CHAPITRE XXIX

Cy commence l'ordonnance du banquet que fit en la vile de l'Isle très-haut et très-puissent prince Philippe, par la grâce de Dieu duc de Bourgongne, de Brabant, etc., l'an 1453, le dix-septième de février.

Pour ce que grandes et honorables œuvres désirent loingtaine renommée et perpétuelle mémoire , et mesmement quand lesdictes œuvres sont faictes en bonne intention, je me suis entremis de mettre par escrit et enregistrer par ordre, au plus près dela vérité, etselon mon petit sentiment , une feste faicte à l’Isle le dix-septième jour de février l’an 1453, par très-excellent, très-haut et très-puissant prince monsieur le duc de Bourgongne, de Brabant,etc. Et commença icelle feste par une jouste, cedict jour; laquelle jouste avoit esté criée en un très-beau banquet que monsieur de Clèves donna en ladicte vile environ dixhuict jours paravant, auquel fut mondict seigneur, ensemble la seigneurie, dames et damoyselles de sa maison; et fut le crytel, que le chevalier au cigne, ser-

MEMOIRES D'OLIVIER DE LA MARCHE

viteur aux dames, faisoitsçavoir à tous princes, chevaliers et nobles hommes, que le jour que mondict seigneur feroit son banquet (lesquels banquets se faisoyent l’un après l’autre), l’on | le trouveroit en ladicte vile armé de harnois de jouste , en selle de guerre, pour jouster à la toile, de lances de mesure et de courtois roquets, à-l’encontre de tous ceux qui venir y voudroyent ; et celuy qui pour ce jour feroit le mieux, au jugement des seigneurs et des dames, sans ce qu’il s’en exceptast en rien, gaigneroit un riche cigne d’or enchainé d’une chaine d’or, et au bout de celle chaine unriche rubiz que les dames présenteroyent à celuy qui l’auroit desservy. Tel fut le cry, par l’ordonnance et aveu de monsieur Adolf de Clèves, lequel estoit celuy pour qui la criée se faisoit ; et, à ce que je vey, la criée et jouste faisoit au propos d’un entremets, qui contenoit, à cedict banquet, la pluspart de la longueur de la principale table.

Ce fut une nef à voile levée, moult bien faicte, en laquelle avoit un chevalier tout droit, armé, qui le corps avoit vestu d’une cotte-d’armes, des plaines armes de Clèves; et devant avoit un cigne d'argent, portant en son col un colier d’or auquel tenoit une longue chaine d'or, dont ledict cigne faisoit manière de tirer la nef ; et au bout de ladicte nef séoit un chastel moult bien faict, et richement; au pié duquel flotoit un faucon en une grosse rivière. Et me fut dict que ce signifioit et monstroit comme jadis miraculeusement un cigne amena dedans une nef, par la rivière du Rin, un chevalier au chasteau de Clèves, lequel fut moult vertueux et vaillant; et l’épousa la princesse du païs, qui pour lors estoit veuve, et en eut lignée ; dont lesdicts ducs de Clèves, jusques à ce jour, sont issus ; et pour ce il me semble que la manière de la criée ensuivoit l’effect de l’entremets.

En celle nuict, fut présenté le chapelet à monsieur le comte d’Estampes, lequel fit son banquet environ dix jours après. Ce banquet fut moult plantureux et riche, et garni de plusieurs entremets nouveaux; dont je me passe pour abrèger, et pour venir à mon intention.

En ceste feste fut le chapelet présenté à monsieur le duc, en telle façon que quand les entremets furent levés, d’une chambre saillirent

[1454] grande foison de torches; puis vint un officier d'armes, serviteur de mondict seigneur d’Estampes, nommé Dourdan, vestu de sa colled'armes; et après vindrent deux chevaliers, chambellans de mondict seigneur d’Estampes (c’est à sçavoir monsieur de Miraumont et monsieur de Drueul), vestus de longues robes de velours fourrées de martres; et n’avoyent rien sur leur chef, et portoyent chacun, d’une main, un gentil chapelet de fleurs, et après eux venoit une très-belle dame, jeune, de l’age de douze ans, vestue d’une robe de soye violette, richement bordée et estofée d’or ; et luy partoyent unes manches, outre la robe, d’une moult déliée soye, escriptes de lettres grégeoises ; et estoit son chef paré de ses cheveux beaux et blonds, et par-dessus une tocque, affulée d’un volet moult enrichi de pierrerie. Et estoit montée sur une haquenée houssée de soye bleue; et l’amenoyent trois hommes à pié, vestus de manteaux de soye vermeille, portans chaperons à cornette de soye verde ; et aloyent ces trois chantans une chanson faicte à propos. Et en telle ordonnance passèrent par-devant les tables, et vindrent jusques devant le lieu où estoit assis mon très-redouté seigneur monsieur le duc; et quand l'officier d'armes et les deux chevaliers luy eurent faict la révérence, ledict officier dit ce qui luy éloit enchargé en ceste manière :

Très-excellent, haut prince, et redouté,

A vous venons en toute révérence.

Pour charge avons que vous soit présenté Ce chapelet, lequel est aporté

Par la dame que voyez en présence.

Le comte d’Estampes en son absence

La vous transmet en ce lieu, et envoye:

Et la nomme on la princesse de Joye.

