CHAPITRE XXXI

Du mariage de l'aisné fils de Crouy à une fille du comte de Sainct-Pol ; du voyage du bon duc Philippe er Alemaigne; et du mariage du comte de Charolois avec madame Ysabeau de Bourbon.

En ce mesme temps le seignéur de Crouy, estant à Luxembourg, fit espouser Jehan de Crouy, son fils aisné, à la fille du comte de Sainct-Pol; laquelle fille fut baillée és mains du seigneur de Crouy, qu’elle estoil jeune et enfant; et fut traité iceluy mariage entre le comte Sainct-Pol, père de la fille, et le seigneur de Crouy, père du fils. Mais, pour aucun malcontent ou autres causes, ledict comte de Sainct-Pol ne vouloit point que le mariage se parachevast ; et toutesfois il n’avoit sa fille en ses mains, mais l’avoit le seigneur de Crouy, comme dict est. Parquoy il fit consommer le mariäge, el envoya prier le comte et ses amis notablement ; mais le comte n’y voulut point aler, ne les amis, dont grande huine se conceut entre les parlies ; et toutesfois fut et demoura faict ledict mariage, et soubtiva chacun de troubler son compaignon ; et de l’effect, et de ce qui en avint, je deviseray cy-après.

En ce lemps du banquet du duc, se trous à l'Isle le comte de Sainct-Pol, comme l’on peut voyr cy-dessus; et ne se conlenta point le duc du vœu qu’il avoit fait en sa présence, pour ce qu’il ne se monstroit point suget tel qu'il estoit. Or fit le comte une grande feste à Cambray et une grande assemblée, où il y eut tournois et joustes, et grans entremets ; mais, pour la cause susdicte, ne voulut souffrir le duc que nul de son hostel y alast ; et commencérent telles choses à mettre le comte en défidence el soupson ; parquoy il s’éloingna de la maison de Bourgongne, et se tenoit ayecques le roy de France. En ce temps le comte avoit

besongné avecques le duc Charles de Bourbon pour avoir Ysabel de Bourbon sa fille en aliance de mariage pour Jehan de Luxembourg, aisné fils du comte, mais la damoiselle avoit esté nourrie avec la duchesse de Bourgongne, et estuit en la maison du duc, qui estoit son oncle; parquoy le comte ne parvint point à son emprise, et avint qu’en dissimulant ledict mariage, le bon duc (qui avoit empris d’aler à Rissebourg, et ne sçavoit s’il passeroit outre, ou s'il auroit autre détourbier) fut conseillé qu'avant son partement il mariast son fils; et voyant les mœurs, vertus et conditions de sa nièce Ysabel de Bourbon dessusdicte, 11 prit en son opinion de la dor ner à femme à son fils, et envoya querre le comte à toule diligence, qui desjà avoit pris congé de luy pour aler en Hollande, ès affaires du duc son père, lequel revint hastivement, pour obéir ; et à la vérité la duchesse ne conseilla point le mariage, pour ce qu’elle quéroit et entendoit de marier son fils en Angleterre à la fille aisnée du duc d'Yorch (qui depuis fut duchesse d'Exestre), pour ce qu’elle le vouloit alier en Angleterre, où elle avoit le cueur par nature, car elle fut fille d’une fille de Lanclastre, mariée au roy de Portugal son père; et toutesfois fut le duc obéi de la mère et du fils, combien qu’à ceste cause furent aucuns différens en ceste matière. Moult prisoit et louoit la mère les vertus et conditions de la noble damoiselle.

Si furent fiancés secrètement, pour ce que le duc n’avoit le consentement ne le sceu du duc de Bourbon, père d’elle, ne de la duchesse, sœur germaine du duc; et tendoit le duc d’avoir la seigneurie de Chasteau-Chinon, pour joindre à Bourgongne. Si fut envoyé Jehan Boudaut, escuyer dessusnommé, pour conduire ceste matière ; et s’en retourna le comte en son voyage de Hollande. Le bon duc (qui tout ardoit de faire son voyage et d’exécuter ce qu’il avoit promis) fit diligenter son partement, et se partit, à moins de cent chevaux, de la vile de l'Isle, le quinzième jours de mars iceluy an 53, et se fit guider à Chastel en Porcien, dont le scigneur de Crouy esloit comte et seigneur ; el sicd assez près de Bar-sur-Aube, entrée du païs de Bourgongne, où il fut noblement receu ; et ainsi se mit le bon duc en son voyage d’Alemaigne, et laissa son fils gouver-

