CHAPITRE XXXII

D'un combat à outrance faict entre deux bourgeois de Valenciennes, en la présence du duc Philippe de Boargongne, comte de Hainaut.

En continuant ma matière, le bon duc se partit de ses païs de Bourgongne, et vint tout droit à Valenciennes, auquel lieu il trouva la bataille preste entre deux hommes pour franchise de vile : et devez savoir que la vile de Valenciennes est fondée sur privilèges donnés par les empereurs et parles comtes de Hainaut, et, entre autres, ils ont un privilége que quand un homme a occis un autre de beau faict (c’està-dire à son corps deffendant) , il peut venir demander la franchise de Valenciennes, et

MEMOIRES D'OLIVIER DE LA MARCHE

qu'il veut maintenir, à l’escu et au batton, qu'il a faict le faict de beau faict : et sur ce luy est accordée la franchise, et ne lui peut nul rien demander pour ceste querelle, sinon qu’on le prenne et maintienne à l’escu et au batton (comme dit est), et devant la loy de la vile.

Or, pour ce que telles choses n'aviennent pas souvent, le bon duc s’arresta à Valenciennes pour veoir celle bataille : et fut vray qu’un nommé Mahuot avoit tué un parent de Jacotin Plouvier : et à ceste cause ledit Jacotin poursuyvit ledict Mahuot devant la loi de Valenciennes, et disoit qu'il avoit meurdry son parent par aguet, non pas de beau faict ; et que ce luy vouloit ledict Jacotin prouver et monstrer à l’escu et au batton, selon la franchise de la vile. Et de ce fut grand procés tenu devant la loy : et, fin de compte, fut jugé et dit que le gage de bataille estoit manifeste, et furent pris tous deux par la justice, et mis chacun en prison fermée à part : et attendirent si longuement que le duc revint des Alemaignes, et se trouvèrent le père et le fils à Valenciennes, pour veoir l'exécution des deux champions, combien que le duc n'estoit point juge en cette partie : mais l’estoyent , et sont ceux de la vile : et, à la vérité, ils tindrent moult belle cérémonie à la bataille des dessusdicts : et combien que j’aye parlé de ceste matière au volume que j’ay fait du gage de bataille, toutesfois ne me puis je tenir ne passer que je ne die aucune chose de ce que je vey en ceste ba: taille.

Les principaux assistans furent le prévost du comte et le prévost de la vile : et fut, pou ce jour, prévost du comte messire Giles de Harchies, seigneur de Belligniers, et prévost de la vile un notable bourgeois nommé Merciot Du Gardin : et tenoyent ces deux la gravité et cérémonie du camp : et, de l’ordre de la vile, deux gentils-hommes avoient le regard aux portes. Le peuple estoit grand sur le marché, et estoit conduit par un nommé Nicolas Du Gardin, qui se tenoit, en une garne, à l’hostel de la vile, à tout un grand batton: et s’il voyoit que le peuple se dérivast ou muast en rien, il féroit de son batton , et crioit : Guare le ban! Et sur ce mot chacun se tenoit quoy., et douloit la punition de justice : et à la vérité

tout le peuple et ceux de la vile estoyent pour Mabuot en courage, pour ce qu’il combatoit pour la querelle de la vile. Or avons devisé de l’ordre de ladicte vile : el faut escrire du faict de la lice et du champ clos, et comme les champions se maintindrent en ceste bataille.