Quant l’officir d’armes eut ce dit, les deux chevaliers vindrent à la dame, et luy baillèrent le chapelet en ses mains, et lors les autres trois qui l’amenoyent la descendirent de sa haquenée.

Si tost qu'elle fut descendue, les deux chevaliers l’'adextrèrent. Et adonc elle fit la révérence à mondict seigneur ; et par uns petis degrés faicts à ceste cause, elle monta sur la table, et s’agenouilla une fois sur le bord de ladicte table ; el puis se mit à genoux devant mondict seigneur, et là demoura jusques elle eust baisé ledict chapelet, et mis sur le chef de

mondict seigneur, qui à son relever la baisa ; et s’en retourna ladicte dame, son emprise achevée. Ainsi fut présenté le chapelet à mondict seigneur le duc ; parquoy il détermina le jour de son banquet, et fit moult grans préparatoires. Au jour de ce banquet donques, monsieur Adolf (qui s’estoit fait crier le Chevalier au Cigne) vint après disner, de très-bonne heure, sur les rangs, et fut acompaigné, du lieu où 1l s’estoit armé, par mondict seigneur le duc, par monsieur de Charolois, par monsieur le bastard de Bourgongne, vestus tous trois de robes de velours sur velours noir ; et avoyent chacun un colier d'or moult enrichi de pierreries, comme diamans, balais et perles ; et portoit mondict seigneur une cornette à son chaperon, si riche de pierrerie que je ne sçay autrementestimer,forshabillement de prince puissant. Monsieur Adolf, acompaigné (comme dict est) demondict seigneur, de monsieur de Charolois, et de monsieur le bastard, et en outre de monsieur d’Estampes, partit de son hostel à grand compaignie de gens vestus de ses robes, et aloyent devant ; et après eux aloyent tabourins ; et après aloit un poursuivant d'armes,

-vestu d’une cotte-d’armes pleine de cignes ; et

après aloit un grand cigne merveilleusement et subtilement faict, ayant une couronne d'or au col, à quoy pendoit un escu des plaines armes de Clèves ; et à celle couronne pendoit une chaisne d’or, qui d’un bout tenoit à la tresse de l’escu du chevalier ; et estoit ce signe adextré de deux sagittaires moult bien faicts, qui tenoyent arcs et flèches en leurs mains, et faisoyent semblant de tirer à l’encontre de ceux qui vouloyent aprocher le cigne.

Ledict chevalier, tenant à la chaisne d’or, suy voit le cigne armé très-richement de toutes armes; et estoit son cheval couvert de drap de damas blanc, et bordé de franges d’or, et son escu de mesmes ; et à dextre et à senestre, et derrière, avoit trois jeunes enfans pages, habillés de blanc en manière d’angels, montés sur beaux coursiers enharnachès de drap blanc bien découpé ; et après venoit un palefrenier, vestu de blanc, sur un petit cheval, qui menoit en main un destrier couvert de drap blanc, brodé de grandes lettres d’or, et frangé d’or, à la devise dudict chevalier ; et après venoit monsieur le duc de Clèves, frère dudict

chevalier, et monsieur Jehan de Coïmbres, fils du roy Jehan de Portugal, avec grand nombre de chevaliers et nobles hommes, tous vestus de blanc, à la pareure du chevalier; et portoyent les lances en belle ordonnance.

En tel estat et compaignie fut mené ledict chevalier devant les dames; et fut présenté par Toison d’or, roy d'armes, à très-excellente, très-haute et très-puissante princesse madame la duchesse de Bourgongne, et aux autres princesses, dames et damoyselles ; et puis il fut amené ës lices ; et lors le cigne qui l’avoit amené, avec les sagittaires, fut mis sur un hourd qui leur estoit préparé.

Gérard de Roussillon fut le premier qui se présenta à l'encontre du chevalier ; auquel le chevalier donna un si grand coup de la première course, qu'il luy perça et fendit son escu tout outre, dont ledict Gérard eut grand détourbier. Après vint messire Jehan de Monfort, moult gentement houssé de soye et de brodure. Assez lost après vint monsieur le comte de Sainct-Pol, houssé de drap d’or, dont la moitié estoit gris, et l’autre cramoisy. Après vint monsieur de Fiennes, couvert de velours noir à larmes noires, monstrées d’un peu de blanc. Tantost après monsieur de Charolois et monsieur le bastard (qui s’en alèrent armer, quand ils eurent convoyé mondict seigneur Adolf) vindrent sur les rangs, houssés de velours violet bordé de franges d’or et de soye, et leurs escus de mesmes, estans chargées lesdictes housses de campanes d'argent ; ctestoyent bien acompaignés de grands seigneurs, et entre autres monsieur d’'Estampes servoit de lance monsieur de Charolois. Les dessus nommés joustèrent, et plusieurs autres chevaliers bien en poinct, comme monsieur de Gruthuse, couvert de velours cramoisy ; monsieur de Mourcourt, de velours cramoisy, fourré de martres ; messire Chrestien de Digoine, enharnaché de drap, chargé de campanes dorées; messire Evrard de Digoine, couvert d’orfèvrerie; messire Jehan de Guistelle, couvert de menu vair; messire Philippe de Lalain, couvert de velours noir, à larmes d’or, ayccques plusieurs autres jousteurs, trèsbien en poinct. Mais de leurs coups ne sçay je point l'estime. Toutesfois je sçay de vray

MEMOIRES D'OLIVIER DE LA MARCHE

que le Chevalier au Cigne et Louis Du Chevalaut s’entre-rencontrèrent si rudement, que tous deux s’entre-portèrent par terre, les chevaux sur leurs corps tel atournés, qu'il fut force à l’un et 4 l’autre d'abandonner la jouste pour ce jour. Du demourant je me tay. Chacun fit son mieux de la jouste, qui faillit par traict de temps, et quand elle fut faillie, chacun se retraït.

