CHAPITRE IV

Du mariage du duc Charles de Bourgongne avec madame Marguerite d’Yorch, sœur du roy d'Angleterre ; et des magnificences qui lors furent faictes en la maison de Bour gongne.

l'empire,

En ce lemps l’évesque de Salsbery et Thomas Vagant (qui avoyent tousjours mené le mariage de monsieur de Bourgongne et de madame Margucrite d’Yorch, sœur du roy d’Anglelerre) retournèrent devers le duc, et luy aportèrent le traité du mariage tel que le duc de Bourgongne le demandoit ; et ainsi fut jour et temps pris pour faire les noces en la vile de Bruges, qui furent les plus belles noces où je me suis trouvé de mon temps ; et ne me puis passer de mettre par escrit, et incorporer en ces présens Mémoires, les pompes, l’ordre et

Ja manière de faire desdictes noces ; et com

menceray à la lettre que j’en escrivys à Gilles Du Mas, maistre-d’hostel de monsieur le duc de Bretaigne.

« Gilles Du Mas, maistre-d’hostel de trèshaut et très-puissant prince monsieur le duc de Bretaigne, mon très-cher sire et frère, à vous je me recommande, tant et de si bon cueur comme je puis. Pour ce qu’en celle haute et triomphale maison, où vous esles en eslat pour avoir charge de conduire les grandes festes et recueillettes des princes et princesses quand

elles surviendront, je ne sçay si en la noble feste des noces de monsieur le duc de Bourgongne pourroit avoir aucune chose dont la mémoire vous peust servir en temps et en lieu. J'ay recueilly grossement, et selon mon lourd entendement, ce que j’ay veu en ceste dicte feste, pour le vous envoyer, vous priant, tant comme je puis, que pareillement me veuillez avertir des nobles estats et haules œuvres qui surviendront en yostre quartier, et que nous puissions tousjours demourer si bons amis et si familiers ensemble comme il appartient à deux nobles hommes d’un esta et office, en deux fraternelles, alliées et amies nobles maisons, el je prie à Dieu qu’il vous doint joye de vostre dame, et ce que vous désirez.

» Au regard de moy, pour parler en gros, et de ce dont par nécessité je ne me puis passer d’escrire, au regard du grand nombre de navires, richement étofées et garnies de gensd'armes, que le roy d'Angleterre mit sus, et envoya pour amener madame Marguerite sa sœur par deçà, et de la descente que madicte dame fit à l’Escluse, je m'en passe, pour abréger escripture, et venir au gros de ma matière.

» Madicte dame et sa compaignie arrivèrent à l’Escluse par un samedy vingtcinquième jour de juing ; et le lendemain madame la duchesse de Bourgongne, mère de monsieur le duc d’alors, madamoiselle de Bourgongne, avecques elle madamoiselle d’Argueil, et plusieurs autres dames et damoiselles, allèrent visiter et veoir madicte dame Marguerite, et n’y demourèrent que la disnée seulement. Et au regard que madicte dame la duchesse fit, elle fut tant joyeuse d’avoir veu celle belle dame, et congnu ses mœurs et ses vertus, qu’elle ne se pouvoit saouler d’en dire les biens qu’elle y avoit veus; et demoura avecques madicte dame Marguerile, de la part de madame la duchesse, monsieur le comte de Charny et madame la comltesse sa femme, messire Jehan de Rubenpré et messire Claude de Toulongeon, et plusieurs autres dames et damoiselles et gentilshommes, pour recueillir les estrangers et estrangères d'Angleterre, qui estoyent venus à très-belle compaignie; et y avoyent ledict comte et comtesse esté envoyés, pour recueillir madicte dame à la descente du bateau; ce qu’ils

firent bien et notablement; et ne bougérent d’avecques elle jusques à ce qu’elle vinst à Bruges, comme cy-après vous pourrez voir et entendre.

