LIVRE SECOND

sus, et avoit sept testes. Herculès gella la teste qu’il tenoit, et courut sus au monstre moult vigoureusement, et fut la bataille assez longue; mais en fin l’occit Herculès, et tint manière de brusler le corps; et atant fut la courtline retirée , et le rollet mis dehors, qui disoit ainsi :

Herculès ès palus trouva le fier serpent,

La teste luy trencha ; mais tout incontinent

Sept autres luy saillirent émerveillablement ;

Mais toutes les trencha Herculés le vaillant.

Qui un vice rencontre d'aguet ou d'aventure,

Sept autres en viendra par estrange figure,

Et sera fort constant qui n’en aura morsure.

Faisons comme Hercuiès à l'ennemy injure ;

Tranchons-luy les septtestes, qui sont pleines d'ordure, Et nous gardons de faire à vice nourriture.

» Après le serpent des palus occis, pour monstrer le huictième travail d'Herculès , fut la courtine retirée au son des trompettes, comme devant, et là fut veu Herculès armé et embattonné de son escu et de sa massue ; et se promenait devant une cité, remirant la beaulé des maisons et des murailles ; et tantosl saillirent dehors plusieurs géans grans , fiers et hideux, et estrangement embattonnés. Herculès leur courut sus moult vigoureusement , et fil tant en peu d'heure qu'il abatit quatre d'iceux géans, et les autres se mirent à genoux devant luy ; et leur vouloit les testes couper, quand deux citoyens issirent de la cité, quise mirent à genoux ;etluy présenta l’un les clefs, et FPautre luy mit une couronne d'or sur la teste ; et ainsi fut Herculès roy de Cramonne; et atant fut la courtine retirée, et mis un rollet hors, tel qu’il s’ensuyt.

Herculès, remirant les bauts murs de Cramonne,

Unze géans trouva, par manière félonne;

Mais À leur grand pouvoir n'acompta une pronne. Tous les défit, et prit cité, et la couronne.

Hercules cy nous monstre vertueux exemplaire

Que, pour tourbe de gens, pour menace ou pour braire, L'homme chevaleureux ne se doit point deffaire, Mais est digne d’avoir de couronne salaire, Qui contre grand pouvoir ose frontière faire ; Car on voyt peu souvent bon deffendeur défaire.

»Sur ce point furent les tables levées, et commencérent les danses; et plus ne fut faict pour celuy jour.

» Le vendredy suyvant fut faict, et très richement servi, le disner, ès chambres et ès sailes: mais assez tard, pour ce que plusieurs

jcusnoyent pour le vendredy; et mesmement

les Angluis, qui en ont fort la coustume, et

vindreut sur les rangs pour la jouste voir ; et

pour ce que monsieur d'Escalles devoit celuy

jour courir, monsieur le bastard de Bourgon-

gne (qui gardoit le pas), considérant qu'ils estoyent frères-d’armes, et qu'ils avoyent combatu en lices l’un contre l’autre, ne voulut point courre à l'encontre de luy ; mais fit mettre monsieur Adolf de Clèves en sa place, pour garder le pas pour celle fois.

» Ainsi arriva le premier sur les rangs monsieur le comte d’Escalles, frère de la royne d'Angleterre ; et estoit accompaigné de la plus grande noblesse qui là fut ; comme de ceux de Saint-Pol, ses parens, el moult d’autres chevaliers et gentls-hommes, tant anglois, comme bourgongnons, et mesme de monsieur le bastard de Bourgongne, son frère-d’armes, monlé sur un petit cheval, atout une robe longue d'orfévrerie chargée ; et en iceluy point accompaigna mondict seigneur d’Escalles. Le cheval dudict seigneur d’Escalles estoil couvert de drap d'or, my-parti de cramoisy ct de bleu. Il avoit six pages après luy, vestus de mantelines de satin verd figuré. Le cheval que chevauchoit le premier page estoit couvert d’une courte houssure de velours noir, et pardevant à poictral et à rènes ; et esloit chargé de campanes d'argent à façon d’ancolies. Le second estoit couvert de drap d’or cramoisy, à une bordure de velours noir brodée. Le troisième estoit couvert d’une couverture de velours cendrée. Le quatrième estoit couvert d’un drap d’or dehaché, à façon de brodure, à lettres d’or pardessus, où tenoyent campanes d'argent. Le cinquième estoit couvert de pourpre en velours, à une bordure édentée de drap d'argent; et sur ledict pourpre avoit brodure de deux EE acolés ensemble. Le sixième estoit couvert de drap d’argentet de velours cramoisy édenté, et estoit semé de grosses campanes d'argent, Le septièmeesloit mené en main, et estoit couvert de velours bleu, à deux faces d’ermines chargées de grosses poires d’argent; et estoit celle couverte bordée de damas violet, brodée de deux EE à sa devise ; et certes le chevalier estoit bel homine d’armes, et bien séoit sur son cheval. Pour les causes que j’ay devant dictes se présenta monsieur Adolf de Clèves,