Puis à heure convenable se trouvérent en une sale, en laquelle mondict seigneur avoit fait préparer un très-riche banquet ; et là vint mondict seigneur , acompaigné de princes ct chevaliers, dames et damoiselles : et trouvans ledict banquet à servir, ils se prirent à regarder les entremets, qui édifiés y estoyent. La sale où se faisoit ce banquet estoit grande, et bien tendue d’une tapicerie en quoy estoit faicte Ja vie d’Hercules. Pour entrer en ceste dicte sale il y avoit cinq portes gardées d’archers vestus de robes de drap gris et noir, et dedans la sale avoit plusieurs chevaliers et escuyers conduisans ledict banquet, desquels les chevaliers estoyent vestus de drap de damas, et les escuyers de satin desdictes couleurs de noir et gris. En celle sale avoit trois tables couvertes, l’une moyenne, l’autre grande, et l’autre petite ; etsur la moyenne avoit une église croisée, verrée, et faicte de gente façon, où il y avoit une cloche sonnante, et quatre chantres. Il y avoit un autre entremets d’un petit enfant tout nu sur une roche, qui pissoit eaue rose continucllement. Un autre entremets y avoit, d’une caraque ancrée, garnie de toute marchandise, et de personnages de mariniers ; et ne me semble point qu’en la plus grande caraque du monde ait plus d'ouvrages, ne de manières de cordes et voiles, qu’il y en avoit en ceste. Un autre entremets y avoit d’une moult belle fontaine, dont une partie estoit de

‘verre, ct l’autre de plomb de très-nouvel ou-

vrage, car il y avoit pctis arbriceaux de verre, feuilles et fleurs, si nouvellement faictes qu’à merveilles ; et l’espace de l’artifice estoit ainsi comme un petit préel clos de roches de saphistrins et d’autres estranges pierres, et au milieu d’iceluy avoit un petit sainct Andrieux tout droit, ayant sa croix devant luy ; et par l’un des bouts de la croix sourdoit la fontaine, un grand pié de hauteur, et rechéoit dedans le

préel par si subtile manière, que l’on ne sçavoit que l’eau devenoit.

La seconde table (qui estoit la plus longue) avoit premièrement un pasté, dedans lequel avoit vingt-huit personnages vifs, jouans de Jivers instrumens, chacun quand leur tour venoit. Le second entremets de celle table estoit un chasteau à la façon de Lusignan ; et sur ce chasteau, au plus haut de la maistresse tour, estoit Melusin, en forme de serpente, et par deux des moindres tours de ce chasteau sailloit quand on vouloit eaue d'orange, qui tomboit ès fossés. Le tiers estoit un moulin à vent, haut sur une mote, el sur le plus haut volant avoit une perche, au bout de laquelle estoit une pie, et gens à l’entour de tous estals, ayans arcs et arbalestes, et tiroyent à la pie, à démonstrer que toutes gens tirer à la pie est mestier commun. Le quart fut un tonneau mis en un vignoble, où il y avoit deux manières de breuvyages, dont l’un estoit bon et doux, et l'autre amer et mauvais: et sur ledict tonneau avoit le personnage d’un homme richement vestu, qui tenoit en sa main un brief où il estoit escrit : « Qui en veut, si en prenne. » Le cinquième estoit un désert, ainsi que terre inhabite, auquel avoit un tygre merveilleusement vivement faict, lequel tygre se combatoit à l'encontre d’un grand serpent. Le sixième estoit un homme sauvage monté sur un chameau, qui faisoit semblant et manière d’aler par païs. Le septième estoit le personnage d’un homme qui d’une perche batoit un buisson plein de petis oyseaux; et près d’eux, en un verger clos de treilles de rosiers, faict trèsgentement, avoit un chevalier et une dame assis à table, lesquels mangeoyent les oisillons dont l’un batoit le buisson; et monstroit ladicte dame, au doigt, qu'il se travailloit en vain, et follement perdoit son temps. Le huictième estoit un fol monté dessus un ours, et estoit entre plusieurs estranges montaignes de diverses roches, chargées de grésil et de glaces pendans de bonne façon. Le neufième estoit un lac environné de plusieurs viles et chasteaux, auquel lac avoit une nef à voile levée, tousjours vagant par l’eaue du lac à par soy; et estoit ceste nef gentement façonnée, et bien garnie de choses appartenantes à navire.

