CHAPITRE XXVIII
De la bataille de Gavre, gaignée par le duc de Bourgongne sur les Gandois ; et comment paix fut faicte entre iuy e’ eux.
Si lairrons un peu à parler des Gandois, et re. lournerons au siège. Et fut vray que quand L: capitaine de Gavre se fut parti du chastel pa: la manière dessus-escripte, ceux qui demourt-
482 MEMOIRES D'OLIVIER DE LA MARCHE
rent audict chastel commencèrent à murmurer et à s'ébahir, et disoyent que leur capitaine et autres leurs compaignons les avovent trahis et abandonnés, et commencèrent à parlementer ; et aucuns se voulurent avaler par la muraille, pour eux rendre à nostre parli ; et, pour abréger, se rendirent à la voulonté du duc de Bourgongne. Si furent tous pris et emprisonnés, et le chastel saisi, qui à la vérité n’esloit guères empiré de l'artillerie ; car les murs sont bons, et de pierre de taille ; et ce qui plus les grevoil furent morliers et engins volans, dont ils furent baudement servis.
Le lendemain au matin furent lous pendus iceux Gandois, et autres tenans leur parli ; car il y avoit des Anglois ayecques eux , et aucuns fugiüifs criminels des païs du duc, et nommément un trompette nommé Aloguet, qui avait servi le bon chevalier (que Dieu absolve) messire Jaques de Lalain; et se partit de luy pour ses démériles. Ainsi furent pendus ceux qui furent trouvés au chasteau de Gavre; et fut par un mardi vingt-deuxième de juillet; et estoit si matin, que les plusieurs qui regardoyent faire la justice n’avoyent point encore ouy de messe. Et ainsi et à celle heure que l’on pendoit ledict Aloguet, et ainsi que le dernier de tous, à mon avis bien quarante, vindrent nouvelles, à petit effray, que les Gandois estoyent issus de Gand pour venir combatre leur seigneur. Si courut chacun aux armes ; et fut ordonné messire Symon de Lalain pour aler au-devant à cinquante chevaux, pour veoir leur convine. Ce qu'il fit bien; et de leur estat et maintien fit ce jour par plusieurs fois sçavoir, comme celuy qui bien le savoit faire, et qui se congnoissoit au mester. |
Ordonnances furent faictes. Et premièrement prit l'avant-garde place, que conduisoit le mareschal de Bourgongne et le seigneur de Cimay ; et furent avecques eux de grands scigneurs el de grands personnages de Bourgongne, de Picardie et de Hainaut ; et furent d’icelle avant-garde envoyés devant, comme sur un aclle, à la main dextre, les seigneurs de Beauchampetd’Espiry, qui avoyent en charge cent lances de Bourgongnons, ou environ. À la main senestre, Lirant à la riv.ère de l'Escaud, fut un autre aclle d'environ mille archers de pié ; et les conduisoit messire Jacques de Lu-
xembourg. Etentre ces deux compaignies estoit un comle de Petite-Pierre, aleinand, qui estoit venu servir le ducenicelle armée, et avoit cent chevaux, et non plus, tant hommes-d’armes comme cranequiniers. En l'avant-garde furent bannières dépleyées, et toutes enseignes el parures, à qui mieux mieux ; et plus derrière estoit la bataille, où estoit le duc de Bourgongne, le comte de Charolois son fils, le comte d’'Estampes, messire Adolf de Clè,es, messire Jchan de Coimbres, le bastard de Bourgongne, et moult d’autres grands personnages. Là furent bannières dépleyées en grand nombre ; et portoil le seigneur de Haubourdin la bannière du duc, et le seigneur de Crèvecueur celle du comte de Charolois. Bertrandon portoit le pennon, et Hervé de Mériadec portoit l’estendard. Ce jour, furent moult de chevaliers faicts, comme messire Jacques de Luxembourg, Thibaut de Neufchastel, maréchal de Bourgongns,; Louis, seigneur de La Gruthuse, qui ce jour fit l’arrière-garde, à grosse compaignie de Flamans et autres. Lifureut chevaliers les seigneurs de Rougemont, de Soye, de Rupt, et le seigneur de Goux (qui depuis fut chancelier de Bourgongne); le seigneur de Chandivers, Tristan de Toulongeon, seigneur de Soey ; et si grand nombre d'autres, que je ne sçay le tout ramentlevoir.