Ce champ clos estoit rond, et n’y avoit qu’une entrée : et tantost ceux de la vile firent apporter deux chaises couvertes de noir, mises el apposées à l’opposite l’une de l’autre; et tantost après entra Mahuot en ladicte lice, et s’alla seoir en sa chaise, et n’arresta guères que Jacotin Plouvier vint de l’autre part, qui semblablement s’asseit en la chaise pour luy prèéparée. Les champions estoyent semblables d’habillemens : ils avovent les testes rases, les piés nus, et les ongles coupés, des mains et des piés : et au regard du corps, des jambes et des bras, ils estoient vestus de cuir bouilli, cousu estroittement sur leurs personnes, et avoyent chacun une bannerolle de sa dévotion en sa main : et tantost ontrérent ceux de la loy commis à ce, qui portoyent un grand missel : el feirent le serment l’un contro l’autre, c’est-àsavoir que Mahuot jura qu'il avoit tué son homme de beau faict : et Jacotin Plouvier jura le contraire. Et tantost leur furent apportés à chacun un escu peint de vermeil, à une croix de Sainct-George : et leur furent baillés les escus la pointe dessus, et mo fut dict que quand le plus noblo hommo du monde combatroit à Valenciennes, il n’auroit autre avanlago, sinou que la pointe de son escu seroil en bas, et pourroit portcr son escu comme un noble homme le doit porter. Ztem, leur furent baillés deux baltons de mesplier, d’un poix et d'une grandeur : et puis furent les chaises ostéez, et mises hors de la lico : et s’en retournérent ceux de la loy, et laissèrent les champions l’un devant l’autre : et le prévost de la vile rua le grand qui avoit esté gelté pour faire ladicte bataille, et cria : « Chacun face son devoir ! »

Et prestement se levérent les champions, et coururent sus l’un à l’autre moult vigoureusement. Et devea entendre que les champions demandèrent à ceux de la Loy trois choses ; à sçavoir, sucre, cendres et oincture. Et preiniércinent leur furent apportés deux Lacins pleins de graisse, dont les habillemens, que chacun

d’eux avoit vestus, furent ofng!s et engraissés, afin que l’un d’eux ne peust prendre prise sur l’autre. Secondement, leur furent apportés deux bacins de cendres, pour oster la graisse de leurs mains, afin qu’ils pussent mieux tenir leurs escus et leurs battons ; et tiercement fut mise en la bouche de chacun d’eux une portion de sucre, autant à l’un comme à l’autre, pour recouvrer salive et aleine ; et de chacun des trois leur fut faict essay devant eux, comme devant deux princes.

Or combien que ledict Mahuot ne fust si grand ne si puissant de sa partie, toutesfois vigoureuseinent il puisa du sablon , et le getta aux yeux et au visage de Jacotin Plouvier ; et de ce coup luy donna de son batton sur le front, dont il luy fit playe et sang. Mais ledict Jacolin (qui esloit homme fort et puissant ) poursuivit tellement et si aigrement sa bataille, que ledict Mahuot fut abatu à bouchon, et Jacotin Plouvier lui saillit dessus; et fut la bataille à ce menée, que ledict Jacotin créva les deux yeux à son adversaire, et puis luy donna un grand coup de son batton, dont il l’assomma, et le mit hors de la lice; et en ce faisant, mourut ledict Mahuot, et fut condamné à estre mené au gibet, et pendu; et ainsi finit la bataille entre Jacotin Plouvier et Mahuot. Si soit pris en gré ce que j’ay sceu ramentevoir de ceste malière.

Assez tost après se firent unes autres armes à Valenciennes, de deux nobles hommes, dont l’un fut chevalier, et l’autre fut escuyer de l’hostel de monsieur le baslard, et se nommoit Jehan de Rebremettes, seigneur de Thibauvile, Ces deux, pour aucun estrif, comparurent à jour ordonné au lieu de Valenciennes, armés comme il appartenoit pour combatre à pié ; et deyoyent iceux jetter un gect de lance, et puis combatre de haches, jusques à vingt cinq coups. Les deux nobles hommes comparurent parés de leurs cottes-d'armes, et se combatirent chevalereusement, sans faire grande foulle l'un sur l’autre, et ainsi se partirent ivelles armes; et disoit on que Dieu avoit envoyé ces deux nobles hommes pour faire honneur à Valenciennes, et tenoil on la bataille faicte entre Jacotin Plouvier et Mahuot plus honte qu’honneur, à cause du meurdre perpétré en

| la présence du prince.

hi PTS aË. + le Lan

MEMOIRES D'OLIVIFR DE LA MARCHE. 1456