La tierce table ( qui estoit la moindre des

deux autres) avoit une forest merveilleuse, ainsi comme si fust une forest de l'Inde; el dedans celle forest estoyent plusiéurs bestes/

estranges et d’estranges façon, qui se mou-

voyent d’elles-mesmes, ainsi que si elles fussent vives. Le second entremets de celle table estoit un lyon mouvant, attaché à un arbre au milieu d’un préau; et là avoit le personnage d’un nomme qui l'atoit le chien devant le Iyon. Le tierset dernier entremets estoil un marchand passant par un vilage, portant à son col une hotte de toutes manières de merceries pleine.

Or, pour deviser la manière du service et des viandes, ce seroit merveilleuse chose à raconter : et aussi j'avoye tant autre part à regarder, que deviser au vray n’en sçauroye ; mais de tant me souvient que chacun plat fut fourni de quarante huict manières de mets, et estoyent les plats de rost chariots estofés d’or et d'azur. En celle salle, au plus près de la table, avoit un haut buffet chargé de vaisselle d’or et d'argent, et de pots de cristal garnis d'or et de pierreries; et n’aprochoit nul ce buffet plus avant des gardes de bois qui estoyent là faictes, si non ceux qui servoyent de vin.

Ainsi comme au milieu de la longueur de la sale, assez près de la paroy, à l’opposite de la longue table, avoit un haut pillier, sur quoy avaitune image de femme nue qui les cheveux avoit si longs, qu'ils la couyroyent par derrière jusques aux reins ,et sur son chef avoit un chapeau très-riche; et estoit envelopée ainsi que pour musser où il appartenoit, d’une serviette à manière de volet bien délié, escripteen plusieurs lieux de lettres grégeoises ; et gettoit cest image, par la mamelle droite, ypocras, autant que le souper dura; et auprès d'elle avoit un autre pilier large, en manière d’un hourd, sur quoy estoit attaché, à une chaisne de fer, un lyon vif, en signe d’estre garde et défense de cest image ; et contre son pilier esloit escrit en lettres d’or, en une targe : « Ne touchez à ma dame. »

Mondict seigneur donques, madame la duchesse, et toute leur noble compaignie, mirent assez longuement à visiter ces entremets. Toute la sale estoit pleine de nobles gens, et peu en y avoit d’autres. Là estoyent cinq hourds bien ordonnés pou ceux qui ne voudroyent point

seoir à table, qui tantost furent pleins d’hommes et de femmes, dont la plus-part estoyent déguisées ; et tant et sçay, qu'il yavoit des chevaliers et des dames de grand'maisons, et qui là estoÿent venus de loing, les uns par mer el les autres par terre, pour veoir la feste, dont il estoit grande renommée. Pour le faire brief, après que chacun eut assez regardé les entrcmets, les maistres-d’hostel, qui la besongne conduisoyent, vindrent faire l'ordonnance de l'assiette.

Au milicu de la moyenne table s’assit mondict seigneur le duc, et à sa dextre s’assit Madamoiselle, fille de monsieur le duc de Bourbon ; après elle monsieur de Clèves, madame de Ravestain, nièce de madame la duchesse et femme de monsieur Adolf ; etimadame la duchesse fut assise à la senestre du duc, avec madame de Charny, mademoiselle d'Estampes, monsieur de Sainct-Pol, madame de Beures, femme de monsicur le bastard de Bourgongne ; monsieur de Pons, et madame la chancelière. À la grande et seconde table fut assis monsieur de Charolois, monsieur d’'Estampes, monsieur Adolf, monsieur de Fiennes, monsieur le bastard de Bourgongne et monsieur de Hornes, meslés avec grand nombre de dames el de damoiselles, el aussi tant d’autres chevaliers, que les tables estoyent pleines d’un costé et d'autre ; et pareillement à la troisième table furent assis escuyers et damoiselles ensemble, en telle façon que les tables furent fournies.

Quand chacun fut assis, ainsi que dict est, en l’église (qui fut le premier entremets), sur la principale table, sonna une cloche très-haut ; et, après la cloche cessée, trois pelis enfans et une teneur chantèrent une très-douce chanson ; et lors qu'ils l’eurent acomplie, au pasté (qui estoit le premier entremets de la longue table, comme dessus) un berger joua d'une musette moult nouvellement. Après ce, ne demoura guères que, par la porte de l’entrée de la sale, entra un cheval à reculons, richement couvert de soye vermeille, sur lequel avoit deux trompeltes assis dos contre dos et sans selle, veslus de journades de soye grise et noire, chapeaux en leurs testes, et faux visages mis; etles mena et rammena ledict cheval tout au long de la sale, à reculons ; et tandis ils jouèrent une ba- Leure de leurs tr o'upettes ; et y avoit, à conduire

MEMOIRES D'OLIVIER DE LA MARCHE

cest entremets, seize chevaliers vestus de robes de la livrée. Cest entremels acompli, en l’église fut joué des orgues ; et au pasté fut joué d'un cornet d’Alemaigne moult estrangement ; et lorsentra en la sale un luytin, ou un monstre très-défiguré, qui du faux du corps en bas avoit jambes et piés de grifon velus, et grans ongles ; et, depuis le faux en amont, avoit forme d'homme, et avoit vestu une jaquette juste, de soye blanche, rayée de verd, el chaperon tenant en sus. Il avoit estrange barbe et visage ; il portoiten ses mains deux dards et une targe ; il avoit sur sa teste un homme, les piés dessus, qui se soustenoit par ses deux mains sur les espaules du monstre ; et ledict monstre estoit monté sur un sanglier couvert richement de soye verde ; et quand il eut faict son tour parmy la sale, il s’en relourna par où il estoit venu. Quand le luytin s’en fut retourné, ceux de l’église chantèrent, et au pasté fut joué d’une doucine avec un autre instrument ; et tantost après sonnèrent moult haut quatre clairons, et firent une joyeuse bateure, Ces clairons estoyent derrière une courtine verde, tendue sur un grand hourd faict au bout de la sale.