seigneur de Ravestain, à l’encontre du chevalier anglois, son cheval couvert d'une riche couverle d’orfèvrerie d’or et d’argent, à manière de figures, sur velours cramoisy ; et à la vérité celle demie heure fut bien joustéc el employée , car le chevalier anglois rompit onze lances ; mais 1l perdit la verge d'or, pour ce que mondict seigneur de Ravestain en rompil dix-sept, franchement rompues ; il n’est pas à oublier le méchef qui avint à celle heure et jouste ; car moandict seigneur le baslard de Bourgongne eut un grand coup de pié de cheval au-dessus du genouil, dont il fut très-grièvement! blécé, et cn trés-grand danger, s’il n'eut esté bien secouru par bons chirurgiens, et par cest empescheient ne peut fournir son emprise ; mais lout blécé qu'il esloil, fit maintenir et garder ie pas, à ses despens, de houssures et de toutes autres choses, comme ilavoit encommencé ; el ne courut homme pour la garde dudict pas, ne mondict seigneur de Raveslain, ny autre, qu'il ne courust, ës couvertes et pareures, à la dépense de mondict seigneur le bastard. Qui fut grande et coustable chose, comme chacun peut légèrement voir. Mais atant se lait le compte de ceste matière ; et reviens à la fourniture du pas, et comment il fut entresuy vi.

» Le second qui se présenta pour celuy jour fut monsieur le comte de Roussi, fils de inonsieur le comle de Sainct-Pol, connestable de France. Il avoit devant luy trompettes et clairons à grande foison, et officiers-d armes qui l’acompaignoyent; et celuy qui venoit droit devant luy estoit un pelil nain de Constantinoble, servileur du roy d'Angleterre, que madame de Bourgongne avoit amené avecques elle pour voir la feste. Cestuy nain esloit monté sur un petit cheval, et vestu d’une robe de velours noir à une bande blanche, et portoit en sa main dextre un papier, en manière d’une requeste ; el en son bras, attaché à un lasset, une clef, qui servoit au mistère qui s’ensuyt. Après venoit un grand chasteau, richement paré et étofé. Iceluy chasteau cesloit faict à quatre tours, et à quatre pans de murailles, et à une grand’porle qui se pouvoil fermer et ouvrir ; et là dedans estoit monsieur de Roussy sur son cheval, armé de toutes armes. 1] avoit après luy six chevaux de pareure. Le premier