»Le lendemain que madame la duchesse fut revenue de voir madicte dame Marguerite, monsieur de Bourgongne se retira au lieu de l'Escluse à petite compaignie, et entra par derrière dedans le chasteau : et après qu'il eut soupé se parlit, atout six ou sept chevaliers de l’ordre seulement, et vint assez secrétement Y à l’hostel de madicte dame Marguerite, combien qu’elle en estoit avertie , et s’estoit acompaignée des plus gens-de-bien de sa compaignie : comme du seigneur d’Escalles, frère de la royne d’Angleterre, et de plusieurs autres nobles Anglois qui estoyent venus à celle feste. A l’arrivée, el quand ils se veirent l’un l’autre, ils se feirent moult grand honneur : et puis s’assirent sur un banc, où ils devisèrent longuement ensemble; et, après plusieurs devises, monsieur l’évesque de Salsbery (qui tousjours avoit mené ceste matière) se vint mettre à genoux entre eux deux, et les mit en plusieurs gracieux devis : et assez tost après vint monsieur le comte de Charny, qui dit telles parolles : « Monsieur, vous avez trouvé ce » que vous avez tant quis et désiré ; et puis » que Dieu vous a amené ceste noble dame » au port de salut et à vostre désir, il me sem- » ble que vous ne devez point départir sans » monstrer la bonne affection que vous avez » à elle, et qu’à ceste heure vous la devez » fiancer, et luy faire promesse. »

»Mondict seigneur respondit qu'il ne tiendroit pas à luy; et l’'évesque de Salsbery dit à madame Marguerite le propos en quoy ils estoyent , et ce que monsieur désiroit de sa part, luy demandant qu’elle en voulut faire : laquelle luy respondit que pour ceste cause , et non autre, l’avoit envoyée le roy d'Angleterre son frère pardeçà ; et que ceste chose, laquelle le roy luy avoit commandée, elle estoit preste de faire et acomplir. Et sur ce propos les prit l’évesque par les deux mains , et les flança : et ainsi se partit pour ceste fois mondict seigneur , et lendemain s’en retourna à Bruges.

»Madicte dame Marguerite demoura audict lieu de l’Escluse jusques à l’autre samedy suyyant , et fut encores visitée par mondict sei-

gneur : et, ledict samedr, furent les bateaux richement parés pour conduire et mener madicte dame au lieu du Dan; auquel lieu elle fut receue honnorablement et en grand joye, selon le cas et la faculté d’icelle petite ville. Le lendemain, qui fut troisiesme de juillet, mondict seigneur le duc de Bourgongne et de Brabant se partit, à privée compaignie, entre quatre et cinq heures du matin, et se tira au lieu du Dan, où il trouva madicte dame Marguerile et sa compaignie , préparée et avyisée de le recevoir comme il estoit ordonné ; et là mondict seigneur l’espousa comme appartenoit, par la main de l’évesque de Salsbery dessusdict; et après la messe chantée, mondict seigneur s'en relourna en son hostel à Bruges; et croys que tandis que les autres cérémonies se firent il feit provision de dormir, comme s’il eust à faire aucun guet ou escoute pour la nuict avenir.

»Tantost après se rendirent au lieu du Dan monsieur Adolf de Clèves, seigneur de Ravestain , monsieur d’Argueil, monsieur de Chasleau-Guion , monsieur Jaques de Sainct-Pol, monsieur de Roussy, monsieur de Fiennes, messire Jehan de Luxembourg, le comte de Nasso, messire Baudoin , bastard de Bourgongne , et tant d’autres chevaliers et nobles hommes , que {rop longue chose seroit de les racompter ; et eux avoir fait la révérence à madicte dame la nouvelle duchesse, madicte dame entra en une littière richement parée de chevaux , et de couverture de riche drap d’or; et au regard de sa noble personne, elle estoit vestue d’un drap d’or blanc en habit nuptial, comme il appartient en tel cas; et sur ses cheveux avoit une riche couronne; et au regard du colier et du fermail, elle en estoit richement el pompeusement parée ; et après elle avoit trèze haquenées blanches enharnachées de drap d'or cramoisy, dont les deux estoyent en main , au plus près de sa lillière ; et sur les autres estoyent montées les dames d’Angleterre qu’elle avoit amenées en sa compaignie. Après icelles haquenées venoyent cinq chariots richement couverts de drap d’or, dont au premier estoit la duchesse de Norfolck, qui estoit une moult belle dame d'Angleterre, laquelle estoit venue pour acompaigner et amener madicte dame pardeçà ; et avecques elle estoyent