Quand leur bateure finit, soudainement fut tirée la courtine ; et là fut veu, sur ledict hourd, un personnage de Jason armé de toutes armes, qui se promenoit en celle place, regardant au tour de luy, comme s’il fust venu en terre estrange. Puis s’agenouilla, et regarda vers le ciel, et lisit un brief que Médée luy avoit baillé, quand il se partit d’elle pour la Toison d’or conquerre ; el, à son relever , il veit venir contre luy grandset horribles beufs, qui luy vindrent courir sus : et tantost ledict Jason coucha sa lance , et s’apoincta pour combatre ces bestes qui l’assailloyent de merveilleuse force, et si vivement que c’estoit effrayante chose à regarder : car ils geltoyent feu et flambe par les narines et par la gorge : et ledict Jason se deffendoit et combatoit par si belle façon, que tous disoyent qu'il avoit une contenance d'homme de bien. La bataille dura longuement, et tant que ledict Jason getla sa lance contre les beufs, et mit la main à l’espée; et, en soy combatant , luy souvint que Médée luy avoit donné une fiole, pleine d’aucune liqueur ayant telle vertu, qu’au moyen de la-

(1454 dicte liqueur il pouvoit lesdicts beufs matter et subjuguer, et esteindre leur ardant feu , qui luy nuisoit fort. Si prit la fiole : et gelta la liqueur contre les museaux desdicts beufs : et prestement ils se rendirent domptés, veincus et mails : et à tant fut la courtine retirée, et cessa ce mistère pour celle fois. Après ce mistère fut joué des orgues en l’église, par le long et espace d’un motel : et tantost après fut chanté au pasté, par trois douces voix , une chanson tout du long, laquelle se nomme la «“ Sauvegarde de ma vie. »

Puis par la porte dont les autres mets estoyent venus , après ce que l’église et le pasté eurent chacun joué quatre fois, entra dedans la sale un cerf merveilleusement grand et beau, lequel estoit tout blanc, et portoit grandes cornes d’or, et estoit couvert d’une riche couverte verte de soye vermeille , selon mon advis.

Dessus ce cerf esitoit monté un jeune fils de l’âge de douze ans, habillé d’une robe courte de velours cramoisy, portant sur sa teste un pelit chaperon noir découpé, et estoit chaussé de gents souliés. Ce dict enfant lenoit, à deux mains , les deux cornes dudict cerf. Quand donques il entra dedans la sale, lors il commença le dessus d’une chanson moult haut et clair : et ledict cerf chanta la teneur, sans y avoir autre personne sinon l'enfant, et l’artifice dudict cerf ; et nommoit on ladicte chanson qu’ils chantoyent , « Je ne vey onques la pa- « reille, etc. » En chantant, comme je vous raconte, ils feirent le tour par-devant les tables, et puis s’en retournèrent ; et me sembla bon cest entremets, et voulontiers veu. Après ce bel entremets du blanc cerf et de l'enfant , les chantres chantèrent un motet dedans l’église ; et au pasté fut joué d’un luth, avecques deux bonnes voix ; et faisoyent ainsi tousjours l'église et le pasté quelque chose entre les entremets.

Après ce, quand ceux dudict pasté eurent fait leur devoir, sur le hourd auquel l’on monstroit l’histoire de Jason, sonnèrent une bateure les quatre clarrons qui parayant avoyent joué: el, après celle bateure achevée, l’on tira la courline dont devant est faicte mention ; et atant fut veu Jason qui se promenoit, très richement emhattonné , comme à l’autre fois.

Si luy avint, à cest heure , que tout soudai-

nement luy vint courir sus un très hideux et épouvantable serpent. Ce cerpent doncques avoit la gorge et la gueule ouverte, les yeux gros el rouges , et les narines enfléces: et estoit composée et édifiée en telle façon, que par sadicte gueule , et par la plus grande part de

ses conduits, il getloit venin très puant , et

feu et fumées merveillables. Quand Jason regarda ce serpent, et le veit venir et tirer vers sa personne, il se mit en deffense moult bien, et très ordonnément : et là se commencèrent à combatre ledict Jason el le serpent : et en ce feirent si bon devoir, que ce ne sembloit pas mistère ; ainçois sembloit trop mieux une très aigre et mortelle bataille. Et, pour l’assouvissement de leur personnage, Jason luy gelta sa lance , puis le combatit de son espée, et tint manière de soy remembrer d’un anneau que Médée luy donna, servant à ceste bataille. Si le monstra au serpent , et prestement il fut vincu : et lors Jason le férit tant de son espée, qu'il luy coupa la teste devant tous, puis luy arracha les dents, et les meit en une gibecière qu'il portoit ; et atant fut la courtine retirée, atant joué des orgues en l’église, et au pasté jouèrent de flustes quatre ménétriers.