Si lairrons à parler de l’ordre de la bataille, et reviendrons à l'exécution; qui fut telle, que messire Symon de Lalain (qui conduisoit les chevaucheurs) chevaucha le plus diligemment, et par le meilleur ordre qu'il peut, contre les ennemys; etrencontra en sa personne les chevaucheurs gandois ; et venoit, tout devant, Jehan Osf, anglois, qui avoit promis de mettre aux champs le peuple gandois. Ledict Anglois leva la main en signe de seureté, et s’ayança audict messire Symon, et luy dit : « J'ameine » les Gandois comme je l’ay promis. Si moe » faictes conduire au duc de Bourgongne; car » je suis son serviteur, et de son parti. » Messire Symon bailla deux hommes, qui l’Anglois conduisirent à sauveté; et Jehan Van Nielle (qui conduisoit les chevaucheurs gandois) ct leurs gens-de-cheval marchoyent, et gaignoyent tousjours place sur messire Symon de Lalain, qui les faisoit escarmoucher en refrayvant, et en tirant hors du grand chemin,
couvert d’une grosse haye; et par celle haye ne pouvoyent veoir Gandois les batailles, ni les gens-d’armes.
Sicommencèrent Gandois à passer au champ, à pié el à cheval ; et se metloyent ces picquenaires en bataille, et en peu d’heure se trouvérent si grand nombre elsi serrès. qu’à grandpeine voyoitonle jour par entre les picques elles glaives; et avint que Jehan de La Guysèle, un escuyer de Hainaut, en escarmouchanl sur les Gandois de cheval, chargea sur un hommed'armes ; maisla gourmette de son cheval rompit, et ainsi ne le peut tenir qu'il ne fust des gens-de-pié pris, enclos el assommé.Là aborda l'artillerie des Gandois ; et par trois fois ct à trois reposées marchérent les Gandois, gaignant place ct champ sur les escarmoucheurs ; n’onques les batailles ni les ordonnance ne se bougèrent. Bien fut vray que le mareschal de Bourgongne manda au seigneur de Beauchamp et au seigneur d’Espiry qu’ils reculassent leurs enseignes et leurs compaignies, pour plusavant attraire les Gandois; mais le scigneur de Beauchamp respondit que l'on l'avoit trop ayancé pour reculer; cl combien que la response meust de haut ct vaillant courage, el que tout bien prist de celle chose, si fut il conscillé de prier mercy au duc, dea désobéissance qu'il avoil faicte à son mareschal; et ce veuil je bien escrire pour monstrer aux jeunes gens qui mes Mémoires liront, que, selon l'arbre de bataille , nulle chose n’est estimée bien faicte, contre le commandement du chef et de ses licutenans.