neur de (ous ses païs, en son absence. Il laissa ses païs en paix et union, en richesses, en justice, et en loutes les bonnes prospérités que prince put laisser païs. Il laissa son fils pourveu de conseil, comme du chancelier Raolin, du seigneur de Crouy, du seigneur de Goux, et autres grands personnages, et certes ses païs demourèrent en telle prospérité, que l’on pourroit dire d’eux ce que dit le poëte, quand il dit que les siècles estoyent dorés. Et en ce gouvernement se gouverna le comte Charles si bien et si vertucusement, que nulle chose n’empira en sa main; et quand le bon père revint de son voyage, il trouva ses païs entiers, comme devant.

En ce temps, plusieurs nobles hommes et femmes de l'hostel du duc se rendirent en l'observance; et nommément Anthoine de Sainct-Symon, Anthoine de Sailly, Jehannin d'Or, et plusieurs autres, qui menèrent moult belle et saincte vie; et ainsi s’en ala le duc en Alemaigne, et son fils demoura gouverneur pour luy; et nous tairons un peu à parler du noble comle, et parlerons du père, et comment il exploita en Alemaigne.

Quand l’empereur Frédéric d’Austrichesceut la venue du duc Philippe de Bourgongne en Alemaigne, luy, craintif de sa personne, et voyant que tous les princes d’Alemaigne faisoyent grand honneur audict duc, et le fesleyoyent honnorablement, se retira ès dernières parties de son empire, et manda au duc qu'il n’allast plus avant pour celle fois, et qu’il envoyeroit devers luy pour eux entendre l’un l’autre. Ce qu'il fit, el y envoya son chancelier (qui fut depuis pape Pie). Mais ils ne se peurent acorder, el demoura la chose en roupture ; et durant ce temps le duc Philippe prit une grande maladie, et fut longuement malade en une bonne vile d’Alemaigne. Toutesfois, par la grâce de Dieu, 1l en échapa; et, sans faute, les princes d’Alemaigne le festeyèrent grandement (comme ceux de Bavière, à qui il estoit parent), et autres nobles princes, qui moult honorablement le receurent el festeyèrent, et le bon duc, voyant et congnoissant qu’il n’auroit autre response de l’empereur, se délibéra de s'en retourner en ses païs. Ce qu’il feit, et fut grandement festeyé en l'hostel du prince d'Orange; et en ce temps le sei-

gneur d’Antre maria son fils à la fille de Neufchastel, et de ceste aliance de Vergy et de Neufchastel fut faicte grande estime en Bourgongne, pour ce que ce sont deux grandes maisons. Le seigneur d’Antre fit diligence d’arrester le duc son seigneur à icelles noces, lesquelles furent moult plantureusement servies de vins et de viandes, et y furent toutes les dames du païs ; et devez entendre que le seigneur d’Antre fut le plus Jarge et abandonné de ses biens qu’homme de son temps, et ne plaindoit nulle despense, Les noces durérent quatre jours, et yestoit tout homme défrayé, et mesme par les vilages, au fraiz et à la despense dudict seigneur d’Antre ; et, à la vérité, iceluy seigneur d’Antre fut un des larges despensiers et des libéraux hommes qui fust de son temps.

La feste achevée, le bon duc (qui avoit le cueur et la voulonté que le mariage se fist de son fils et de sa nièce) dépescha messire Philippe Pot, un sien chevalier privé ; et par lettres, et par commandement de bouche, manda 4 son fils qu’il espousast sadicte nièce, et qu'il trouvast le mariage consommé à son retour.

Ce qui fut faict et acomply selon le désir du père ; et, à la vérité, ladicte dame estoit toute vertueuse, et digne de ce grand bien avoir.

Les noces furent à l'Isle, et y eut riches joustes ; car monsieur de Ravestain et monsieur le bastard firent la fesie grande et plantureuse, et ainsi fut madame Ysabel de Bourbon comtesse de Charolois : et fut ledict mariage en l'an 1454.