LIVRE SECOND

les dames sur les rangs pour voir la jouste, et là furent plantés deux blasons à une fois ; c'est-à-sçavoir celuy de messire Jehan de Ligne et celuy de messire Jaques de Harchies, deux chevaliers de Hainaut, tous deux chambellans de monsieur le duc. Les deux chevaliers entrèrent en la lice à une fois, par le congé des juges. Leurs chevaux estoyent couverts tous parcils (car, fust à la guerre ou à la paix, 1ls ont tousjours esté compaignons); et estoit leur pareure de velours violet à une bordure de velours noir, chargée de campanes d'argent très-richement , et de lettres de brodure d’or à leurs devises. Et courut ledict messire Jehan de Ligne premier. A l'encontre de luy se présenta messire Philippe de Poictiers, qui garda le pas pour celuy jour. Son cheval estoit enharnaché d’un harnois d’orfévrerie blanche. Et gaigna ledict messire Philippe la verge d’or, pour ce qu'il rompit neuf lances, et Jehan de Ligne n’en rompit pas tant; et prestement retourna ledict messire Philippe, garde du pas, dedans la porte dont il estoit issu, pour changer la pareure de son cheval, comme il estoil accoustumé; et tantost revint après, dehors, sur un cheval couvert de satin, à couleur de fleur de pesche:', brodé à grands arbres d’or. Et ledict messire Jaques de Harchies (qui avoit atterdu son compaignon) se présenta d'autre costé, pour son emprise fournir; et coururent moult bien et deuement d’un costé et d'autre. Si y eut plusieurs grandes atteintes, et rompirent plusieurs lances non comptées ; et n’y eut hommes qui si près marchandast le prix sur monsieur d’Arguel, que fit ledict messire Jaques de Harchies ; car 1l rompit douze lances ; mais toutesvoyes perdit il la verge d’or, pour ce que ledict de Poictiers en rompit trèze ; et à la course des planchons, rompit ledictüe Poictiers le sien: et ainsi firent les deux chevaliers une belle jouste.

» Après entra messire Philippe de Crèvecueur, seigneur des Cordes. Il avoit devant luy dix chevaliers de la Toison, et deux autres escuyers vestus de palletots de drap d’or cramoisy. Le cheval de Iuy estoit couvert d'un drap d’or cramoisy , et son escu de mesme ; et après luy avoit trois chevaux de pareure, dont le premier estoit couvert de drap d'or cramoisy comme le sien ; le second, de drap d'or

verd , et le tiers, de drap d'or bleu. Ainsi fut sa pareure de quatre chevaux , de drap d'or; el dessus les trois chevaux qui le suyvoyent avoit trois petits pages veslus de satin cramoisy, et par-dessus de mantelines blanches et verdes, semées de larmes d’or en brodure ; et estoyent en manière de gorgerins de fil d'or, brochés autour de leur col. Il avoit onze ou douze hommes de pié, à journades de mesme ; et fit son tour parmi les rangs, mené par le géant, comme il estoit de couslume. À l'encontre de luy se présenta messire Philippe de Poictiers, garde du pas. Son cheval estoit couvert de velours bleu, chargé de grosses campanes , moilié dorées et moilié blanches, et sur la croupe de son cheval une grosse pomme d'argent dorée. Et d'ivcelle emprise gaigna ledict messire Philippe de Crèvecueur la verge d’or; car il rompit neuf lances, et ledict de Poictiers n’en rompit que six.

» Après se présenta messire Jehan d'Oudevile, un chevalier anglois , frère de la royne d’Angleterre et de monsieur d'Escalles. Il avoit devant luy , pour l’acompaigner , dix nobles hommes veslus de journades, my-parties d’une part de satin figuré, comme cramoisy, el d’autre part d’un salin figuré , assez sur estraage couleur. Son cheval estoit couvert de drap d’or blanc , à une brodure de drap d'or cramoisy. I avoit après luy quatre chevaux de pareure, dont le premier esloit couvert de drap d’or, my-parti de cramoisy et de bleu; le second, de drap d’or noir, et le tiers, de drap d’or cramoisy ; et faisoit mener un destrier en main par un gentilhomme vestu de velours noir, monté sur un cheval couvert de velours viole , chargé de poires d’argent blanches et dorées ; et le cheval que ledict gentilhomme menoit en main estoit le cheval dessus-dict, couvert de drap d’or noir. Ses pages estoyent vestus de mantelines, comme ses serviteurs.

A l'encontre de luy se présenta ledict messire Philippe de Poictiers, sur un cheval couvert de martres sebelines , à une bordure d’ermines , de la longueur de la beste. Ils coururent l’un contre l’autre moult vivement :

et gaigna ledict de Poictiers la verge d’or, pour ce qu’il rompit sept lances , et ledict messire Jehan d’Oudoville n’en rompit que cinq.