L’artilleric des Gandois liroil à grand’force. Si fut avisé d'envoyer de la légère artillerie devant les premières compaignies ; et si tost que ladicte artillerie fut assise et qu’elle com-
mença à tirer, les Gandois s’ouvrirent, et se | deréglérent de leur ordre. Si chargèrent les |
seigneurs de Beauchamp et d’Espiry dedans moult-vivement. Là fut chevalier messire Phihppe de Lalain, frère du bon chevalier messire Jaques, dont ci-dessus est assez escrit; et à celle cherge fut tué d’un canon un escuyer bourgongnon, nommé Jehan de Poligny. Or, reviendrons aux mille archers qui estoyent à pied, sous la conduite de messire Jaques de Luxembourg , nouveau chevalier. Le chevalier et sa bande marchèrent et coururentau-devant
leurs ennemys moul! vaillamment, crians et tirans de force et de courage ; et, à la vérité, là cheut la grande puissance des Gandois; car tous tirèrent contre la rivière. Là eut grande presse et dure deffense , et là fut tué d’une picque un escuyer flamand, nommé Olivier de Launoy, homme-de-bien , et fort renommé.Là abondit l'avant-garde, les bannières et les estendars.Si furent les Gandois rompus et mis en fuite ; et s'enfuit Jehan Van Nielle et ses gensde-cheval, et nagèrent la rivière; et là enlroyont les Gandois, armés de leurs jaques, haubergcons, panciers et hunettes ;et s’avanturoyent de nouer, en tel eslat, la rivière; mais les archers les luoyent, noyoyent et assommoyent comme besics, sans mercy ét rançon ; et, en nageant parmy l’eaue, on les tiroit de flèches, si que peu se sauvèrent par nager.
Le duc de Bourgongne, qui moult estoit loing de l'avant-garde , fit crier «Nostre-Dame! Bourgongne!» et marcha avecques sa bataille ; et furent les archers moult travaillés d’avoir si loing marché à pié ; et furent les bannières el les enseignes premières sur les ennemys, que les archers de la bataille ; et, durant le temps que les premiers estoyent ensoingnés à ceux qui avoyent pris le bord de ia rivière, une grosse compaignie de Gandois se trouva retraite d’avanture en un préail assez grand et spacieux. Celuy préail estoit clos de la rivière de l’Escaud en tournoyant , et par devant avoit une grasse haye d’espines fosselée , et moult forte à passer ; et n’y avoit que deux entrées très-estroictes par où l’on peust devers eux passer. Les Gandois (qui là se trouvèrent bien deux mille hommes, et ne pouvoyent plus ayant eux retraire ne fuir par la rivière), prirent cueur, et mirent en deffense moult vigoureusement. Là s’avancérent messire Pierre de Miraumont, Jaques de Fallerans, le Moyne de Neufville, et autres nobles hommes-d'’armes. Mais certes ils furent durement recueillis de picques et de masse crestelées par lesdicts Gandois ; et furent leurs chevaux enfondrés et occis , el les hommes-d’armes abatus et navrés moult - dangereusement. Là s’arresla le duc de Bourgongne, son fils, et toutes lesbanr.ères dc la bataille.
Le duc de Bourgongne voyant ses cennèmys
et rebelles devant ses yeux, donna de l’esperon, Sans autre conseil prendre, etentra dedans le préail. Il estoit richement armé et monté ,et moult bel et chevaleureux chevalier ; et certes quand les Gandois le virent venir ils le recongauren!, et s’arrestèrent tous devant sa noble personne. Mais le venin, confit en longue obstination qu'ils avoyent au cueur, fut subitement maistre de la raison. Si luy coururent sus moult asprement ; et le bon duc (qui fut un des vaillans chevaliers de son temps) se férit entre eux, non pas comme prince, ou personnage de prix ou d'estime tel qu'il estoit, mais comme un homme chevaleureux , tout plein de hardement et de prouesse ; et les Gandois féroyentsur le noble prince, de grand et de félon courage ; et luy nayrèrent son cheval en plusieurs lieux. Là estoit Bertrandon, le pennon au poing, près de son maistre, pour enseigner et monstrer le prince, et où il estoit. Là vint le seigneur de Haubourdin atont la bannière ; et Hector de Mériadec atout l’estandar. Là entra le noble comte de Charolois (qui moult aigrement chaçoit enseignes et gens-d’armes au secours du duc son père), et aborda des premiers en la place, et fut blécé d’une picque au pié, par-dessous. Là vey-je messire Anthoine de Vaudrey donner au travers des Gandois moult chevaleureusement. Lä entrèrentles bannières du comte de Charolois, et des autres princes et seigneurs ; et sur ce poinct abordèrent les archers de la bataille, qui estoyent venus à pié, et de loing. Si commencèrent à lancer et à traire, de moult grand courage.Là vey à pié deux hommes-d’armes de nom ; et de plus ne m'en souvient. L'un fut messire Jaques de Foucquesolles (qui portoit le guidon de messire Tibaut de Luxembourg, seigneur de Fiennes); et l’autre fut messire Philebert de Jaucourt, seigneur de Villarnou. Ces deux marchèrent chevaleureusement sur les ennemys.
