LIVRE SECOND
na sondict fils en son païs de Brabant, et par ce moyen fut la paix faicte entre le roy et les Flamans. |
Il ala courre devant Tournay, où estoyent les gens-d’armes de France, el leur présenta la bataille devant les barrières dudict Tournay. Il déconfit le seigneur des Cordes et la puissance des François devant Guignegate; et y eut beaucoup de François, archers, et autres gens-d'armes morts et tués. Il gaigna Malaunoy, Sainct-Venant et Waurin, tenant le parti de France; et depuis il gaigna Teroucnne; et du costé de ceux de Liège, il soustint contre leur mauvaise voulonté, et gaigna sur eux Tongres el Saintron; et sous luy furent déconfits les gens de messire Guillaume d’Aremberch, et depuis s'appaisa le faict de Liége. Du costé d'Utrecht 11 gaigna la cité par deux fois en un même siége , et les fit venir à appaisement ; et pour abréger mon escrit, si jeune qu’il esloit, il fit choses dignes de mémoire. I] présenta, au Pont-à-Lessau, et plus avant, outre le Pont-à-Vendin, la bataille au roy de France, qui estoit à Arras, fort accompaigné de gens-d’armes. Et de ces choses j’ay veu la plus part en son service; et du surplus j’en suis si bien acertené que je le puis et doys escrire.
Il est donc temps que j’escrive de ses hauts faicts ce que je n’ay pas veu, à cause de mon ancienneté ; mais je ne diray chose que je n’en soye bien accrtené. Et faut entendre que le roy s’en retourna en Alemaigne, pour ayder à l'empereur son père à recouvrer les Lerres que le roy Mathias luy avoit prises, et non pas seulement le royaume de Hongrie, mais avoit conquis la plus part d'Austriche ; et avint que le roy Mathias mourut (auquel le roy des Rommains avoil jà commencé la guerre), et en assez'peu de Lemps le roy des Rommains reconquit toute la duché d’Austriche (où il acquit un grand honneur), et puis se bouta en ce royaume de Hongrie (où il trouva grande résistance), et vint devant la vile d’Albérégale, où 1l trouva deux des capitaines du roy Mathias, et bien huict cens combalans et gens de guerre, sans y comprendre ceux de la vile, qu sont lous gens de deffense. Il fit assaillir Albérégale de toutes pars, et là eut de grandes armes faictes d'une part et d’autre, et là fit on
plusieurs chevaliers nouveaux ; et y fut chevalier messire Hugues de Salins, seigneur de Vincelle, bourgongnon, et des autres largement; dont je ne sçay à parler, pour ce que ce sont Alemans, et n’en congnoy les noms; el aussi les Alemans ont accoustumé de se faire chevaliers à plusieurs fois, et en tous les bons lieux où ils se trouvent; parquoy je me passe de les ramentevoir. Pour conclusion, Albérégale fut gaignée d’assaut par des gens du roy des Rommains (où l’on trouva mervyeilleusement de biens); et à lant le roy se délibéra de tirer à Bude (qui est la maistresse cité du royaume de Hongrie), et n’y a point de faute qu’il n’eust gaigné la cité de Bude ; mais ils ne peut avoir ses gens hors d’Albérégale, pour trois raisons. La première, ils ayoyent si grand butin et grande proye gaignée audict Albérégale, que nul ne vouloit abandonner son profit et sa part dubutin. Secondement, ils trouvèrent à Albérégale tant de vivres, de vin, de chair et de pain, que soixante mille hommes ne les pouvyoyent déconfire. Tiercement, le payement estoit failli; et est la coustume des Alemans que s'ils estoyent payés jusques aujourd’huy, et demain il y avoit essaut ou bataille, ils entendent qu’il leur est deu nouvel argent ; et ceux qui cricyent le plus-haut, c’estoyent les lansquenets et les gens-de-pié ; et, conclusion, ils ne voulurent point marcher avant. Mais s’en revint le roy en Austriche, où il reconquit plusieurs places et chasteaux que le roy Mathias avoit gaigné sur l’empcreur son père; et en moins de six mois il reconquit tout ce que le roy Mathias avoit mis six ans à conquérir ; et pour ce que le roy de Boesme estoit prochain parent du roy des Rommains, ils firent un apointement que le royaume de Hongrie demoureroit à iceluy roy de Boesme, sa vie durant seulement, sans-en pouvoir faire sens ne folie ; et donneroit au roy des Rommains tous les ans cent mille ducats de Hongrie. Et ainsi le roy des Rommains s’asseura, pour luy et ses hoirs, du royaume de Hongrie.
En continuant de parler des vaillances du roy des Rommains, il gaigna viles et chasteaux en la comté de Bourgongne sur le roy de France : et si bien y exploita, que ladicte comté est demourée à monsieur son fils, com-
MEMOIRES D'OLIVIER DE LA MARCHE