MÉMOIRES D'OLIVIER DE LA MARCHE

madame d’Escalles, madame la comtesse de Charny, madame la vidamesse d'Amiens, et non plus. Aux autres chariots estoyent plusieurs dames et damoiselles, tant angloises comme autres ; et puis qu’il me vient à point, je nommeray partie desdictes dames angloises qui vindrent pour amener madicte dame : et premièrement madicle dame la duchesse de Norfolck ; secondement madame d’Escalles, madame de Willebi, une trés-belle vefve ; madame de Clifton, madame de Scrop, madamoiselle Léonor, et plusieurs autres dames et damoiselles , jusques au nombre de quarante ou cinquante femmes,

»En telestatmarcha madicte dame depuisle Dan jusques à la porte de Bruges , que l’on dit la porte Saincle-Croix ; et au regard du grand nombre des princes, chevaliers et escuyers, nobles hommes et nalions qui iceluy jour rencontrèrent madicte dame, richement vestus et en point , je m’en passe pour abrèger, pour ce que je veuil venir à l’ordre comme ils entrèrent en Jadicte vile. Mais toutesfois suis-je contraint de ramentevoir un noble chevalier zéelandois, qui, à celle heure et entrée , avoit six chevaux couverls de pareure de drap d'or, d’orfévrerie, de drap de soye et de campanes très-richement, nommé Adrian de Borsèle, seigneur de Bredam; leq'iel pour deux causes je ramentoy en cest article. La première, pour ce qu’il fut le mieux en point en ceste entrée. La seconde, pour ce que, par la voulonté de Dieu, le mécredy après il trépassa, à l'ocasion d’une maladie d’une jambe : dont ce fut dommage ; et fut moult regretté de la seigneurie,

» A celle porte de Saincte-Croix furent les ordonnances faictes : et marchèrent par ordonnance ceux qui acompaignèrent la noble espouse, en la manière qui s'ensuit, sans y rien oublier. Premièrement, tous les gens d'église et volléges , acompaignans les évesques , abbés et prélats, qui furent ordonnés à portier les reliques et conduire les processions , et qui avoyent attendu longuemeut madicte dame à icelle porte, marchèrent les premiers, et par ordre et à l’ouvert, tellement qu'entre deux pouvoit marcher l'ordonnance et la compai gnie ainsi qu'elle venoit.

» Les premiers qui marchoyent par ordon-

nance estoyent le bailly et escoutette de Bruges; et après eux venoyent deux à deux les gentils-hommes de l’hostel des princes et seigneurs , qui n’estoyent point de la retenue et ordonnance de monsieur le duc : et après iceux Yenoit un gentilhomme capitaine des archers de monsieur le bastard de Bourgongne, et douze archers après luy, vestus de palletots d'orfévrerie blanche, à un grand arbre d’or devant et derrière ; qui signifioit le pas de l’arbre d’or, que monsieur le bastard commença celuy jour et maintint celle feste, dont cy-après sera faicte mention.

«Après iceux archers marchoyentles gentilshommes , deux à deux , de l’hostel de mondict seigneur, puis les chambellans, et après les seigneurs du sang, qui furent à moult grand nombre, et furent tous vestus des robes et pareures de mondict seigneur, qui furent telles, que les escuyers ayoyent robes de drap de damas noir, et pourpoints de salin cramoisy. Les chefs d’office avoyent longues robes de satin noir figuré, et pourpoints de satin figuré, cramoisy : et des chevaliers et gens-de-conseil avoyent longues robes de velours noir, et pourpoints de velours cramoisy ; et les serviteurs et varlets de la maison tous vestus de drap noir et violet, et pourpoints de camelot. Que vous diroye-je? Tant et si largement donna monsieur de drap de soye et de laine pour cette pareure, qu’il cousta plus de quarante mille francs. Et certes il faisoit beau voir marcher en ordonnance les chevaliers et gentils-hommes vestus de cette pareure.

» Après iceux du sang marchoyent loutes manières d'instrumens par ordre (qui estoyent de diverses nations ); et après iceux venoyent clairons, menestriers et trompettes , tant anglois comme bourgongnons, qui se faisoyent moult efforcément ouyr : et après venoyent officiers-d’armes de divers païs, à grand nombre, dont il en y avoit vingt quatre portans cotles-d’armes. Après iceux venoyent six archers portans la couronne d’or sur l’espaule , qui esloyent des archers de la couronne du roy d'Angleterre , et avoyent chacun une longue flèche en la main : et après iceux venoit madame en sa litlière, comme j’ay dict devant.

Au costé deçà et delà ladicte littière, tenant la place large , estoyent les deux capitaines des