LE 4 NT
MEMOIRES D'OLIVIER DE LA MARCHE
[1454] Le vœu de monsieur de Charolois.
« Je voue à Dieu mon créateur, et à sa glorieuse mère , aux dames et au faisan , que si mon trés-redouté seigneur et père va au sainct voyage, ainsi qu'il entreprend, et le désire d’acomplir, et ce soit son plaisir que j’y voise avecques luy, que j’y iray, et le servirai au mieux que je pourray, et sauray faire. »
Le vœu de monsieur de Clèves.
« Je voue aux dames et au faisan que je serviray monsieur mon oncle, s’il luy plaist, en cas que les affaires de mon païs le puissent porter. »
Le vœa de monsieur d'Estampes.
“ Je voue à Dieu mon créateur, et à sa glorieuse mère premièrement , et en après aux dames et au faisan, que si le plaisir de mon très-honnoré seigneur et oncle est que voise en sa compaignie au sainct voyäge de la deffense de la foy chrestienne, et résistance de \a damnable emprise du Grand Tu:q et des 1nfidelles, je l’acompaigneray et serviray de ma puissance ; et durant ledict sainct voyage, si je puis sayoir et congnoistre qu'il y ait aucuns grans princes ou grans seigneurs de la compaignie dudict Grand Turg, et tenans sa loy , qui ayent voulonté d’avoir à faire à moy, corps contre corps, deux à deux, trois à trois, quatre à quatre, ou cinq à cinq, je, pour ladicte foy chrestienne soustenir , les combatray, à l’aide de Dieu le tout-puissant et de sa très-douce mère ; lesquels j’apelle tousjours en mon aide, par la manière dessusdicte. ESTAMPES, v
Le vœu de monsieur de Ravestain.
« Je voue, etc. , si mon très-redouté seigneur et oncle va en ce sainct voyage, si c’est son plaisir , que je seray pres d’aler avecques luy tout partout où son plaisir sera. Etsi tantest que mondictseigneur ne puisse aleraudictsainct voyage , et son plaisir soit à moy faire cest honneur de moy y envoyer, je m'offre à le servir de mon corpsetde machevancetantetsiavantqu'il me sera possible. ADOLF DE CLÈVES. »
Le vœu de monsieur le Baslard.
« Je. Anthoine, bastard de Bourgongne,
| voue aux dames et au faisan que si mon très- | redouté seigneur ya en ce saïnct voyage, j'iray
avecques luy , et le serviray de mon corps et chevance ; el au cas qu’il n’y voise , et il luy plaise moy y envoyer, et commander aucune chose sur ce, en quelque manière que ce sait, je m'y empleyeray de tout mon pouvoir, comme tenu y suis ; et, dès le jour que je partiray, je prendray une emprise, laquelle je . porteray tout le voyage durant, pour combatre un Turq, en quelque manière qu'il voudra requerre ; et ce feray sçavoir en lhostel du Turq. » | Le vœu de monsieur de Pons.
« Je voue premièrement à Dieu, aux dames et au faisan, que s’il plaist à mon très-redouté seigneur et puissant prince, monsieur le duc de Bourgongne, aler encontre le Grand Turq, el autre part sur les Sarrasins ; el il me fait tel honneur que j’ale en son service, je le serviray de mon corps tant que ma vie durera, ou qu’il luy plaira. Ztem , si son bon plaisir n’est que je soye en son service, je voue à Dieu comme dessus, en demy an prochain venant, que je ne séjourneray en vile quinze jours passés , jusques à tant que corps à corps j’aye combatu un Sarrasin d’iceluy Turq ou d’autre lieu, selon que je le pourray trouver premier à l’aide Nostre-Dame , pour l’amour de laquelle jamais ne coucheray en lict le samedy , jusques j'aye acompli ce que dict est. Faict le dixseptième de février 1453. »
Le vœu de monsieur de Charny.
Je voue aux dames et au faisan que si mon très-redouté et souverain seigneur monsieur le duc entretient le voyage sainct sur les Infidelles , je le serviray de mon corps ct de mes biens, au cas toutesyoyes que je n’auray maladie, ou loyal ensongne de mon corps: et, en ce cas, j'y envoyerai huict ou dix gentilshommes payés pour un an. »
Le vœu de monsieur de Crouy.
