CHAPITRE XXX

Ensuyvent une partie des yœus que firent le très-noble et très-redouté prince Philippe, par la grâce de Dieu duc de Bourgongne, de Brabant, etc.; et plusieurs autres grands se.gneurs, chevaliers et gentils-hommes, l'an 1453; et premiérement le vœu d'iceluy prince.

« Je voue tout premièrement à Dieu mou créateur et à la glorieuse vierge Marie sa mère, en après aux dames et au faisan, que si le plaisir du tris-chrestien et très-victorieux prince monsieur le roy est de prendre croisée, et exposer son corps pour la deffense de la foy chrestienne, et résister à la damnable emprise du Grand Turq et des Infidelles, et si lors je n’ay loyal ensongne de mon corps, je le serviray, en ma personne et de ma puissance , audiet sainct voyage , le mieux que Dicu m’en donnera la grâce ; et si les affaires de mondict scigneur le roy estoyent tels qu’il n’y peust aler en sa personne, et son plaisir est d’y commettre aucun prince de son sang, ou autre seigneur chef de son armée , je à son dict commis obéiray et serviray, audict sainct voyage, le mieux que je pourray, et ainsi que si luymesme y estoit en personne. El si, pour ses grans affaires , il n’estoit disposé d'y aler ne d'y envoyer, et qu’autres princes chrestiens à puissance convenable emprennent le sainct voyage, je les y acompaigneray, et m'empleyerai avecques eux à la deffense de la foy chrestienne le plus avant que je pourray, pourveu que ce soit du bon plaisir et congé de monseigneur le roy, et que les païs que Dieu m'a commis à gouverner soyent en paix et seureté. À quoy je travailleray , et me mettray en tel devoir de ma part , que Dieu el le monde congnoistront qu’à moy n'aura tenu ne tiendra ; et si durant le sainct voyage je puis, par quelque voye ou manière que ce soil, savoir ou congnoistre que ledict Grand Turq ayt voulonté d’avoir à faire à moy corps à corps, je, pour ladicte foy chestienne , le combattray , à l'aide de Dieu tout puissant et de sa trèsdouce Vierge mère, lesquels j'appelle tousjours en mon aide. Faict à L'Isle le dixseptième jour de février l’an de l’incarnation de Nostre- Seigneur 1453, signé de ma main.