Puis par le haut de la salle partit, d’un bout, un dragon ardant qui vola la plus part de la longueur de la sale, et passa outre , tellement que l’on ne sceut qu’il devint ; et lors chantèrent ceux de l’église, et au pasté jouérent de vielles les aveugles. Après , à un des bouts de la sale en haut, partit tout en l’air un héron qui fut escrié de plusieurs voix , en guise de fauconniers : et tantost partit, d’un autre bout de la sale , un faucon qui vint toupier et prendre son vent; et d’un autre coslé partit un autre faucon qui vint de si grande roideur, et férit le héron si rudement, qu’il l’abatit au milieu de la sale ; et, après la criée faicte, ledict héron fut présenté à mondict seigneur ; et alors fut encore une fois chanté en l’église, et au pasté jouérent trois tabourins ensemble.

Après ce, sonnèrent les quatre clairons sur le hourd ; et, leur bateure achevée , fut tirée la courtine ; et là fut veu Jason, armé et embattonné, qui les beufs avoit attaché à une charrue qu'il tenoit et gouvernoit à guise de laboureur, et faisoit les beufs aler et tirer. Quand ileut labouré la terre, il abandonna

494 MÉMOIRES D'OLIVIER DE LA MARCHE

n'arresla, jusques il vint devant la table de Monsieur; et là s’asserablèrent plusieurs gens, eux émerveillans que celle dame pouvoit estre. Parquoy, si tost que son éléphant fut arresté , elle commença une complainte telle que cy-après est escrile. *

les beufs , et prit les dents qu'il avoit arrachées au serpent, et les sema parmy la terre qu’il avoit labourée; et, selon ce que ledict Jason aloil avant en empleyant la semence desdictes dents, Sourdoyent et naissoyent gens armés et embattonnés ; et regardérent l’un l’autre, ets’entrecoururent sus si fièrement, qu’ils se firent le sang couler , et 4 la fin s’entretuerent en la présence de Jason (qui les regarda, quand il eut semé les dents ); et, prestement qu'ils se furent tous abatus et occis devant luy, la courtine fut retirée.

Le mis tre acomply, l’on joua des orgues en l’église ; et au pasté fut faicte une chace telle, qu'il sembloit qu’il y eust petits chiens glatissans, el braconniers huans, et sons de trompettes , comme s’ils fussent en une forest; et par celle chace finit l’entremets dudict pasté. Tels furent les entremets mondains de celle fesle; et laisseray atant à en parler, pour conter d'un entremels pitoyable qui me semble le plus espécial des autres, et fut tel.

Par la porte où tous les autres entremets esloyent passés el entrés, vint un géant plus grand, sans nul artifice, que je visse onques, d’un grand pié, estu d’une robe longue de soye verde, rayée en plusieurs lieux ; et sur sa lesle avoit une tresque, à Ja guise des Sarrasins de Grenade ; et en sa main senestre lenoit une grosse grande guisarme, à vieille façon; et à la dextre menoit un éléphant Couvert de soye , sur lequel avoit un chasleau, où se lenoit une dame, en manière de religieuse, vestue d’une robe de satin blanc ; el par dessus avoit un manteau de drap noir, et atesteavoit affuléed'unbla c courechef, à la guise de Bourgongne, ou de recluse; et si tost qu'elle entra en la sale, et elle veit Ja noble compaignie qui y esloit, lors, comme nécessairement embesongnée, elle dit au géant qui la menoit :

Géant, je veuil cy arrester :

Car je voy noble compaignie

A laquelle me faut parler.

Géant, je veuil cy arrester :

Dire leur veuil et remonstrer Chose qui doit bien estre ouye.

Géant, je veuil Cy arrester; Car je voy noble compaignie.

Quant le géant ouyt la dame parler, il la re-

Barda moult effrayément; et toutes voyes il S

Hélas ! hélas ! moy douloureuse, Triste, déplaisante, ennuyeuse, Désolée, las, peu-heureuse, La plus qui soit !

Chacun me regarde et me voyts Mais ame ne me recongnoit, Et me laisse on sur cest endroit En tel! langueur, Qu’ame vivant n'eut onques tell’ douleur J'ay cueur pressé d’amertume et rigueur, Mes yeux fondus, flestrie ma couleur, Qui bien y vise.

Oyez mes plaints, vous tous où je ravise.

Secourez- moy, sans le mettre en feintise ; Plourez mes maux; car je suis Saincte-Eglise . La vostre mère, Mise à ruine et à douleur amère, Foulée au pié par aspre vitupère; Et mes griefs maux porte, souffre et compère, Par vos dessertes.

Petitement vous souvient de mes pertes, Lesquelles sont si clères et apertes ;

Mes manoirs ars, et mes places désertes,

Et mes enfans Mors et noyés, et pourris par ies champs, Où sont chartriers foiblement Dieu croyans.

Mon dommaine est ès mains des mécroyans.

J’en suis chacée Honteusement, comme pauvre égarée; Mussan!, fuyant, par dure destinée; Si lassée, si esteincte et grevée, Qu’à peine say Dire les maux où je suis, et que j'ar.

Plus me complains, et moins de secours j'ay.

Ma pauvreté toutesfois maintiendray, Pour essayer Lesquels premier se voudront empleyer A secourir Saincte-Eglise, et aider :

Qui ne requiers le travail sans mestier.

