , esloit moult vaillant prince, et duit aux armes. Si le mandérent et le requirent. Il vint, et accepta le gouvernement de France : et si vaillamment, agréablement et bien se porta en sa charge, qu'il fut douté et aimé par sa valeur : tellement que, se trouvant avoir un fils légitime nommé Pharamond, traila avecques les François si-avant, qu'ils furent contens de le recevoir à roy de France : et fut Pharamond, fils de Marcomire d’Austriche, le premier roy qui onques fust en France. Et combien que celle lignée ne dura pas longuement, et qu'elle faillit assez tost, selon la cronique Martinienne el autres, toutesfois vous avez cest honneur que de vostre païs d’Austriche sont issus les premiers roys de France.
Or, pource qu’aucuns pourroyent demander et faire argument pourquoy Austriche, si renommée de pouvoir et d'amis, n’est demourèe royauté, et en royale puissance et authorité,
.à ce je respons , et sera trouvé vray, que du
temps que les Alemaignes (que nous disons, en généralité de langage, Germanie) et la France (que nous nommons Gaule) furent payennes, et non enluminées de la loy de grâce, il estoit moult de royaumes particuliers : mais quand le roy des roys Jésus-Christ apparut sus la terre, plusieurs, congnoissans le roy
INTRODUCTION
souverain , laissérent par dévotion le nom de roy, pour attribuer et rendre honneur et gloire à Dieu le créateur : et aussi en ce temps commencérent à régner les grands empereurs, tant en Grèce , comme à Romme, et en Germanie.
Cest empire fit cesser le nom de plusieurs royaumes, les uns par force, et les autres par amour et obéissance : et outre plus j’entens que le roy d’Austriche considéra qu'il estoit de plus grands roys que luy, et qui l’excédoyent en siége et dignité, et assez de semblables en équalité, et vouloit avoir Uiltre à part qui passast les ducs : et pourtant se fit archeduc , en la quelle dignité princiale il est le premier archeduc du monde.
Ainsi doncques j’ay devisé de l'ancienneté et première venue de ceste maison , où je ne me veuil rien ou peu arrester, pource que c’est devant l’advénement de Jésus-Christ. Mais je ne puis passer, par raison, que je ne devise aucune chose pourquoy les armes de si noble seigneurie sont en deux manières différentes les unes des autres : car les anciennes et vieilles armes d’Austriche sont et se blasonnent d’azur , à cinq alouettes d’or (et certes je tuide avoir leu et trouvé, ès histoires de Troye, qu'icelles armes furent apportées de Troye par ledict Priam, qui se fit roy d’Austriche); et les nouvelles , que l’on dit les armes de la neufve Austriche, se blasonnent de gueulles, à une face d'argent. L'histoire dit que celle grande seigneurie, par la grâce de Dieu réduite à la saincte loy chrestienne, se trouva en grande guerre et débat contre les Sarrasins, pource qu’elle s’estend en divers quartiers près des Turcs, infidèles et mécréans, et mesmement par Esclavonie : en sorte que les archeducs et princes du païs firent plusieurs travaux aux Infidèles, par batailles, assaux, courses et emprises ; et les infidèles à eux semblablement. Si advint que chascun de sa part fit assemblée : et entrèrent les Sarrasins en Esclavonie , et les Chrestiens firent assemblée pour les rebouter. En ce temps estoit l’archeduché départie en plusieurs mains, par partage d’enfans, successeurs chacun en son droit : et tous 8e disoyent archeducs d’Austriche, comme encores tous tels princes d’Allemaigne prennent indifféremment le tiltre de leur maison. Si estoit l’aisné et le chef , au temps de lors, un noble prince nom-
