CHAPITRE XIV

Comment ceux de Bruges el de Gand firent de rechef guerre au roy des Rommains, sous la conduitte de monsieur Philippe de Clèves; et comment cette guerre fut appaisee.

Or fut vray que monseigneur Philippe de Clèves, quand vint à pleiger le roy, requit au roy qu'il ne fist point de guerre, jusques à ce qu’il fust hors de sa pleigerie. Ce que le roy avoit voulonté de faire : mais l’empereur et les princes d’Alemaigne descendirent à val le Rhin, et vindrent à Malines , si courroucés et en si grande malveuillance contre ceux de Bruges et de Gand, qu’il n’estoit pas au roy des Rommains de les démouvoir de faire guerre :

et commença la gucrre plus forte que devant de tous costés ; et quand monsieur Philippe de Clèves veit que la guerre recommençoit, et que le roy ne luy avoit pas tenu ce qu’il lui avoit promis, il fit son profit de ceste matière, et fit le serment à ceux de Gand et de Bruges, et aussi au roy de France, de servir leur party bien et loyaument : dont il s’acquitta plus qu'il ne devoit, et recommença la guerre de tous costés. Et le roy de France envoya tantosi gens à messire Philippe, et luy fit des biens en denicrs et autrement, pour l’entrelenir en cesle nouvelle guerre ct voulonté : et luy disoient les François qui venoyent devers luy, que le roy de France le feroit connestable de France. Et on s’abuse bien sur moindre espérance.

L'empereur et les princes alèrent devant Gand : et quant ils virent la puissance de la vile, ils coururent le païs de Flandres, et principalement ce qu’ils entendoyent qui estoit ennemy du roy des Rommains et de monsieur son fils , et après avoir demouré certain temps au païs, l’empereur et les princes se délibérèrent d’eux*en retourner en Alemaigne, et revindrent à Brucelles : et certes 1l y avoit une belle compaignie de princes et de gens-d'armes tant des viles comme autrement, ets’ensuyvent les noms des princes d’Alemaigne qui descendirent en espérance de tirer le roy des Rommains hors de prison : c’est-à-dire l'empereur Fredérik d’Austriche , père du roy des Rom-

mains ; le marquis de Frédérik de Brandebourd, le marquis Simon son frère, le duc de Bronswik , le duc Hoste de Bautere , le duc Christofle de Bavière, le duc de Wolfkam de Bavière son frère, le duc Albert de Sasse et son fils, le duc de Juilliers, le marquis de Bade et son frère , le lantgrave de Hessen, et plusieurs autres comtes , barons, chevaliers et grand peuple : et certes c’estoit une puissante armée, et de gens bien délibérés : et estoyent étoftés d'argent et de vaisselle, et monstroyent bien qu'ils estoyent grans princes, et qu'ils venovent pour exercer la guerre. Et quand ils eurent présenté la bataille devant Gand et au milieu de Flandres, et qu'ils virent le roy des Rommains hors de prison , ils conclurent d’eux en aler en Alemaigne, et tindrent conseil pour laisser l’un d’eux au gouyernement de monsieur Philippe, arcneduc , et de ses païs ; et conclurent de laisser le duc Albert de Sasse pour lieutenant du roy des Rommains : car il faloit que le roy retournast en Alemaigne, tant pour les affaires de l’empire , comme aussi pour certaine guerre particulière que l’empereur et le roy avoyent, et dont je parleray cy-après. Et certes ils ne pouvoyent laisser meilleur lieutenant ne gouverneur par deçà que le duc de Sasse : car il s’y est bien aquité, si loyaument et si honorablement, qu’il en sera tousjours à priser et louer.

Sur ceste ordonnance, l’empereur et les princes d’Alemaigne s’en relournèrent chacun en son païs ,et le duc de Sasse se trouva obéï des grans et des pelits : et tellement se conduisit, que chacun le doutoit et aimuit ; et au regard de monsieur Philippe de Clèves, il fit la guerre ayecques les François et Gandois, et mena de prim-saut son prince, le jeune archeduc, à ce qu’il n’avoit en Brabant n’en Flandres que trois viles qui ne luy fussent contraires : et lesdictes trois viles furent Malines, Anvers et Bosleduc : et certes ( puis qu’il en vient à parler ) Malines garda le prince songneusement et bien: et ( que le prince ne doit jamais oublier ) ils firent floiter les eaues autour d'eux, avec gros boulovarts qui gardoyent les passages. Ils firent grand guet et grande garde , et tellement qu'ils rendirent de leur prince bon compte à