CHAPITRE XXII

Comment les Gandois coururent le plat-païs de Flandres, y prenans quelques chasteaux et forteresses ; et comment ils assiégérent Audenarde. |

Il convient donques savoir comment L guerre que firent les Gandois contre leur sci gneur le comte de Flandres fut démenée. Vé rité fut que les Gandois mirent sus une grande

compaignie de gens de cheval et à pié, qui tous portoyent blancs chaperons, et furent plus de quatre mille hommes en diverses compaignies ; el coururent parmy le païs de Flandres, par cens et par quarterons; et s'ils sçavoyent un riche païsan, ils luy mettoyent sus qu'il estoit contre les seigneurs de Gand, et le roboyent et pilloyent, et faisoyent œuvres que gens sans raison et sans conduite peuvent faire ; et toutesfois envoyèrent les Gandois à Brucelles leur ambassade devers le duc; et, le jour du grand vendredy, luy crièrent mercy, et tenoyent manière qu’ils ne demandoyÿent que de demourer bons sugels ; et estoyent en celle ambassade des plus notables religieux de Sainct-Bavyon et de Sainct-Pierre, et des plus notables bourgeois de Gand. Mais, à la vérité, la chose estoit à ce venue que les gens-de-bien n’avoyent à Gand plus de pouvoir ne d’authorité en icelle vile, et gouvernoyent les méchans et les gens voulontaires; et ceste chose congnoissoit bien le duc, et que le pardon ne le traitté ne servoit de rien à estre fait avecques ceux qui nul pouvoir n’avoyent ; et d’abondant sçavoit et oyoit les outrages faicts par les blancs-chaperons sur le plat-païs de sa comté de Flandres.

Si leur respondit qu’il sçavoit bien qu'eux, qui parloyent de par les rebelles de Gand, le disoyent en bonne intention, et qu'ils voudroyent les choses telles et ainsi qu’ils disoyent ; mais ceux de Gand ne demandoyent point grâce, comme l’on doit venir à son prince pour avoir pardon ; mais demandoyent traitté, l’espée au poing, en grande assemblée, et en armes, comine s'ils envoyoyent devers leur voisin ou leur compaignon. Parquoy il ne voyoit nulle cause pour leur faire response ; mais quand ils vindroyent à mercy, en l’ordre que sugets doivent venir (quelque offense qu'ils eussent faicte par c\-devant), il leur tiendroit terme de prince miséricors, et auroit regard à non punir ou grever les bons, pour le péché des mauvais ; et sur ce point se retraït le duc en sa chambre, et n’eurent autre response de luy.

Ce mesme jour du bon vendredy, que les ambassadeurs crioyent mercy, les Gandois envoyèrent aucuns de leurs gens au vilage de

Gavre, sur l’Escaud; et espièrent que le !

chastelain estoit au service el au monstier, et ne se doutoit on de rien. Si entrèrent les Gandois au chasiel (qui est bon et fort), fermérent la porte, et prirent les biens et la maison; et demoura le chastelain hors, en très-grand danger de sa vie. Celuy chastel est au seigneur de Laval (qui est un grand baron en Bretaigne).

et luy vient par partage de Flandres, dont ceux de Laval sont descendus d’une fille. En ce temps, et par subtil moyen, prirent les Gandois le chastel de Poucques et celuy d’Escandreberch, qui marchit à Hainaut.

Les nouvelles venues au duc de Bourgongne, 11 fit haster ses mandemens et ses gens-d'armes par tous ses païs ; et desjà estoit le comte d’Estampes en Picardie, qui faisoit lever les gensd'armes. Le duc de Clèves assembla ceux de son païs, pour venir secourir le duc son oncle. Le mareschal de Bourgongne levoit les Bourgongnons ; le comte de Sainct-Pol, et messire Jehan de Crouy, seigneur de Chinay, levoyent les Hannuyers et Namurrois, et aucuns de Flandres et de Picardie. Le comte de Nassau, messire Philippe de Hornes, seigneur de Bausignies, et autres, levoyent les Brabançons.