Ainsi je cours De lieu en lieu, et puis de tours en tours, Criant premier l'Empereur au secours:

Et puis après je gette cris et plours A toute outrance, Pour estre ouye, et avoir allégeance Devant le très-chrestien roy de France Victorieux , où j'ay bien ma fiance, Et doys avoir.

Puis chemine, sans guéres remanoir, Aux autres roys, pour leur faire sçavoir Le grand meschef où me faut remanoir:

Et puis reviens Aux ducs, comtes, et puissans terriens, Princes, marquis, aux grands et aux moyes, Généralement, à tous bons chrestiens.

Pour remembrance Du Créateur (qui est nostre espérance), Que tout chacun s’appareille et avance j Pour le secours, qui est ma désirance.

Or suis joyeuse Que puis faire ma complainie piteuse Devant toy, duc, dont je suis désireuse, Mets en mes mots entente savoureuse :

Et je l'en prle.

Aussi fay-je a ceste compaignie.

Pour moy aider l’un à l’autre s'allie; Car Dieu le veut, et nuls bien faicts noublie.

Ainsi me va, par le divin vouloir,

Qu'à ce banquet je me suis embatue,

Venant de loing par cffrayé pouvoir, Cherchant les lieux où cueurs sont à mouvoir A secourr’ moy doulente et éperdue.

Loué soit Dieu que je suis Cy venue;

Car avis m'est que j'ay fait le voyage

Pour racheter mon ennuyeux dommage.

O toy, à toy, noble duc de Bourgongne,

Fils de l'Eglise, et frère à ses enfans,

Entens à moy, et pense à ma hesongne.

Peins en ton cueur la honte et la vergongne, Les griefs remords, qu'en moi je porte et sens. Infidelles, par milliers et par cens,

Sont triomphans en leur terre damnée,

Là où jadis souloye estre honnurée.

Et vous, princes puissans et honnorés, Plorez mes maux, larmoyez ma douleur.

Ma joye n’est, s'emprendre ne voulez,

En moy vengeant (ce que faire devez), En servant Dieu, et aquérant honneur.

Par mes enfans je suis en ce mesheur ; Par eux seray (si Dieu plaist) secourue, Si requiers Dieu, de conscil estre acreue.

Vous, chevaliers qui portez la Toison, N'oubliez pas le trés-divin service;

Et vous aussi, nés de bonne maison, Gentilshommes, voicy belle ochoison Pour acquérir de los le bénéfice.

Mon secours est pour jeunes gens propice.

Les noms croistront, et l'ame enrichira Du service que chacun me fera.

Dont en amour de Dieu premièrement, Eten faveur de nom et de noblesse,

Je te requiers acertes fermement,

Mon aimé tiis, pour mon recouvrement,

Et vous, seigneurs, pour loutc gentilesse.

Par tout m'en vais; car 4 l’œuvre ine presse Mon faict plteux. Hélas! qu'on ne l'oubiie.

Sous tel espoir, Dieu vous doint bonne vie!

La lamentation de nostre mère saincle Eglise faicte, en la salle entrèrent grand nombre d’officiers-d’armes , desquels le dernier esloit Toison d’or, roy d’arines. Ce Toison d'or porloit en ses mains un faisan vif, et aorné d’un très riche collier d’or, très richement garni de

pierreries et de perles ; et après ledict Toison d’or vindrent deux damoiselles, c’est-à-sçavoir madamoiselle Yoland, fille bastarde de mondict seigneur le duc, et Ysabeau de Neufchastel, fille de monsieur de Montagu, adextrées de deux chevaliers de l’ordre de la Toison d’or ; c’est-à-sçayoir monsieur de Créqui et messire Symon de Lalain. En telle ordonnance vindrent lesdicts officiers d'armes et ledict Toison d'or, avecques le faisan, jusques devant monsieur le duc, auquel ils firent la révérence; puis luy dit ledict Toison d’or, en ceste façon :

« Très haut et très puissänt prince, el mon

» très redouté seigneur, voicy les dames qui » très humblement se recommandent à vous ; * et pour ce que c’est la coustume, et a esté » anciennement, qu'aux grandes fesles et no- » bles assemblées on présente aux princes, » aux seigneurs et aux nobles hommes le paon, » ou quelque autre oiseau noble, pour faire » vœus utiles et valables, elles m'ont icy en- » voyé avec ces deux damoiselles , pour vous » présenter ce noble faisan, vous priant que » les veuillez avoir en souyenance. » Ces parolles dictes, mondict seigneur le duc (qui sayoir à quelle intention il avoit fait ce banquet) regarda l'Eglise; et, ainsi comme ayant pitié d'elle, tira de son sein un brief contenant qu’il vouoit qu’il secourroit la chreslienneté, comme il sera dict cy-après; dont l'Eglise fit manière de soy réjouir, el voyant que mondict scigneur avoit baillé à Toison d’or son vœu , et que ledict Toison d’or le lisit, elle s’escria tout haut, et dit :

Dieu soit loué, et ser vi hautement

De toy, mon fils, doyen des pers de France!

Ton très-haut vœu m'est tel enrichiment,

Qu'il me semble que je suis clérement

De tous mes maux à pleine délivrance.

