LIVRE SECOND. À

Au milieu d'icelle salle avoit trois tables drécées, mises du long. En la première estoyent assis huissiers el sergens-d’armes ; en l’autre, roys-d’armes et héraux ; et en la tierce trompeltes et ménestriers ; et au regard du service, il fut grand et solennel, et de plus en plus en mulliplication de plats et de viandes. Et sur la fin du disner se levèrent roys-d’armes et héraux, et vestirent leurs cottes-d'armes ; et puis prirent deux roys-d’armes un batton, et le mirent sur leurs espaules ; et sur iceluy batton portosent les deux roys-d’armes un grand sac plein d'argent, et vindrent crier, devant la pere sonne de monsieur le duc, « Largesse , » comme il est de coustume, et parcillement ès deux bouts de la haute table ; et puis s’en allérent parmy la salle, et trompettes et clairons sonnèrent, tellement que tout retentissoit. Après les tables levées et grâces dictes, tandis qu’on ala quérir les espices, vindrent les officiers d'armes de sa maison devant luy ; et là publiquement il changea les noms de plusieurs, et fit, des héraux, roys-d’armes et mareschaux, et, de poursuivans, héraux ; et de nouveaux poursuivans baptisa il, comme il est de coustume. Et ainsi se passa la solennité et triompho d'icelle feste ; car lendemain, pour une affaire qui survint à mondict seigneur au païs de Holande, il se tira celle part, et prit congé de la duchesse de Nolfolck et des autres seigneurs et dames d’Angleterre, et leur donna dons, chacun selon sa qualité, et aux nobles hommes et aux dames. Et atant se taist le compte de cesle noble feste, et ne says pour le présent chose digne de vous escrire, fors que je suis le vostre. »