mé Jaspar : lequel n’avoit nuls enfans, ains avoit un frère, jeune de vingt ans, nommé Frédéric, beau chevalier, et de grand corage et n’estoient pas si bons amis ensemble, pour aucunes questions de partage, comme frères devroyent estre par raison. Toutesfois iceluy Frédéric fit son assemblée grande et puissante, et marcha pour servir son Dieu et sa loy, garder son honneur, aider son frère et son chef, et deffendre sa part de la seigneurie d’Austriche. Advint que l’archeduc se trouva surpris de la venue des Sarrasins, avant que Frédéric son frère se peust joindre avecques sa compaignie, combien que moult vaillamment le dict Jaspar et les Chrestiens receussent les mécréans. Là eut moult cruelle bataille, et moult de gens morts d’une part et d’autre. Mais les Sarrasins estoyent si grand nombre, qu’ils reculérent les Chrestiens à leur grande perte et dommage: etestoyent les Chrestiens déconfils sans remède, quand Frédéric le maisné arriva sur la place, et sa compaignie, où plusieurs fugitifs chresliens se ralièrent ; et néantmoins, par la grande force des Sarrasins, toutes les enseignes, estandars et banières, tant de l’archeduc Jaspar que de Frédéric son frère, furent abatues et renversées, au grand danger et péril de la fortune. Frédéric avoit une blanche pareure sur son harnois, pour estre congnu entre ses hommes : el portoit à son bras dextre un grand volet de blanche soye. Et pour ce qu’il trouva toutes les banières et enseignes de son seigneur et frère, et les siennes , abatues et perdues, il prit le volet blanc en sa main, et plongea ledit volet au sang des morts : tellement qu'il fut tout teint en rouge couleur, excepté le milieu du volet ( qu’il tenoit en sa main), qui demeura blanc. De ce fit une nouvelle banière, et s’écria : « Austriche, serviteur de Jésus-Christ!» et se férit si merveilleusement, et de tel courage, parmi les Sarrasins, et tant en occit, abatit et meshaigna , à la bonne suite qu’il eut, qu’il recouvra la balaille , et furent Sarrasins déconfits : et fut le bon Frédéric tellement blécé et navré sus son corps en diverses parties, que la blanche pareure dont ses armes furent couvertes, et dont j’ay ci-devant touché, fut toute teinte et rougie de son sang : excepté que ce qui estoit sous la ceinture de son espée demoura blanc : et comme le blanc demoura en la
poingnée du volet, et fit face parmi le vermeil, ainsi fit le blanc demeuré sous la ceinture, face à la pareure teinte du sang verimeil venant du noble prince, pour la defense de nostre foy. Et la bataille gaignée par le vaillant Frédéric, il fut si bien pansé, médeciné et secouru de ses bleceures, qu’en brief temps il fut guari; et régna depuis si longuemnent, que par vraye succession il fut seigueur el archedue d'Austriche., Et d’iceluy Fréd'ric vous estes, par succession succédant, venu et yssu: et, pour mémoire de la victoire, ledict Frédéric, par conseil de sa noblesse, chargoa, de là en avant, les secondes armes telles que je les ay declairées cy-dessus. Or vous ayje monstré pourquoy les armes furent muées et changées en Austriche, et pourquoy et commment l’on dit que la vieille Austriche en ses armes porte d'azur à cinq aloucttes d’or, et la neufve Austriche porte de gueulles à une face d'argent : el ainsi pourrez entendre par mon escrilure, et veoir par les blasons, quelles sont les armes de la vicille Austriche et de la nouvelle, et comment celles se blasonnent.
Maintenant j’aurove beaucoup à déduire, si je vouloye besongner et escrire, et moy arrester à plusieurs choses, et mesme comme je lrouve que toute la seigneurie d’Austriche escheut à une dame de ce nom, arines et lignage ; et comment celle dame , estant fort laide de visage , mais toutesfois moult belle en vertus, en noblesse et en seigneurie , fut marite à un noble prince comte d’Abspourg , par traité et convenance telle , que les enfans d'eux reprendroyent les noms et les armes d’Austriche , comme il advint : et de celle lignée vous estes par vraye Succession yssu, n’a pas grand temps. Mais de ces choses je me tay présentement , pour non estre prolix : et est besoing que j’abandonne toutes ces anciennetés (combien qu’elles soyent dignes de mémoire , et à la louenge de vos ancestres et de vous), pour venir aux prochaines lignées congnues , et de bonne et promple mémoire.