Si commencèrent , du traict des archers, les Gandois à perdre gens et place, et reculérent pour adosser la rivière ; et se combatoyent et deffendoyent Gandoiïis moult vaillamment, et moult navrèrent et blécèrent de gens et de chevaux ; et certes un Gandois, vilain et de petit estat, et sans nom pour estre recongnu, fit ce jour tant d’armes, tant de vaillance ct d’outragr, que si telle aventure estoil advenue
MÉMOIRES D'OLIVIER DE LA MARCHE
à un hommme de bien, ou que je le sceusse nommer, je m'’aquileroye de porter honneur à son hardement ; car vaillance est entre les bons si privilégiée, et de telle authorité, qu’elle doit estre manifestée, publiée et dicte de petite personne ou de petit estat, comme des plus grans.
- Ainsi dura ceste bataille, en cestuy endroit, longuement; car (comme dict est) le lieu estoit fort d'entrée et de closture, et se vendoyent Gandois pour leur dernier jour. Mais finalement le préail fut tel, que les Gandois furent occis sur la place, sans ce qu’un seul en réchapast, par prison ou autrement. Et certes la bataille ne se combatoit plus autre part, car les Gandois estoyent tous déconfils ; et n’aborda point la seconde compaignie, qui se partit de Gand (comme il est escrit cy-dessus) à la bataille; mais s’enfuirent de l’effroy des fugitifs, et furent chacés par aucunes compaignies de l’avant-garde, qui moult en prirent et ocrent Si fut tard, et se relraït chacun en son logis ; et furent les bannières mises sans repleyer devant, qui estoit moult belle chose, à veoir le reflamboy de diverses armes des nobles princes et scigneurs qui bannières portoyent. Aussitost que le bon duc fut en son logis retourné, et après avoir rendu louenges à Dieu de sa haute victoire, il manda son conseil; et servoit alors de premier chambellan le seigneur de Charny ; et messire Pierre, seigneur de Goux, fut là le principal du conseil pour les clercs. Si dit le bon duc tout haut telles parolles, ou semblables :
« Celuy Dieu qui nous a aujourd'huy pour- » veus de victoire me doit grâce à ce jour de le » recongnoistre, et de faire chose qui luy soit » agréable. Or, congnoissant iceluy Dieu mon » créateur Jésus-Christ tout piteux et miséricors, en ensuyvant son plaisir et commandement, en combien que par la divine aide j’ay la main au-dessus de mes rebelles les Gandois, toutesfois je veux » user de grâce et de miséricorde; n’onques » je n’eus pitié d'eux ni de leur cas jusques à » ceste heure. Si veux que lettres soyent faic- » Les adréçantes à la vile de Gand, conte- » nans que : sans avoir regard à l'avantage » que j’ay par la victoire, mais pour l’hon:
peur de Dieu seulement, tout tel semblable
» traicté que je leur ay acordé à l'Isle et ail- » leurs en lcur plus grande prospérité, je le » veux tenir el acomplir. »
Si furent sur ce lettres faictes, moult bien causées et devisées ; car certes ledict messire Pierre de Goux fut l’un des adroits hommes de conseil qui fust en son temps. Le lendemain, au poinct du jour, sonnèrent les trompeltes à meltre selles, et puis à cheval; et se partit le duc, son fils, et toute la seigneurie, atout leurs bannières au vent, et tirèrent contre Gand en moult bel ordre. Messire Gauvain Quieret, seigneur de Dreul, conduisoit les coureurs: et esloil avecques luy le roy-d’armes de Flandres, vestu de sa cotte-d’armes, et portoit les lettres; et estoit introduit pour les présenter à ceux de Gand. Le mareschal de Bourgcngne et le seigneur de Cimay menoyent l'avant-garde, et le duc et la bataille suyvoyent, et le comte d’Estampes faisoit l’arrière-garde. Et quand les coureurs aprochèrent la vile de Gand, ils s’arrestèrent pour veoir la convine de la vile ; et à cest endroit convient que je devise comment se conduirent les Gandois, quand ils sceurent la déconfiture de leurs gens.
