CHAPITRE XXII

Comment le duc de Bourgongne fit sa feste de la Toison à Mons en Hainaut; commentles Gandois se fireni ennemis d’iceluy leur seigneur ; et comment le comte de Charolois fit ses premières joustes. ;

Ainsi se passa l’an 1450, et entrasmes en l'an 51, que le duc de Bourgongne lint sa feste de la Toison à Mons en Hainaut, moult haute et moult solennelle. Là fut en personne le duc d'Orléans, chevalier dudict ordre, et moult d’autres comtes, barons et chevaliers; et, la feste tenue, fut tenule chapitre de l'élection, et fut donné le colier au duc de Clèves dessusdict, et à messire Jaques de Lalain, au seigneur de Launoy, et à autres grans personnages.

. Au partir d’icelle feste furent envoyés en ambassade messire Jean de Crouy el messire

Jaques de Lalain, devers le roy d’Arragon dessusdict, et à leur retour devers le roy de France ; et ce, pour aviser aucun bon moyen pour la défense de la foy chrestienne ; car l'on estoit averti que le Grand-Turq se préparoit à grande puissance pour entreprendre contre les seigneuries de l’empereur de Constanlinoble, qui pour lors estoit terre chrestienne, et dont la cité de Constantinoble estoit l’une des élevées cn renommée de pouvoir, beauté et richesse, de tout le monde. Cestuy Turq fut le propre fils de l’Amoraut-Bay, qui déconfil le duc Jehan de Bourgongne en Hongrie, jeune prince vertueux en sa loy, el de haute entreprise.

Le bon duc Philippe (qui tousjours avoit, à

son pouvoir, labouré pour la deffense de la

foy chrestienne, et tou<jours vouloit conlinuer) envoyoit ses chevaliers et ambassadeurs là où il cuidoit profiter d'aide pour cette matière. Mais tous les autres princes furent si négligens, ou par voulonté divine ou par leur mesme coulpe, que rien ne fut en ce pourveu ; dont il advint que ladicte cité fut prise et destruite, l'empereur mort, et sa noble génération impériale faillie et esteinte, et le pouvoir des infidelles acreu et augmenté, et ka foy chrestienne foulée, grevée el amoindrie, comme cyaprès sera veu el leu.

Celle saison, le duc de Bourgongne se partit de son païs de Brabant, el alla en la duché de Luxembourg, pour renouveler les hommages el les fidelités de ceux de Luxembourg, dont le duc estoit nouvellement seigneur et gagé. Car la duchesse estoit trépassée ; et combien qu'ils fussent en la main du duc de Bourgongne (qui les tenoit en bonne justice), et que les voisins haussaires, rustres et pillars, cessassent leurs courses et leurs pilleries, de longue main accoustumées en iceluy païs, toutesfois les aucuns et aucunes viles avoyent au cœur le duc de Sasses et les Sassons; et estoit bicn averti le duc que ceux de Tionville n’avoyent nulle bonne voulonté envers luy ; et pour ce alla le duc à Luxembourg, et renouvela leurs sermens, et tousjours leur laissa Cornille, son fils bastard, qui les gouvernoit et tenoit en moult bonne justice, et les gardoit et garantissoit de toutes foulles de voisins. Et envoya le duc en Bourgungne, vers messire Claude et Tristan

de Toulongeon, frères, lesquels luy amenérent cent lances de Bourgongne ; et le duc emmena le comte d’Estanpes, pour lors gouverneur de Picardie; Anthoine, bastard de Bourgongne; le seigneur de Saveuses, le seigneur d’Emeries, et autres, qui emmenérent environ mille archers de Picardie ; et alla le duc en armes, et toute sa maison; et la duchesse et le comte de Charolois demourèrent à Brucelles, attendant la venue du duc, qui demoura environ trois mois; et pendant ce temps la comtesse de Boucquan, fille du roy d’Escoce, acoucha d’un fils à La Vére en Zéelande ; et alla le comte de Charolois lever l'enfant, et eut dur et merveilleux temps en la mer. Mais il estoit à son désir: car il aimoit et désiroit les batteaux et la mer, et ne luy sembloit nul vent ne nulle fortune dangereuse; et se congnoissoit, de son propre art naturel, au gouverncment des batteaux. Et ainsi se passa le temps jusques au retour du bon duc son père.

