LIVRE SECOND

la Toison, à ce jour vivans ; et furent assis lesdicts paons et cignes sur les tables, chacun en tel degré comme ils vont à l’église en l’ordre, le jour de la solennité de leur feste.

» [tem , et par dessus lesdictes tables avoit plusicurs bestes porlans sommages : comme grans éléphans , alout chasteaux ; dromadaires , atout grans paniers ; licornes, cerfs et bisches , chacun portans divers sommages.

Lesdictes bestes furent toutes étofées d'or, d'argent et d’asur , et les harnachemens de fil d’or et de soye très richement, et estoyent leurs sommages pleins ct fournis de diverses espicereis ; el outre plus portoyent chacun les armes d'un seigneur suget de mondict seigneur de Bourgongne , et le nom de la vile ou seigneurie ; comme l'un porloit Condé en Hainaut , au nom de Nemours ; Avennes en Hainaut , au seigneur de Pointièvre; Saint-Pol et Enguyen la Bassée , au comte de Sarnct-Pol, connestable de Fance ; Dumkerque et Bourbourg , au comte de Marle ; et pareillement de tous autres grans seigneurs , sugels de mondict seigneur de Bourgongne , en ses divers païs. Le banquet fut bel et riche, fort regardé; et sescirent tous les seigneurs, dames etdamoiselles, à table ; et après qu’ils eurent commencé à manger, sur le hourd où parayant on avoit monstré quatre des travaux d’Hercules, sonnèrent les trompettes, et là fut veu le cinquième travail d’Herculès, qui tel fut qu'il s'ensuit.

» Premièrement furent veus Théséus et Pyrithoüs , armés de toutes armes , et tenoit manière Théséus de soy plaindre à Pyrithoüs, son compaignon, de Pluto, qui avoit ravy Proserpine son amie, et icelle menée en enfer ; et Pyrithoüs tenoit manière de luy promettre de l’en venger, et la ravoir;, et sur ses promesses vindrent, les glaives au poing , à la porte d'enfer, qui estoit moult bien faicte. Ceste porte esloit à manière d’une grand gorge de dragon noire et flamboyant, en manière de flambe ardant, ayant deux grans yeux rendans merveilleuse clairté; et quand Pyrithoüs heurta de sa lance contre ladicte gorge, incontinent s'ouvrit , et en saillit un grand chien noir tout difforme, et ayant trois testes, atout un glaive noir en ses pattes. Ce chien estoit appelé Cerbérus , le portier d’enfer : et tantost cou-

rut sus aux deux champions, et fut longue la pataille entre eux : mais en fin le chien tua Pyrithoùs, et mena Théséus à telle nécessité, qu’à peine se pouvoit plus soustenir ne deffendre : mais Herculès y survint, par bonne aventure ; et lors commença bataille à l’encontre de Cerbérus, et se retraït Thésèus, pour guarir et faire médeciner ses playes.

» Mais Cerbérus assailloit Herculès de merveilleuse force , et Ilerculès luy Hvroit merveilleuse bataille : et, pour abréger ceste matière, Herculès abatit le chien par terre, et luy vouloit couper la teste , quand Théséus se vint agenouiller devaut Hereulès , et luy pria qu'il luy livrast ledict Cerbérus. Ierculès le fil: et Théséus le prit, et attacha d'une chaisne ; et puis s'en ala Herculés à laportle d'enfer, l'espée au poing , et là trouva grande résistance de feu et de fumée; mais, ce nonobstant, 1l entra dedans ; et là fut ouïe une grande voix et noise,comme ilse combattoit aux infernaux : mais ne demoura guères que celle noise fut appaisée, et ramena devant soy la belle Proserpine , richement veslue el atournée : ct quand Herculès fut commeau milieu du hourd, il prit ladicte Proserpine en une main , son espée en l’autre ; et la courtine fut retirée, ct mis le brevet dehors, tel qn'il estoit acoustumé : dont Ja teneur s'ensuyt :

Hercules entreprit voye moult dangereuse Quand ala en enfer, l'abisme périlleuse.

Cerbérus combatit à la porte douteuse,

Et reprit Proserpine, la belle et la joycuse. Cerbérus signifie péché, le dévoyable,

Qui garde des enfersie gouffre redoutable.

Or soyons Herculës, le vaillant et louable.

Combatons Cerbérus par vertu honnorable ; Portons à Proscrpine un bon secours aidable, Nostre ame retiraus hors de vice damnable.

» Ainsi se continua le banquet de manger et faire bonne chère ; el lantost après sonnèrent les trompettes , et furent les courtines du hourd retirées : et là furent veues deux damoiselles amazonnes à cheval, richement armées, et leurs espées ceintes , et leurs chevaux couverts richement. Leurs chefs estoyent parés de leurs cheveux, blonds et beaux, moult noblement, el porloyent chapeaux de violettes pardessus, et derrière elles ayoyent femmes à pit, en manière de saquemans , armées et cmbattonnées, pour combattre et deffendre : dont les

MÉMOIRES D'OLIVIER DE LA MARCHE

unes portoyent les bacinets, les escus et les glaives desdictes damoiselles ; ct en ceste ordondance firent un tour ou deux parmy le hourd. Et tantost après s’anparurent Herculés et Théséus, montés et armès moult richement, et après eux vyarlets-de-pié, armés et embattonnés comme il appartient ; et si lost que les damoiselles amazonnes aperceurent lesdits chevaliers, elles prirent leurs heaumes, leurs escus et leurs glaives, et les deux chevaliers pareillement se préparèrent pour la jouste ; et incontinent se coururent sus les uns aux autres, et s’entre-rencontrérent très rudement set puis mirent les mains aux espées , et commença la bataille entre les quatre de chevalet les gens-de-pié, qui fut merveilleusement bien combatue et vivement faicte ; et dura la bataille très longuement ; ct, fin de compte , fut la courtine retirée, sans monstrer qui eust le meilleur d'icelle bataille; et fut lebillet mis dehors , tel qu'il sensuyt.

Herculès le vaillant, et le preux Théseus,

En deux femmes armées trouvèrent tels vertus,

Que pour tous les périls où se sont embatus,

Is ne fureut si près d’estre morts ou veincus,

Puis que deux amazonnes el denx féminins corps Contre deux si puissans soustindrent tels efforts, Exemplecst qu'on doitcraindreet bataille et discords; Son enueny douter, foible, manchot ou tors ;

Car on a veu souvent {qui bien en est recorsi

Que les victoires sont où Hieu donne les sorts.

» Après le sixième travail d'Ierculès passé, assez lost après fut la courtine relirée au sou des trompettes , et là fut veu le sep!ième travail, tel qu'il s'ensuyÿt. Premiérement fut veu Herculès armé de toules armes , so promenant seul; et luy vint au-devant un monstre demy-homme et demy-serpent. Celuy monstre avoit la teste armée, et en la main dextre un gantelet et un glaive, et en l'autre main un grand largon ; et quand Hercules aprocha, le monstre fit semblant de parlementer à luy. Ferculès luy respondit par semblant: mais Jerculès prestement luyÿ courut sus, ct le monstre à luy moult fièrement. Mais la Fataille n'eut guéres duré, qu'Herculès le joindit de son espée, et le prit à une main, et de l'autre luy coupa la teste ; mais non pourtant Île monstre ne cheut à terre : dont Herculès de marcha, tout ébahi; et ne se dunnoit garde Herculès qu’il veit que le monstre luyÿ couroit