« Je, Anthoine, seigneur de Crouy , considéré le vœu qu’a fait mon très-redouté seigneur monsieur le duc de Bourgongne en ensuyvant iceluy , voue à Dieu mou créateur, aux dames et au faisan, qu’au cas que mondict seigneur le duc entretienne son voyage el armée , que sous les conditions contenues en sondict vœu, qu’il a voué de faire sur les Sarrasins et mécréans , par ainsi que ce soit son
plaisir, j'yray avecques luy et en sa compaignie, et le serviray pour l'honneur de Dieu, en son-dict voyage, de mon corps et à mes despens, un an entier, sans pour ce prendre , ne de luy ne d'autres chrestiens, aucuns gages ou bienfaites ; et obéiray à luy, ou à celuy qu'il Kv plaira ordonner son lieutenant en ceste parue, en tout ce qu'il luy plaira à moy enjoindre et commander , en renonçant à toutes vaines gloires, orgueil, et autres choses mondaines qui en aucunes manières pourroyent empescher ou retarder ce que dessus est dict ; et généralement à toutes autres choses qui me pour royent survenir, excepté mort, prison ou maladie, ou autre empeschement raisonnable, et tel qu’à mondict seigneur et autres princes sembleroit estre digne et suffisant pour excusation ; et tellement que ce sera au plaisir de Nostre-Seigneur, à la salvation de mon ame, et à mon honneur. Tesmoing ceste cédule , signée de ma main. A. DE CROUY. »
Le vœu de monsieur de Cymay.
« Je, Jehan de Crouy, seigneur de Cymay, fays autel et semblable vœu à Dieu mon créateur, et à sa gloricuse mère, aux dames et au faisan, qu’a fait monsieur mon frère, et tel que cy-dessus est contenu ; et au cas que, par maladie ou autre empeschement qui fust si apparent que chacun congnust que je n’y pourroye aler, j’y envoyeray huict gentils-hommes de nom et d'armes à mes dépens, payés pour un an entier, pour servir à l’honneur de Dieu mondict seigneur et prince, sous et par la manière dessusdicte. Tesmoing mon signe cy mis. L. DE CROUY. »
Le vœu de monsieur de Santes
« Je voue à Dieu mon créateur, et à la glorieuse vierge Marie sa douce mère, en présence de très haute et très puissante princesse, des nobles dames et damoiselles qui cy sont, et à ce faisan, que si le roy, ou mon très redouté seigneur monsieur le duc de Bourgongne, prendenl la croisée, pour résister à la puissance et contre l’empereur des Turqgs, ennemys de la saincte foy chrestienne, je les y serviray, et accompaigneray en ma personne l’espace d’un an; et si, à l’occasion de ma vieillesse et foiblesse de corps, je n’y pouvoye aler, si y envoyeray je pour gaigner les par-
dons, et satisfaire aux péchés et deffautes que j’ay par cy-devant commises, et moy aquiter de l'obligation que je doy à la foy de Jésus- Christ à cause du sainct baptesme, deux hommes-d’armes et deux archers suffisamment montés et armés : lesquels je payeray et soudoyeray, par l’espace d’un an, à mes despens. »
Le vœu de monsieur de Créqui.
«“ J'ay ouy etentendu la pitoyable complainte de nostre mère Saincte-Eglise, dontmon cueur a receu atnère et douloureuse déplaisance ; mais quand j’ay sceu le vœu de mon très redouté seigneur, celle douleur s’est ainsi comne cessée ou adoucie pour le grand espoir que j'ay qu'aucun bon et sainct fruit s’en ensuyvra; et combien que chose que faire puisse pourroit peu profiter et valoir à la ressourse et grande désolation d’icelle, neantmoins, pour ce qu’avecques les grans princes de la chrestienté raison est qu'elle soit secourue et servie à sa nécessité des moyens el des petis, je voue aux dames et au faisan que, moyenant la grâce de nostre benoist créateur et de sa benoiste mère, au cas que les besongnes et affaires de mondict très redouté seigneur pourront souffrir qu’il entreprende le sainct voyage dont en son vœu est faicte mention, et il luy plaist moy recevoir en Sa compaignie, je me meltray en son service, à mes despens, en tel cstat et compaignie de gentils-hommes et autres que bonnement faire pourrayÿ, selon les biens que Dicu m'a donnés; et m'y empleyeray en telle façon, à mon pouvoir, que j'espère que Dieu etle monde seront de moyÿ contens ; pourveu toutesvoyes que lors ne soye empesché de mon corps; et s’il avenoit (que Dieu ne veuille), j’y enyoyeray, tant de gentils-hommes comme autres, en tel el si grand nombre que la faculté de ma chevyance pourra porter. »
Le vœu de monsieur ae Haubourdin.