En celuy tempsfaisoit le roy Chartes là guerre en Normandie, laquelle guerre le roy chaudoya moult-fort et moult-asprement, par grand sens et par grand hardement : et avoit le roy françois trouvé manière, et de longue-main, de mettre débat en Angleterre, à cause du gouvernement entre le duc d’Yorch et le duc de Sommerset, pour ce que Ic roy Henry d'Angleterre, fils du vaillant et sage roy Henry dont cy-dessus est faicte mention, estoit un simple personnage, et plus adonné à Dieu et à dévotion qu’à deffendre et croistre son royaume el sa seigneurie:el gouvernoit la royne Marguerite, sa femme, toute Angleterre, laquelle, à la vérité, fut une femme sachant, et de grand esprit. Ceste royne fut fille du roy de Cecile, et de la maison d'Anjou, comme cy-dessus est faicte mention. Par celle dissension les Anglois perdirent ce qu'ils avoyent en France, lant en Normandie comme en Guilenne, en peu de temps : et furent déconfits à l'ourmigny par monsicur Arlus de Bretaigne, comte de Richemont, connestable de France, et par monsieur Louis Ge Clermont, fils aisné du duc de Bourbon. Par celle division (qui par trop dura et continua en Angleterre} telle malheurté et fortune cheut sur Angleterre , qu'eux mesmes firent mourir tout le noble sang, toute leur noblesse. et

mesmes leur roy et souverain seigneur : et mirent la couronne hors de la lignée de Lanclastre ; et firent roy en la maison de la lignée d’Yorch : desquelles matière touchant Angleterre je deviseray bien au long en temps et lieu, pour ce que j’ay beaucoup veu et congnu dudict cas. Mais des guerres et de la conqueste & Normandie et de Guienne (qui en cet an 1: se faisoyent), j'en lairray escrire aux nobles # sages croniqueurs qui en ont sceu et enquis de ce ; car de moy je n’en ay rien veu : et corromproye mon entreprise d’escrire plus que je n’ay veu, et dont j’ay labeur assez devant la main, grâce à Dieu, qui me doint le temps d’en rendre bon compte.

En celuy an 51, vint pardeçà madame Ysabel de Coimbres, et Jehan Monsieur, sonfrère, qui vint depuis en celle mesme saison. Iceux frère et sœur furent depuis moult-bien adrécés de vertus et de bonnes meurs : et furent enfans au duc de Coimbres mort et occis en Portugal , et neveu et nièce à la duchesse Ysabel de Bourgongné, et chavés ot exilés de leurs seigneuries et héritage (comme il est cy-dessus escrit) ; et les receut le bon duc et la duchesse, ensemble le comte de Charolois leur fils, moult doucement , et en grande pitié de leur exil : et leur alla le comte au-devant , et tous les princes et nobles hommes de la maison : et comment le bon duc les pourveut et s’en aquitta sera veu cy-après.

Autre chose n’avint, en l’an 51, qui à ramentevoir face; mais assez tost après se fist le mariage de monsieur de Ravastain, neveu de monsieur le duc Philippe, avec madame Ysabel de Coimbres, nièce de madame de Bourgongne ; et se marièrent en la ville de l'Isle, où furent faictes joustes et tournoyemens : et cerles ce furent deux gens qui firent grand chère ensemble, et mesme à tous ceux qui les aloyent veoir.

