LIVRE SECOND

l'empereur , qui à cesle cause en fit compte, et fit chevaliers messire Philippe Carreman , et autres de ladicte vile, pour ce qu’ils s’estoient si bien conduits au service de son fils, leur prince. Et ainsi se continuoit la guerre de tous costés, et avoit messire Philippe de Clèves un grand avantage : car il avoit le chasteau de l’Escluse , que le roy des Rommains luy avoit baillé, en fiance qu'il le serviroit dudict chasteau ; et il en feit tout le rebours : car par iceluy chasteau il fit bonne et forte guerre au roy et à monsieur sonfils, combien qu'il disoit et faisoit publier par tout que ce qu'il faisoit , il le faisoit pour lebien et utilité dujeune archeduc son prince.

En ce temps, monsieur de Sasse fit une assemblée de gens-d’armes et s’en ala contresiéger l’Escluse ; et luy vint en aide, de par le roy d'Angleterre, une bonne bande d’Anglois , et furent longuement devant l’Escluse ; mais peu y profitèrent. Et en cedict temps monsieur de Ravestain , pére de messire Philippe, envoya un officier-d’armes , à présent royd'armes de Hainaut , et manda audict messire Philippe son fils qu’il se déportast de celle guerre , et qu’il fist apointement avec l’archeduc son prince , et ce dedans certains jours : et au cas qu'il ne le faisoit , il luy déclairoit qu’il feroit son héritier l’archeduc, et que jamais il n’amenderoit de chose qu’il eust vaillant, et luy mandast pour la dernière fois ce qu’il vouloit qu’il fist. Ledict messire Philippe fit rendre response : mais 1] pensa sus au dommage qu'il pouvoit avoir de désobéyr à son père : et de là en avant fut plusgracieux en réponse qu’il n’avoit esté. Et le duc de Sasse poursuyyoil sa guerre , et reconquesta Saintron, Tieulemon , Geneppe et plusieurs autres viles et chasteaux. En ce temps, le seigneur des Cordes, acompaigné de grand nombre de François , entra au West païs de Flandres, et s'arresta à Nieuport: mais, à l’aide du souverain de Flandres nommé messire Daniel de Morquerke, et de Denis de Morbecke, ladicte vile de Nieuport luy fut si bien deffendue qu’il n’y gaigna rien ,et y fut ledict seigneur des Cordes blécé. Par quoy il convint qu'il s’en retournast en son quartier pour se faire guarir. Et ainsi fut le siége levé.

Et en ce mesme temps les Gandois firent une

594 MEMOIRES D'OLIVIER DE LA MARCHE

prise pour cuider gaigner Dixmuyde, et y mirent le siôge : auquel siége tirérent les François qui estoyent devant Nieuport, et plusieurs autres de leur party : et prestement et diligemment Denis de Morbecke et Raouland Le Fèvre , lors receuveur de Flandres , tirèrent à Calais et élevèrent une bonne compaignie d’Anglois et de gens-de-bien, qu’ils amenèrent pour lever le siège : et les acompaignèrent tous les nobles et toute la commune dudict Westpaïs: et se trouvèrent si bon nombre, qu'ils se délibérèrent de combatre ceux qui teuoyent le siège : et à l’aborder eut grande meslée d’archers et traict-à-poudre, et fut tué un chevalier anglois, nommé ...... moult vaillant chevalier, et de bon lieu : et fut la conclusion de la bataille telle, que les François et les Flamans, tenans party contraire, y furent déconfist : et y mourut grand nombre de gens, car les Anglois n’en prenoyent nuls à mercy, pour le déplaisir qu'ils avoyent du bon chevalier qui estoit mort en ceste bataille : et ainsi le roy Henri d'Angleterre permettoit que monsieur le jeune archeduc fust servi de ses gens : et firent les Anglois à mondict seigneur de bons services celle saison. Tant fut parlementé entre le duc de Sasse et messire Philippe de Clèves , qu’apointement y fut trouvé tel qu'il rendroit le chasteau de l’Escluse, et le mettroit ès mains du comte de Nassau , et le roy et monsieur luy pardopneroyent toutes offenses passées, et luy rendroyent sa pension ( car sans icelle ne pouroit il vivre). Et ledict messire Philippe renonçoit et quitloit toutes autres aliances , promesses et sermens , pour se roudre bon et loyal suget de mondict seigneur l’archeduc : et pour abréger mon escriture, le traitté fut faict, acompli et acepté d’une part et d'autre : et par ce moyen entra mondict seigneur de Nassau au chasteau de l'Escluse, et la vile luy fit de nouveau serment. Et pour que mondict seigneur de Nassau pe s6 pouvoit arrester ne vaquer au chasteau de l’Escluse, il y commit pour son lieutenant un escuyer bourgongnon nommé Philippe d’Alles, et mit dehors les soudoyers et serviteurs de messire Philippe. Et ainsi fut la paix faicte, et ceux de Gand rançonnèrent les prisonniers qu’ils avoyent : comme le chancelier de Bourgongne, l'abbé de Sainct-Bertin, et les