tant par croniques, traités, linages, mariages , et autrement( que l’on trouve tous les jours, pour la preuve de mon escrit), comme aussi par vives voix mesmes , tesmoignans aucunes parties de mon récit. Et commencerons à vostre bisayeul, père de vostre-ayeul arche-
Xe
We
MÉMOIRES D'OLIVIER DE LA MARCHE
duc d’Austriche , sans en .® mesler ne comprendre empereurs , roys, ou autres grands princes entre deux , ayans régné, du nom de ceste seigneurie , et dont esles yssu : et mesmement me passe de déclairer le droit et hérilage à elle écheu en succession , par la mort du prince de très noble mémoire le roy Lancelot d'Austriche , roy de Hongrie et de Behaigne , fils de l'archeduc Aubert d’Austriche : et lesquels royaumes de Hongrie el de Behaigne doyvent appartenir à l’empereur Frédéric d'Austriche, vostre grand-père, vivant,; el après au roy son fils, vostre père; et à vous quand Dieu le permettra : combien qu’ils ayent esté longucment detenus , contre droit , par ce puissant roy Mathias, fils du blanc chevalier de La Valaquie , à-présent atitulé roy dudict royaume de Hongrie , et dont plus-àä-plain , à la croissance de vos jours, serez amplement informé , pour y poursuivre vostre droit.
Or revenons doncque à celuy qui fut vostre bisayeul ; car encores que je ne soye, par nalurc ou par apprise , de langue d’Alemaigne, si ay-je enquis , à la vérité, de ceste généalogie , le plus qu’il m'a esté possible ne facile : et trouve que vostre bisayeul fut nommé Lerpedus ou Lupus , archeduc d’Austriche : lequel se maria à une fille du’ duc de Milan , nommée Cécile, qui n'’estoit pas de ceste lignée présente , yssue de la bastarde de Milan , et du comte Francisque, dict Sforce, nouveau en celle seigneurie : mais fut de loyal et légitime héritage , et portant d'argent à un serpent d’asur. Cestuy serpent se nomme, à blasonner , une biche : et doit avoir sept tournans, dont l'un est noué près de la teste, sail- Jant de la gorge un enfant , marrissant de guclles. Cest archeduc Lupus, vostre bisaycul, porta les armes d’Austriche : et pour ce m'en passeray légèrement ; car assez en ay déclairé. Mais, pour l’estrangeté des armes de Milan, j'en veuilun peu toucher , et dont et par quelle voye vindrent aux ducs de Milan telles estranges armes.
Je trouve qu’un nommé Boniface , comte de Pavie , fut un moult vaillant chevalier , voyageur ,et champion pour la foy chrestienne.
Cellui Boniface se maria à une fille héritière du seigneur de Milan (car encores n’estoit ce
INTRODUCTION
pas duché ), nommée Blanche :et le premier fils qu’il eut d'elle fut estranglé au bers par un serpent de merveilleuse grandeur : et fit iceluy serpent moult demaux paravyant et depuis en celle conirée, et s’enfuyoit chacun devant celle cruelle beste En ce temps estoit ledict Boniface en un voyage sur les Sarrasins ; et à son retour fut adverti de la pilcuse mort de son fils , et des dommages que faisoit ledictserpent en son païs et ès voisinages. Le bon chevalier travailla tant par curieuse poursuite qu’il trouva ledict serpent en un bois , qui emporloit un enfant en sa gorge. Cellui chevalier, par courroux de vengence, courut sus audicl serpeni 4a bestle laissa la prise de Penfant qu'elle avoit meurdri , el courut sus audict chevalier : et dura la bataille entre eux deux moult longuement. Et tant ayda Dieu au chevalier , qu’il coupa la beste par le milicu, de son espée. Mais comme c’est assez la coustume d’un serpent de quérir à so renouer, celle beste ( qui fut moult longue ) se renoua près de la teste, et getta tant de venin, avant que le comte la peust de tout poincts par-tuer, que le bon chevalier en cuida mourir : et pour celle vengence et victoire les enfans dudict comte (qui depuis frwent seigneurs de Milan) portèrent , en leur. armes , d'argent , à un serpent et l'enfant marrissant , en la manitre dessus blasonnée , et comme l’on peut veoir par le blason, Et, à mon entendement, l’empereur, le roy des Rommains vostre père, el vous après eux , avez droit en la duché de Milan, ou portion de droit : dont vous vous pourrez plus plainement enquérir, et en sçavoir la vérité. Ainsi donques vostre bisayeul Leopidus porta d’Austriche la neufve ( qui est l'escu d'argent, à la face de gueulles ), ct sa femme porta d'argent , à une biche d'asur , à l'enfant marrissant, comme il est escrit cy-devant, et comme vous pourrez veoir par les blasons.