Or est besoing, pour déclairer les choses et aventures que j’ay veues en l’an 592, que je reprenne aucunes causes avenues au par-avant, et dont je n’ay point voulu ma plume travailler, pour attendre temps et lieu, afin de réciler autres choses qui mieux emplissoyent, et causoyent les saisons et les années, dont cydevant j’ay rendu comple par ines Mémoires:

et à présent me vient à poinct et reigle de les

MÉMOIRES D'OLIVIER DE LA MARCHE

ramentevoir. Comme par-cy-devant j'ay escrit, il peut clairement apparoir comme le bon duc tint, sous la main de Dieu, longuement ses païs en paix et à repos; et ne trouve point que ceux de Gand eussent aucun travail d’armes ou de guerre depuis le siège mis par le duc en leur fiance devant la vile de Calais, et duquel siége je ne racompte rien en mesdicts Mémoires, pour ce que ce sont choses avenues avant mon avénement, et dont je ne parleroye que par ouyr dire, qui seroit contre la forme de mon entreprise. À cause de ce repos, multiplièrent tellement les Gandois en peuple, richesses, augmentement de bourgeois et d’autres biens, que certes il n’estoit point bien heureux en Flandres qui n'estoit amy,

bienveuillant, bourgeois ou subjet de Gand ;

et tenoyent le païs de Was et celuy des Quatre-Mestiers en leur sugettion, comme leurs bourgeois et obéissans qu'ils estoyent,; et quand ils se virent augmentés de gens, de faveur et de biens (comme dict est), ils s’oubliérent aucunement, à l’ocasion d’une demande de certain droit sur le sel, que leur avoit fait demander le duc deux ou trois ans au-paravant; ce qu’ils avoyent refusé; dont le duc s’estoit parti mal content d’eux, et n’alloit plus ne venoit en sa vile de Gand, ne la duchesse ne le comte de Charolois leur fils; et toutesfois s’esloyent les matières entretenues par moyens, tellement que le débat n’estoit point : plainement ouvert; et fut longuement apparence que le tout se deust appaiser.

Néantmoins, en l’an 51 , les Gandois firent chef de leur conseil un nommé Daniel Cer-

Sandres, et députèrent maistre Pierre Boudin,

et maistre Gilles Bouin et autres, qui sous ombre de leurs privilèges firent loy , et establirent bourgmaistre et échevins à la ville de Gand, ans y appeler le prince ou ses officiers : édifièrent et mirent en loy toutes gens à leur main , et délibérés de soustenir leur opinion contre leur prince et contre tous autres. De ces choses fut le bon duc moult malcontent:

mais par conseil l’on dissimuloit , sous ombre des entreprises qui se faisoyent pour l’apaisement. Mais en cette saison (comme dict est) les matières agrevérent plus fort que devant, pour les raisons dessus-dictes, et comme il est escripl cy-dessus. Ainsi se dissimuloit letemps,

et se tenait le bon duc Philippe et la duchesse en la vile de Brucelles , en grans festimens de joustes, de tournois , de banquets, et autres plaisans passe-temps. El en cest an 51, environ la Toussaincts, fut une jouste criée et publiée : et à celle jouste fit le duc préparer son seul fils et héritier monsieur Charles, comte de Charolois , pour jouster pour sa première fois, et lequel n’aveit que seize à dix-sept ans d'âge : et se préparèrent les jeunes seigneurs qui avec luy avoyent esté nourris pour jouster avecques luy, et aussi plusieurs autres princes, chevaliers et escuyers, rudes jousteurs , et acoustumés du mestier.

Et pour ce que c’estoit la première fois que le noble comte avoit mis la lance en l’arrest, ne porté le harnois pour exécution, environ trois jours avant la feste l’on fit essayer le comte, et, par délibération des seigneurs et des dames de la court, fut ordonné que le comte, nouvel homme-d'armes, courroit la première lance contre messire Jaques de Lalain.