principaux et les plus riches des Alemans, et en tirèrent de grands deniers : et encores fut au bien venir qu'il ne les firent mourir en prison.

En ce temps se mit avec ceux de Gand un mécanique menant la charrue ; mais bel homme estoit, et eut tantost autorité à Gand. Mais l’autorité ne luy plaisoit guères, comme bien le monstra ; car, entre les commissions qui luy furent baillées, on luy bailla charge, avecques cinq cens hommes, d’aler garder le pont à Dunze; et luy, qui avoit tousjours une voulon-

té de quelque bien faire , quand il fut hors de

la poric de Gand il parla à ses gens, et leur remoosira qu’on l’envoyoit et eux avecques luy, afin qu'il fust tué, et sa compaignie: car ils n’estoyent pas puissans de faire ce qu'on leur commandoit, Si conclurent d’eux rentrer en la vile, et de luer tous ceux qui leur voudroyent aucune chose demander; et rentrérent en ladicte vile ,et le premier qu’ils rencontrèrent fut Coppenolle, qui leur dit assez maistrisamment pourquoy ils ne faisoyent ce qui leur estoit commandé. Et le charruyer (qui estoit grand et puissant) haulsa une hache, et frapa Coppenolle en la teste, et le porta par terre, et là fut assommé des gens dudict charruyer, et en y eut de tués, et les autres s’enfuirent : et demoura le charruyer le maistre à Gand pour celle fois. Coppenolle mort, les bons et les sages de la vile de Gand commencèrent à parlementer de paix avecques le prince ; et à quérir ceste paix tenoit fort la main messire Philippe Vilain (qui tenoit le parti des Gandois); et fut ladicte paix trouvée par ce moyen en toute Flandres.

Je laisse beaucoup de choses avenues, pour parler seulement des plus grosses matières, et comment elles furent conduittes. Je ne parle point de la mort de monsieur de Raceguyen, que messire Philippe de Cièves fit tuer en alant ensa maison, pour ce seulement qu'il avoit congnu son cas, et qu’il se délibéroit de tenir le parti du roy des Rommains, et de monsieur son fils. Si soit pris en gré ce que j’ay peu retenir d'’icelle guerre, et du débat du roy et de messire Philippe de Clèves; etsije n’ay tout mis par ordre, au moins ay je dit la vérité, et récilé ce qui en est venu à ma congnoissance.

Or ay je devisé grand’partie et le plus beau de ce que j’ay veu de mon temps; toutesfois, à cause de ma vieillesse, je n’ay peu estre par tout ; si ne me puis je tenir, combien que ce soit contre ce que j'ay dit au commencement de mes Mémoires que je ne parleroye ou escriroye que de ce que j'aye veu de mon temps; et aussi 11 me seroit bien dur que je n’escrivisse du roy des Rommains ce dont je suis au vray averly, car j’ag veu, dès son commencement, tant de vertu, de sens et de vaillance, que ce me sembleroit grande faute à moy que je ne ramenteusse comment 1l a poursuivy, qui a lousjours esté de bien en mieux.