Ceux de Hallewin, messire Symon de Lalain, Louis, seigneur de Gruthuse, et autres, levèrent la noblesse de Flandres. Le seigneur de La Vère et le seigneur de Bréda levoyent les Holandois et Zéelandois: et ainsi se levoit l’armée, et se faisoit l’assemblée des gens-d’armes de toutes pars ; et le duc et ceux de son hostel se préparoyent, chacun qui mieux mieux. Au regard de monsieur Charles de Bourgongne, :

comte de Charolois, il travailla toute celle quaresme ; et l’avoit on envoyé faire honneur de sa personne à messire David de Bourgongne, son frère naturel (lequel fut lors sacré évesque de l’évesché de Térouenne); et de Ià fut renvoyé à Bergues sur la mer, et jusques en Zéelande, pour l'accord d'aucune aide faicte au duc son père ; et certes ne luy ne la plus part de ses jeunes serviteurs ne furent pas prests du premier jour, et ne sçavoyent guères qu'il faloit pour le faict de la guerre (qui leur estoit nouvelle chose); et disoit on que le bon duc et la duchesse (pour ce qu’ils voyoyent l’orgueil des Gandois, et la bataille preste), et aussi plu sieurs sages et doubtifs des païs (qui les en prioyent et conseilloyent), eussent bien voulu

que, sous ombre de soy apprester, et mettre en tel estat qu’il appartenoit, le comte fust demouré à Brucelles, jusques à ce que la bataille eust esté passée. Mais ledict comte (à qui le cueur croissoit avecques les jours) fit faire ses apprests à toutes diligences, et jura par saiuct George (qui fut son plus grand serment) qu'il iroit plustost en son pourpoint, qu’il n’acompaignast son seigneur et père à soy venger de ses rebelles sugels; et ainsi s’apresta le comte de Charolois, ses gens, et ceux de la maison du duc.

Le duc, voyant les Gandois obstinés de plus en plus fort en leur orgueil, envoya le seigneur de Ternant, acompaigné des nobles hommes qu’il peut assembler en la court, et selon qu'il les trouva premiers prests, en la vile d’Allost ; et y mena environ cinquante gentils-hommes, et deux cens, que varlets-de-guerre, qu'archers ; et trouva ledict seigneur de Ternant les bourgeois et les habitans de ladicte vile, bons, et délibérés à garder et deffendre leur vile contre les Gandois, et à maintenir la querelle de leur prince et seigneur ; et les reigla le noble chevalier à eux départir par connestables et par dizaines, pour prendre les deffenses des murailles, ainsi qu’elles furent ordonnées et baillées par luy et par les commisdeladicte vile ; et fit garder les portes et les clefs par les gens de la cour du duc, qu’il avoit amenés avecques luy ; et d'autre part envoya le duc, à Audenarde, messire Symon de Lalain, seigneur de Montigni, et le seigneur d’Escornets, qui estoyent aimés et congnus en Audenarde; et, pour asseurer plus le peuple, y menèrent iceux deux seigneurs leurs femmes et leurs mesnages, et envoyèrent, de leur charge, bien soixante lances et trois cens archers, qu’à pié, qu’à cheval; et certes tout le peuple et tous les bourgeois d’anciéneté ont esté bons et loyaux pour leur comle et seigneur, comme plus à plain se peut veoir à lire pour toutesles croniques par avant escrites. Moult joyeux furent ceux d’Audenarde, quand ils virent que le duc leur envoyoit tels deux notables personnages, pour les aider et deffendre contre les ennemis. Si se pourveurent d'armes et d’artilleries, et de tant que mestier leur estoit, sans y rien

épargner ne regretter.

Or lairrons à parler du duc et de son appa-

reil, et reviendrons aux Gandois, et à ce qu'ils firent : et peut on légèrement entendre que ce peuple , émeu et déreiglé , estoit parmy Gand en merveilleux nombre , armés et embattonnés : et quand ils se trouvoyent en un marché dix ou douze mille assemblés , il leur sembloit qu’en tout le monde l’on ne trouveroit pas encores autant de gens, ne n’acomptoyent à puissance d'autre: et parloyent et murmuroyent tous ensemble, et crioyent , disans pourquoy on ne les employoit contre le duc de Bourgongne : et {ant brairent et crièrent , qu’un nommé Lievin Bonne ( qui est autant à dire en françois Lievin Fève), du mestier de maçon, emprit de les conduire et mener devant Audenarde ; et aporta en une besace de grandes clefs , et leur fit à croire et entendre que c’estoyent les clefs des portes de ladicte vile d’Audenarde. Si fut créé houlman sur eux , et obeï comme si ce fust leur seigneur naturel ; et le quatorzième jour d'avril l’an 52,aprèsPasques, vindrent les Gandois devant Audenarde , à si grand nombre qu'il sembloit que toutle monde fust là assemblé ; et marchèrent en très belle ordonnance, et menoyent grand charroy de vivres et d'artillerie.