MEMOIRES D'OLIVIER DE LA MARCHE

estoit couvert de velours noir, chargé, moul. espès, de campanes d'argent en manière de poires. Le second de satin cramoisy, à grans feuillages, en brodures d’or, et gros boutonsde mesme, dont la pareure de fleur estoit argentée, et estoit celle houssure frangée de franges noires. Le troisième estoit de brodure semée et massonnée d'or et d'argent, et par-dessus semée de larmes d’argent de brodure ; et la brodure d’icelle estoit entassée d'or très-richement; et pour enrichir la massonnerie, y avoit grans violiers de romarins, vermeils et blancs, à grandes letires de sa devise parmy ; et certes la couverture me sembla très-riche. La quatrième couverte estoit chargée d’orfèvrerie blanche ; la cinquième de brodure, à grandes feuillages d’or, avecques lettres meslées, et semées de larmes d'argent; et fut celle cinquième couverte de satin noir, brodée en lettres grecques de brodure. La sixième estoit de drap d’or cramoisy, frangte de franges noires ; et n’est pas à oublier que tous ses pages furent habillés de mantelines, chacun à la parure de la houssure ; et pour vous donner à entendre le mistère du nain, de sa requeste et de sa clef, il sembloit qu'il tinst le chevalier prisonnier, par le commandement d'aucune dame, et qu'il désirast sa délivrance ; ct à celle fin, quand le chastel fut au-devant des dames, se partit le nain, et ala devers les dames présenter sa requesle, qui disoit ainsi : « Excellentes, hautes et nobles princesses, da-

» mes et damoiselles, le chevalier, prisonnier

» de sa dame, vous fait très-humble révérence. » Son cas est tel que Danger lient la clef de » ceste prison, et l’a mis ès mains de Petit-Es- » poir, son serviteur ; el n’en sera jamais tiré » ne délivré, si ce n’est par la bonté et pitié » de vous. Parquoy supplie ledict chevalier » prisonnier, à vous très-excellen es, très- » hautes et très-puissantes princesses, dames » et damoiselles, qu'il vous plaise, de vostre » grâce, assembler vostre très-noble et très- » vertueux collège féminin (car entre plu- » sicurs s’en pourra trouver la voix d’une, et » telle que Danger ne voudroit ne pourroit » luy faire refus de la délivrance du chere » lier), à celle fin qu'il soit commandé à Petit- » Espoir, qui le meine, qu’il le déferme et dé- « livre de cesls prison tant douloureuse, Car

» autrement (s’il n’estoit à son délivre) il ne » pourroyt courre à celuy noble pas, n’achever » ne fournir l'aventure de l’Arbre d'or. Ce » qu’il désire de tout sun cueur, et de demou- » rer très-humble serviteur de vous, et de » toutes nobles dames. »

» Après la requeste ouye par les dames, le congé ful donné de déprisonner le chevalier ; et vint Ie nain atout sa clef, et en ouvrit la porte ; et saillit ledict chevalier dehors, armé de toutes armes, son cheval couvert de satin blanc, brodé de grandes lettres d'or à sa devise, et son escu estoit de mesmes ; et en tel estat et ordonnance vint prendre le bout de la lice. A l'encontre de luy se présenta Charles de Visan, gardant l'Arbre-d'or pour celuy jour, en l'absence de monsieur le bastard. Son cheval estoit couvert de satin blanc, semé el brodé d'arbres d’or ; et coururent leur demne heure; mais monsieur de Roussi gaigna la verge d’or ; car il rompit huict lances, et ledict Charles n’en rompit pas tant.

» Le troisième qui se présenta pour celuy jour fut Roskin de Rochefay, premier escuyer d’escuyerie de monsieur le duc de Bourgongne. Il avoit devant luy deux chevaliers de la Toison : c’est-à-sçavoir monsieur d'Auxi et messire Philippe de Crèvecueur , et deux autres escuyers. Ils estoyent habillés de palletots d’orfévrerie à sa devise, et pareïllement ceux qui le servoyent à pié. Son cheval estoit couvert d’une couverte de velours verd brodée de blanche orfèvrerie, à grandes letts-es à sa devise, très-richement. À l'encontre de luy se présenta ledict Charles de Visan, garde du pas. Son cheval estoit couvert d'ermines, à une grande brodure de martres. Et coururent leur demiebeure très-bien et roidement, l'un contre l’autre ; mais ledict Roskin gaigna la verge d'or ; car il rompit onze lances, et ledict Charles n’en rompit que dix ; et à la course des planchons firent une très-dure alleinte , et rompit ledict Roskin le sien. Ainsi se partit la jouste pour celuy jour, sans autre feste n’assemblée , pour ce que la pluspart des gens jeusnoyent, et estoit jour de poisson, qui ne sont point jours propres pour banquets ne festimens.

» Le samedi septième jour d’icelle feste, se fit le diner , comme celuy de devant ; el vindrent