Par tout m’en vais requérir aliance,

Et prie à Dieu qu’il te donne la grâce Que ton désir à son plaisir se face.

O vous princes, chevaliers, nobles hommes, Voyez patron pour hauts faicts entreprendre.

Rompez vostre aise, acourcissez vos somines, Levez vos mains, tandis que nous y sommes.

Offrez à Dieu ce que luy devez rendre.

Je prens congé; car cy ne puis descendre, Mais vais tirant la terre chrestienne,

Pour Dieu servir et abréger ma peine,

A ce mot, le géant reprit son éléphant, et le remmena par-devant les tables, en la manière

MEMOIRES D'OLIVIER DE LA MARCHE

qu’il estoit venu. Quand j’eus veu cest entre- ! pense, sans y trouver entendement de vertu,

mets (c'est-à-sçavoir l’église) et un chasteau sur une si diverse beste, j'arguay en moy si je pourroye comprendre que ce vouloit dire: et ne peus autrement entendre, fors que celle beste (qui nous est estrange et diverse pardeçà )

elle avoit emmenée , en signe qu’elle travaille

et labeure sur grandes et diverses adversités, en la partie de Constantinoble (lesquelles adversités nous congnoissons); et le chasteau en quoy elle estoit signifioit Foy. En outre, par ce que ceste dame esloit conduite el menée par ce grand géant, ayant la main armée, j’entens qu’elle donnoit à congnoistre qu’elle doutoit les armes des Turqs, qui l’avoyent chacée, et qui queroyent sa destruction.

Quand donques elle se fut partie d’ilec , les nobles hommes, à tous costés, par pilié et compassion, encommencèrent à faire vœus, et ensuyvir mondict seigneur le duc, chacun sclon sa faculté ; et mirent ces vœus par escripl, ainsi comme il sera dict cy-après. Mais pour ce que tant de vœus se firent, ou s’appareillèrent de faire, que la chose eust eslé trop longue, mondict seigneur fit crier par Toison d’or que la chose cessast atant, el que tous ceux qui voudroyent vouer büaillassent le lendemain leurs yœus audict Toison d’or ; et il les lenoit valables, comme s'ils eussent esté faicts en sa présence.

Pour abréger mon escripture , tantost après le cry dudict Toison d’or le banquet fut assouvi , les nappes furent levées, et chacun fut en pié par la sale ; el quant à moy, ce me sembla lors un songe : car de tous les entremets des tables 1l n’y demoura sinon la fontaine de verre. Quand je ne veys rien plus de nouveau à quoy passer le temps, lors commença mon entendement à mettre devant mes yeux plusieurs choses touchant ceste malière. Premièrement je pensay en moy-mesme les outrageux excès et la grande despense qui pour la cause de ces banquets ont esté faicts puis peu de temps : car celle manière de chapelels avoit à très-lonsuement duré, dont chacun s’efforçoit à son ordre , et mettoil peine de recevoir la compaignie plus hautement ; el principalement mondict seigneur avoit fait si grand appareil, coust et assemblée, que je nommoye cesle chose outrageuse cl déraisonnable des-

sinon touchant l’entremets de l'Eglise, et des vœus ensuyvans de ce; et encores me sembloit si haute entreprise trop soudainement commvncée.

En celle pensée et imagination demouray longuement, et tant que je me trouvay d’aventure auprès d’un seigneur conseiller et chambellan, et bien privé de mondict seigneur le duc, auquel j’avoye assez d’acointance.

Lors je me pris à deviser avecques luy, et luy racontay la fantaisie cn quoy j'estoye: et quand je luy eus tout dict , il me fit ceste response :

« Mon amy, saches (et je le l’afferme en foy » de chevalier) que ces chapelets , banquets el » festeyemens, qui se sont menés et mainte- * nus de longue main, n’ont esté sinon par la ferme entreprise et secretle désirance de monsieur le duc, pour parvenir à faire son banquet par la manière qu’on a cy-veue, désirant grandement et de tout son cueur conduire à effect un ancien sainct propos qu'il a eu de servir Dieu nostre Créateur :

lequel propos a esté et peut estre congnu par le vœu dont maintenant il a fait publication : c’est-à-sçavoir pour le bien de la chrestienté , et pour résister aux entreprises des ennemis de nostre foy; et dès pieçà a bien monstré le grand désir qu’il en avoit, comme d’y envoyer, et soudoyer navires et gens-d’armes très-longuemenf. Mesmement il y a trois ans, ou environ, qu’en la vile de Mons en Hainaut, mondict seigneur tint la feste de l’ordre de la Toison d'or. Et là furent assemblés grand nombre de chevalerie, portans iceluy ordre. Et, à la messe du » jour, monsieur l'évesque de Chalon, chancelier d’icelle, proposa , en sermon général, la grande désolation et ruine en quoy l'Eglise militante estoit, en requérant les chevaliers dudict ordre, et autres, pour le confort » d’icelle nosire mère désolée. Et sur ceste matière par iceux chevaliers furent prises » de moult belles conclusions pour le service » de Dicu augmenter et Ja foy maintenir : des- : quelles choses mondict seigneur fut toujours » principal émouveur, et le premier délibéré » d’y empléver corps et chevance. Depuis lors » (comme il est certain ) lui est survenu la ré

LA Ca

Ed ”

La L 4