Quand messire Symon de Lalain sceut leur venue, il fit armer tous ceux de la vile, ct monter à cheval les hommes-d’armes qu'il avoit amenés , ct iuy-mesme passa le pont de l'Escaud, et la porte, avec deux cens archersà-pié, et ce qu’il avoit de gens-à-cheval ; et se férit sur les premiers, qui venoyent sans grand ordre , et en prit, tua et et navra plusieurs, avant que les Gandois se fussent rasscurés, mais ils faisoyent marcher une compaignie de picquenaires et d’archers, où ils pouvoyent estre quatre ou cinq mille hommes, qui se teno\ent ; serrés et en ordre. Si marchèrent roidement contre ledict messire Symon , et rembarrèrent luy et ses gens-de-cheval, et les soustindrent les archers, qui estoyent à pié ; et du long de la douve du fossé tiroyent fort et souvent et si bien fut la saillie dudict messire Symon conduite, qu’il retraït tous ses gens sans perte , et fit fermer la porte de celuy costé ; car à la vérité il veit si grand peuple venir à l’encontre de la vile, et en tel ordre , qu'il jugea légèrement qu’il auroit le siège. Et certes les Gandois furent bien trente mille testes

armées, que tous cuidoyent que Lievin van Bonne, leur houlman et conducteur, leur deust ouvrir les portes de la vile , et qu'il eust les clefs , comme il leur avoit dit ; mais ils trou- vèrent autre détourbier qu'ils ne pensoyent ; car ledict messire Symon et le seigneur d'Escornets pourveurent les murailles, les tours et crénaux de tout ce qui pouvoil estre nècessaire pour souslenir el attendre siège et assaut; et certes les bourgeois et les habitans d'Audenarde furent tous reconfortès , et résolus d'attendre ce qui poauvoit avenir , et de tenir loyalement et de grand courage le par de leur prince ; dont ils furent moult à louer.

Celle nuict, se logérent les Gandois devant Audenarde, moyennant grand cry et grandes huées, en menaceant fort la vile et les habitans ; et leur semblait que grand tort leur estoit faict que prestement on ne leur hvyroit la vile, à faire leur plaisir ; et le lendemain ils firent un pont sur l’Escaud, entre ladicte vile et le vilage de Hainue ( qui sied au plus près dudict Audenarde ) ; et par ce pont passèrent bien quinze mile combatans, et alèrent assiéger la porte par où l’on va à l'Isle et à Tournay. Si trouvèrent ladicte porte bien pourveue d'artillerie et pouldre , ct d'arbalestes ; parquoy ils ne peurent mettre leur siége si prés de ladicte porte qu'ils eussent bicn voulu, el ainsi se logèrent les Gandois devant Audenarde, et mirent leur siége deçà et delà ; et par deux ponts qu'ils firent sur l'Escaud au lieu dessusdict , ils pouvoyent secourir etaider les uns les autres, et se cloïrent et fortifièrent, de chacun costlé, de fossés et de palis; el sembloit , à veoir leur contenance , que jamais ne se deusent lever, pour chose qui leur avinst , qu'ils n’eussent la vile à leur bon plaisir; et ne feit pas à demander si messire Symon de Lalain travailloit pour la seureté de sa garnison et de son honneur ; et, pour pourveoir à l'assaut de cestuy orgucilleux peuple , il fit crier que toules femmes apportassent pierres el cailloux sur les murs, et, pour exemple , fit venir une dame sa femme, et sœur germaine du seigneur d’Escornets , et plusieurs nobles femmes ses parentes, et autres; et tout ce jour portèrent hottes et paniers , les unes sur leur dos, et autres sur leurs testes ; et toutes autres femmes , bourgeoises et mar-

chandes , et autres , y acourovent ; et devez sçavoir que moult bien furent, et en peu de temps, les murailles et les detfenses garnies et eslofces de ce qu'il y faloit. Or lairrons nous un peu le siége d'Audenarde, et relournerons au duc et à son armée ; et deviserons comment il départit sa dicte armée aux deux costés de la nyière de l'Escaud , et ce qu'il en avint.