LIVRE SECOND

archers de monsieur le due, c’est-à-sçavoir monsieur de Rosimbos, et messire Philippe, bastard de La Viévile, acompaignés de vingt archers de corps seulement, et habillés de palletots d’orfèverie. Ceux-là furent à pié, et avoyent leurs vouges, et gardoyent (comme dict est) la littière de la presse, et que le peuple n’y aprochast ; et au regard de la littière, elle estoit richement adextrée; car des Bourgongnons estoyent à pié les chevaliers de la Toison-d'or richement vestus et parés, les uns vestus de drap d’or, les autres d’orfèvrerie moult richement. Et estoit en chef messire Adolf de Clèves , cousin germain de monsieur de Bourgongne, puis monsieur le bastard de Bourgongne , monsieur le comte de Charny; monsieur de Créqui, monsieur de La Vère, monsieur d’Auxi, messire Symon de Lalain, messire Philippe Pot, seigneur de La Roche ; messire Philippe de Crévecueur, seigneur d’Escordes, messire Jaques de Sainct-Pol, seigneur de Richebourg, et généralement tous les chevaliers de l’ordre qui se trouvèrent là ; el du costé des Anglois avoit beaucoup de gens-de-bien à pié tenans la littière. Et pour ce qu’ils me viennent à point , je deviseray Îles noms des gens-de-bien envoyés pour conduire madame pardeçà.

» Là estoit en chef monsieur le comte d'Escalles, frère de la royne d'Angleterre ; messire Jehan d'Oudeville son frère, l’un des fils de monsieur de Talbot , frère de la duchesse de Norfolck, messire Thomas de Mongomeri, messire Jehan Havart, le seigneur d’Acres, maistre Jehanston , maistre Thomas Vagan, maistre Salengier, maistre Jehan Auperre , el moult d’autres chevaliers et gentils-hommes dont je ne sçay les noms. Et pouvoyent cstre jusques au nombre de quatre-vingls à cent nobles, qui toute la feste furent très bien en poinct, el richement vestus ; mais tous ceuxcy n’esloyent point à pié au tour de ladicle littière , sinon dix ou douze premiers nommés.

» Après ladicte littière avoit encore six archers de la couronne , habillés comine les premiers ; et certes c'estoyent beaux hommes , et bien en poinct; et après iceux venoyent les haquenées et chariots, dames et damoiselles , en tel estat et ordonnance que les ay une fois devisées.

» Après la compaignie des dames venoyent les ambassadeurs, tant prélats que chevaliers, qui estoyent là, chacun lenant le degré de son maistre :; et furent ordonnés, pour les acom- -paigner, monsieur le chancelier de Bourgongne , et le conseil de la maison. Là estoyent l'évesque de Salsbery, l’'évesque de Mets, l’évesque de Verdun, lévesque de Cambray, l’évesque d’Utrech, l’évesque de Tournay, un chevalier de par le roy d’Arragon, trois ou quatre chevaliers, clercs et gentils-hommes de par le comte palatin, et moult d’autres dont ne me souvient ; et après iceux venoyent les nations par ordre, qui marchoyent en la manière qui s'ensuit.

» Les Vénitiens marchoyent les premiers, et estoyent eux et leurs serviteurs tous à cheval, les maistres vestus tous de velours cramoisy, etles varlets de drap vermeil ; et devant cux ayoyent cinquante hommes à pié vestus de vermeil, chacun tenant une torche en la main. Après venoyent les Florentins , lesquels avoyent devant eux soixante torches , portées par soixante hommes à pié vestus de bleu : et après les torches faisoyent marcher quatre pages, l'un après l’autre, sur quatre destriers : et lesdicts pages avoyent pourpoints de drap d’argent , et mantelines de velours cramoisy : et les chevaux estoyent couverts de satin blanc, bordés de velours bleu. Devant les marchands florentins marchoiït Thomas Portunaire, chef de leur nation, vestu comme les conseillers de monsieur le duc ( car il estoit de son conseil ): et après luÿy marchoyent dix marchands deux à deux, vestus de satin noir figuré , et après dix facteurs, vestus de satin noir simple , et tous avoyent pourpoints cramoisy : et après eux avoit vingt-quatre varlets à cheval, tous habillés et vestus de bleu. Après marchoyent les Espaignarts, qui estoyent trente-quatre marchands à cheval, vestus de damas violet; et avoit chacun marchand son page à pié devant luy, tous pareils, vestus de pourpoints de satin noir , et de jaquettes de velours cramoisy; et faisoyent lesdicts Espaignarts porter devant eux soixante torches par soixante hommes à pié, vestus de violet et de verd. Après iceux venoyent les Génevois , qui faisoyent aler devant eux une belle fille 4 cheval, représentant la pucelle, fille du roy, que sainct