Et disoyent tous que contre meilleur chevalier ne pourroit faire sa première épreuve, et que ce seroit heur en armes, à si haut personnage, d'atteindre et d’estre atteint, pour le premier, de chevalier renommé. Et ainsi eut messire Jaques le bon chevalier cest honneur par effect de courre là, et d’éprouver la noble personne du fils de son souverain seigneur, et son seigneur apparent à venir. Et furent montés et armés au parc de Brucelles, où furent le bon duc et la duchesse présens à celle épreuve. Lances leur furent baillées : et à celle première course le comte férit messire Jaques en l’escu, et rompit sa lance en plusieurs pièces: et messire Jaques courut haut, et sembla au duc qu’il avoit son fils épargné : dont 1l fut mal-content, et manda audict messire Jaques que s’il vouloit ainsi faire, qu’il ne s’en meslast plus. Lances leur furent rebaillées, et ledict messire Jaques de Lalain laissa courre sur le comte : et d'autre costé vint le comte moult-vivement, et se rencontrèrent tellement qu'ils rompirent leurs lances tous deux en tronsons; et de ce coup ne fut pas la duchesse contente dudict messire Jaques ; mais le bon duc s’en rioit, et ainsi estoyent le père et la mère en diverse opinion. L’un désiroit l'épreuve , et l’autre la seureté : et à ces deux courses faillit l’essay

du noble comte, et duquel essay furent les sages moult-contens et réjouis, pour ce qu'ils virent leur prince à venir prendre les armes, el soy monsirer courageux , et homme pour ensuyvir la noble lignée dont il estoit issu. Et se passa le temps jusques au jour des joustes, qui se firent sur le marché de Brucelles, là où il y eut grande assemblée et grande noblesse : et fut amené le comte Charles sur les rangs, et acompaigné par le comte d’Estampes son cousin, et par plusieurs autres princes, chevaliers et nobles hommes : et le tenoit fort de près le seigneur d’Auxi , et Jehan de Rosimbos, seigneur de Formelles : et ces deux l’avoyent nourry et gouverné dès son enfance.

Si fut couvert et paré d’orfévrerie : et d’autre part, là vindrent jousteurs de toutes parts, et là jousta le comte de Boucquan, Philippe de Crouy, Jehan de La Trimouille, Charles de Ternant, et plusieurs autres jeunes seigneurs et nouveaux jousteurs , nourris ayecques le comte ; et ainsi commença la jouste: et, à la vérité, le comte romoit seize ou dixhuict lances, donna et receut de très-bonnes atteintes, et fit si bien le devoir que chacun luy donna le bruit d’icelle jouste : et luy fut, le soir, présenté le prix par deux princesses, et fut crié Montjoye par les héraux moult-hautement. Et certes ledict comte continua la jouste longuement depuis, et fut tenu pour moult-puissant et rude jousteur , et gaigna plus de bruit à la jouste que grand maistre que l’on sceust : et pour ce je commence à emplir et fournir mes Mémoires de luy et de ses faicts, et n’en parle pas par ouyr dire ne par raports: mais comme celuy qui ay esté nourry avecques luy dès son enfance , tant au service du bon duc son père comme de luy , je toucheray et parleray de sa nourriture, de ses mœurs, conditions et usances , depuis le temps que je le vey premier, qui est escrit en mes Mémoires cy-dessus.

Quant à ses conditions, je commenceray par le pire bout. Il estoit chaud, actif et dépit, et désiroit, en sa condition enfantine, à faire ses voulontés , à petites corrections : et toutesfois il eut l’entendement et le sens si grand, qu'il résista à ses complexions , tellement qu'en sa jeunesse ne fut trouvé plus doux ne plus courtois de luy. Il ne juroit Dieu, ne nuls saincts, Il avoit Dieu en grand cremeur et révérence.