De ces deux yssit vostre ayceul, nommé Ernestus succédant, archiduc d’Austriche. Celluy Ernestus se maria à une noble dame , fille du duc de Masseve: et disent aucuns que ceste duchesse de Masseve estoil yssue, par mère, de de la maison d’Austriche, éloingnée de lignage : et fut moull noble , sage el vertueuse daine : el d'eux yssit vosire grand-père , nommé Frédéric, encores vivant, par la clémence de
Dieu, empereur de Romme : et porta icelle duchesse de Masseve, de gueulles à un aigle d'argent , membrée , couronnée et liée d’or; à la poitrine de l'aigle , un croissant de mesme.
Cestui empereur Frédéric se maria à madame Alienor, fille du roy de Portugal: et de ces deux est venu monsieur Maximilian , archeduc d’Austriche, vostre père, par la clémence divine roy des Rommains, duement esleu et sacré en la place de l’empereur Frédéric son père, et vostre grand-père, comme pourrez cy-après mieux sçavoir et entendre. Cette dame portoit les armes de Portugal , qui sont d'argent à cinq escussons d’asur , trois en pal et deux en face , et sur chacun escusson cinq besans d'argent ; le champ en sautoir, à une bordure de gueulles , chastelée d’or, maçonnée de sable, et fermée d’asur , saillant dessous l’escu ; sous la bordure, une croix de sinople fleuronnée.
Sur quoy j'ay empris à parler de deux poincts; l’un des faicts et règne de cesluy empereur vostre grand-père, lequel porte les armes impériales, à cause de sa digne magesté ; el de soy les armes d’Austriche, comme ses ancesseurs; et, pour l’autre poinct, j’entens monstrer comment el par quelle cause les armes de Portugal (qui font un de vos quartiers) sont de tant de pièces, et comment elles sont augmentées, et par plusieurs fois. Pour le premier poinct, touchant vostre grand-père Fréderic, archeduc d’Austriche, il fut héritier ct successeur de l’archeduché, après son père Erneslus, à vingt ans; et se trouva, en ses jeunes jours, beau prince, riche, et puissant d'amis et de seigneurie; et se prépara, pour le premier de ses faicts, de visiter la Terre Saincte, et les sainctes places el licux où Jésus-Christ nostre rédempteur fit et acheva, par sa divine bonté, les œuvres de nostre rédemplion. Et tant el si sagement pratiqua son voyage, qu'il fit en sa personne ce que depuis le temps du très vaillant chevalier payen Salhadin, ne depuis le très preux et très chrestien Godeffroy de Buillon, n'a esté faict par prince chrestien sans perte ou prison; car, à vingttrois ans d’age, icelui archeduc l'rédérie passa la mer, descendit en Surie; et estant eu la terre sarrasine en armes, à puissance de priices el de "blesse, sa banière, armoyée de
MÉMOIRES D'OLIVIER DE LA MARCHE
ses armes, déployée devant luy, vint au sainct | Portugai. Et si le lustre de tant diverses pièces,
sépulchre faire son pellerinage. Il demoura là certains jours, et retourna sans destourbier ou empeschement; dont la renommée fut grande par toute chrestienté. El ay depuis entendu que le soudan et les roys et princes sarrasins furent moult déplaisans de l’avoir souffert; et fait à croire que long séjour luyÿ eust causé préjudice.