MEMOIRES D'OLIVIER DE LA MARCHE

» Le dernier qui se présenta pour celuy jour fut le seigneur de Ternant, lequel entra dedans les lices sur un cheval couvert d’un riche drap d'or cramoisy, semé de grosses campanes d'argent. Il esloit acompaigné de cinq nobles hommes vestus de journades de satin violet.

Et tantost se présenta à l’encontre de luy ledict messire Philippe de Poictiers, sur un cheval couvert de drap d'argent ; et quand ledict seigneur de Ternant eut couru trois courses à l'encontre dudict de Poictiers , il tint manière que la couverte de son cheval le détourboit de courir. Si fit son cheval déharnacher, et demoura le destrier harnaché de drap d’or cramoisy, semé de campanes d'argent de mesine la housseure ; et en cest estat acheya son emprise, et gaigna la verge d'or, car il rompit plus de lances que ledict de Poictiers. Ainsi se passa celuy jour de samedy, sans autre chose faire qui à ramentevoir face, pour ce qu'il estoit jour maigre comme le jour précédent, et n’y fil on nulle assemblée celuy Soir.

+ Le dimanche, huic!ième jour d’icelle feste, fut le disner par les chambres, et par les salles, grand ct plantureux, et lousjours de plus en plus ; et après le disner on ala sur les rangs pour veoir le pas et la jouste, qui se continua en grandes pompes : dont le premier qui se présenta pour iceluy jour fut un escuyer de noble maison, nommé Pierre de Bourbon, seigneur de Carenci, cousin germain du comte de Vendosme. 11 envoya présenter son blason (qui estoil armoyè des armes de Bourbon, à pelite diférence; car il en portoil le nom et les armes), et tantost se présenta ledict sergneur de Carenci sur un cheval couvert de velours cramoisy , bordé de drap d’or noir ; son escu esloil de mesme , et avoil dedans deux os en brodure de fin or; dont l’un estoit un O d’une lettre, et l’autre l'os d’un cheval, qui estoitsa devise. Ilavoit {rois chevaux de pareure après luy, dont le premier estoit couvert de drap d’or noir , le second de velours bleu; et avoitle cheval un riche chanfrain de brodare , et un plumas de mesme ; el estoil ladicie couverture chargée ce campanes d'argent faictes à la façon des deux os de son escu. Le tiers estof couvert de drap d'or violet, et dessus iceux estoyent ses pages, veslus de mantelines de

satin figuré bleu, et pourpoints de velours noir ; et estoit acompaigné de quatre nobles hommes vestus de mantelines de salin violet, brodé, devant et derrière , à sa devise dessusdicte. A l'encontre de luy se présenta ledict de Poictiers sur un cheval couvert de drap d’or bleu , bordé et santonné de velours cramoisy ; et gaigna ledict de Poictiers la verge d’or; car il rompil sept lances, et ledict seigneur de Carenci n’en rompit pas tant.

» Le second qui se présenta pour iceluy jour fut le seigneur de Contay, un chevalier de Picardie, chambellan de monsieur de Bourgongne. Son cheval esloit couvert de drap d'or noir , et son escu de mesmes. Il avoit après lui un page seulement, monté sur un cheval couvert d'un riche drap d'or cramoisy. Et prestement se présenta à l'encontre de luy ledict messire Philippe de Poictiers sur un cheval couvert de drap d'or, à une croix de Sainct-André de damas blanc, et bordé de mesme ; et avint que lesdicts chevaliers ne coururent guères l'un contre l’autre; car ledict seigneur de Contay blécea, d’une alleinte, iedict de Poicliers, tellement qu’il le convint désarmer.

» Et, en ensuyyant l’ordonnanee du pas, fut l'horologe couché, afin que le sablon ne courusi à perte ; et ne sçavoit on comment faire ; car le jour s’en aloit, et ledict de Contay n’avoit point achevé son temps, el ne pouvoit estre un autre armé pour la garde du pas, qu’il ne fust bien tard. Si fut avisé par les juges que le marquis de Ferrare (qui estoit à l'entrée de la lice , et avoit son tour de courir après ledict de Contay) fourniroit, comme garde du pas, le demourant des cour:es audict de Contay, par tel convenant que, les courses achevées , ledict de Contay fourniroit audict marquis, comme garde du pas, l’emprise dudict marquis : et ainsi fut faict.

» Le marquis de Ferrare entra dedans les lices, à douze chevaux de pareure ; c’est à sçavoir six couverts de riches couvertures et six barnachés de harnois d’orfévrerie. Ses pageset ses serviteurs, qui cheyauchoyent sesdicts chevaux, esloyent habillés de palletots d’orfèvrerie; dont le cheval sur quoyilestoit, estoit couvert de drap d’or bleu, chargé de grandes lettres à sa devise, et brodé d’orfévrerie blanche et dorée. La seconde estoit de velours verd, à