Vérité fut que des plus lègers du pié, ou des mieux montés fugitifs de la bataille, vindrent à Gand en petit nombre les premiers, et dirent, à grand effray et à grand peur, les nouvelles de leur déconfiture. Si coururent ceux qui gouvernèrent et qui avoyent authorité lors en la vile, et vindrent aux portes de leur vile, et les fermèrent, et gardèrent à puissance que les fugitifs n’y rentrassent, pour ce qu’ils douloyent qu’ils ne fussent si aigrement poursuivis que les Bourgongnons n’entrassent peslemesle. Ce qui estoit bien possible; car si n’eust esté le détourbier du préail dont cy-dessus est escrit, il estoit plus croyable qu’autrement que qui eust poursuivy la chose, l’on eust entré en la vile, ou par la manière dicte, ou par l’épouventement en général de tous les Gandois; donc pour ces causes furent les portes de Gand fermées. Et certes les coureurs virent, à la porte de la vile, plus de quatre mille hommes sans harnois et sans ballons, qui s’estoyent sauvés de la bataille: et ne les vouloit on remettre en ladicte vile. Si s'approchèrent peu à peu les coureurs, pour sçavoir que vouloit
dire ce grand peuple; ct veirent qu’il estoit vague comme bestes, et ne faloit que les tucr. Si monstrèrent signe, el vindrent aucuns audict seigneur de Dreul, qui luy dirent la convine. Et par iceux furent mandés ceux de Gand à la barrière, et leur porta le héraut les lettres, qu’ils receurent moulthumblementetengrande :
révérence ; et tindrent leur parlement en la vile sur lesdictes lettres ; et assez brief firent response au roy-d'armes: qu'ils supplioyent à leur seigneur, en l’honneur de la passion de Nostre-Seigneur , qu’il se voulsist retraire en son logis de Gavre pour celle nuict, et que lendemain ils iroyent devers luy, et en telle façon qu’il seroit bien content d’eux, le remerciant de la grâce qu'il leur faisoit par ses lettres.
Le bon duc acorda la requeste ; et s’en retourna celle nuict chacun en son logis. Si vindrent devers le duc l'abbé de Sainct-Bavon, le prieur des Chartreux, et autres grans personnages ; et n’acordèrent pas seulement au duc ce qu’il avoit demandé selon les premiers traittés, mais sousmirent le tout à sa voulonté: Et fit le duc en ceste chose petit changement , et tint ce qu’il avoit dict, comme prince de vérité qu’il estoit : et fut l’amendise honorable mise par escrit, ensemble les traittés, le pardon, et toutes choses ; et fut jour pris pour acomplir ces choses escriles.