« Je voue à Dieu, mon créateur et à sa glorieuse mère, aux dames el au faisan, que si mon très redoulé seigneur prend la croisée et va en ce sainct voyage, je le serviray de mon corps et de ma puissance tout le mieux que je pourray, ét si mondict seigneur avoit ensongne parquoy il n’y peust aler en sa personne, et il y envoye aucun de son sang en son
MÉMOIRES D'OLIVIER DE LA MARCHE
nom, je luy serviray et obéiray comme je feroye à mondict seigneur, et ne laisseray que je ne yoise audict sainct voyage, en la manière dicte, si méhaing ou prison ne m'en détoure nent; et ne m'en retourneray que je ne m'y soye empleyé un an du moins, si ce n’est pour aucuns grans biens ou profits pour la chrestienté, et par l’exprès commandement ou ordonnance des princes avec qui je seray; el s’il avient que pendant le temps que je seray audict saint voyage il y ait journée de bataille, je feray tant, au plaisir de Dieu, que chrestiens et turqs auront congnoissance de mon nom ; etme mettray en mon loyal devoir, sans passer toutesfois, n’aller hors lordonnance faicte et commandée par.les princes, si je suis en la bataille ou eschelle à l'endroit où le turq soit, que j’aborderay le jour à sa personne. Et si Dieu par sa grâce donne victoire aux chrestiens, et que je puisse veoir que le turq parte de la bataille pour soy sauver {quelque chose qu'il m'en puisse avenir), je ne laisseray la chace de luy (si je ne suis mort, ou si fort nayré que je ne le puisse parfournir, ou que mon cheval me faille en chemin), jusques je l’ayo mort ou prisonnier ; si devanl que je l’ataigne, il ne se sauve en forteresse, ou par si fort pas sage qu’on ne le puisse passer. »
Le vœu de monsieur le chancelier de Bourgongne.
« Pour ce que je, Nicolas Raoulin, obstant mon ancienneté et foiblesse, ne pourroye bonnement aler en personne au sainct voyage que mon très redouté seigneur monsieur le duc de Bourgongne entend faire pour la deffense de la foy chrestienne, ét ainsi ct par la nianière qui déclairée est en son vœu sur ce fait, je voue à Dieu premiérement ,:et après aux dames et au faisan, qu’en mon lieu j’envoyeray, avec mondict très redouté seigneur, en son service audict sainct voyage, un de mes enfans, acompaigné de vingt-quatre gentils-hommes armés et montés suffisamment : et les entretiendray à mes despens, tant et si longuement que mondict seigneur le duc y sera. »
Le vœu de monsieur de Bergues.
« Je voue aux dames et au faisan qu’au cas que mon très redouté seigneur le duc voise cn ce sainct voyage et qu’il luy plaise que je le serve, je le serviray de ma personne, en telle
façon que mondict seigneur le m’ordonnera; el si, par maladie ou outre empeschement, je n’y puis aler, j'y envoyeray et entretiendray douze gentils-compaignons crannequiniers ,un an, à mes despens. »
Le vœu de monsieur de Commines.
« Je, Jehan, seigneur de Commines, voue à Dieu el à la vierge Marie, aux dames et au faisan, que si mon très redouté seigneur monsieur le duc va en ce sainct voyage, qu'ila intention de faire pour résister aux emprises du Grand Turq et des mécréans, je le serviray partout où bon luy semblera (soit par mer où par terre), de mon corps, et à mes despens; et en cas de maladie, ou d'autre empeschement si apparent que chacun congnoisse que je n’y puisse aler, j’y envoyeray quatre gentils-hommes de nom, et À mes despens ; lesquels je payeray tant et si longuement, que l’armée de mondict seigneur s’entreliendra par de là, pourveu que ce soil le bon plaisir de mondict seigneur. »
Le vœu de monsieur de Rocnefort.
Je, Charles, seigneur de Rochefort. tay vœu à Dieu mon créateur, et à la gloricuse vierge Marie, aux dames et au faisan, si que mon très redouté seigneur monsieur le duc va au sainct voyage sur les Infidelles, ennemys de nostre foy ; si son bon plaisir est, j'yray avecques luy, et l’accompaigneray et serviray de mon corps et de ma puissancc ; et au cas que mondict scigneur n’yra en ce dict saint voyage, et mondict très redouté seigneur el maistre monsieur le comte d’Estampes y va ; si c’est son plaisir, j'yray semblablement avecques luy, ot le serviray de mon corps et de ma cheyance, pourveu qu'aucun accident de maladie ou autre pe me survienne, parquoY je ne puisse aler au sainct voyage ; auquel cas j’y envoyeray six gentils-hommes armés et habillés, et les payeray pour un an entier. Et si ainsi est que mondict seigneur d’Estampes trouve lesdicts Infidelles, qui le fournissent pour son vœu c’est asçavoir de combatre deux contre deux, trois contre trois, quatre contre quatre, ou cinq contre cinq), et le plaisir de mondict seigneur et maistre est que je l’acompaigne, en ce cas je seray voulontiers de ceux qui combatront avecques luy lesdicts Infidelles, par Ja manière
dicte, et ainsi que mondict seigneur l’entent. »
Le vœu de Jehan Du Bois.