A vingt-cinq ans fut sacré roy des Rommains par vraye élection, et depuis fut empereur ; el a ce noble prince desjà régné cinquante ans, que roy des Rominains, qu’empereur, en prospérilé et en son entier; et en l’age de soixantedix ans est descendu des Alemaignes, accompaigné de grand nombre de princes et autres, ses parens et sugels, pource que ceux de Bruges, au port et adveu des Gandois, ct autres Flamands rebelles, portés et soustenus du roy des François, et élevés par puissance de sugets désobéissans, avoyent touché, pris et tenu en prison fermée, sans liltre de droit, le roy des Rommains, son fils, maimbour et père de vous, leur naturel prince et seigneur, et à qui ils avoient fait serment, comme plus à plein vous sera déclairé, en continuant la lecture de mes mémoires. Cestuy noble vieillard marcha jusques au milieu de Flandres, attendit la ba- (aille, et s’y présenta chevaleureusement ; el avant sa venue, pour la doute de luy et de sa puissance, fut le roy vostre pére délivré de la prison; et convoya son père qui s’en relourna en Alemaigne, ayant accompli son désir en ceste partie. Et à l'heure que j’escry cest article, est encores cesluy vostre grand-père vivant, le plus bel, le plus net et le mieux en son entendement vieillard que l’on puisse voir ne congnoistre. Dieu en doint la fin comme le demourant!
Or, pour satisfaire 4 ce que j’ay dit, que pour le second poinct je deviseray du faict de Portugal, des armes et de l’augmentation d'icelles, je m’en veuil aquitter selon que j’en ay peu savoir et enquerre : et aussi, pource que Portugal est un des nobles quartiers dont vous estes prochainement yssu, et qu’en celluy réaume par vos ancesseurs ont esté faites moult de belles choses et dignes de mémoire, je me délecte à vous donner à entendre dont viennent " el procèdent les armes dessus-dictes au roy de
comme sont icelles armes, procédoit de conquesle violente et lyranique, je m'en tairoye, et en laisseroye le récit à plus subtil que moy. Mais pource que lesdictes armes ont esté ac quises et augmentées par vaillances et haules emprises faictes sus les Sarrasins, infidèles et ennemys de nostre saincte foy chrestienne, je vous déclaireray ce que j’en ay peu savoir, enquénir et apprendre, pour vous donner cueur et exemple que tous bienfaicts sont tousjours remis en fresche mémoire, combien qu’il y ayt long-temps qu'ils soyent advenus.
Je trouve que les premières armes de Portugal sont d'argent, et de ce seul métail, sans autre mesleure : sinon qu’elles sont diaprées de mesmes : et telles les portoit l’enfant don Henry, comte d’Estorgues. Icelluy se maria à une fille du roy de Castille : et depuis sont lesdictes armes augmentlées par quatre fois (comme je diray par-cy après), et tousjours pour accroistre et soustenir nostre saincle foy. Ce conte d'Estorgues, nommé Henry, et celle fille de Castille, eurent un fils nommé Alfonse : lequel par sa grande chevalerie, travail, sens et vaillance, conquit sus les Sarrasins le réaume de Portugal. Et fut iceluy Alfonse le premier roy crestien d’iceluy réaume de Portugal ; et fil, de sept villes, sept cités et sept eveschés : ct de la ville de Brague fit archevesché ; et moult donna et sacrifia de biens à l’église, en l'augmentation de la foy de Jésus-Christ. Depuis passa la rivière du Tage, et en la plaine de Camp-d’Orick desconfit cinq roys sarrasins: et pour leur cinq banières qu'il avoit conquises, il mit et para ses armes (qui estoyent d’un escu d’argent, comme dit est) de cinq escussons d’asur, et les assit en l’escu, ea la manière que j'ay dit en blasonnant lesdictes armes. Cestui roy Alfonse prospéra en lignée de fils et de filles : dont il fit de grandes aliances : et de luy et des siens descendit le roy Alfonse, qui moult travailla en armes pour la foy chrestienne, moult de Sarrasins fit mourir de son temps, et moult de vaillances fit de sa personne ; et dont moult de foys fut en danger de mourir, lanten la prison des infidèles, comme des bleceures et batures qu'il reçeut sus son corps en diverses batailles et rencontres.