Or parlerons de l’exécution de cette paix de Gand, et des cérémonies tenues à l’amende honorable faicte par les Gandois. Le dernier jour de juillet , le duc et son armée , en moult bel ordre , et tousjours demourans les bannières dépleyées , se tira contre Gand, et s’arresta à une petite lieue de la vile, et sur le grand-che min qui vient de la porte dessous Sainct- Pierre, pour tirer à Audenarde ; et fit mettre le front de sa bataille au droit du chemin, et en manière d’une aelle, à dextre, son avant-garde et son arrière-garde au senestre; et estoil moult-belle chose à veoir. Le duc fut armé de toutes armes , et fut monté sur le cheval que les Gandois ayoyent navré sous luy à la bataille, qui encores estoit farci d’estoupes en plusieurs lieux, pour le remède de ses playes. Il estoit acompaigné du comte Charles son fils, du comte d’Estampes, de messire Adolf de Clèves, seigneur de Ravestain, de messire Jehan de Portugal, fils du duc de Coïmbres, du bas-
tard de Bourgongne, de messire Nicolas Raulin, seigneur d’Authune, chancelier de Bourgongne , et des chevaliers de la Toison, comme du seigneur de Charny, du seigneur de Haubourdin , du seigneur de Cimay , du seigneur de Launoy, du seigneur de Montagu , du seigneur de Humières, de messire Baudot de Noyelles, et autres. Ceux se tenoyent au front de la bataille devant la bannière, et devant les enseignes du duc; et le mareschal de Bourgongne, noblementacompaigné, conduisoit l’ordre, et amena les Gandois faire leur amende. Et premièrement venoyent à pié l’abbé de Sainct- Bavon et le prieur des Chartreux : et après marchoyent vingt-cinq eschevins , conseillers et houemans, des plus grans et principaux de ladicte vile ; et esloyent iceux vingt-cinq en leurs chemises, nues testes , et deschaux; et après suyvoyent deux mille Gandois vestus de noires robes, déceincis, nues testes, et deschaux. Et tous se mirent à genoux devant le duc, et porta la parolle l'abbé de Sainct-Bavon, qui moult-piteusement et en plourant pria au duc, par trois fois, mercy pour son peu- )le mal conseillé ; et certainement tous lesdicts Gandois, en généralité, se monstroyent repentans de leur méfaict, et déplaisans. Si leur respondit le bon duc que puisqu'ils demandoyent mercy, ils la trouveroyent en luy ; etqu’ils luy fussent bons sugets , et il leur seroit bon prince, el que jamais plus ne luy souviendroit de l'injure par eux commise contre luy. Si furent les bannières des mestiers de Gand aporlées toutes , et baillées au roy-d’armes de la Toison d’or, qui en la présence du duc les fit mettre en un sac, et les fit porter au logis.
Ces choses faictes , s’en retournérent les Gandois moult-joyeux ; et fut la paix criée en leur vile; et firent feux, luminaires et carolles de joye parmy la vile ; et celle nuict plusieurs compaignons s’allèrent festeyer à Gand, cl eurent grand chère. Et le duc de Bourgongne pour celle nuict s'en retourna en son logis à Gavre ; et le lendemain, après disner, se Lira lc duc en sa vile d’Audenarde ; et, par manière de triomphe et de victoire , fit porter devant luÿ, par sesarchers de corps et autres, Jesbannières des mestiers de Gand; et depuis furent portées, la rottié devant Nostre-Dame de Bou-
MEMOIRES D'OLIVIER DE LA MARCHE
longne, et l’autre moitié devant Nostre-Dame de Haulx, où l’on les pouvoit veoir , à l'heure que celte guerre de Gand fut par moy enregistrée ; et de là se tira le duc à l'Isle, et rompit son armée.
En ce temps estoit le seigneur de Crouy à Luxembourg, et y faisoit la guerre aux Alemans : lesquels (comme il est escrit cy-dessus, s’estoyent émeus à l'encontre du duc de Bourgongne ; et pouyoit avoir le seigneur de Crouy mille bons combattans. Si reconquit plusieurs bonnes places par le païs, et se trouva unes trèves acordées de chacun costé jusques à l'Ascension suyvant, par condition que ceux de Tionville et des places qui tenoyent contre le duc promirent , au cas que, dedans iceluy temps de l’Ascension, les Alemans ne les secouroyent par bataille, qu’en ce cas ils devoyent rendre ladicte vile et les places au duc de Bourgongne, ou à son commandement ; et feray fin cy-endroit de ceste matière ; car la bataille ne vint point en iceluy terme : et se rendirent, et se remirent en la main du duc, comme ils estoyent.