MÉMOIRES D'OLIVIER DE LA MARCHE

George guarantit du dragon : et sainct George venoit après, armé de toutes armes, son cheval couvert de damas blanc , et une croix de velours cramoisy; et ladicte pucelle estoit vestue de damas blanc , et son cheval couvert de velours cramoisy; et, après celle histoire, suyvoyent trois pages vestus de damas blanc, el leurs chevaux de damas violet ; et puis suyvoyent les marchands génevois , jusques au nombre-de cent et huict, tous vestus de drap violet. Et après venoyent les Ostrelins, lesquels estoyent cent et huict à cheval, vestus de robes de violet, et plusieurs fourrées de gris ; et avoyent six pages veslus de satin violet, robes de damas blanc , et leurs chevaux houssés de damas violet ; et faisoyent lesdicts Ostrelins porter devant eux soixante torches, les hommes portans icelles aussi vestus de violet. |

» En lel ordre et en telle ordonnance entra madicte dame en sa vile de Bruges. Et faut commencer à réciter les personnages qui furent monstrés en sa joyeuse venue. Et au regard desrues , elles furent tendues très richement de drap d’or et de soye, et de tapicerie : et quant aux histoires, j’en recueillys dix en ma mémoire. La première fut comme Dieu acompaigna Adam et Eve en paradis terrestre. La seconde , comment Cléopatra fut donnée en mariage au roy Alexandre ; et ainsi s’entretenoyent les histoires au propos, jusques l’on vint devant l’hostel de monsieur...

» Devant ledict hostel avoit un riche tableau tout peint d’or et d’asur, au milieu duquel avoit deux lions èlevés, tenans un escu armoyé des armes de monsieur de Bourgongne ; et à l’entour dudict tableau avoit douze blasons des armes des païs de mondict seigneur , tant des duchés que des comtés ; et au-dessus du tabernacle esloit à un des costés sainct Andrieu, et au dessous dudict tableau estoyent les fusils pour devise , et le mot de mondict seigneur, qui dit : « Je l’ay emprins. » Deçà et delà dudict tableau avoit deux archersrichement peints et élevés. L'un estoit un Grec tirant un arc turquois, et parmy le bout de son trait sailloit vin de Beaune , autant comme la feste dura ; et de l’autre costé avoit un Alemand tirant d'un crannequin, et par le bout de son mattrassailloit vin de Rin, et tous lesdicts vins tomboyent

77e en deux grans bacs de pierre, où tout le monde ea pouvoit combler et prendre à son plaisir. Deaans la court, vers l’espicerie, avoit un grand pellican qui se donnoit en la poitrine ; et en lieu de sang qui en devoit partir , en sailloit ypocras , qui tomboit en une mande d’osier si soubtivement faicte que rien ne s’en perdoit ; mais en pouyoit chacun prendre, à qui il plaisoit.

» Maintenant reviendrons à la descente de cesle belle dame, laquelle entra dedans la court, assez près de douze heures ; et madame, la mèrc de monsieur de Bourgongne, l’attendoit à l’entrée de la salle, acompaignée de madamoiselle de Bourgongne et de madamoiselle d'Argueil, avecques bien cent dames et damoiselles de nom; et quand ladicte littière aprocha, madicte dame luy ala au-devant.

Mais tantost les archers de la couronne ( qui estoyent à ce ordonnés ) prirent la littière sur leurs cols, et la mirent hors des chevaux, el l’aportèrent plus avant au devant de madicte dame ; et puis mirent ladicte littière à terre , et là fut ladicte littière découverte, et vint madicte dame la duchesse la mère prendre madicte dame sa belle-fille hors de ladicte littière, et l’'emmena par la main, à son de trompes et de clairons , jusques en sa chambre ; et pour le présent nous tairons des dames et de la chevalerie, et reviendrons à deviser de l’ordonnance de l’hostel. Pour commencer aux communs offices , à la cuisine avoit trois cens hommes , à la saulserie quatre-vingts, à l’échansonnerie et pannelterie pour chacune soixante hommes , et en l’espicerie quinze; et généralement tous les offices furent fort fournis de gens.

» À l’hostel avoit une pctite salle ordonnée devant la chapelle , où mangcoit monsicur de Bourgongne seulement ; et auprès d’icelle salle avoit une grande salle, où mangecoyent tous les Chambellans ; et plus bas avoit une plus grande salle où mangeoyent les maistres-d’hostels et tout le commun ; et se couvyroit celle salle à plusieurs fois , pour le grand nombre de gentils-hommes, archers, pages, officiers-d’armes, trompettes et ménestriers et joueurs d’instrumens qui estoyent à icelle feste, Outre plus , avoit en la maison sept chambres ordonnées pour ‘esteyer les estrangers; dont de l’une estoit