Or advint que le pape se troubla contre ice-
INTRODUCTION
luy roy Alfonse, pource qu'il ne vouloit souffrir un dixième que le pape vouloit lever en son réaume : et fut le roy de Portugal si travailié des verges de l'Eglise, qu'il fut contraint d'aller en sa personne à Romme, et prit jour de comparoir devant Ile père sainct, et le triomphant conseil des cardinaux. Le roy Alfonse vint, vestu d'une longue robe sur sa chenuse, sans avoir chausses ne pourpoint : et, après le devoir faict, tel que le roy doit au pape, en soy humiliant comme fils de l'Eglise, luyÿy mesme proposa son cas el ses excuses, el comment pour la deffense de la foy clireslienne il travailloit assez son réaume, en levant grandes tailles sur son peuple, et luy sembloit que le pape ne luy devoit autre chose demander : ct remonstra comment par moult de foys il avoit aventuré sur les Sarrasins sa noblesse el mesmes sa personne, et dont il vouloil monstres les enseignes certaines sus son corps : et demanda au pape, et aux cardinaux là présens, si tous ensemble luy sçauroyent monstrer autant de playes receues pour la foy de Dieu maintenir, que luy seul en monstreroit sur soy présentement. Alfonse osta sa robe, et devestit sa chemise, et monstra son corps tout nu : sur lequel fut veu un merveilleux nombre de playes, dont cinq en y avoit si près d'estre mortèles, que ce fut plus miracle que raison naturèle, que de la moindre il échapa sans mort recevoir, Le papectlescardinaux, voyansce noble tesmoignage, furent honteux et déplaisans du travail donné à ce noble ettrès catoliq roy, le firent bénignement reveslir, el après plusieurs honnorables excuses le recongnurent bon et entier fils de l'Eglise. Et par l’advis de tous, et en mémoire de ses bienfaicts, luy fut ordonné de mettre en chacun des cinq escussons d’asur (qui sont ès armes de Portugal) cinq besans d'argent : et ainsi fut l’escu d’argent augmenté de cinq escussons d’asur, el de rechef paré de cinq besans d'argent en chacun escusson, comme dict est.
Et puis que j’ay commencé à escrire de ce aoble blason et armes de Portugal, je parferay le demourant de ce que je trouve desdictes armes, au mieux que je l'ay pu sçavoir el trouver. Par succession et origine naturèle, non pas de père à fils, mais descendant de Jigue, et par succession de temps, d'Alfonse
vint l'enfant don Fernand, roy de Portugal.
Cestui Fernand fut prince voyageur, et vint en France, et se maria à une noble dame nommée Marie, fille du conte de Boulongne, et en eut un fils nommé Henry, qui depuis fut roy de Portugal. Celuy roy Henry fit bordure, ès armes de Portugal, des armes de sa mère : el combien que les armes de Portugal, quant à la bordure, soyent de gueulles, semces de chas- (eaux d'or, n’en déplaise aux peintres el aux deviseurs : car la bordure de guculles est bonne ; mais Îles chasteaux sont faulx, selon l'entendement du roy Henry, pource que ce doyvent estre gonfanons, qui sont les armes de Boulongne:; mais pource que le païs est loing, et par l’oubliance du vray, lon a les gonfanons (qui doyvent estre à trois lanbeaux) changés à chasteaux : et cette opinion je tiens de plusieurs notables gens portugalois qui ont eslé de ma congnoissance. Or avons nous l'escu faict à trois fois, et la bordure, qui est la quatrième. Reste la cinquième cause de l’augmenlation de cet escu , lequel est soustenu d'une croix de sinople, dont les quatre bouts se monstrent flcuronnés ès quatre coings naissans dessous l’escu. Et de ce aucuns veulent dire que celle croix y fut adjoustée par un roy de Portusal, qui eut ceste grâce de Dieu, que, combatant les Sarrasins, une croix s’apparut au ciel devant ses yeux, qui moult le conforta, ct sa compaignie. Le bon prince fit son oraison à Dieu, et dit : « Mon Dieu Jésus-Christ, » j’ay ferme foy en toy et en ta passion dou- » Joureuse. Montre la croix à tes ennemys in- » fidèles, qui en toy ne veulent croire. » Surquoy dit l’histoire que la croix s’apparut aux Sarrasins, et prestement furent déconfits, et que pour ce fut mise sous l’escu, la croix naissant, et soustenant ledict escu. À quoy je ne contredy point : mais je trouve pour vray que les quatre bouts fleuronnés (qui sont de sinople) furent mis par le bon Jehan, roy de Portugal : car il fut de la religon d'Avis (qui sont chevaliers, et portent, en signe de religion, la croix verde); et par sa vertu el renommée fut tiré, par les estats de Portugal, hors de la religion, et faict roy : et de ceste matière je parleray plus-à-plain en la poursuite de ce présent escrit. Ainsi donques ce noble escu fut augmenté par quatre fois, depuis l’advènement
du premier roy chrestien du royaume de Por- Wugal: et porla l’empereur, vostre grand-père, les armes de l’empire; et madame vostre grand -mère porta les armes de Portugal, comme cy-dessus elles sont blasonnées.