Or reviendrons au bon duc, qui estoit à l'Isle, avecques la duchesse sa femme etautres dames : et se faisoyent banquets, jousles, tournois et festiemens grans et pompeux ; et le comte de Charolois y estoit en son verd, et croissoit en jours, et en force de corps ; et l’acompaignoit le bastard de Bourgongne, moult gentil chevalier. Si joustoit le comte trés-souvent ; et à ce mestier estoit renommé, non pas seulement comme un prince ou un seigneur , mais comme un chevalier dur , puissant, et à douter ; et certes il fréquentoit les joustes en iceluy temps, et gaignoit bruit et paix, et enduroit le faix et le travail, et donnoit et receyoit grans COUPS , sans s0y épargner , comme si c’eust estèé un pauvyre compaignon qui desirast son avancemeut à ce mestier. D'autre part il jouoit aux barres avecques les plus forts et les meilleurs rueurs , et le tenoit on des très-bons. Il estoit si puissant archer, que c'estoit merveilles ; et au regard de danses et de mommeries, combien que de sa complexion il n’estoit point adonné à telles oisivetés, toutesfois tenoit compaignie aux grans et petis, à ce qu'ils vouloyent faire : et dansoit trèsbien. II aprit l’art de musique si perfectemeut,
qu'ilmettoit suschansonselmotels, ctayoitl'art perfectement en soy. Tousjours continuoit le service de Dieu, et jeusnoit tous jeusnes commandés pour le moins. Jamais ne se couchoit " qu'il ne fist lire deuxheures devant luy; et lisoit souvent devantluy le seigneur d’'Hymbercourt, qui moult bien lisoit et retenoit ; et faisoit lors lire les hautes histoires de Romme. et prenoit moult grand plaisir ès faicts des Roimmains. Bon compaignon estoit lors ayecques les belles filles, car il n’estoit point marié ; car, luy marié, jamais ne rompit son mariage, ny ne le sceu onques de luy, ne d'assez suflisans pour ouyr parler de tels secrets; et ce je certifie jusques au jour d’huy de mon récit. Il estoit si grand ausmonnier, qu’il donnoit à tous pauvres qu'il encontroit par les viles et par les champs. Il estoit en son vertueux avenir sage, large et véritable; et se nourrit en telles mœurs et en telles vertus, que je n’ay point leu ne sceu si vertueux avénement de prince. Et si Dieu me donne grâce de continuer mon œuvyre, et de réciter les hauts faicts que j’ay veus de luy , en moi aquitant de dire vérité, je monstreray évidemment que bel et délectable fut le verd et la fleur dont le macur et le fruit est de si haute perfection.
En ce temps se maria le duc Jehan de Cléves et Ysabel de Bourgongne, seule fille et hériière du comte d’Estampes ; et se faisoyent grandes chères ct grans festiemens:; ct se mirent sus aucuns convives que l’on appelle banquets, qui commencèrent à pelits fraiz, et montèrent et mulliplièrent en grandes assemblées, et frais de viandes et d’autres mets; et montoyent et croissoyent iceux banquets de chevaliers à seigneurs, et de seigneurs à princes; et de grand à grand multiplioyent en despense, et vouloit chacun monstrer plus grande chose que son par-avant.