« Je voue à Dieu, 4 Nostre-Dame, aux dames et au faisan, que s’il est ainsi que mon très-redouté seigneur monsieur le duo de Bourgongne entreprenne et voise au sainct voyage ordonné pour la deffeuse de la foy chrestienne, et que son plaisir soit que je voise en sa compaignie, je le serviray de mon corps et chevance, et ne l’abandonneray tant qu'il ÿ sera, ou que la vie me durera ; et que, dès le jour que partiray, ne mangeray par vendredy chose qui ait receu mort, jusques à ce que je me seray trouvé embesongné, combatant main à main à un ou plusieurs ennemis de ladicte foy. Jtem, et si mondict très-redouté seigneur a bataille au Grand Turq, et que la bannière de mondict très-redouté seigneur et celle de ses adversaires y soyent dépleyées, et je soyo en ma franchise et liberté, sans estre méhaigné, je m'’aborderay à la bannière du Grand Turc, si je la puis nullement congnoistre, et la trébucheray par terre, ou je mourray en la peine. Et au cas que les affaires de mondict très-redouté seigneur ne puissent porter d'y aler en sa personne, ou il y commetle monsieur son fils, monsieur d'Estampes, ou autre, jo le serviray en loute obéyssance, comme la personne de mondict seigneur. Et s'il avient que monsieur d'Estampes emprende bataille à aucun prince, acompaigné de certain nombre de nobles hommes, et il luy plaise de sa grâce moy faire cest honneur que j'en soye l’un, je m'y empleyeray tellement, qu’au plaisir de Dieu, de Nostre-Dame, et de monsieur sainct George (ausquels je prie qu’ils m'en donnent la grâce), je luy feray honneur. »
Les vœus de monsieur de Boussu et de messire Philippe de Lalain.
« Monsieur de Boussu et messire Philippe de Lalain vouent à Dieu, à Nostre-Dame, aux dames et au faisan, que si leur très-redouté seigneur monsieur le duc de Bourgongne va en Turquie à l'encontre des Infidelles, les dessusdicts le serviront bien et loyaument, si le plaisir de mondict seigneur est qu'ils y voisent; et du jour qu'ils partiront, ils porteront une emprise, pour en combatre deux ; et si le tiers
v venoil, ils en prendront telle aventure que Dieu et Nostre- Dame leur voudront envoyer, »
Le vœu de messire Claude de Toulongeon.
« Je voue à Dieu, à Nostre-Dame, et à madame saincte Anne, aux dames et au faisan, que je serviray mon très-redouté et souverain seigneur monsieur le duc et comte de Bourgongne, au sainct voyage qu’il a intention faire à l'encontre du Turq, ennemy de nostre for, et le serviray du corps tout le temps qu'il y sera, et des biens que Dieu m'a donnés, j’y empleyeray tout ce qu'il me sera possible ; el au cas que mondict seigneur ait quelque empeschement par quoy il n’y peust aler, s’il y envoye aucun de son sang, je le serviray et obéyray, durant ledict voyage, comme je feroye la versonne de mondict seigneur ; et outre plus, incontinent que je seray hors des marches de pardeçà, je porteray une emprise, pour faire armes, à pié ou à cheval, à l’encontre d’un des gens audict Turq; laquel!e emprise fe feray signifier (si je puis) en son ost, et tout par le bon gré et- licence de mondict seigneur, ‘equel j’en supphray et requerray. Et si cetuy qu voudra jever medicte emprise ne me vouloit venir combatre devant mondict seigneur ou son conmis, je l’iray comkatre devaat le Turq, moyenant que je puisse avoir bonne seurté. »
es vœua de messire Chrestien et de monsieur £vrard de
Disoine.
« Nous, Chreslien et Evrad de Digoine, fréres, chevaliers, vouons à Dieu, à la benoiste vierge Marie, aux dames et au faisan, que si nostre très-redouté seigneur monsieur le duc de Bourgongne va au sainct voyage contre les Infidelles, nous irons avecques, et le servirons de corps et avoir, et s’il avient que nous nous trouvions en bataille avecques les Infidelles, nous ferons nostre pouvoir de porter jus la première enscigne qui apperra des ennemis ; et de ce ferons si grand devoir, qu’il ne sera point dict que nous n’en ayons faict nostre possible. Et s’il plaisoit à nostre très-redouté seigneur monsieur d’Estampes de nous faire cest honneur el grâce que nous fussions deux de ceux dont il s’'acompaignera pour fournir aux irmes de son vœu, nous le servirons tellement,
MEMOIRES D'OLIVIER DE LA MARCHE
qu’au plaisir de Dieu luy et tous aulres devront estre contens. Et outre, je, Chrestin de Digoine, voue comme dessus que s’il plaist à mon Créateur et 4 sa glorieuse mère moy faire lant de grâce que je retourne, je repasseray par trois royaumes chrestiens, dedans lesquels
je porteray emprise, pour faire armes à pié et
à cheval. » | Sur quoy finit ledict banquet et lesdicts vœus,.