Il apprenoit à l’escole moult-bien , et retenoit, et s’apliquoit à lire et faire lire devant luy, du commencement, les joyeux comptes et faicts de Lancelot et de Gauvain, et retenoit ce qu’il avoit ouy mieux qu'autre de son age: et de sa nature désiroit la mer el les bateaux, sur toutes riens. Son passe-temps esloit de voler à émerillons : et chaçoit moult-volontiers, quand il en pouvoit avoir le congé. II jouoit aux eschets mieux qu'autre de son temps. Il tiroit de l'arc, et plus fort que nul de ceux qui esloyent nourris avecques luy. Il jouoit aux barres, à la façon de Picardie, et escouoit les autres par lerre, el loing de luy : et depuis, en fournissement de jours et de force , il fut tenu et nommé moult bon et puissant archer, et moult rude, fort et adroit joueur de barres. EL ainsi croissoit le comte, et estoit nourri, duit et apris, et de soy quéroit et s’adonnoit à tous bons et honnestes exercices ; et à Lant me taira de la nourriture et de l’exercice du comte Charles , et retourneray à ce qui ayint en celuy temps.

Or approchasmes nous de l’an 52, et lousjours aloyent et venoyent ambassadeurs des Gaudois devers le bon duc, feindant tendre à apointement ; et dissimuloit le duc leur malice, attendant son point, ct qu’il eust asseuré son faict devers le roy françois , avecques lequel, par moyens d’aucuns qui gouvernoyent en France, 1l avoit tousjours quelque chose à refaire : el mesmement sembloit au roy que le duc tenoit le parti ,et s'entendoit avecques son fils monsicur Louys de France, dauphin : lequel s’estoit parti de la maison du roy son père, el contre son congé se Lenoit au Dauphiné, et faisoit aliances contre le roy et ses bienveuillans ; et se maria à la fille du duc de Savoye ; et se mainlenoit et conduisoit en toutes choses à sa guise, sans le conseil ou plaisir de sondict père; et recueilloit etélevoit , par dons et par promesses, tous ceux qui vouloyent abandonner son père ; et, à la vérité, il assembla au Dauphiné une moult grande compaignie de gens-de-bien , et leur estoit large et abandonné plus qu'autre de son temps ; et, par celte séparation du père et du fils, ledict dauphin ne fut point és conquesles que fit le roy françois en Normandie et en Guienne contre les Anglois, Et de ceste matière je me tairay

MEMOIRES D'OLIVIER DE LA MARCHE

pour le présent , combien que j’en aye personnellement assez veu; car tost après le mariage faict dudict dauphin et de la fille de Savoye, j'allay de gayeté de cœur, et sans charge d’autruy, en Savoye et au Dauphiné , pour veoirles assemblées des deux princes, et leur noble court; et en ce temps, ou peu paravant , la noblesse de Savoye et les plus grans seigneurs se meslèrent , et s’émeurent en débat les uns contre les autres : dont la pluspartet les plus grans furent ensemble contre messire Jehan de Compais, seigneur de Thorain; et fut outragé ledict seigneur de sa personne ; dont le duc Louys et la duchesse furent moult mal-contens, et portèrent et soustindre ledict de Compais. Cestuy de Compais fut celuy qui fit armes à l’arbre Charlemaigne contre Anthoine de Vaudrey, comme il est récité en ce premier livre. Par le débat dessusdict avint que, par le conseil et aveu dudict dauphin, les seigneurs de Savoye furent bannis du païs, et la place de Varembon rasée et abaltue : dont certes le païs eut moult à souffrir , et se mesla pour iceux seigneurs le roy et le duc de Bourgongne ; car plusieurs en y avoit qui furent subjets du roy, et aucuns dudict duc; et estoyent d’icelle guerre, coutre le seigneur de T'horain, le seigneur de Barget, mareschal de Savoye ; le seigneur d’Antremons, le scigneur de La Queulle, le seigneur de Lureu, de Varemben, de Varas, de Chaillant, de Viricu, de Manton, et jusques à vingt cinq ou trente chefs-d’hoslels, barons, bannerets et seigneurs; laquelle guerre porta et soustint ledict de Compais moult courageusement; et fut cetle matière appaisée par le moyen du roy Charles et duc de Bourgongne ; et de ce metairay, pour ce que je veux entrer ès guerres que commencèrent les Gandois contre le duc leur seigneur ; et ne réciteray chose, à l’aide de Dieu, que je n’aye à la vérité sceue et veue.