De ce temps avint que le pape Nicolas envoya devers le duc de Bourgongne, au licu de l'Isle, un chevalier ; et luy signifia la prise de Constantinoble, qu’avoit faite le Turq nommé l’Amorat-Bay, qui fut fils de celuy qui déconfit les chrestiens en Hongrie, et où fut pris le duc Jehan de Bourgongne, père du duc Philippe; etcomment celuy Turq avoit assailly par plusieurs fois la cité (où il avoit trouvé merveilleuse résistance par les chrestiens); ct
comment Saquam-basac, un mommelus, avoit recommencé l'assaut, et par ce fut la cité prise, et le noble empereur occis, et tous ses enfans; et comment la riche église de Saincte-Sophie avoit esté pillée, violée ct destruicte; et les sainctes reliques, voire le corps de Nostre-Scigneur Jésus-Christ, ruë parmy la rue, par les fiens et ordures, ayecques les pourceaux, sans les meurdres, les injures ct les efforcemens faicts aux chrestienset chrestiennes. Or certes les nouvelles furent piteuses à ouyr; car (comme disoyent les voyagers) c'estoit une moult noble cité que Constantinoble, et avecques la pitié, la destruction du peuple, et l'amoindrissement de la foy chrestienne, faisoit moult à plaindre la mort et destruction du noble empercur el sa personne; car, sans autre prince blasmer ou amoindrir, je juge l’empereur de Constantinoble, vivant, la plus noble personne du monde; car l’empereur d’Alemaigne n'est empereur que par élection, et cesluy de Conslautinople estoil empereur de ligne en ligne, el de père à fils, de plus de cinq cens ans de règne; et puis qu’un empereur précède les rois en nom et en dignité, je cuide avoir fait seur jugement.
Si conclut iceluy chevalier, si le duc et la maison de Bourgongne ayoyent jamais vouloir de servir l'Eglise, qu’il estoit heure de le monstrer par effect. Pareillement envoya l'empereur devers le duc, en iceluy mesme temps, luy signifier ceste chose; et qu'il avoit mandé lousles princes d’Alemaigne au heu de Righensbourg, pour illec conclurre sur le bien et ressource de chreslienté, en poindant et aiguillonnant le duc qu'il ne devoit pas refuser de venir jusques à Righensbourg pour si grand bien, et d'estre à la journée comme les autres, qui autresfois avoit offertde passer en sa personne jusques en Asie. Et combien que pour ces malières le duc eust en ce temps envoyé prélats et chevaliers notables devers l’empereur, et qu’encores y esloyent, toutesfois il couclut el prit en propos de soy-mesme aler en personne à la journée , et de soy préparer pour servir l’église et la foy. Et, pour esmouvoir les seigneurs ct nobles hommes de ses païs et ses subjets à servir Dieu en cette partie, et que de leur volonté el dévolion, ctsans contrainte , ils entrassent au Sainct voyage, prit
conseil de publier son emprise par voye de grande assemblée. Et pour ce que les banquets et festeyemens se continuoyent et s’entresuivoyent de grans en plus grans, et s’approchoit la fin des banquets, pour cheoir en la main du bon duc et clorre la feste, il fit faire ses préparatoires d’entremets el de viandes. Et conduisoyent ceste chose messire Jehan, seigneur de Eaunoy, un chevalier de l’ordre de la Toison, homme sachant et nouvel, et un escuyer nommé Jehan Boudaut, homme moult notable et discret. Et me fit le bon duc tant d'honneur, qu’il voulut que j’y fusse appelé ; et pour ceste matière se tindrent plusieurs consaux, où fut appelé le chancelier etle premier chambellan, qui lors estoit revenu de la guerre qu’il avoit menée en Luxembourg, et dont il est escrit cy-
dessus.Aussi furent à ce conseil des plus grans
et des plus privés appelés ; et, après délibération d'opinions, furent les cérémonies et les mistères conclus tels qu’ils se devoyent faire. Et voulut le duc que je fisse le personnage de Saincte-Eglise , dont il se voulut aider à celle assemblée : et fut une solennelle chose, et qui vaut le ramentevoir, et sert à nostre propos. Si ay enregistré avec ceste Jedict banquet, le plus largement que j’ay peu, afin d’en avoirmémoire.