Revenant à nostre malière, de cestuy em-
pereur Frédéric, vostre grand-père, et de.
madame Aliénor de Portugal, vint monseigneur Maximilian, vostre père, lequel, luy estant archeduc d’Austriche, se maria à madame Marie de Bourgongne, ma souveraine dame et princesse, dame et seule héritière de ceste grande maison de Bourgongne, comme il a esté dict au commencement de mon prologue : et de ces deux vous estes yssu, et madame Marguerite d’Austriche, à-présent royne de France, et François Monsieur (qui trépassa enfant au bers, en l’age de quatre mois); et estes demouré seul fils et héritier de droit, en toutes ces belles et grandes seigneuries: combien que par aucunes voyes vous soyent plusieurs signeuries ostées. Et par quel moyen, et comment il est advenu, je le déclaireray en une partie de mon emprise, et à la poursuite de mes mémoires, si Dieu me donne temps, vie et loisir convenable.
Cependant c’est bien raison (si j’ay parlé qui furent les autres dames mariées en ceste noble maison d’Austriche, et dont vous estes yssu, et si j’ay monstré qui furent les quatre pères et les quatre mères dont vous estes venu du costé paternel, comme bisayeul, ayeul, grand-père et père) que je déclaire et die qui furent les semblables du costé de vostre mère, ceste noble princesse de Bourgongne, ma souveraine dame : de laquelle je parleray par cet arlicle, moins que je ne devroye : pource que j'entends de poursuyvre par ordre ma matière, et de deviser la hauteur de sa descente. Et deviseray seulement, pour cette fois, quelles armes elle portoit, par succession deson père : qui sont écartelées de France, de Bourgongne, de Brabant, de Lembourg, et de Flandres sur le tout, qui est d’or, au lion de sables, mouflé de gris : pour France, semé de fleurs de lis d'or, la bordure coponnée d'argent et de gueulles : pour Bourgongne, six pièces en bandes d'or et d’asur, la bordure de gueulles : pour Brabant, de sables, au lion d’or : et pour Lembourg, d'argent, au lion de gueulles, et cou-
MEMOIRES D'OLIVIER DE LA MARCHE
ronné d’or : et sont icelles armes augmentées par plusieurs fois, par seigneuries et successions advenues en ceste noble maison de Bourgongne.
Doncques, mon souverain seigneur, veus esles fils et yssu de ce noble archeduc d’Austriche, par la clémence de Dieu, roy des Rommains, successeur apparent, sans moyen, du grand empire de Romme : et de ce costé, tant en patrimoine de nom comme d’alliances, estes descendu , ainsi noblement que je l'ay monstré, le plus à la vérité qu’il m’a esté possible. Or est bien raison que je parle (comme j'ay dit) qui vous estes, et le noble lieu dont vous esles yssu, du costé de vostre noble mére Marie de Bourgongne. Et pource que je la nomme de Bourgongne en surnom, je m'’arresteray quelque peu à escrire que ce fut et que c'est de Bourgongne, et ce que j’en ay peu apprendre par enquérir, et par lire les anciennes histoires, et par expériment du présent : et puis reviendray ès prochaines lignées congnues, comme j’ay fait ès lignées paternelles : et si je suis aucunement prolix et long à mon récit, c’est contre mon désir, et comme contraint, pour mieux donner à entendre ma matière : et est dommage que plus éloquent ou plus stilé d’escrire que moy ne donne l’entendement à ma déclaration devant si noble personne : mais j’ay espoir que mon bon vouloir sera tenu pour agréable.
